زوجي وآنا وأختي ! بنات ساعدوني ما أدري شسوي بليييز :(

[poisn girl]

السلام عليكم

بنات آنا رفيجتي قالت لي عالمنتدى
وقلت ماكو غيركم
آنا بنية
عمري 20 سنة
من وآنا صغيرة كانو يقولون لي ولولد خالي أن إحنا حق بعض
لين صارت السالفة صج !
بالأول عبالنا غشمرة .. وإحنا صغار كنا ناخذ السالفة على ضحك
الحين صج تزوجنا
بس آنا أدري أن أهوة يحب أختي
لأن إحنا تزوجنا غصب
خالي إتفق مع أمي وزوجونا غصب
أهوة رفض بالأول وآنا بعد .. بس صارت مشكلة وما شفنا حل إلا الزواج


صايرلي 3 أشهر متزوجة وأهوة مو جايسني
كل ما يقرب أوخر عنه .. لأني أدري أنه يحب أختي وأختي تحبه
أحسه بيراضيني عشان جذي يحاول يقرب صوبي ..
حتى أنه ما باسني إلا مرة وحده جدام الناس على راسي ..
حتى المصورة تقول لنا شفيكم ( جامدين ) !!
وآنا أشوفه حسبة أخوي
وما أبي أضايق أختي ..

أمي تقوللي ليش لي الحين ما حملتي ؟
أقوللها الله ما كتب !!

بنات شسوي .. أختي تدري في انه مو جايسني ..
ودي لو ما تزوجته .. ودي لو أختي تزوجته

قلبي قاعد يتقطع .. اهوة يحبها وما يقدر يسوي شي

ما عندي غيركم
آنا بس عندي أخت وحده وبس ..

أبي مساعده الله يخليكم

أدعو لي ولكل وحده بحالتي

​

 

[الأموره لولو]

والله ياحبيبي سالفتج غريبة , واختج انشاء الله ايها نصيبها وتنساه وانتي انشاء الله ييسر أمورج وتتوفقين

 

[*الشيـــهـانـة*]

ماتوقع اذا تركتو بعض بيتزوج اختج او اختج راح ترضى تتزوجه فأنتي خلاص تعايشي مع الوضع
وربي ان شاء الله يسهل امورج ويهنيج

 

[chanel N22]

خلاص انتي الحين بالواقع ماتدرين يمكن اختج تزوج وتعيش مع زوجها احلى عيشه وانتي معلقه
استخيري ربج

 

[! بــدويه وآآيــد !]

،



لآحول ولاقوة الا بالله


استغرب من اصرآر الأهل لـ الحين على انهُم يخربون حيآة عيآلهم


مع ان الحين نآدرآ البنت مآيغصبونهآ والولد مستحيل احد يجبره على شي !!

بس الي صآر معآكُم يدل على شخصية ابوج وخآلج القويه


اول شي بـ العقل مآ اتوقع ان اذا تطلقتي منه رآح يتزوج اختج !


ثآني شي اختج شنو موقفهآ كآرهتج وألأ عآدي ؟؟


انا اقول قعــدي معآه وقولي له يآفلآن " انا وانت قآعدين حآلنآ حآل الأخوان والنآس بدأت تسأل مآفي شي بـ الطريج وانا اقول الله مآكتب "


قولي له انا مو رآضيه عن الي صآر وانت مو رآضي !!


بس شنو بإيدنآ الحين ؟

انا احسك مثل اخوي


وقولي له كل شي بـ قلبج ولآبد توصلون لحل ،،


لأن أخآف تقولين لأهلج تنقلب السآلفه على اختج


والله يسهل امرج يآآآرب



،

 

[معكرونه أسبكتى يم يم]

شوفي اذا تبينه عيشي معاه اذا النفس واقفه ترى الدنيا ماتسوى الواحد يجبر عمره وهذا زواج يعنى مو عشره يوم يومين

 

[اتع ـب ع ـلي]

الله يعينج ياقلبي وانتي صارحي احد اكبير بالعااايله يمكن يعرف يحل السالفه اتووقع امج اوحد ممكن يفهم ويقدر الوضع واعتقد ان مجتمعكم دااامه قصبكم علي زواج راح يرفض يزووج اختج لطليقج لا سمح الله فارضووبالامر الوااقع اعتقد خليه واسكتي عنه وهوو راح يردلج يعني خليييييج حبوبه طيوبه البسي اكشخي وعامليه زين حااولي تنسينه اختج بطريقه بعييييييييييده يعني لاتقولينهااا بس حسسييه فهمتي واختج بتروح ببحيااتها وما اعتقد ترضينها لنفسج مطلقه ومن قال اذا طلقتي تتزوجين صح الله معاج واستخيري ياقلبي وطنيني علييييييييييج

 

[مجنونة بس عاقلة]

ياااااااااااا حراااااااااااام

 

[الهندية]

حسبي الله على الأهل اللي يغصبون عيالهم الحين شنواستفادوا

والحين بهالوقت الحالي ما في احد ينجبر على الزواج خصوصا الريال ما ينجبر مثل اول

وصعب يا اختي انقولج تطلقي وانت تضمنين اهلج ايزوجونه اختج بعد ما يطلقج

الله ايعيينكم ويفرجها عليكم امين يا رب

 

[noo7a]

الهدف من زواجكم ان يخلون بنت العمه تاخذ ولد خالها
فجان تحجى اهو قال باخذ وحده منهم بس مو فلانه ابي الثانيه
حبيبتي الحين صار الي صار و اهو الحين ريلج انتي و اختج انشالله بيي نصيبها و تروح و تنسى
ادري شي صعب بس هم انتي حاولي تنسين و تلينين مع ريلج و الله الوقت ينسي الي ما ينسى
و مع العشره انتي بتحبينه و بطريقتج تقدرين تجذبينه لج و تخلينه ينسى حتى اسمه مو بس اختج

 

[om deaj]

واي قصتج تعور القلب روحو حق واحد كبير بالعايلة وخل يتدخل مايصير جذي

3 يتعذبون ليششششششششششششششششششششششششششششششش

يارب يفرجها عليكم يارب

 

[ديانا سبنسر]

الله يعينج سالفتج غريبة ولاادري شنو اقولج

 

[A7la-SmiLe]

الله يعينج

ألحين حتى لو تطلقتي اختج مارح تاخذه !! ويمكن تصير مشاكل بين الاهل

استخيري وادعي وعسى الله يكتب لج اللي فيه الخير​

 

[a7la MUM]

نصيحه مني سمعيني عدل
اختج مردها بتتزوج وتروح بنصيبها وبتعيش حياه حلوة مع زوجها وانتي بتظلين جذي متحسرة على عمرج ليش حبيبتي؟؟
انا اقول تقربي من زوجج بس شوي شوي مو دفعه وحده يعني مرة سولفي معاه طيحي الميانه شوي لبسي كشخي بس راجعي نفسج وعدلي نفسيتج بعدين سوي ليله ولا احلى واكيد زوجج بيستغرب واكيد بيستانس اوكي واقعدي قعده مصارحه معاه قوليله الحين انا زوجتك وانت زوجي حلالي وانا حلالك واحنا بنعيش مع بعض طول العمر مو ليله ولا ليلتين! حاولي تحببينه فيج الحين مادامكم بأول الزواج لاتظيعين احلى الايام بسبب تفكريج السلبي هذا انا حاسه فيج من جذي قاعده اكتبلج اللي لو انا مكانج بسويه انتي بيدج تنسينه امه مو اختج بس!! انتي زوجته الحين انتي ملكه معقوله ماتتنمنين تسوين ليله حلوة لزوجج حبيبج معقوله ماودج تطلعين معاه طلعه رومانسيه حلوة وغيره وغيره اللي المفروض كل زوجه تسويه لزوجها توج صغيرة استانسي بحياتج اليديده انسي والله ان امج وخالج زوجوكم غصب خليه بصوب صدقيني وعن تجربه الجب ايي بعد الزواج اي حب قبل الزواج ممكن ان يختفي لكن الحب الحقيقي بعد الزواج والعشرة حاولي تتقربين منه بحركاتج بهتمامج فيه واذا مو فاهمتني اي شي تبينه كلميني عالخاص وعيوني لج و
الله يوفقج مع زوجج حبيبج ابو عيالج

 

[MiSs_6a7LooSHA]

يعني تكفين اذا تطلقتي اول شي بتستانس أختج ؟؟ صدقيني ماراح تستانس أخت تشوف أختها مطلقة !!

خلي أختج انتي بتستانسين ؟؟

شلون اختج ساكتة بعرف ليش تعرف وضعج ماكلمتج حرام عليج اللي تسوينه بنفسج وبزوجج انتي خلاص حلاله واذا تطلقتي الله لا يقوله ترى ماراح ياخذ أختج مستحيل اللي صار صار خلاص ماتدرين باجر اختج مع منو نصيبها ماتدرين يمكن خيره شدراج !!

دام ماخذته يعني خيره وكل وحدة ربي كاتبلها نصيبها وانتي نصيبج مع هالرجال حرام اللي تسوينه بنفسج وفيه دام حلالج خلاص صار اللي صار وكلمي أختج

انتي ماذكرتي موقف أختج ترى بس ذكرتي انها تعرف ان مايجيسج وساكتة !! أمرها غريب بعد خلاص ربي مو كاتب ارضوا بالواقع ترى الحب شي والواقع شي ثاني وهذا خيره ماتدرين والله يا أختي خيره ان شاء الله

انا اقول حرام اللي تسوينه بنفسج وفيه سوري طولت عليج بس والله ماني قادرة أسكت قهرتني سالفتج

دلعيه وعطيه اللي يبي هذا زوجج تعرفين شنو زوجج؟؟ خلاص بعد 3 شهور مو شوية ترى

والله يوفقكم يارب

 

[أوكسجين]

حبيبتي حته لو تطلقتي منه اختج اكيد ماترضه تاخذه ولا اهلج بيرضون
يعني ثلاثتكم بتخسرون
اذا اهو زين حاولي تتقربين منه
واختج بيلها نصيبها وبتنسى انشالله

 

[غنـــــج]

اول شي

انتي غلطانه اللي تزوجتيه

دامج تدرين من الاول ليش تتزوجينه انتي قطيتي نفسج بهالسالفه


ثاني شي ما نقدر نقول الا هذا نصيبج

ثالث شي اذا تبين ضميرج يرتاح

صارحي الطرفين اختج وزوجج



والله يوفقكم ويفرج همكم

 

[غنـــــج]

اول شي

انتي غلطانه اللي تزوجتيه

دامج تدرين من الاول ليش تتزوجينه انتي قطيتي نفسج بهالسالفه


ثاني شي ما نقدر نقول الا هذا نصيبج

ثالث شي اذا تبين ضميرج يرتاح

صارحي الطرفين اختج وزوجج



والله يوفقكم ويفرج همكم

 

[!الجادل الصعب!]

مآ قول الا الله يعينج صرآحه ..

 

[سنيوره قمر]

اصلا مايجوز يتزوج اختك
لازم انت تموتين بعد الشر عليك عشان يحل له يتزوج اختك<<<مو تروحين تنتحرين
عيشي حياتك وهذا نصيبك