محتارة شنو اطبخين تبين فناتك حلوة حق رمضان حياااااااج عندي
- بادئ الموضوع eldalla3
- تاريخ البدء
- الحالة
nandeny
New member
- إنضم
- 17 أغسطس 2008
- المشاركات
- 7,026
- مستوى التفاعل
- 4
- النقاط
- 0
الله يعافيج وهذا اهو المرق
مرق الدياي
المقادير
1 دياي مقطع 8 قطع
بطاط مقطع مكعبات ومقلي
نخي مجروش مطبوخ
1 بصل مقشر صحيح
1 ثوم مقشر صحيح
2 بصل مقطع مكعبات
3 ثوم مدقوق
لومي -بهارات-هيل-ورق غار
10 طماطات او اكثر تكونين مسويتة بالخلاطة مالت العصير وحاطتة بجدر على النار ليين ينشف ماي الطماط
الطريقة تاخذين الدياية وتغسلينها عدددل وتبيلنها بملح وليمون وخل شووية عشان لزفرة وشووية بهارات انا احط بهارات الوالدة واهي واحد من اسراري بالطبخ والدياي يفضل ان يتبل قبلة بيوم او عالاقل 3 ساعات احسن بعدها يبي جدر في ماي وحطي الدياي وبصلة مقشرة وجم فص ثوم وبهارات ولومي اسود على عدالة وجم ورقة غار وجم حبة هيل وخلي الدياي لين يطبخ بعدها قصري على الماي ليين يستوي الدياي وبهاالوقت تكونين مجهزة عصير 10 طماطات او اكثر تكونين مسويتة بالخلاطة مالت العصير وحاطتة بجدر على النار ليين ينشف ماي الطماط وتكونين مجهزة نخي مجروش ومطبوخ بعدها يبي الجدر الي تبين تسوين في المرق وحمسي عدد 2 بصل مقطع مكعبات وثوم مدقوق وبهارات وحطي زيت زيتون وفلفل بارد عشان الريحة والطعم وعدها حطي الطماط الي نشفناة وحركي مدة 5 دقايق وبعدها يبي ماي الدياي وصبي على الطمام ولما يطبخ شووي قصري علية وحطي الدياي قطعه قطعه وبعدها حطي النخي المجروش والبطاط وقصري عالنار وخلي يطبخ شووي وقبل التقديم حطي شووية زبدة وطبعن يفضل ان يتقدم مع العيش الابيض وعليكم بألف عافية
- إنضم
- 17 أغسطس 2008
- المشاركات
- 7,026
- مستوى التفاعل
- 4
- النقاط
- 0
مرقة دياي هندية
ديايتين مقطعين مكعبات او لحم
7 فصوص ثوم مبشورة
2 بصل مكعبات صغيرة
قطعة زنجبيل مقصص طوالي
4 روب
4 معجون طمام
حليب جوز الهند 4 قفشات (بودر)
4 قفشات كزبرة
فلفلة باردة مكعبات
3 قفشات نشا
نص زبدة وزيت
قفشة كاري كبيرة ورق غار
كوب او كوب ونص ماء
الطريقة
الدياي ننقعه بملح وليمون وخل ونخلي 3 ساعات وبعدها
نحمس البصل مع زبدة وزيت لين يذبل ومقدار الثوم نحط نصة بس مع الحمسة وبس يذبل نحط فوقة الدياي ونحركة معاه لين يصير لون الدياي مايل لذهبي شوي وحطي معاه بهارات ورق الغار وبعدها نيب طاسة كبيرة ونحط فيها (( الروب- المعجون-الزنجبيل-كاري)) والخلطة هذي صبيها فوق الدياي وخلي يطبخ معاه طبعن تكونين مقصرة عالنار وبس يبدى يطبخ ضيفي الماي عشان يستوي الدياي واذا شفتي يبيلة ماي زيدي وخلي على نار هاااادية وبس يستوي يبي طاسة وحطي فيها((الكزبرة-والفلفل البارد او حار حسب الرغبة-حليب جوز الهند بودر طبعن –والنشا- كوب ماء)) ينخلط عددل وينصب فوق المرق مع التحريك لين يثقل وبألف عافية ويقدم مع العيش الابيض انصحكم فية ايننن ولذيييذ
بسم الله ماشاءالله
- إنضم
- 17 أغسطس 2008
- المشاركات
- 7,026
- مستوى التفاعل
- 4
- النقاط
- 0
مجبوس طماط
5 طماطات مقطعه مكعبات
3 بصل مقطع مكعبات
2 كرتون معجون طماط
5 فصوص ثوم صحيحة
بهارات-زيت-عيش-سمن-( أفضل نوع المراعي)-فحمة( بعدين أقولكم حق شنو)
الطريقة ينغسل العيش وينقع شووي ونكون بهالوقت نحمس البصل مع زيت وزبدة لين يذبل ويبدى يتحمر ونحط الطماط ونحمسة معاه ليين يذبل ويصير نفس الصوص وبعدها نحط المعجون ونحرك ونحط البهارات وبعدها نحط ماي ونخلي لين يغلي ونقصر عالنار ونحط العيش وكل 10 دقايق انحركة شووي شووي عشان لايتكسر العيش واذا نشف الماي نشوف حبة العيش مستوية ولا لا اذا مو مستوية نزيد الماي بس شووية عشان لايعجن واذا استوى ونشف الماي نقصر عالنار ونصب فوقة زيت ونحط فصوص الثوم فوق العيش وقبل لايتسكر العيش يبي قصدير وسوي مثل طاسة وحطي بوسط العيش ويبي قفشة سمن جامد وحطها بالنص وقطي فوقها الفحمة طبعن تكون مشبوبة وبسرعه غطي العيش وهالحركة تخلي طعم العيش مدخن وايننن وتقدرين تسوين نفس الطريقة بس مع لحم او دياي بوسط العيش وان شاءالله راح اصورها اذا سويت هالطريقة
بسم الله ماشاءالله
- إنضم
- 17 أغسطس 2008
- المشاركات
- 7,026
- مستوى التفاعل
- 4
- النقاط
- 0
محمر مع حمسة التونة
مقادير المحمر مع الطريقة
عيش
سكر
هيل حب ومطحون -زعفران-دارسين-ماي ورد-سمن-صبغة الزعفران-ماء-زيت
الطريقة
اول شي نحط ماي يطبخ بجدر ونحط زيت والعيش معاه طبعن نخلي الماي بس يغطي العيش بشوية ونحركة لما نشوف حبة العيش صارت نص استوى نحط صبغة الزعفران طبعن على حسب اللون الي تبينة غامج فاتح ونحط جم عود دارسين وجم حبة هيل ونحط كوب سكر ونحركة بين فترة والثانية بس شووي شوووي عشان لايعجن لان مع سكر اول ماينشف ماي العيش ويستوي انيب طاسة ونحط فيها هيل وزعفران وماي ورد وسمن ونصبة فوق العيش ونقصر نارة لين يتسكر وعليكم بألف عافية
حمسة التونة
قوطين تونة
طماطة مقصصة مكعبات
بصلة مقصصة مكعبات
1 معجون طماط
ثوم مدقوق فص واحد
بهارات وملح
الطريقة
نحمس البصل وبس يذبل ويصير ذهبي نحط الطماط ليين يذبل وبعدها الثوم والبهارات والمعجون ولما تصير صلصة نحط شووية ماي ونضيف التونة ونخلي يطبخ على نااار هادية لما تتمتزج التونة مع الصلصة واخر حرطة نيب قصدير ونسوي نفس القارب ونحط فية سمن وفوقة فحمة مشبوبة ونصكر علية ونخلي شوووي عشان نحصل على طعم الباربكيو وعليكم بألف عافية والتونة تقدم مع المحمر (( عيش وشكر))
حمسة التونة
المحمر
بنات هذي مشاركاتي بمنتدى ثاني عشان لاتقولون ناقلتهم لوووووووووووووول
- إنضم
- 17 أغسطس 2008
- المشاركات
- 7,026
- مستوى التفاعل
- 4
- النقاط
- 0
مجبوس الدياي
دياية مقطعة نصين او اكثر حسب الرغبة ومتبلة بملح وليمون وخل وشوية بهارات تنقع لمدة 3 ساعات وبعدها تطبخ بجدر في بصل وثوم على عدالة وماي ورق غار و هيل وبعد مايطبخ الدياي ويستوي ناخذ ماية عشان نستعملة حق العيش طبعن العيش مانقعه واايد عشان لايصير لين ويلزق ويصير عجين ومع ماي الدياي نحط جم عود دارسين واذا الماي مال الدياي يبيلة زيادة ماي نزيدة بالنظر تشوفين الماي يكون صبعين بس فوق العيش وخلي وكل شوي طلي علية لين ينشف الماي عددل طبعن تحركين العيش شووي شووي عشان لاتنكسر حبة العيش وبس ينشف ماي العيش قصري عالنار حيييل وحطي الحديدة تحت الجدر ويبي مقلة فيها دهن ربع كوب تقريبن يعني على حسب كمية العيش وخلي يير حاااار وقبل لايتسكر العيش صبي فووقة
الحشو
بصل مقطع مكعبات شوي كبيرة ونخي مجروش ومطبوخ وكشمش منقوع بماي بهارات انا استعمل بهارات الوالدة وشوية سكر وملح ولاتستغربون من السكر ترى اهو السر بطعم الحلو اول شي نحمس البصل بدون دهن لين يذبل وبعد مايذبل صبي زيت وحمسي وحطي بهارات وسكر وملح وحركي لين تحسن ان البصل اتبل واخر شي الكشمش والنخي وحركي لمدة 5 دقايق وطفي
والدقووس
3 فصوص ثوم مدقوقة طماطة كبيرة مقصصة قطع ومعجون واحد وبهارات شووية وملح
اول شي حطي الثوم مع الزيت وحركي ثواني لايحترق وفوقة الطماط وحركي ليين يذبل وبس يذبل على طول حطي المعجون والبهارات والملح وزيدي شووية مااي على حسب ثقل المعجون شلون تبينة وبس
وعليكم بألف عافية واخليكم مع الصور
صورة الدقوس
صورة المجبوس
ماشاءالله
حور الحلوة
New member
- إنضم
- 8 يونيو 2008
- المشاركات
- 799
- مستوى التفاعل
- 0
- النقاط
- 0
ماشاءالله تبارك الله
انا داشه عرض ابي اسالج عن بهاراتج انا اسوي بالبيت وحلوين ماشاءالله بس في بهار ما الاقي بالكويت
المهم بهاراتج فيها كركم ؟ يريت تراسليني لان ابي اعرف
انا داشه عرض ابي اسالج عن بهاراتج انا اسوي بالبيت وحلوين ماشاءالله بس في بهار ما الاقي بالكويت
المهم بهاراتج فيها كركم ؟ يريت تراسليني لان ابي اعرف
- إنضم
- 17 أغسطس 2008
- المشاركات
- 7,026
- مستوى التفاعل
- 4
- النقاط
- 0
noor salam
New member
- إنضم
- 22 يونيو 2010
- المشاركات
- 812
- مستوى التفاعل
- 0
- النقاط
- 0
حبيبتي ابي اعرف نكهة عيش المطاعم غير الي نسويه في البيت ....... خاصة المطاهم الايرانية بالعيش الابيض
loooly love
New member
- إنضم
- 17 أغسطس 2008
- المشاركات
- 7,026
- مستوى التفاعل
- 4
- النقاط
- 0
- إنضم
- 17 أغسطس 2008
- المشاركات
- 7,026
- مستوى التفاعل
- 4
- النقاط
- 0
ربوع الحلوة
New member
- إنضم
- 20 يوليو 2009
- المشاركات
- 2,746
- مستوى التفاعل
- 1
- النقاط
- 0
- الحالة
