تجميل الأنف في دبي !!

[jilnar]

مرحبا خوااتي ..

شحالكم و شو مسوين ؟

أنا بغيت أستفسر عن تجميل الأنف في دبي ..
بتقولون الدكترو غابريال صعب .. الصراحه رحت له بس ما ارتحت حق كلامه .. وأحس الذووق اللبناني يختلف عن الذوق الخليجي ..

وعندنا في الامارات محد يتكلم يعني الي اتسوي ما اتخبر ولا اتفيد !

في دكتور اسمه أحمد غانم قريت عنه في هالمنتدى رمست عنه العضوة مهره .. وحاولت أكلمها على الخاص بس شكلها مشاركاتي قليله ف ما قدرت أتواصل معاها .. على العموم بغيت أعرف اذا حد سمع عنه وشو رايكم فيه .. وفي بروفيسر اسمه Ashok Govilla بس ما حصلت عنه أي شي على النت ..

بليز ساعدوني .. الي اتعرف دكاترة ثانيين في دبي اتخبرني ..

ومشكورين​

 

[softlady]

فرحات

 

[mhra_uae]

حبيبتي رديت عليج على الخاص واسمحيلي على التاخير

 

[حلوى كويتيه]

قولولنا على العام

 

[jilnar]

فرحات

حبيبتي فرحات بخاري خلااااااص ما يسوي عمليت تجميل عندنا .. عيادته موجوده بس هو ما يسوي

 

[jilnar]

حبيبتي رديت عليج على الخاص واسمحيلي على التاخير

مشكووورة حبيبتي ما قصرتي

 

[jilnar]

قولولنا على العام

ههه ان شــــاء الله من عيوني

الي قالتلي اياه اختي مهره انه في ثلاث دكاتره هي تنصح فيهم ..

1- فرحات بخاري (بس للأسف ما يسوي عمليات تجميل عندنا الحين واتصلت عيادنه سألت وتأكدت)
2- أحمد غانم ( هذا نفسه الي في العياده الي يملكها فرحات بخاري)
3- دكتور صقر المعلا في الشارجه

وأنا بعد حصلت بروفيسر اسمه Ashok Govilla لو اتدورين اسمه في غوغل يطلع لج الموقع ماله ..
وفي بعد دكتور هندي اسمه دكتور سنجي في عيادة كوكونا في دبي

أنا عن نفسي بروح عند أحمد غانم و Ashok Govilla و دكتور سنجي وبعدين بستخير وبقرر

 

[اماراتيه_دبي]

رد : تجميل الأنف في دبي !!

انا مثلج اختي رحت عند دكتور غابرييل صعب ومارتحتله نفسيا ابدا وانصحج ماتردينله مره ثانيه لانه مثل ماقلتي الذوق الخليجي غير عن الذوق اللبناني وهو معاملته صراحه جافه ومايطول معاج ولايعطيج فرصه انج تتكلمين انا اشوف ان الدكاتره الايرانيين افضل بحكم بحثي عنهم هذا ولج حريه الاختيار

 

[إماراتية ملقوفة]

اممم حيرتوني انا كنت ناوية اسوي عند غابرييل صعب

اختي جلنار شوفي هالدكاتره اللي حطيتي اساميهم وردي عليه خبر فالخاص بليييييز

 

[jilnar]

رد: رد : تجميل الأنف في دبي !!

انا مثلج اختي رحت عند دكتور غابرييل صعب ومارتحتله نفسيا ابدا وانصحج ماتردينله مره ثانيه لانه مثل ماقلتي الذوق الخليجي غير عن الذوق اللبناني وهو معاملته صراحه جافه ومايطول معاج ولايعطيج فرصه انج تتكلمين انا اشوف ان الدكاتره الايرانيين افضل بحكم بحثي عنهم هذا ولج حريه الاختيار

ان شا الله برد البلاد بعد شهر ونص وبشوف شو بسوي ..

 

[jilnar]

اممم حيرتوني انا كنت ناوية اسوي عند غابرييل صعب

اختي جلنار شوفي هالدكاتره اللي حطيتي اساميهم وردي عليه خبر فالخاص بليييييز

انا عند نفسي ما عيبني د. غابريال صعب .. بس في ناس يمدحونه وشفت خشوم حلوه هو مسونها بس مادري انا شخصيا ما ارتحت له ..

وهالدكاتره ان شا الله اول ما ارجع البلاد بمر عليهم واحد واااحد وبشووف وبخبرج بكل التفاصيل .. وخالتي بتسوي عمليتها عند أحمد غانم بعد العيد ان شا الله بقوولج عن تجربتها بعد :d

 

[شوكولآ]

رد : تجميل الأنف في دبي !!

مرحبا صبايا

تبون الصدق انا مب وايد وايد ارتحت للدكتور غابرييل
لكن دام اني اعرف انه دكتور شاطر وشفت بعيني نتايج الناس اللي سوت عنده
خلاص مب مهم انا ارتاح له يعني مب زواج هو >> خخخخخخخخخخ
فإن شاء الله عمليتي الشهر الياي ادعووولي

والايرانيين اخاف منهم مادري ليش !
عملياتهم رخيصه وبصراحه ماقد شفت احد مسوي عندهم

 

[jilnar]

رد: رد : تجميل الأنف في دبي !!

مرحبا صبايا

تبون الصدق انا مب وايد وايد ارتحت للدكتور غابرييل
لكن دام اني اعرف انه دكتور شاطر وشفت بعيني نتايج الناس اللي سوت عنده
خلاص مب مهم انا ارتاح له يعني مب زواج هو >> خخخخخخخخخخ
فإن شاء الله عمليتي الشهر الياي ادعووولي

والايرانيين اخاف منهم مادري ليش !
عملياتهم رخيصه وبصراحه ماقد شفت احد مسوي عندهم

ان شاء الله يظبط خشمج ويطلع مثل ما تبين.. بس عاد خبرينا عقب شو استوى أول بأول .. وعن إيران انا شفت كم إيرانية في دبي مسوين خشومهم في إيران واااايد حلو مسويلهم والله ولا يبين انهم مسوين شي وشفت ثنتين خوات إيرانيات يشتغلون عند عمي مسوين وكان مب حلو الصراحة يبين انه تجميل جي واااايد مرفوووع ..

اصلا اهم شي الدكتور يكون فاهم انتي شو تبغين وخلاص ..
انا أحب الخشم الي نفس خشم ميساء مغربي وان شا الله اشووفلي دكتور يظبطلي إياه لو يطلع 70% نفس خشمها انا راضية :eh_s(3):

 

[pinkylicious]

رد : تجميل الأنف في دبي !!

مرحبا صبايا

تبون الصدق انا مب وايد وايد ارتحت للدكتور غابرييل
لكن دام اني اعرف انه دكتور شاطر وشفت بعيني نتايج الناس اللي سوت عنده
خلاص مب مهم انا ارتاح له يعني مب زواج هو >> خخخخخخخخخخ
فإن شاء الله عمليتي الشهر الياي ادعووولي

والايرانيين اخاف منهم مادري ليش !
عملياتهم رخيصه وبصراحه ماقد شفت احد مسوي عندهم

هاااااي شوكولا توكلي وسويها عند دكتور غابرييل انا سويت عنده وكملت شهرين من لما سويت العمليه بس بعد وراي مشوار طويلومن ناحيه الاهتمام ترا ما شاء الله عليهم يتصلواا فييج دايما يسالوا عنج من الكوسموسيرج انا لحد الحين يتصلوا ويسالوا عني وان شاء الله يطلع خشمج مثل ما انتي تريدي

 

[زايد ابوها]

السلام عليكم خواتي

انا سرت عند دكتور جبراييل بس ما عرف ليش وايد مترردة ...لاني انا ابغى اسويها في البلاد بس ما اسمع الا عن الدكتود جبراييل في دبي وانا من بوظبي....المشكلة يمدحونه وفيه ناس ما تمدحه على شان جي انا خفت فقلت اذا ما حصلت حد ماشي غير اسير لبنان عند دكتور مضمون وهو نادر صعب هذا اخر حل بسوية لانه ما اقدر ابدا اسير ايران

بس الله يخليكم بنات دبي ...خبرونا بتجاربكم بكل امانه حتى الي بتسوي عند الدكتور جبراييل او عند اي دكتور

وشكرا

 

[بنوتة الامارات]

رد : تجميل الأنف في دبي !!

اناااا بعد ابغي نقس خشم ميساااااااااء مغربي ....... :lkmnkl:

 

[شوكولآ]

رد : رد: تجميل الأنف في دبي !!

تسلمووووون حبايبي كلكم ماتقصرووون :eh_s(7):
ههههههههههه كلكم عايبنكم خشم ميسااء
هوو حلو بس يبين وايد انه تجميل
هي بكبرها مستويه جميله
-

[/U]

السلام عليكم خواتي
انا سرت عند دكتور جبراييل بس ما عرف ليش وايد مترردة ...لاني انا ابغى اسويها في البلاد بس ما اسمع الا عن الدكتود جبراييل في دبي وانا من بوظبي....المشكلة يمدحونه وفيه ناس ما تمدحه على شان جي انا خفت فقلت اذا ما حصلت حد ماشي غير اسير لبنان عند دكتور مضمون وهو نادر صعب هذا اخر حل بسوية لانه ما اقدر ابدا اسير ايران

بس الله يخليكم بنات دبي ...خبرونا بتجاربكم بكل امانه حتى الي بتسوي عند الدكتور جبراييل او عند اي دكتور

وشكرا

فديتج انتي لاتسمعين من الناس وايد
اسألي البنات اللي مسويات عنده وجوفي شو بيقولون لج
والله يوفقج يارب

 

[jilnar]

السلام عليكم خواتي

انا سرت عند دكتور جبراييل بس ما عرف ليش وايد مترردة ...لاني انا ابغى اسويها في البلاد بس ما اسمع الا عن الدكتود جبراييل في دبي وانا من بوظبي....المشكلة يمدحونه وفيه ناس ما تمدحه على شان جي انا خفت فقلت اذا ما حصلت حد ماشي غير اسير لبنان عند دكتور مضمون وهو نادر صعب هذا اخر حل بسوية لانه ما اقدر ابدا اسير ايران

بس الله يخليكم بنات دبي ...خبرونا بتجاربكم بكل امانه حتى الي بتسوي عند الدكتور جبراييل او عند اي دكتور

وشكرا

هلا حبيبتي ,,

يمكن تقولين عني نذله بس يلا بقوول الي عندي :dddds:

عملية خالتي جريبه .. أظن ثالث يوم العيد .. بتسويها عند دكتور أحمد غانم ,, بشووف كيف بتكون النتيجة وبرد عليج _03BA: ,, لا تتسرعين واتسوين عند أي حد !!

لأنه أمس بس امي خلتني أكلم بنت ربيعتها عشان تقنعني اني ما اسوي العمليه ,, هي مسوتنها عند غابريال وندمانه ,,وانا حااااولت أقنع امي اني شااايله هالدكتور من راسي ويالسه ادور غيره بس الله يهديها شكلها جي اتسوي عشان اتكرهني في الفكره ههه ..

المشكله اني مب في البلاد وبرد البلاد ان شا الله أول 10 ,, ووقتها بمر على كل دكتور أعرفه ,, هاي لستت الدكاتره الي سمعت عنهم ..

* غابريال صعب - سرت له بس ما ارتحتله موول

*أحمد غانم - بنت في المنتدى هني مدحتلي اياه وخالتي سارتله وارتاحتله , وخالتي اتعرف وحده مسويه عنده اتقول حلو بس عاد انا ما شفت بعيني !! لازم اشوف بعيني عشان اتطمن

*دكتور سنجاي- هذا سمعت عنه بس ما شفت حد مسوي عنده ومكانه في جميرا

*بروفيسر أشوك غوفيلا - نفس الشي سمعت عنه بس ما جربته (بس ماعرف ليش مرتاحه حقه مع اني ما شفته ولا شي واليوم ناويه اطرشله ايميل عشان اتواصل وياه)

*دكتور صقر المعلا - ما شفت شغله


انتي مري على كل واحد فيهم اذا تبين وشووفي شو كل واحد شو بيقول ,, واستخيري واتوكلي على الله

 

[jilnar]

رد: رد : تجميل الأنف في دبي !!

اناااا بعد ابغي نقس خشم ميساااااااااء مغربي ....... :lkmnkl:

ههههه الحال من بعضه !

 

[شوكولآ]

رد : رد: تجميل الأنف في دبي !!

لأنه أمس بس امي خلتني أكلم بنت ربيعتها عشان تقنعني اني ما اسوي العمليه ,, هي مسوتنها عند غابريال وندمانه ,,وانا حااااولت أقنع امي اني شااايله هالدكتور من راسي ويالسه ادور غيره بس الله يهديها شكلها جي اتسوي عشان اتكرهني في الفكره ههه ..

خبريني عن سالفة ربيعتج .. ليش ندمانه ؟ >_<