كتاب قرأته و اكتشفت انه مجرد .......... فقاعة اعلامية !

[مزيـانه]

بالنسبة لكتاب السر ... الحمدلله اني سألت عنه قبل لا أشتريه .. و أساسا ما كنت متحمسة له .. كل ما أدش المكتبة أقلب فيه و أرده سبحان الله ما دش خاطري

أما توايلايت .. الصراحة قريت السلسلة كلها .. الروايه حليوة .. كملتها لأني أحب التفاصيل .. و لأني أول مره أقرى قصص من هالنوع .. و رجعتني حق أيام المراهقة

بالنسبة للكتاب اللي شريته و تحسفت .. الصراحة اهي مره و تعلمت منها اني ما أسمع كلام الناس مره ثانية .. لأن البعض يروج للكتب بحكم القرابة مع الكاتب أو الكاتبة .. دشيت على كلام البنات و شريت كل كتب واحد من الكتاب الكويتيين (مابي أقول اسمه) حرام بعد أشهر فيه .. الصراحة تحسفت قد شعر راسي .. لأن كتاباته كانت جدا ركيكة .. و أشياء ما تنفع ببايات .. أشياء ما تدش العقل و أحداث ملزقة تلزق .. و على فكرة مسوين له موضوع طويل عريض بالمنتدى!! مادري يمكن في ناس يحبون ستايله .. بس انا لأ .. تحسفت وايد .. حسافة فلوسي

 

[ام الدكاتره]

السلام عليكم
بالنسبه لي روايت الخيميائي ما عجبتني بالمره لدرجة اني ما قبلت احتفظ فيها بمكتبتي حسيت انها تسخر من العقول
وكتاب السر فكرته انعرفها كلنا كمسلمين وهي تتلخص بالحديث القدسي ( انا عند حسن ظن عبدي بي فليظن بي ما شاء)

 

[mimi_el3so0ola]

كتاب السر ما عجبني فيه غير غلافه =\
.. والا كمضمون احسه خرابيط x خرابيط !!

اما توايلايت فأشوه اني ما شريت الكتاب على قد ما سمعت عنه ،
بس شفت الفلم ماله وماحبيته كانه حلقات مسلسل احسه مو مال فلم ينعرض بالسينما ..

والكتاب اللي شريتيه وتحسفت اسمه " أنا لا اقول لك ذلك الا لأنني احبك " لـ/ ديبورا تاين <<-- احسه سخييف وماقدرت اقرا منه شي من كثر ما اهوو ماله معنى ،

ويعطيج العافيه اختي عهوود ع الموضوع الحلوو هذا ^^
ماقصرتي الغلاآ ...

& تقبلي مروري ،

 

[وهج الحب]

السلام:
لو تتبعت من نزل الكتاب هذا الكتاب قلت عنه انه كذلك وقد حاججني الكثيرات فيه صحيح لا سر فيه ولا شئ الا لعب على العقول ..
اما تولايلت فأنا ممن محبية وصحيح ان الكتابة ركيكة والقصة كذلك ولكن الممتع فيه هو قصة الحب انها تحلق بنا ..بعالم الخيال رغم اني ليس ممن مفتقد الحب ولكني احب اعيش القصص الرومانسية ..
اما الكتاب الفقاعة فأنا اراها في كثير من كتب الذات والتنمية ..وكذلك الكثير من الكتب التي مؤلفيها كتاب مصريين وخرهم الاسواني

 

[راعية الطويلة]

رد: رد : كتاب قرأته و اكتشفت انه مجرد .......... فقاعة اعلامية !

 

[عهود الحب]

رد : رد: كتاب قرأته و اكتشفت انه مجرد .......... فقاعة اعلامية !

خووش موضوع :nbvppw: :nbvppw:



وياااااااااكثرهم اللي قريتهم واتضح انهم - برايي الشخصي - مدح عالفاااااااااضي :j013:


عندج مثلا ( بنات الرياض ) مالها هدف او معنى وسخيييييييييفه

و اممم بعد - المشكلة ذاكرتي لج عليها شوي :eh_s(22): - في كتاب للكاتب الكبير أنيس منصور بس نسيته لوووووول لاني من زماااااان قاريته :eh_s(22):


اذا تذكرت لي رجعة انشالله :eh_s(17):

اي هذي بعد خذت ابعاد و شهرة كبيرة والمقصد منها واضح
واهي اصلا كانت كتابة على اجزاء بالنت بمنتدى معين وبعدها نزلتها كتاب ونجح بس عشان خصوصية البنت السعودية

dreamer_33


معليش اختي روايه بنات الرياض
مو روايه كلام فاضي جامعته الكاتبه
في كتاب علشان تشوه سمعة بنات اللمملكه
ولا فيه أبو يعلم بنته أنواع الوسكي !!!!!!!؟؟


بس للاسف لان عندها ظهر صار له
ترويج كبير

اتفق معاج بالراي
وانا قريتها بس شوية من النت استخسرت اشتريها ادري المضمون فاضي على بلاش بس قرأتها للفضول
بسبب نفس الضجة الاعلامية

انا اؤيدج بالنسبة لكتاب السر خذا اكبر من حجمه بواااااايد والدعاية اللي سوتها اوبرا نفع الكتاب

الكتاب الثاني اللي انغريت بشهرته اعلاميا وما عجبني ابدا اهوا 100 عام من العزلة !! ما قدرت اكمله امانة

ومن يومها ما قمت انغر بالشهره الاعلامية للكتاب

قبل لا اشتري بروحي اقعد بالمكتبة اتصفح واقرا الملخص في اخر الكتاب

وشكرا على الموضوع الحلوو :tek:​

معروف انه اوبرا الدجاجة التي تبيض ذهبا ً بكل العالم
و الكتــّـاب هناك يدزون كتبهم لها عشان تقراها وعقب تعقب عليهم بنادي الكتب مالها
و ياليت عندنا برامج عربية تهتم بالكتب نفس ما تهتم اوبرا
عاد تصدقين 100 عام من العزلة عندي و للحين ماقدرت اقراه من الطابور الي انا مصنفته عندي كتب تكفيني 50 سنة جدام

كل مرة اقول مثلج بقعد اقرا واتصفح بس عيالي للأسف ما يخلوني اخذ راحتي
العفو حبيبتي وانتي مشكورة

موضوعج فكرته حلوة ويديدة
وايد عندنا بالقسم مواضيع تمدح كتب بس ما في موضوع يحذر من كتب ما تسوى الواحد يقط عليها فلس
وليما قريت عنوانج اول شي طرا على بالي كتاب السر
انا على كثر ما شفت الناس ترفع فيه شكيت
وليما سمعت فكرته كرهته
بس فيه وحده قالتلي لا تحكمين قبل لا تقرينه
قلت خل اعطيه فرصة يمكن يكون حكمي غلط
بس ليما قريته تأكدت فكرتي عنه
انه كتاب للناس الكسالى
الفكرة من الكتاب والهذرة كلها : اقعد بمكانك وتخيل ان شي راح يصيرلك وفعلا راح يصير
بدون مجهود ولا تعب مجرد رغبتك بالشي تحقق احلامك
وانا اعتبر هالكلام كلام فاضي لأن يعيش الناس بأوهام مالها اول ولا تالي

توايلايت ما قريته ولا اهتم اني اقراه

كتاب تحسفت عليه: Five People You meet in Heaven
رغم اني قريت للكاتب روايات ثانية حلوة بس هذي القصة بالذات خيبت ظني


انا عموما ما اختار الكتب على كلام اي شخص
اذا الفكرة دشت مزاجي قريته
وغالبا ما احكم على القصة من فكرتها
وفي وايد كتب سمعت عنها بس ما افكر اقراها
منها الآتي:
Eat, Pray, Love
Shopaholic

وسلامتكم

مشكورة عالكلام الحلو فعلا كل المنتدى انترس دعاية لكتب بس مافي موووضوع يحذرنا نشتري كتب ماصخة خلاف الي نسمعه او نقراه
الغالبية يمدحون و يخافون يقولون رأيهم بصراحة او يمكن يقولونه ومحد يصدقهم
انا لأني احد ضحايا هالدعايات بس مليت وحبيت اقول راي
عاد تدرين هذا الكتاب الاول الي ذكرتيه كأنه مافي له طبعة مترجمة
والقهر انه في كتاب كتبهم لاتترجم
خو ما اعرف اقرا بالانجلش ماافهم بصراحة
اما الكتاب الثاني انا انتظره يترجم عاد
انتي بنظرج ما يسوى ؟ لأنه تحول لفيلم لجوليا روبرتس
وفعلا اوبرا سوت له دعاية مو صج
< ما تتوبين :cxxxp:​

 

[عهود الحب]

رد : رد: كتاب قرأته و اكتشفت انه مجرد .......... فقاعة اعلامية !

امممممممم اتـفقج مــعاج بنـــقطه و اختــلف مــعاج بالثــانيـه ..

بالنســبه لكــتاب the secret و انا قاعده اقرى الكتـاب حسيت اني قاعده ادور بدوامـه
ارد و اروح على نـفس المكــان و نفس النقــطـه .
فــهـمت المـغزى من الكتــاب و مــاكملته لان حسـيت اني قاعده اضيع وقتي . و همن ما بغيت اني اكمله .
بالنسـبه لهم الاجانب القراءه بـدمهم يموتون على شي اسمه كتـاب , حتى كلمة وحده من كتــاب تغير حياتهم فوق تحت
اهم نفسـهم كل واحد بعيد عن الثاني الولد من يصير عمره 18 يطلع من البيت , فكل واحد من البيت محتاج احد يسـاعده وينصـحه
و كبريـاء البعض ما يسمح لهم انهم يطلبون من احد من عايلتهم .. تلقيـن عندهم مصـايب دنيـا و الديـن و مــاكو احد يسـاعدهم ولا ينصحهم
فهالكــتاب كــان مثل المتــنفس حقهم .. عطـاهم مثل مـا تقولين دفعه و امل و الثـقه بالنــفس, علشـان جذي هالضـجه عالكتــاب .
...

بس بالنســبه ل twilight عجــبــتني الروايـه
الروايـه كـان فيها عنصـر الغــموض و التشـويق كونــها تــطرقت لموضوع غـريب بالنســبه لروايـات الكـتب .
الاحـداث ممكـن كـانت بطيـئه شـوي لان الكــاتبه اوصـفت كل حـركه وحس بالروايـه علشـان تعيـشـين الجو, فيــصير فيه رابـط بيـنج وبين الروايـه و تقـدريـن تعــطيـن صوره بــ بـالج عن الاحـداث الي قاعده تصـير .
ســر نجــاح الكــتب كــلها اهو الفضـول من القـراء نفسهم علشان يعرفون الاحداث و التغيرات الي راح تصير بالقصه
انا بعد ما كنت اخلص الجزء فضولي يذبحني الا اقره الجزء الي ورااه علشان اعرف احداث القصه .

بالنســبه لكــتب تحــسفت اني قريـتها ( كل نفس تســتــنشــقه _ الان نفتح الصنـدوق _ 17 )

يعــطيج العااافيه يا قلبي على الموضووع الحلو والله لايحرمنا اليااااي انشالله .

شوونا انا اتفق معاج بنقطة واختلف معاج بنقطة < تقلد
لا صج كلامج عن كتاب السر حلو واقتنعت فيه
بس لايزال الكتاب كتب بفلسفة عميقة ماتصلح للناس الي حدهم ضايعين على قولتج
يمكن وجهة نظرج صحيحة ليش لأ انا قصدي انه الكتب اقل من عادي فكريا و كاسلوب كتاب كلش ما يشد
والفيلم افضل منه مليون مرة
اما بالنسبة لتوايلات اهي اسلوبها جدا عادي بالرواية لدرجة حتى الكحة توصفها وصف
مادري اي تفاصيل تبينا نوصلها
المهم انه الرواية عادية كرواية كأسلوب كفكرة مافي شي جديد فهمتيني والسبب بنجاحها ربما يعود للفضول من القراء مثل ما قلتي حبيبتي

17 لعبدالوهاب السيد < ما حبيته ككتاب فيه قصص قصيرة روعة كان المفروض يطولها شوي ويملأها بالتفاصيل اكثر
اما كل نفس نستنشقه < مامر علي لمنو ؟؟؟
الآن نفتح الصندوق عند بنتي ما سألتها رايها فيه

مشكورة يالغالية

ماتوقع انه فقاعه اعلاميه !

المسأله مسأله اذواق لا غير لان ان كان الكتاب مو حلو ماراح ياخذ هذي الضجه

ممكن تكون بعض الكتب الي تقرينها تحسين انها مو مناسبه لج لانها اصغر من سنج او ما تتفق مع ميولج او او او

بس بالنهايه لها جمهور كبير اهم الي وصلو الكتاب للقمه

واتمنى وصلت وجهة نظري

يجوز المسألة مسألة اذواق !
وصلت وجهة نظرج
مشكورة حبيبتي :friends:

السر من سمعت فكرته ماااااااااااااااافكرت اشتريه لاني توقعت شنو مكتوب فيه وفعلا طلع توقعي صح

وتوايلايت بعد ماعجبني بسبة الفيلم

فكرة مصاص الدماء وويحب بنت مكرررررررررررررررررررررره

واكتشفت ان كل كتاب تصير عليه ضجة اعلاميه كتاب تافه


صرت اشتري كتبي لما اقرا تعليقات الناس عنها ولما اروح المكتبه اقرا المقدمه يعني اخذ فكره بالاول واذا دخل مزاجي اتوكل على الله واشتريه

وفعلا تنفع هالطريقه


ومن الكتب اللي صارت عليها ضجة اعلامية مو طبيعيه وشريتها واكتشفت انها عاديه جدا

مئة عام من العزله

الخيميائي

صج فكرتهم غريبه واحداثهم ما تتوقعينها بس ما افكر اعيد قرائتهم

خلاص كرهت مئة عام من العزلة كرهته كرهته عاد شاريته
الخيميائي انا قريته وبالبداية ماحبيته كلش وبديت اعصب واطق ببناتي
وبعد ماخلصته انصدمت بطريقة النهاية
فعلا شي خيالي طريقة الكاتب بالوصول لنهاية القصة
احس الكاتب ما يكتب الا لهدف والله اعلم

يعطيج العافية

الله يعافيج ​

 

[عهود الحب]

رد : رد: كتاب قرأته و اكتشفت انه مجرد .......... فقاعة اعلامية !

و اعترف انها ذكرتني بروايات عبير القديمة التي كنا نقرأها خلسة و ان صادونا اهلنا قطعوها


<<< لووووووووووووووووووووووول موووصصصـــج

شــوفي الســر حبيته بــسس إن يعطيج تفــآؤل فقط لاغير ومع هــذآ مــآحبيت أكملة

تــوآي لايت مقطووط عنــدي زيننــة وإللي يســآلني أقوول قصصــة الفلم يعني فــآهمة

أمــآ بــآجي الكتب لأ مــآتحسفت عليهــآ لأني لمــآ أقعــد بــآلمكتبة أقعــد ســآعتين أتنح بــآلكتب بعــدين أطلــع

اي والله يقطعونها و يمصعون اذوننا وراها والله لا يوريج
اهو اهلنا قبل كل شي ينقري يحسبونه يخرب اخلاقنا وما الومهم احنا بعد عوابة ما اخترنا نقرا الا روايات عبير :bbbiu:
احنا وصلنا لنقطة انه ما نقدر نكمله لأنه خرابيط وكلام مكرر
وفعلا توايلايت زينة زي قلته على قولتهم
مشكورة عالرد

مشكوورة عالموضوع (f) حلوة الفكرة :***


بعدين من موضوع قصة توايلات حكمت عليها ..( مبين مو شي )


:eh_s(8):

حلت دنياج يارب و العفو حبيبتي
والله كلامج صحيح
تسلمين

كتاب السر كلمة غبي ماتوفي حقه قريته من اوله لي آخره بطلع منه بشي يديد مااااكو
كلها معلومات متعارف عليها وماكان فيه شي يستحق كل هالشعبيه


بس بصراحه رواية توايلايت عحبتني وايد انا وياج إن فكرتها تافهه بس اهي الي جد
استمتعت وانا اقراها

والي انصدمت فيها (رواية السجينه) هم بعد ماتستاهل كل هالاعلانات عليها

زين والله قدرتي تكملينه للآخر
والله تستاهلين كاس البطولة ماقدرت اكمله لنصه !
الحمدلله انج معترفة ان الفكرة تافهة هههههههههههههه فديتج
اما السجينة اوااااااااافقج مليون مرة يخرب بيت الكتاب قمة الملاقة وثقل الدم :eh_s(2):
مشكورة حبيبتي

بالنسبة لكتاب السر ... الحمدلله اني سألت عنه قبل لا أشتريه .. و أساسا ما كنت متحمسة له .. كل ما أدش المكتبة أقلب فيه و أرده سبحان الله ما دش خاطري

أما توايلايت .. الصراحة قريت السلسلة كلها .. الروايه حليوة .. كملتها لأني أحب التفاصيل .. و لأني أول مره أقرى قصص من هالنوع .. و رجعتني حق أيام المراهقة

بالنسبة للكتاب اللي شريته و تحسفت .. الصراحة اهي مره و تعلمت منها اني ما أسمع كلام الناس مره ثانية .. لأن البعض يروج للكتب بحكم القرابة مع الكاتب أو الكاتبة .. دشيت على كلام البنات و شريت كل كتب واحد من الكتاب الكويتيين (مابي أقول اسمه) حرام بعد أشهر فيه .. الصراحة تحسفت قد شعر راسي .. لأن كتاباته كانت جدا ركيكة .. و أشياء ما تنفع ببايات .. أشياء ما تدش العقل و أحداث ملزقة تلزق .. و على فكرة مسوين له موضوع طويل عريض بالمنتدى!! مادري يمكن في ناس يحبون ستايله .. بس انا لأ .. تحسفت وايد .. حسافة فلوسي

اهو احيانا كتاب ما يدش خاطرنا و يكون قرارج صح ومرات العكس انا كله العكس هههههه
التفاصيل المملة قصدج وفعلا يرجع لايام المراهقة
اما الكاتب الي تقصدينه عبدالوهاب السيد < عادي قوليها
خو الكويت بلد ديمقراطي :dddds:
والله بعض كتبه حلوة وبعضها لأ وبعض قصص علياء الكاظمي نفس الشي
شاكرة لج حبيبتي ​

 

[عهود الحب]

رد : رد: رد : كتاب قرأته و اكتشفت انه مجرد .......... فقاعة اعلامية !

السلام عليكم
بالنسبه لي روايت الخيميائي ما عجبتني بالمره لدرجة اني ما قبلت احتفظ فيها بمكتبتي حسيت انها تسخر من العقول
وكتاب السر فكرته انعرفها كلنا كمسلمين وهي تتلخص بالحديث القدسي ( انا عند حسن ظن عبدي بي فليظن بي ما شاء)

وعليكم السلام ورحمة الله وبركاته
شاكرة لج ابداء رأيج
و فعلا الحديث القدسي محور الكتاب
اما الخيميائي يبيلها طولة بال على ما تستوعبينها
مشكورة عالرد

كتاب السر ما عجبني فيه غير غلافه =\
.. والا كمضمون احسه خرابيط x خرابيط !!

اما توايلايت فأشوه اني ما شريت الكتاب على قد ما سمعت عنه ،
بس شفت الفلم ماله وماحبيته كانه حلقات مسلسل احسه مو مال فلم ينعرض بالسينما ..

والكتاب اللي شريتيه وتحسفت اسمه " أنا لا اقول لك ذلك الا لأنني احبك " لـ/ ديبورا تاين <<-- احسه سخييف وماقدرت اقرا منه شي من كثر ما اهوو ماله معنى ،

ويعطيج العافيه اختي عهوود ع الموضوع الحلوو هذا ^^
ماقصرتي الغلاآ ...

& تقبلي مروري ،

اهو فعلا ً مايصلح فيلم المفروض مسلسل على ام بي سي 3
ماعمري سمعت عن كتاب ديبورا تاين
و مشكورة الله يحلي دنياج يارب

السلام:
لو تتبعت من نزل الكتاب هذا الكتاب قلت عنه انه كذلك وقد حاججني الكثيرات فيه صحيح لا سر فيه ولا شئ الا لعب على العقول ..
اما تولايلت فأنا ممن محبية وصحيح ان الكتابة ركيكة والقصة كذلك ولكن الممتع فيه هو قصة الحب انها تحلق بنا ..بعالم الخيال رغم اني ليس ممن مفتقد الحب ولكني احب اعيش القصص الرومانسية ..
اما الكتاب الفقاعة فأنا اراها في كثير من كتب الذات والتنمية ..وكذلك الكثير من الكتب التي مؤلفيها كتاب مصريين وخرهم الاسواني

وعليكم السلام
بشنو حاججوج ؟ هو فعلا لعب عالعقول
و يذكرني بكاتب كتب كتاب عنوانه [ كيف تكسب مليون دولار ] ومضمون الكتاب
هو ألف كتاب مثلي و بيعه وتربح مليون دولار !ههههههههههه
اما اتوايلايت الحمدلله انه معترفين انه الرواية ركيكة :friends:
كتب التنمية كلها قص ولصق من بعضهم البعض والشطارة عالقاريء نفسه يعرف المصدر الصحيح وين
واما الكتاب المصريين اولهم مجدي كامل مدري كمال ابو التطبيل و الاسواني ماعرفه شنو كتابه
عشان ما اشتري له
شكرا وهج

الله يبارك فيج بيته مكه يوديج :aha:​

 

[sleeplessgirl]

الكتب اللي ندمت اني قريتها :
المنتظر : سخيفه و ماكو قصه
فيرونكا تقرر ان تموت : لماركيز حذفتها بالزباله
انف و 3 عيون : لاحسان عبدالقدوس قطعتها ز
يوم قريت هالثلاث كتب قررت مااقرا لكتابها مره ثانيه
طبعا في كتب اسخف بس هذيلهى اللي اتذكرهم ..
كتب عبدالوهاب السيد copy &paste من قصص احمد خال توفيق بس بنكهه كويتيه
عااد في كتاب مااتوقع انه باي كتاب ينزل مستواهم مثل دان بروان كل قصص حلوه

 

[راعية الطويلة]

رد: رد : رد: رد : كتاب قرأته و اكتشفت انه مجرد .......... فقاعة اعلامية !

الله يبارك فيج بيته مكه يوديج :aha:​

آميــــــــــــــــــــــــــــن عاجل غير آجل يا رب العالمين​

 

[قَلبڪْ صًخرْ]

اول ماقريت العنوان خطر في بالي كتاب .. سيكرت

يمكن عند الغرب سر .. بس احنا كان واضح عندنا من 1430

وتربينا على حديث حبيبنا ورسولنا صلى الله عليه وسلم ..

والشفق .. قريتها بجرير نص ساعه لوووول مو كلها بس البدايه .. لاعت جبدي من اسلوب الكاتبه
حيل حيل تفصل ولما عرفت ان هو الفلم ماغيره اللي اشوف اعلاناته تحمدت ربي ماشريته


وشريت 3 روايات مره وحده لدانيال ستيل من الضجه انها اكثر مبيعا في اميريكااا

بلشت بالمنزل .. نص ونص قلت كملي .. خصوصا اني ماحب اقطع شي لازم اكمله لو مليغ
وعقب مستحيل .. عيوز تحب شاب .. لاعت جبدي منها بس كملتها وحدها تافهه

الشقيقاات .. نفس رواية نسا صغيرات بس على مودرن ..

تحسفت ضعيت وقتي بقراية 3 ورايات وكل رواية صفحاتها 300 وفوق

 

[WHO CARES!]

كتاب السر انا اتفق معااج احس ما استفدت منه كلام مكرر يمكن فكره وحد ما تاخذ صفحه وحده صارت ب 200 صفحه توايلايت يمكن ماراح يعجب الكل ليش ؟ لانه قصص موجه حق فئه معينه روايه رومانسيه بطااابع يديد يعني انا ادمان توايلات خلصتهم كلهم بفتره قصيره شدني اسلوبها ويمكن انتو تحكمون عالقصه لانكم قريتو النسخه العربيه النسخه الانجليزيه وايد احلى والفلم مو قاعد يعطي الروايه حقها الصراحه ولولا اختلاف الاذواق لبارت السلع الكتب اللي ما حبيتها كتب علياء الكاظمي ما عجبتنبي كلش

 

[عهود الحب]

رد : رد: كتاب قرأته و اكتشفت انه مجرد .......... فقاعة اعلامية !

الكتب اللي ندمت اني قريتها :
المنتظر : سخيفه و ماكو قصه
فيرونكا تقرر ان تموت : لماركيز حذفتها بالزباله
انف و 3 عيون : لاحسان عبدالقدوس قطعتها ز
يوم قريت هالثلاث كتب قررت مااقرا لكتابها مره ثانيه
طبعا في كتب اسخف بس هذيلهى اللي اتذكرهم ..
كتب عبدالوهاب السيد copy &paste من قصص احمد خال توفيق بس بنكهه كويتيه
عااد في كتاب مااتوقع انه باي كتاب ينزل مستواهم مثل دان بروان كل قصص حلوه

المنتظر من اول 3 صفحات قطيته من ايدي
دان براون ماركة عالمية لا يقارن بأحد
احسان عبدالقدوس < ايام مراهقتي قبل :wqedqw:
عبدالوهاب السيد اكثر رواية حبيتها له الابعاد المجهولة بس
الباقين نسيت شنو رايي فيهم :eh_s(10):
مشكورة عالرد
بس ليش تجرمين بالقصص ماحب الكتب تنقط بالزبالة :rgewrg:

آميــــــــــــــــــــــــــــن عاجل غير آجل يا رب العالمين​

وانا معاج يارب لي سبع سنين او اكثر ؟ ماشفتها ولا شميت ريحتها
الله يرزقنا حجتين و7 عمرات قولي آمين :eh_s(21):

اول ماقريت العنوان خطر في بالي كتاب .. سيكرت

يمكن عند الغرب سر .. بس احنا كان واضح عندنا من 1430

وتربينا على حديث حبيبنا ورسولنا صلى الله عليه وسلم ..

والشفق .. قريتها بجرير نص ساعه لوووول مو كلها بس البدايه .. لاعت جبدي من اسلوب الكاتبه
حيل حيل تفصل ولما عرفت ان هو الفلم ماغيره اللي اشوف اعلاناته تحمدت ربي ماشريته


وشريت 3 روايات مره وحده لدانيال ستيل من الضجه انها اكثر مبيعا في اميريكااا

بلشت بالمنزل .. نص ونص قلت كملي .. خصوصا اني ماحب اقطع شي لازم اكمله لو مليغ
وعقب مستحيل .. عيوز تحب شاب .. لاعت جبدي منها بس كملتها وحدها تافهه

الشقيقاات .. نفس رواية نسا صغيرات بس على مودرن ..

تحسفت ضعيت وقتي بقراية 3 ورايات وكل رواية صفحاتها 300 وفوق

تصدقين دانيال ستيل كل ما اروح بشتري لها ادوس بريك
نفسي مو مطاوعتني اشتري لها
مادري الرواية شكلها من برا حلو بس شوفي كمية الصفحات
احس بتطيح بجبدي وماراح اقراها اعرف روحي

اذا غاوية تجربين حظج مع كاتب أجنبي
جربي سيدني شيلدون


مو طبيعي اسلوبه بالكتابة بتحبينه و بتدعين لي
بس لاتدعين علي
اذا تحبين الجريمة والغموض بيعجبج
اهو مؤلف لأفلام هوليوود معروف وانا سبق كتبت عنه موضوع كامل بهالمنتدى عنوانه [ السماء تتهاوى ]
اطلعي عليه
حياج حبيبتي عسى ربي يحنن قلب رجلج عليج وقلب رجلي علي :27d66a9c24b146327bf

كتاب السر انا اتفق معااج احس ما استفدت منه كلام مكرر يمكن فكره وحد ما تاخذ صفحه وحده صارت ب 200 صفحه توايلايت يمكن ماراح يعجب الكل ليش ؟ لانه قصص موجه حق فئه معينه روايه رومانسيه بطااابع يديد يعني انا ادمان توايلات خلصتهم كلهم بفتره قصيره شدني اسلوبها ويمكن انتو تحكمون عالقصه لانكم قريتو النسخه العربيه النسخه الانجليزيه وايد احلى والفلم مو قاعد يعطي الروايه حقها الصراحه ولولا اختلاف الاذواق لبارت السلع الكتب اللي ما حبيتها كتب علياء الكاظمي ما عجبتنبي كلش

صدقتي بالنسبة للسر
اما توايلايت قريت النسخة الاصلية من النت
ماشدتني
اكيد لولا اختلاف الاراء لبارت السلع اكيد
علياء لج عليها واجد مو شوية :tongue22:
حياج وصورتج الشخصية مادري لمنو عفست مخي ماتذكرت منو الكبر شين :tongue22:​

 

[راعية الطويلة]

رد: رد : رد: كتاب قرأته و اكتشفت انه مجرد .......... فقاعة اعلامية !

وانا معاج يارب لي سبع سنين او اكثر ؟ ماشفتها ولا شميت ريحتها
الله يرزقنا حجتين و7 عمرات قولي آمين :eh_s(21):​

​

​

آميـــــــــــــــــــــــــــــــــــــن يا رب العالمين الرازق الرزاق يرزقنا أنا و انتي و يتقبل منا

حولنا الموضوع انا و ياج بسسسسسسسسس

يا زينه من تحويــــل :e3:

تسلمين حبيبتي ع الدعاء و كثري منه ​

 

[طوق البنفسج]

رد : كتاب قرأته و اكتشفت انه مجرد .......... فقاعة اعلامية !

اوافقج عهود الحب .. السر عادي حاله حال اي كتاب تنميه ذات ..

و تولايت .. ما افكر اقراهم ما يستهويني هالنوع من الكتابات مصاصين دماء و خيال كلش

 

[عهود الحب]

رد : رد: رد : رد: كتاب قرأته و اكتشفت انه مجرد .......... فقاعة اعلامية !

راعية الطويلة الله كريم و عسى ربي لا يحرمنا من شوفتها:tek:​

 

[عهود الحب]

رد : كتاب قرأته و اكتشفت انه مجرد .......... فقاعة اعلامية !

اوافقج عهود الحب .. السر عادي حاله حال اي كتاب تنميه ذات ..

و تولايت .. ما افكر اقراهم ما يستهويني هالنوع من الكتابات مصاصين دماء و خيال كلش

جزاج الله خير عالرد
طلعتي احسن مني و مامشيتي ورى الضجة الاعلامية
:eh_s(21): حياج

 

[ابي قطوة ميوووو]

رد: رد : رد: كتاب قرأته و اكتشفت انه مجرد .......... فقاعة اعلامية !

اهلا فيج يا قطوة
شنو الغريب بالقصة ؟ و شلون عرفتي انه مافي رواية تشابهها
و أنا اسألج للاستفادة منج بما انه انتي احد عشاق سلسلة التوايلايت
و شكرا عالرد :hjy5jewf:


اممم الغرييب في !
عمرج سمعتي عن مصاصي دماء نباتين ؟؟!!
وما ادري احس القصة غريب مثلا اربطو بين المستئذبين ومصاصي الدماء ان بينهم عدواة
ما ادري انا اشوف غريب واتمنى تتقبلين مروري وراي :eh_s(3):​

 

[عهود الحب]

رد : كتاب قرأته و اكتشفت انه مجرد .......... فقاعة اعلامية !

افا عليج نتقبل كل شي تقولينه
بس الفكرة موب غريبة بس اختلاف الاراء لايفسد الود قضية :/