تقرين روايات؟؟ تعالي قولي رايج ..

[برونزيه كويتيه]

1-شنو نوع الروايات اللي تحبين تقرينها
رومنسيه و اجتماعيه2-منو (الكاتب/الكاتبه) اللي تحبين تقرين له ؟
ساره دريس3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟
الي جرحي الحبيب .مادري استانس عليها4- إذا بخطارج نقد على روايه سواء بناء أو هدام قوليه لنا يمكن يكون راينا من رايج
ما عندي انتقادات[/color]

 

[انثى عربية]

صباااااااح الثقافه والادب

صباح رائع مع اروع صديق " الكتاب "


بصراحه موضوع جدددددددددددددا مميز وشدني حيييييييييييييييييييييل

بالنسبه لي فالقراءة انواع قراءة للمتعه يعني تقرا وتضحك وتتسلى وقراءة للفائدة تقرا وتستفيد وتتعض وقراءة للاكتشاف


احب القراءه من ايام الدارسه واول قصص قريتها لاجاثا كريستي فتره طويله وانا قرا لها وتركتها بعد ماتخرجت

والحيت رجعت اقرا لها خذت رواياتها من جرير



ومن اروع قصص جريمة في بيت الطالبات بس للاسف مالقيتها يوم دورت عليها مره ثانيه

وباقي رواياتها ما اذكر اساميهم لانها من زماااااااااااااان


واخر روايه توني مخلصتها لها اسمه شجرة السرو الحزينة


حبيتها وشدتني اصلا اسلوب الكاتبه مشوق والمحقق بوارو تححححفه


وقريت روايات متنوعه كثيره بوليسيه واجتماعيه ورومانسيه


وبكتب لك الروايات اللي حبيتها


تاكسي لخالد الخميسي

روووعه حبيت اسلوبها وتتكلم عن سواق تاكسي يكتب قصص كل الركاب اللي مروا عليه وبصراحه جدا حبيت هالروايه


سعوديات لساره علوي

حبيتها وحبيت اسلوبها ممتعه ومسلية

سعوديون في امريكا لتركي الدخيل رووووعه يتكلم عن قصته لما كان يدرس هناك هو واللي تعرف عليهم من الشباب

- عايزه اتجوز نسيت اسم الكاتبه بس من دار الشروق

روايه تجنن فعلا حلوه وتذبح من الضحك لكاتبه مصريه تتكلم عن كل الخطاب اللي مروا عليها

اخر روايه رومانسيه قريتها :
- الهالوتي وبكينام لكاتب اول مره اقرا له ونسيت اسمه وخذته من جرير

قصه رومانسيه وفيها حكم ومواعظ تجنننننننننننننننن حبيتها حييييييييييييييييييييييييييييييييييييييييل واثرت فيني


- انثى العنكبوت لقماشه العليان قريتها ايام الجامعه تصيييييييح وتحزن بس رووووعه

- بنات ايران لناهد ارشلان امريكية م ناصل ايراني من دار الساقي ولقيتها في جرير من فتره قصة واقعيه جدددددا حلوه

لانها سيرة ذاتيه وحده كاتبه قصتها وقصة اهلها بس فعلا لما تقرينها تستمتعين فيها وتعيشين احداثها


- ومن القصصص اللي ما انساها ومن اروع ماقريت رواية السجينه اول مانزلت خذتها من معرض الكتاب


- روايات رومانسيه للكاتبه دانييل ستيل قريت لها دقة قلب من احلى القصص وقريت لها اكثر م روايه بس ناسيه عناوينهم


تلقونهم في جرير انا خذتهم من مطار الكويت اعتقد مادري دبي


- أوراق طالب سعودي في الخارج للكاتب محمد الداود اعتقد خذتها من جرير

وتتكلم عن قصته لما سافر يدرس وبعد حلو اسلوبه

- مملكة البنغال لمحمد الداود من جرير
- شيكاجو لعلاء الاسواني


هذا اللي فبالي الحين بس مكتبتي مليانه وفي روايات للحين ماقريتها

وبعترف لكم اعترف انا قبل ما اقرا روايات رومانسيه ولا اقرا شي جريئ بس لما تخرجت حسيت اني كبرت ونضجت

وصرت اقدر اميز الصح من الخطأ واقدر اخذ فكره بدون ما اتأثر

وهالشي خلاني اقرا روايات عالميه او خليجية جريئة وماندمت على قرايتها مثل 11 دقيقة لباولو كايلو

وروايه عمارة يعقوبيان لعلاء الاسواني وغيرها

ولي رجعه باذن الله

وتذكروا دايما ان حتى فالكتب الناس اذواق


​

​

 

[انثى عربية]

للرفع لاحلى واهم المواضيع

 

[نجية1]

أحب كل أنواع الروايات
الرواية اللي أقراها أكثر من مرة في سبيل التاج و البؤساء
أحب أقرا للكاتب المنفلوطي و فكتور هيقو

 

[cuta english]

والله في كتب وايد بس انا احب طه حسين اكثر واقعي و احلى من الروايات واحلى كتاب عنده الايام

 

[(دنيتي)]

بسم الله الرحمن الرحيم

يعطيج العافيه على الموضوع الحلو اخت تفاخيه


بالنسبه لي احب اقرا حق اغاثا كريستي


وهالفتره غيرت حق دانيال استيل مستواه متوسط

بالنسبه حق اعاده القصص لاماعيد اقرا مره وحده وخلاص


تحياتي لخواتي فديتكم كلكم على معلوماتكم الحلوه​

ا

أختكم (دنيتي)​

​

 

[نسمة الحياة]

1-شنو نوع الروايات اللي تحبين تقرينها ( رومانسيه - بوليسيه- إجتماعيه.. إلخ )
اجتماعية وإسلامية

2-منو (الكاتب/الكاتبه) اللي تحبين تقرين له ؟
خولة القزويني - مي الحسني - علياء فاضل الكاظمي- عالية محمد صادق ...

3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟
عندما يفكر الرجل خولة القزويني لأنها قصة قمة في الروعة ولها هدف تيننننن

4- إذا بخطارج نقد على روايه سواء بناء أو هدام قوليه لنا يمكن يكون راينا من رايج

مادري :s

 

[DoOoRar]

احب اقرا الرويات ككل بس اكثر شي الاجتماعيه لانها اقرب للواقع
مافيه كاتب معين اقرا له اقرا حق كتاااب واااايد
يسلموووو ع الموضووع

 

[sallie]

مشكورة علي الفكرة الحلوة بس ابي شنو افضل كتاب عن الثقة بالنفس


:33_1185028183:

 

[7oorq8]

روعة الموضووع،،

انا اقرى حق الكل يعني المهم عندي القصو مو الكاتب،،

القصص اللي ما انساها ((السجينة)) وقصة لدانييل ستيل اللي اهي ((فرصة أخرى)) روعة ومؤثرة،،

من القصص الحلوة بعد: والله وااايد

 

[joja <3]

انا اقرا روايات

وباختصار

واحلى كتاب قريته السجينه

بالنسبه للنقد : يعني مادري قعدت تقول حسيت استغفر الله ان الله مو موجود واهيا مسلمه وان اخر شي قعدت تقول هذا كان بفضل مريم العذراء ان طلعنا :s

وبالنهايه ما انكر انها احلى قصه واستفدت وايد اشياء منها

وبنات انا حابه تفيدوني اذا عندكم كتب لها هدف واني راح استفيد منها شي وتكون حلوه

 

[عشق فرنسي]

انا اقرا رواية الام الفتى فيرتير توني بادية فها وهي قصة حزينة للمفكر والاديب جوته
وقريت رواية دمي ودموعي وابتسامتي
واحب اقرا حق غابرييل غارسيا ماركيز :hearting:

 

[رياح الشيشان]

تسلمينـــــــــــــ حبويه على هالموضوع
احب اقرا قصص الغموض والاساطيـــــــــــــــــــــر والغرائبــــــــ واحب كتب الحروب والتاريخ
اجاتا كريستي كاتبتي المفضلة بلا منازعــــــــ
كل رواياتها ارد اقراهم بدون تردد وكلل وملــــــــــــــــــــل

 

[~ miss NERD ~]

1-شنو نوع الروايات اللي تحبين تقرينها ( رومانسيه - بوليسيه- إجتماعيه.. إلخ )
؟
ما احب شي معين .. اي شي يشد انتباهي اقراه2-
منو (الكاتب/الكاتبه) اللي تحبين تقرين له ؟
اممم وايد .. باولو كويللو .. دان براون .. علياء الكاظمي .. ستيفاني ماير.. و ان شاء الله ناويه على أجاثا كريستي

3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟
توايلايت

4- إذا بخطارج نقد على روايه سواء بناء أو هدام قوليه لنا يمكن يكون راينا من رايج

انصحكم تقرون حبيبه تهبل الروايه .. و سلسلة روايات توايلايت انصح اللي ما يحبون التعمق في الاحداث و المماطله بعدم قرايتها لانها غير عن الفلم في سرد الاحداث
و كتب سند راشد الصراحه لا تعليق .. احس بس قرقه

 

[مستمعة كويتية]

مرحبا
حبيت أقولكم عن آخر راويات جيده قريتها
قريت للكاتب خالد النصر الله و واايد عجبني أسلوبه بالكتابة فيها تشويق و غموض
قريتله هرطقه / الحقيقة لا تقال / يوم الحدث
أتمنى تعجبكم ​

 

[بهبهانيه]

رد : تقرين روايات؟؟ تعالي قولي رايج ..

شكرا تفاخيه على الموضوع أنا افتخر عندنا بنات في الديره يقرون ويشجعون البنات على القرايه ..........لأن الكتاب مثل الصديق الوفي تاخدين منه النصيحه بصدجزززأنا قريت وايد كتب واستفدت منها كثير في حياتي وأخر كتاب كان (نصف المرأه) للأديبه سعاد صليبي كتاب جدا روعه ما ترومين تهدينه فيه روايه جدا رومانسيه حسيت كأني عايشه القصه وغير الروايه فيه مواضيه وايد مهمه حق البنات يلي بيهجرها حبيبها يعلمك كيف تتصرفين وتواجهين الحياة ...وبصراحه بعد ما قريت الكتاب ثقتي بنفسي صارت أقوى بأضعاف فعلا اسلوب هالكاتبه ما شألله عليها وايد وايد حلو .تقدرين تقولين انه :كتاب غريب من نوعه بالأسلوب

 

[بهبهانيه]

رد : رد: تقرين روايات؟؟ تعالي قولي رايج ..

انا اقرا روايات

وباختصار

واحلى كتاب قريته السجينه

بالنسبه للنقد : يعني مادري قعدت تقول حسيت استغفر الله ان الله مو موجود واهيا مسلمه وان اخر شي قعدت تقول هذا كان بفضل مريم العذراء ان طلعنا :s

وبالنهايه ما انكر انها احلى قصه واستفدت وايد اشياء منها

وبنات انا حابه تفيدوني اذا عندكم كتب لها هدف واني راح استفيد منها شي وتكون حلوه [/QUO
هلا joja
أنا انصحك بكتاب (نصف المرأه ) للكاتبه سعاد صليبي
كتاب وايد ممتع يعامج اساليب تغير الحياة وكيف تكوني صاحيه للرجل وكيف تواجهينه
ويلي عجبني اكثر شي في كتاب نصف المرأه روح التحدي وانت قاعده تقرينه تحسين انج بطله وقويه حيل
وفيه مواضيع كثيره حق انوثة المرأه وتغيير الروتين.

 

[The Dark]

رد : تقرين روايات؟؟ تعالي قولي رايج ..

و عليكم السلام و رحمة الله

1- أحب الروايات البوليسيه و الرومانسيه و روايات الرعب و المغامرات ..

2-منو (الكاتب/الكاتبه) اللي تحبين تقرين له ؟
آرثر كونان دويل - برام ستوكر - إنيد بلايتون - ستيفاني ماير ..

3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟
قصص شارلوك هولمز .. و رواية دراكولا ..

:icon30:

مع السلامه​

 

[lalai.com]

رد : رد: تقرين روايات؟؟ تعالي قولي رايج ..واللة ما قصرتي صاحبة الموضوع لكن اريد مساعد

واللة ما قصرتي صاحبة الموضوع لكن اريد مساعدة وين أشتري كتاب دماء بين الآباء والأبناء للكاتب درويش الجميل فلم أجده وما اسم الناشر هل دات السلاسل ككتاب أشهر قصص الجواسيس؟ انا قريت كتبه كلها ماعدا هدا الكتاب فأرجو المساعدة

خووووووووش موضوع تسلمين حبيبتي أموت بشي اسمه قرايه وكتب لدرجة عندي استعداد أقعد بمكتبة أكثر من ساعة وماأحس بنفسي


1-شنو نوع الروايات اللي تحبين تقرينها ( رومانسيه - بوليسيه- إجتماعيه.. إلخ )؟

والله أحب أقره بكل شي بس يهمني اسلوب الكاتب يكون واضح ويجذب ومافيه تفلسف مرة قريت كتاب اسمه حكايات علمية كان وايد حلو وصج انه عن العلماء والإختراعات بس يايبينه بطريقة قصة وايد كان حلو وهم أحب اقره كتب السيرالذاتية


2-منو (الكاتب/الكاتبه) اللي تحبين تقرين له ؟


والله وايد كتاب أحبهم من الأجانب عندج تشارلز ديكينز عجيب قريتله الآمال الكبيرة واوليفرتويست قصة مدينتين أوقات عصيبة وماأذكر بعد شنو وألكسندر ديماس هذا رواياته حلوة عن العصور القديمة وماني ذاكره الحين شنو القصص اللي قريتهم له ودانييل ستيل رواياتها اجتماعية رومانسية جنج تشوفين فيلم اجنبي فيكتور هيجو قريت البؤساء وأحدب نوتردام دان براون قريتله شيفرة دافنشي والحصن الرقمي وملائكة وشياطين اسلوبه فيه اثارة وتشويق وفي وايد موذاكرتهم الحين

ومن العرب قريت ليوسف السباعي أغلب رواياته وعجبتني رواية حقه اسمها أعتقد نادية وايد حلوة وفي رواية اسمها الأرجوحة سووها مسلسل بس ماني ذاكرة حق منو حلوة الرواية أحسن من المسلسل وقريت حق علياء الكاظمي جمان مجموعة قصصية وبلاهوية وفي ثنتين بعد ماني ذاكرتهم وعجبوني كلهم وفي كاتب اسمه درويش الجميل اسلوبه حلو عنده كتاب اسمه أشهر المحاكمات جنه قاعد يسوي لقاء مع المتهم ويحاوره أبيه حده حلو اسلوبه وعنده بعد دماء بين الآباء والأبناء هم حلو وأشهر قصص الجواسيس وأشهر قصص النصب والإحتيال كلهم روعة

3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟
عادة ماأقره نفس القصة مرتين لأني على طول أشتري كتب بس إذا مرت فترة طويلة ما شريت شي أقره الروايات اللي صارلي مدة موقاريتها وناسيه أحداثها وكتب دوريش الجميل من الكتب اللي قريتها أكثر من مرة [ /b]

4- إذا بخطارج نقد على روايه سواء بناء أو هدام قوليه لنا يمكن يكون راينا من رايج

بالنسبة للروايات العربية عندي ملاحظة إن أغلبها رومانسية وأحداثها تعرفينها قبل لا تخلصين الرواية ( أقول أغلبهم موكلهم ) عكس الروايات الأجنبية متنوعة بمواضيعها
وبس هذا اللي عندي الحين وماقصرتي صاحبة الموضوع مرة ثانية عالموضوع الراااااااااااااااائع

 

[ابي قطوة ميوووو]

انا احب اقرا الروايات العالمية
الي تكون رواية انجليزية مترجمة
مثل البؤساء
واحب الروايات او القصص الخيالية
مثل سلسلسة توايلات
احس اني اكون بعالم ثاني