الخـــل يبـيـــــــــــــــــــــــــــــــــــــــض .. !!

[..رواء..]

السلام عليكم ورحمة لله وبركاته ^^

طبعا العنوان وضح لكم ..

انا حبيباتي مسويا رجييم وقاعدا استخدم الخل يعني ارش على جسمي ممكن البعض بيقول مو زين او يضر وغيرا انا توكلت على لله وحطيته والي بيصيرلي مكتوب ومقدر ..

وانا ماحط وايد مجرد رش خفيف على بطني شوي وزنودي بس الي بغيت استفسر عنه الخل يبيض ؟

انا قاعدا احس ان المكان الي احط فيه ابيض وافتح من الثانين ؟

مع العلم ان انا بيضه ماتوقعت ان بيفتح بعد زيادة لكن فتح لونه ..

وللي يعافيكم ويخليكم الي تعرف اي معلومه ان يبيض او شي تقولي وتحياتي لكم ^^

سوري عالاطاله .. -_-​

 

[ميسم]

رد : الخـــل يبـيـــــــــــــــــــــــــــــــــــــــض .. !!

صج
يبيض ؟؟؟؟؟؟
بس يقؤؤلون انه ضااااااااااااااااااااااااااار يخلي الجلد ينضج


انا اخاااف شكراااا

 

[DooLy88]

معروووووف

انه يبيض

بس لاتكثرين منه لانه يذوب اللحم من داخل

خليه مخفف مع ماي

عالاماكن الغامجة ومفعوله سريــــع

 

[احلى كيكة]

مشكورين حبايب قلبي لله يعطيكم العاافيه

 

[الأبتسامة الدام]

ماأنصحج فية ياقلبي لأن وحدة كانت تستخدمة نفس طريقج وقدر اللة وسوت عملية زيادة على ماأعتقد بس اللي اذكرة انها سوت عملية وأتناء العملية ماقدر الدكتور يخيط بطنها من كثر ماهو ذايب من الخل واسمحيلي للأطالة

 

[الأبتسامة الدام]

اسفة عملية زايدة

 

[سمو الغلآ]

يابنت الحلال
لا تستخدمين شي ضار وتقولين اللي كاتبه ربي بيصير
يابنت ابعدي عنه

 

[بعثرة محبره]

ايه خل التفاح يبيض ...

 

[A.N.L]

اي يا قلبي يبيض



بس خففيه بماي احسن

 

[صامته]

رد : الخـــل يبـيـــــــــــــــــــــــــــــــــــــــض .. !!

من صجكم@@ الخل ضار انا استخدمه على جسمي مع ليمون وشوي ماي ورد وكميه الخل اكثر وحطه على كل جسمي وسوي رياضه@@ من وين يبتو المعلومات؟؟؟؟؟؟؟؟؟؟؟؟؟؟؟

 

[al-musk]

اول مرة أدري انه يبيض...!

 

[doudou2009]

انا اللي اعرفه ومتاكده منه انه الخل مو زين لا تاخذينه حبوب ولا تحطينه على جسمج واذا بتقولين ليش بقولج لانه الحبوب تسبب امساك واذا حطيتيه على جسمج الانسجه راح تصير رقيقه وحده مرة قالت انها كانت تستخدمه على بطنها ولما حملت ماقدرت تولد لانه المنطقه صوب الرحم انسجتها صايرة وايد رقيقه وماتتحمل الحمل

 

[nandeny]

مادري حبوبه انه يبيض

 

[أوتــار الهــوى]

ماأدري إذا كان يبيض أو لا

 

[الماسه الفضية]

والله أنا ما أنصح فيه لاني سمعت فيه وحد ولدت عمليه قيصرية وما قدر الطبيب يخيط بطنها وتركها ليييييييين يكفينا الشرررررر ماتت

وبصراحه أنا ما ودي اخرعج بس لازم احدزج يالغاليه لانه حييييل خطررررررر ونصييييييييحه تركيه وسوي اي شي غيره

 

[إنسانة أكثر]

السلام عليكم ورحمة الله وبركاته

.

.

.


حبيباتي إحذروا أنتم تبون البياض ولا سلامتكم

الله سبحانه وتعالى قال ( ولا تودوا بأنفسكم إلى التهلكة )

اللي سوت العملية يابنات وحدة حامل وولدت بعملية قيصرية

يبي يخيطون فتح البطن ماقدروا كل مايخيطونه ينفتق لحد ماتوفت الله يرحمها من كثر النزيف

ويمكن بعد مثل ماذكروا خواتي وحدة مسوية عملية زايدة وغيرها وغيرها

الناس إذا ماانتبهت تطيح بنفس الخطأ

صدقوني يابنات فيه 100 بديل عن الخل

سبحان الله كل شي بإعتدال لأنه راح يؤثر إذا كثرتم منه

مثلاً بالسلطة أو بالأكل مع الدقوس أو الفول ومن هالأمور

لكن إياكم تحطونه على أجسامكم أنتم بنات وماتدرون باجر تتزوجون وتحملون !

وشي وارد إن الولادة تتعسر عليكم وإحتمال قيصرية

وحتى لو حطيتوه على الزنود إفرضوا سبحان الله إنجرحتوا بهالمنطقة ولزمها تدخل جراحي

شلون بيخيطونه والخل يمنع هالشغلة !

إياكم تلعبون بأرواحكم

فيه خلطات للجسم دشوا قسم الخلطات والله خواتنا الحبيبات ماقصرن

واللي تبي السيلولايت يروح أنصحها بكريمين أخذتهم من موقع وحدة كاتبة عنهم والله يجزاهاا ألف خير

كريم ريتن A تحطونه بالليل ع التشققات وكريم احماض الفاكهة تحطونه الصبح واللي بتطلع تحط حماية

أي كريم يحمي البشرة من أشعة الشمس

أما إذا تبون البياض والله خوذوا خلطات من هالقسم وربي خواتنا ماقصرن

http://www.q8yat.net/forumdisplay.php?f=15&order=desc&page=3

نصيحة آخيرة تكفون بنات إبتعدن عن الخل

وعلى فكرة حمامات الملكي والفرعوني والمغربي وهالسوالف أقسم بالله تفتح البشرة بطريقة رهيبة

والدليل بنت خالي ياسبحان الله صارت وحدة ثانية والسبب إشتراكها بالحمامات اللي خلتها تلق من البياض

والله النظافة والإهتمام والحمامات مع الخلطات والله كافية ونتيجتها أقوى من الخل وريحته

أنا نصحتكم لوجه الله وأنتم بكيفكم والشهادة لله إني أبي مصلحتكم وسلامتكم :hjy5jewf:

إحترامي وتقديري​

 

[قطوة@@]

رد : رد: الخـــل يبـيـــــــــــــــــــــــــــــــــــــــض .. !!

السلام عليكم ورحمة الله وبركاته​

.​

.​

.​

حبيباتي إحذروا أنتم تبون البياض ولا سلامتكم​

الله سبحانه وتعالى قال ( ولا تودوا بأنفسكم إلى التهلكة )​

اللي سوت العملية يابنات وحدة حامل وولدت بعملية قيصرية​

يبي يخيطون فتح البطن ماقدروا كل مايخيطونه ينفتق لحد ماتوفت الله يرحمها من كثر النزيف​

ويمكن بعد مثل ماذكروا خواتي وحدة مسوية عملية زايدة وغيرها وغيرها​

الناس إذا ماانتبهت تطيح بنفس الخطأ​

صدقوني يابنات فيه 100 بديل عن الخل ​

سبحان الله كل شي بإعتدال لأنه راح يؤثر إذا كثرتم منه​

مثلاً بالسلطة أو بالأكل مع الدقوس أو الفول ومن هالأمور​

لكن إياكم تحطونه على أجسامكم أنتم بنات وماتدرون باجر تتزوجون وتحملون !​

وشي وارد إن الولادة تتعسر عليكم وإحتمال قيصرية​

وحتى لو حطيتوه على الزنود إفرضوا سبحان الله إنجرحتوا بهالمنطقة ولزمها تدخل جراحي​

شلون بيخيطونه والخل يمنع هالشغلة !​

إياكم تلعبون بأرواحكم​

فيه خلطات للجسم دشوا قسم الخلطات والله خواتنا الحبيبات ماقصرن​

واللي تبي السيلولايت يروح أنصحها بكريمين أخذتهم من موقع وحدة كاتبة عنهم والله يجزاهاا ألف خير​

كريم ريتن A تحطونه بالليل ع التشققات وكريم احماض الفاكهة تحطونه الصبح واللي بتطلع تحط حماية​

أي كريم يحمي البشرة من أشعة الشمس​

أما إذا تبون البياض والله خوذوا خلطات من هالقسم وربي خواتنا ماقصرن​

http://www.q8yat.net/forumdisplay.php?f=15&order=desc&page=3​

نصيحة آخيرة تكفون بنات إبتعدن عن الخل​

وعلى فكرة حمامات الملكي والفرعوني والمغربي وهالسوالف أقسم بالله تفتح البشرة بطريقة رهيبة​

والدليل بنت خالي ياسبحان الله صارت وحدة ثانية والسبب إشتراكها بالحمامات اللي خلتها تلق من البياض​

والله النظافة والإهتمام والحمامات مع الخلطات والله كافية ونتيجتها أقوى من الخل وريحته​

أنا نصحتكم لوجه الله وأنتم بكيفكم والشهادة لله إني أبي مصلحتكم وسلامتكم :hjy5jewf:​

إحترامي وتقديري​

وفت و كفت ماشاء الله عليها :hearting:

 

[&موناليزا&]

رد : الخـــل يبـيـــــــــــــــــــــــــــــــــــــــض .. !!

رفع لعيون صاحبة الموضوع

 

[زهره الجلنار]

مادري يقولون الخل موزين انا كان ودي اسوي خلطة للتنحيف اللي معاها زنجبيل بس بنت عمتي قالتلي قصه البنت اللي ولدت وماالتئم جرحها وخفت

 

[آبـلـہ نـونـو]

إنسآنة أكثرر مآ قصرت عـَ آلنصيحة الله يجزآهآ خيّرر ،

..