زوجي وآنا وأختي ! بنات ساعدوني ما أدري شسوي بليييز :(

[بقلبي مجلسك]

الله يعينج صراحة اذا كنت مكانج مااعرف شسوي الله يوفقج معاه وهو ينسى اختج وهو ينساها ان شاءالله

 

[^^المهره^^]

هذا نصيبج
حاولي تكيفين نفسج علي الوضع

 

[unapproachable]

موضوعج صعب ويبيله اتخاذ قرار بعقل ... انتي تقررين مصيرج وانا اشوف اذا الريال زين وموقال انه مايبيج يمكن يكون مجرد وهم وانتي قاعده تصدينه على ولا شي بس اذا اهو قال بنفسه انه يبيها وراح يتزوجها اهني الموضوع غير

الطلاق صعب ماانصح اي بنيه تتطلق الا اذا كانت علاقتها الزوجيه مأساويه .. انا عن نفسي مطلقه واتخذت هالقرار بعد ماشفت انه مايصلحلي زوج ومافي علاقه زوجيه بالمره ...

حبيبتي كله من عمرج فكري عدل وصارحي امج او ناس عاقله بالموضوع لا تستكتين ترى العمر يروح ولا تضيعين وقت اكثر

والله يوفقج ويعينج مهما كان قرارج

 

[النهج الاسمى]

ماادري ليش الناس ماتعتبر من الزواج الغصب؟!

دائما زواج الغصب نهايته فاشله

الحل بايدكم

اذا تطلقتي اختج غلط تاخذها>>>>>شنو يفكم منحجي الناس؟!

او اصبري واختج يجيها نصيبها

والله يجعل لكم الخيره

 

[اميره1980]

الله يفرج عليكم ان شاء الله
مع ان السالفة حيل غريبة

 

[^أم يوسف^]

مااااخاب من استخاااار
ومن المستحيل ان اختتج راااح تاخذه عقب مايطلقج
شنوو بيقووولون العالم؟؟؟

عيني من الله خير وهدي العناااد خلاص ههذاا نصيبج وبيجيهاا نصيب اطيب من هذاا

 

[0oR0R0 honeyo0]

اول شي هذا نصيبك لاتلومين نفسك على شي انتي مو السبب فيه ..
ثاني شي تدرين انه زوجك لوقرب منك ورديتيه الملائكه تلعنك مايجوز تردينه هذا زوجك حلالك وانتي حلاله ..
لازم تقبلين بالواقع وترضين لانه موحال هذا لي متى لما اهلك يدرون وتصير مصيبه والناس تطلع عنك كلام لاياأختي انا اقول راجعي نفسك الف مره واستخيري وادعي ربك يألف بين قلوبكم ..
اجل اشتقولين عن اخت تاخذ حبيب اختها وتتزوجه وتدعس على قلب اختها ولاهمها واهي تدري انها اختها متعلقه فيه بس هيا عينها عليه من كذا اخذته والحمدلله كاهم نسوا الموضوع وصارلها سنتين الله يتمم عليهم يارب وهما يقربولي مو قصه من بعيد انا اقول توكلي على الله وارضي زوجك انتي بترتاحين بعدها ان شاءالله ..

 

[*سوسو ستار*]

ترضين تاخذين واحد يحب اختج


اهو مايعرف يقول ابي اختها ماعنده لسان


من يوم انكم صغار يقولون انج له واهو لج شلون اختج تحبه وتعلق فيه



غريبه !!

 

[جميله وجذابه]

معقوله ابزمنا هذا في ناس تتزوج غصب!

ليش ما عارضتي بالاساس!

اذا مو متقبله الوضع انفصلي

 

[@البتووول@]

ترضين تاخذين واحد يحب اختج


اهو مايعرف يقول ابي اختها ماعنده لسان


من يوم انكم صغار يقولون انج له واهو لج شلون اختج تحبه وتعلق فيه



غريبه !!

هذا اللي كنت أفكر فيه:eh_s(10):

 

[شــــــــــــــوقــــه]

استغفرالله يارب

يا ناااس يا عااالم ما يجووووووز زواج اجباااااري شرعا بااااااطل

الرسول عليه السلام قال لازم البنت تستأذن ليش الناس ما يطبقون الا الي يعجبهم

لما الامام علي تقدم حق بنته اخذ رايها شلون احنا ما ناخذ

والله مالج الا ترضين بالقضاء و القدر

 

[om Firas]

البنات ماقصروا معاج الله يفرجها عليج

 

[حلاتي بندرة وجودي]

لاحول ولا قوة الا بالله

 

[tmtmt]

بس الحين ما كو حل
خلاص تزوجتوا

 

[Stylista_Q8]

نصيحه مني سمعيني عدل
اختج مردها بتتزوج وتروح بنصيبها وبتعيش حياه حلوة مع زوجها وانتي بتظلين جذي متحسرة على عمرج ليش حبيبتي؟؟
انا اقول تقربي من زوجج بس شوي شوي مو دفعه وحده يعني مرة سولفي معاه طيحي الميانه شوي لبسي كشخي بس راجعي نفسج وعدلي نفسيتج بعدين سوي ليله ولا احلى واكيد زوجج بيستغرب واكيد بيستانس اوكي واقعدي قعده مصارحه معاه قوليله الحين انا زوجتك وانت زوجي حلالي وانا حلالك واحنا بنعيش مع بعض طول العمر مو ليله ولا ليلتين! حاولي تحببينه فيج الحين مادامكم بأول الزواج لاتظيعين احلى الايام بسبب تفكريج السلبي هذا انا حاسه فيج من جذي قاعده اكتبلج اللي لو انا مكانج بسويه انتي بيدج تنسينه امه مو اختج بس!! انتي زوجته الحين انتي ملكه معقوله ماتتنمنين تسوين ليله حلوة لزوجج حبيبج معقوله ماودج تطلعين معاه طلعه رومانسيه حلوة وغيره وغيره اللي المفروض كل زوجه تسويه لزوجها توج صغيرة استانسي بحياتج اليديده انسي والله ان امج وخالج زوجوكم غصب خليه بصوب صدقيني وعن تجربه الجب ايي بعد الزواج اي حب قبل الزواج ممكن ان يختفي لكن الحب الحقيقي بعد الزواج والعشرة حاولي تتقربين منه بحركاتج بهتمامج فيه واذا مو فاهمتني اي شي تبينه كلميني عالخاص وعيوني لج و
الله يوفقج مع زوجج حبيبج ابو عيالج

معآها

الحين مآكو فآيده بس ،،

ربي كتب إنج تتزوجينه مو إختج ،، وأكيد إذا طلقتوا الله لا يقوله ما راح يتزوج أختج!

فخلج معه ريلج وجابليه وتفاهمي معآه

والله يوفقكم ان شالله

 

[حكستار]

الله يعينج وييسر امرج

 

[*أم*خالد*]

لا تعيشين نفسج بمسلسل مدبلج

خلاص اللي بينهم انتهى بزواجج منه

وحمدي ربج جانه طيب وحنون ومايخربط

الله يوفقج وياه ويرزقكم بالذرية الصالحة

 

[نورهـ]

صدق قصه تحير

 

[رومــآ]

تيب كيف تعآآمل آختج معآج ؟ تيب هو يدري انج تعرفين انه يبها وصاارحج بالشيئ هذا ؟


بس آنآ من رآآيي انج تعيشين حيااتج ما تدرين يمكن اختج اعجااب ولا اكثر ومكن بكرة تتزوج وتعيش حياتها لا تعلقين نفسج

 

[دلع العتبان]

حبية

وربي يفرج عليج