زوجي وآنا وأختي ! بنات ساعدوني ما أدري شسوي بليييز :(

[اشتياق]

ألحين عقب ماطاح الفاس بالراس تبين حل؟؟

ليش ماقلتي لامج اختي تحبه واهو يحبها؟؟

 

[ام بديير]

حبيبتي جان قلتي حق اهلج قبل لما قررو!!!

والله مادري شقولج لازم ترضين بالواقع واكيد باجر اختج الله بيسهل دربها وبتزوج ..

 

[العجميه سبشل]

الغلطة مو غلطتح

بس استخيري الخيرة فيما اختاره الل


وثاني شي فكري عدل هذي حياتج مستقبلج
يعني لو تطلقتي .......> اختج بتاخذه ......طبعا لأ
اختج......> مراح تاخذه .......> راح تتزوج غيره ........> حياتها بتستمر ...
بس انت لأ يمكن مراح احد ياخذج(يمكن)

فكرتي بهالموضوع ؟

 

[SaD FaCe]

الله يعينج سالفتج غريبه

بس حتى لو صار طلاق راح تصير مشاكل بين الاهل وجذي محد ربحان ..

الله يفتحها بويهج يارب ..

 

[om-3wenat]

الله يكون بعونج
بس من رايي انج تتقربين له
لان خلاص هذا الواقع ولازم ترضين فيه
و مستحيل اهما يتزوجون من بعد ما يطلقج

 

[مــســك]

بصراحة الله يعينج .. ماادري شقول لج بصراحة .. موقف لاتحسدين عليه ..

 

[poisn girl]

شكراً لكل من دعا لي

 

[Tutti-Frutti]

جـان قـلـتـي حـق اهـلـج انـه يـحـبـون بـعـض
يـمـكـن اذا دروا مـا غـصـبـوكـم

بـس الـحـيـن الـلـي صـار صـار ولازم تـتـكـيـفـيـن مـع وضـعـج
حـتـى لـو طـلـقـج مـاعـتـقـد حـلـوه انـه يـاخـذ اخـتـج

بـطـلـو صـفـحـه يـديـده وعـيـشـو حـيـاتـكـم
والله يـرزق اخـتـج بـواحـد غـيـره يـهـنـيـهـا

 

[Om_Ksha]

والله مادري شقولج
بس انتي ادرى باختج يعني لمن تزوجتي زعلت قالت شي ؟ ولا خلاص كملت حياتها ونست

المهم الحين شالحل انج تتصارحين انتى وزووجج وتطلعين اللي بقلوبكم ووتتفاهمون بعدها ببين اذا بتكملون مع بعض ولا لا وبنفس الوقت تحطون النقط على الحروف انه خلاص انا زوجتك ولازم نتقبل الواقع وبعدين اذا بعيش معاج وبتمون مع بعض لازم يجيسج ولا باجر يعووفج

يعني تفاااااااهمو ياتكملون مع بعض ولا كل واحد له طريج..

 

[Um Turki]

من الاول ليه تزوجتيه الزواج مو غصيبه رضى وقبول احسنه مسلسل مصري كلامج متناقظ اشلون يبي اختج وفي نفس الوقت
يتقرب منج وحسه زي اخوي قبلتي فيه زوج

 

[Om_Ksha]

والله مادري شقولج
بس انتي ادرى باختج يعني لمن تزوجتي زعلت قالت شي ؟ ولا خلاص كملت حياتها ونست

المهم الحين شالحل انج تتصارحين انتى وزووجج وتطلعين اللي بقلوبكم ووتتفاهمون بعدها ببين اذا بتكملون مع بعض ولا لا وبنفس الوقت تحطون النقط على الحروف انه خلاص انا زوجتك ولازم نتقبل الواقع وبعدين اذا بعيش معاج وبتمون مع بعض لازم يجيسج ولا باجر يعووفج

يعني تفاااااااهمو ياتكملون مع بعض ولا كل واحد له طريج..

 

[ضي النهار 1]

نصيحه لوجه الله استخيري وتوجه لله بالدعاء والاستغفار
وراح تشوفين النتيجه باذن الله وبتدعيلي

 

[krkooora]

بالحالتين لو تطلقتي لو ضليتي
اختج خلالالالالالالالاص ما يقدر يتزوجها حرااااام


فكري بنفسج ... مثل ما حب اختج يقدر يحبج


الله يسخره لج يارب و يحببكم فبعض اللهم امين

 

[مسك الكلام]

اصلا مايجوز يتزوج اختك
لازم انت تموتين بعد الشر عليك عشان يحل له يتزوج اختك<<<مو تروحين تنتحرين
عيشي حياتك وهذا نصيبك

منوقال هالكلام مو صحيح يجوز يتزوجها بعدمايطلق مايجوز يجمع بين الأختين بس إذابنتكلم عن العادات والتقاليد مستحيل يتزوجها حتي إذاطلق أهوماقدر يتزوجها قبل لايتزوجج تهقين يقدربعدمايطلقج مستحيل وصراحه أختج أنانيه المفروض تقولج غلط الي تسوينه وخلاص أهو مونصيبي عيشي حياتج وأنا الله يرزقني​

 

[الدلوعة أمون]

حبيبتي نصيحه مني ارضي بوضعج

واهتمي بزوجج يعني الحين بستانسين اذا طلقج واهلج بزوجونه اختج *مجنونه*

ارضي بنصيبج وحبيه واكسبيه وعوديه انه يحبج وحبيه

واختج بيجيها نصيبها

 

[قمر وربي امر]

باااال مال اول ولد خال لبنت خالته ولا عمته

يبه احين مافي شي بالغصب وبعدين الغلط من ولد خالج اول مره اجوف ريال ويزوجونه بالغصب وين صاارت ..!!

الحمدلله هلي مب معقدين زوجونا بلي نبي وبرضانا مافي شي اسمه زواج بالغصب عالعموم الله يفرج عليكم

ويعينكم هذا زواااااااااج ومحد له دخل بشريك حياه الثاني لكن بعض الاهل فيهم تخلف الله لايبلا حد

 

[سر الأنوثه]

ما بيدي الا ادعيلج الله يعينج
حبيبتي تعايشي مع الواقع اللي انتي فيه لأن اذا اهو طلقج ماراح ياخذ اختج ودام علاقتج مع اختج زينه خلاص لا توقفين حياتج على هالشغله

 

[عقــد منثور]

الغلط من البداية .. ليش تزوجتى دام انج عارفة هالشى !! ..

وحتى لو تطلقتى .. ما اعتقد لة بيتزوج اختج .. يعنى بكلا الحالتين ..مافى حل ..

يا انج تتأقلمين مع الووضع .. او انج تتطلقين بس حطى فى بالج ان الطلاق مو حل ..

 

[قلب مهموم]

حبووبة اللي صار صار وانتي الحين مرته

وكل واحد فيكم ( انتي و زوجج و اختج ) لازم تفهمون ان هذا قدركم

واصلا يمكن مو خيره اختج تتزوجه !!

ربج كاتب انه يكون من نصيبج انتي

وانتي قلتيها انه يحاول يتقرب منج بس انتي توخرين !!

هذا معناته انه اهوا يحاول يتأقلم مع الحيااة اليديدة ومع الانساانة االي عايش معاها !!

ونفس ما قالوا الخوات .. اختج مردها بتتزوج وربي يكتب لها ولد الحلال السنع

ولا تفكرين انج تنفصلين لان حتى لو انفصلتي ما ظنتي راح ياخذ اختج

وحتى لو خذته انتي شنو بيكون احسااسج ؟ عبالج بتستاانسين ؟! ما ظنتي

عيشي حياتج ولا تحاولين تصدينه وانتوا الحين عيال اليووم

هذا نصيبج ولازم ترضين فيه وشيلي من بالج فكره انه اختج تحبه !! خلااص عودي روحج على انه ريلج

والله يسهلها عليج ويوفقكم ويكتب لج اللي فيه الخير لكم

 

[كويتيه مذهله 87]

حتى لو تطلقتي ماراح ترضي اختج انج تاخذه


خليه يحبج وينسي اختج هذا احسن حل