رجيمي .. ماكدونالدز..كاكاو..ايس كريم و ينزل ...!!

[حياة ريلي]

انا يا حلوات اخترعت لي رجيم صارلي اسبوع ماشية عليه نزلني كيلوين و الرجيم كالتالي :
اكل اللي ابيه و لكن بحدود 1200 سعر حراري و اروح النادي اقل شي 5 مرات بالاسبوع
اللي حصل اني سافرت قبل شهر ووزني كان 75.5 و كنت احاتي اني امتن لان صارلي فترة من رجيم لي رجيم اصعد و انزل .
ما اطول عليكم .. وانا مسافرة مع زوجي كان صعب علي اني ما اكل و اسوي رجيم لان اكلنا كله بيتزا و باستا و برد و هالسوالف المهم خلال اسبوع طق وزني 77 خفت و حاولت اسوي رجيم ما قدرت و اللي معاي اشذنبه ؟؟!!
المهم قمنا لما نطبخ بيتزا المثلجة اقرا الكالوريز اللي بالدائرة كلها تطلع الوحدة على حسب النوع بين 800 كالوري و 1000 قمنا بدال ما نسوي 2 نسوي وحدة و نتشارك .. وكنت اشرب طول اليوم ايس تي و اكل ماجنوم برد قمت اشرب نص البطل .. المهم ما اطول عليكم ( اشدعوة للحين مو مطوله :s141 المهم بالكويت وصلت و الا وزني رجع 75 و نص قمت رحت الجمعية و شريت التالي :
كتكات بو صبعين : 107 كالوري
برد 3 انواع فرنسيين يصير عود و بعضهم بسكوت الواحد فيه 60 كالوري
جيلاتين بدون طعم اللي نستخدمة بالحلو
و كورن فلكس كاكاو لان السعرات اللي فيه مثل اللي بالسبشل ك و فتنس ( قاصين علينا ) :flower:
المهم يومي عبارة عن التالي :
الريوق : كوب كورن فلكس كاكاو + كوب حليب خالي الدسم 200 كالوري
الضحى : عصير اناناس كي دي دي 125 كالوري
الغدا: دبل تشيز برجر ماكدونالدز او 2 بيف برجر 500- 540 كالوري
المغرب : 2 ايس كريم 130
او ا كتكات 107
او حبة فاكهة 70
بعد النادي : طاسة جلي ليمون 5 كالوري
العشاء : شوربة اي نوع طاسة او طاستين و سلطة 200 كالوري :botetoo:
و عليكم الحساب و اروح النادي العب رياضة عادية مو خفيفة و لا خطيرة .
اليوم الوزن بعد 5 ايام 73.5
الجلي اسويه بعصير ليمون فرش مع ماي و جلي و محلي صناعي يصير ما فيه كالوري :082502bye_prv:
الفكرة انك تترسين معدتك و ما تجوعين من الاشياء الخفيفة مثل الشوربة و السلطة و تكملين السعرات بالاشياء اللي تخرب رجيمنا مثل الكاكاو و البرد او البطاط او اللي تحبون بس لا تطلعين عن سعراتج الحرارية .
و اللي تحب اساعدها و ما تعرف كل شي اشكثر فيه سعرات تقولي و انا اقولها .
اسفة اني طولت :eh_s(15):​

 

[حياة ريلي]

على فكرة انا طولي 180 يعني مو متينة وايد و المفروض نزولي صعب

 

[حبة خاله]

هلا والله حياة
آنا جربت أسوي هالرجيم لاني أحب الفاست فود (والجنك فود)بس بصراحه ما تزلت بس ما زدت
آنا جربت كل أنواع الرجيمات بس والله ما وسع صدري رجيم كثر هالرجيم

 

[حياة ريلي]

يمكن لانك تاكلين كالوريز كثر اللي تصرفينهم اذا زدتي النشاط او قللتي الكالوريز راح تنزلين

 

[ام بنتها]

وناااااسه مبرووك النزول و احس وزنج بيرفكت على طولج الله يتمم عليج و توصلين اليي ببالج ياارب :*

 

[ام بنتها]

بس متأكده من سعرات ماكدونالدز؟

 

[حياة ريلي]

اي نعم دشي سايتهم او اي سايت حساب سعراتهم تلاقين كل ساندويشة اشكثر فيها
انا عن نفسي سويت مرة رجيم ماكدونالدز مال طالب كان ينزلني اكثر بس يموت يوع
جذي اريح اروح مركز سلطان اشري بهالبرد و الكاكاو و الكورن فلكسات و اكل مطاعم بس احسب الكالوريز ان ما يتعدون 1200 و احرق بالنادي اقل شي 500 5 مرات بالاسبوع .. و اذا صارت لج عزيمة هم احسب الكالوريز بالعيش و صدر الدجاج و السلطة او اللي اكله و ادير بالي و اهم شي ان محد يلاحظ !! يختج من يلاحظون يتسلطون

 

[كيكه توفي]

اي نعم دشي سايتهم او اي سايت حساب سعراتهم تلاقين كل ساندويشة اشكثر فيها
انا عن نفسي سويت مرة رجيم ماكدونالدز مال طالب كان ينزلني اكثر بس يموت يوع
جذي اريح اروح مركز سلطان اشري بهالبرد و الكاكاو و الكورن فلكسات و اكل مطاعم بس احسب الكالوريز ان ما يتعدون 1200 و احرق بالنادي اقل شي 500 5 مرات بالاسبوع .. و اذا صارت لج عزيمة هم احسب الكالوريز بالعيش و صدر الدجاج و السلطة او اللي اكله و ادير بالي و اهم شي ان محد يلاحظ !! يختج من يلاحظون يتسلطون

لووووول اي والله من يلاحظون يتسلطون .. والله يتمم عليج وتوصلين للوزن اللي تبينه يارب

 

[modern]

حلو انتباهك على كميات اكلك

 

[ام بنتها]

ان شاء الله يوفقج و صج رجييم طاالب يهلك و يتعب

انزين بالنادي شكر تقعديين ؟؟ انا شتركه و لا قااعده ارووح احيــر ماادري شسوي لي رحت اقعد نص ساعه في نزاع بين روحي هل ارد البيت ولا اتمرن ولا اسبح لان مالي خلق هههههه مبدعه
و البرد شنو ماركته ؟؟

و مشكووره صرااحه على هالنظاام

 

[•°dl3•°]

نظامج وايد حلو ان شاء الله تنزيلين بصحه وعافيه :

عندي عزومه يوم الخميس ومااعرف احسب السعرات خايفه اخربط:eh_s(11):

 

[حبـ admant ـك]

خوش رجيم يبيله اطبقه

 

[AooDoo]

الله يوفقج وانشاءالله تضعفين

 

[mn.mn]

موفقة حبيبتي

وفعلا رجيم السعرات ما كو احسن منه

بس عيبه يبيلج دايما تحسبين وتراقبين

 

[Q8stylle]

الله يوفقج وانشاءالله تضعفين

 

[حياة ريلي]

الله يسلمكم و يضعفكم بصحة و عافية

 

[حياة ريلي]

دلع : حق العزايم و اللي ما تعرف السعرات احسن شي اختاري بس نوعين من اي شي شوفي شنو اكثر شي مشتهيته و اكلي منة 5 ملاعق اذا كان مثلا عيش او هريس او سلطة دسمة اما اذا كان معجنات اخذي لج 3 قطع بس اي كان الشي بهالكميات ما راح ياثر !! حتى الحلو اخذي لج 3 لقمات ما ياثر او 3 حبات حلو صغار مثل اللقيمات .. و تحاشي العصير و البيبسي و السكر في الشاي عشان توفرين سعرات و اذا حاسة انك ما تقدرين تقاومين او ما تبين تنحرمين خلي غداج يوم العزيمة سلطة و شوربة و لا تاكلين شي العصر و روحي العزيمة اكلي عادي بس لا تخورينه وايد

 

[حياة ريلي]

ام بنتها : البرد نوعين واح من مركز سلطان اسمه : fudgsicle و هذا يكون مثل برد صاروخ بس كاكاو لذييييذ و الواحد فيه 40 كالوري و انا العادة بالسناك اكل 2 .
و في نوع من جيان اسمه : casino و هذا يصير مثل كرة يرد صغيرة على بسكوتة جنة برد ذهب بس صغير و هم في منة انواع انا اخذت اللي على فانيلا و اللي على كاكاو و هذا الواحد في تقريبا 60 ايضا اكل 2

 

[حياة ريلي]

mn mn حقي انا مناسب لان في اشياء اللي ما اعرف احسبها نفس لما انعزم و ما اعرف المكونات بالضبط اكل اللي ابيه و لكن بكميات صغيرة بحيث مهما كانت الاكلة سعراتها عالية ما ياثر و النادي يحرق الباقي
بعدين ايضا اللي مخليه مناسبني اني اسويه مع زوجي واحنا ما عندنا عيال فالبيت مافي مغريات وايد .. و نخلي طلعة الجمعية رحلة استكشاف للاشياء المناسبة للرجيم و لذيييييييذة هو يدور و انا ادور بعدين ما تحسين انج تسوين رجيم يعني امس رحنا مطعم البلد اكلنا اللي نبيه و حلينا بعد بس ما زدنا شي لان ما فينا فجعة عالاكل و لان صار لايف ستايل عرفتي .. و لاني ادري بروح المطعم و ببدع بالخبز خليت غداي بس شوربة و سلطة و توستتين يشبع و لذيذ

 

[حياة ريلي]

ام بنتها : انا لما اروح النادي اسوي كارديو ساعة ( الكارديو اللي هي التمارين القلبية مثل المشي السريع و الركض و الكروس كنتري اللي جنك تتزلجين ) و ساعة حديد ( يوم وترك ابدل بين الجزء علوي امامي و سفلي خلفي يعني يوم اسوي الايد و البطن و يوم اسوي الظهر و الارجل شاااامل كل العضلات طبعا ) و هذا 5 ايام بالاسبوع و اسبح 5 ايام بالاسبوع [/
طبعا هذا تمريني انا بس وحدة عن وحدة يفرق و جسم عن جسم يفرق COLOR]