اللي فيها غده درقيه او تعرف احد فيه تدخل ضروري قبل رمضان>>>

[ابتسمامه]

السلام عليكم

بنات اللي فيها غده درقيه او تعرف احد فيه غده ياليت تفيدني

حبوب الغده معروف لازم اكلها على الريج وانطر نص ساعه بعدها اكل

ابي اسالكم شلون تاكلونها برمضان ؟؟؟؟؟؟؟

بصراحه ما ودي افطر عليها متعوده من كنت صغيره افطر على تمره ودي اتبع السنه

واذا باكلها على السحور شلون متى تكون اخر وجبه اكلتها على اساس المعدهتكون فاضيه؟؟


واللي ماتعرف ترفعلي الموضوع جزاها الله خير

 

[جـــواهر]

فووووووق

 

[املى كبير]

انا والله مثلج


وقريت مرة هنيه بالمنتدى موضع البنات

شلون ياكلونها ........

يقولون ناكلها قبل الامساك ويكون متسحرين قبلها ب3 ساعات عشان تاخذ مفعولها هذا الا فهمته

والله يشفينى ويشفييج يااااااارب

 

[الجمال 2009]

رفع وأختي فيها بسألها وارد لج

 

[ابتسمامه]

جواهر
مشكوره على الرفع


املي كبير
زين بس 3 ساعات مااعتقد الاكل تهضم وانا حاطه بالي5 ساعات على الاقل
الله يشفينا يارب


الجمال
ناطره رد اختج

 

[ام الحلوووين]

انا فيني غده

ودكتوري قال عادي قبل السحور تاكلينها وتتسحرين وبس لا قال قبل 3 ساعات ولا شي

 

[loubna]

رد : اللي فيها غده درقيه او تعرف احد فيه تدخل ضروري قبل رمضان>>>

ماعرف والله يشفى جميع مرضى المسلمين

 

[ام هلال]

انا اكلها اول ما افطر واخذ شوي واكل اكلي العادي

 

[ام الحلوه والمزيون]

مو شرط على الريق اهمة شي تاكلينها بعد الاكل بنص ساعه وعقب الاكل بنص ساعه يعني اهم شي لاكلتي تنطرين نص ساعه وبعد الحبه نص ساعه يعني ساعه كامل بس وفي اي وقت قرقت واجد

 

[حلآ آلروووح]

انا طريقتى افطر على الحبة وبعدين اصلى وانطر شوي وبعيدين اكل فطورى

 

[دلع اخت ولع :)]

شوفي حبيبتي
انا مادري عن الدوا اللي تاخذينه بس بقولج شغله بأذن الله تشفييييييييييييييج وماتحتاجين اي دوا بعدها وتصومين وتفطرين عادي من غير لاتاكلين لدوا
تدرين شنو ((القصد البحري او القصد الهندي)) سبحانه الله فيه ماده تعدل الهرمونات وتضبط الغدد جربي وشربي شهر وتحملي طعمه وبأذن الله بتشكريني على النصيحه
على فكره هذا من احاديث الرسول عليه افضل صلاة وسلام
وترا في فوايد عجيبه غريبه

 

[fun88]

انا فيني خمول بالغده الدرقيه .. موعدي بدايه رمضاان ..


وانا صمت الفتره الاخيرر .. شنووو 3 ساعات .. ما يمدي الاكل تهضم .. على الاقل 6 ساعات انا فبالي ..

لان دكتووري يقول على معده فااضيه .. يعني ما فيهاا شي ...

انا طبعا ما اتسحر فاطالع الاذان متى .. وواصووم قبله ب6 ساعات او 8 ..


يعني اذا الاذان 3 من الساعه 7 ما اكل شي بس اشرب سوائل .. والساعه 10 خلاص ما اكل شي ... ولا اشررب


اما اذا انتي تبيين تتسحررين .. افطري مني .. وكملي صياامج .. اكليها الساعه 2 بلييل .. والاذان يكون 3 ونص .. يعني يمدييج تتسحريين ..


شكثر يقولون لي نص ساعه انا دكتوري قاايل سااعه على الاقل ما ادري منو الصح ..


اتمنى اكوون افدج

 

[BiiShOoO]

والله ما عندي فكرة و ان شاء الله البنات يساعدوونج

 

[أوكسجين]

اعرف وحده
اول مايأذن تاخذها بعدين تصلي وتنطر شوي وتتفطر

 

[رمانه كويتيه]

رد : اللي فيها غده درقيه او تعرف احد فيه تدخل ضروري قبل رمضان>>>

على السحور احسن شيى لانه انا ناصحنى اول الدكتور عبدالناصر العثمان قالى اذا صليتى الفجر اكلى حبة الغده

 

[ابتسمامه]

انا فيني غده

ودكتوري قال عادي قبل السحور تاكلينها وتتسحرين وبس لا قال قبل 3 ساعات ولا شي

انا نا ويه اكلها قبل السحور بس لازم قبلها تكونين صايمه عن الاكل بفتره علشان الحبه تا خذ مفعولها

 

[ابتسمامه]

رد: رد : اللي فيها غده درقيه او تعرف احد فيه تدخل ضروري قبل رمضان>>>

ماعرف والله يشفى جميع مرضى المسلمين

امين

 

[نسآآآيم]

رد : اللي فيها غده درقيه او تعرف احد فيه تدخل ضروري قبل رمضان>>>

أنا أنا أنا
أقولج:
* في نوعين من الغدد الدرقيه في ( نشيطه وكسلانه ) النشيطه تخلي الواحد ماياكل وظعيييف مره
والكسلانه مثلي يكون تبتوب مثلي

والعلاج هذا في منه منشط اسمه (Eltroxin) وهذا شنو فايدته أقولج : اولا ينشطج ماتكونين كله كسلانه ويعدل الدوره عندج ويخليج تشبعين مع النشاط وافرازات الغدة والاحساس بالشبع .

أما الدوا الثاني حقين الظعاف مره ماعرف اسمه وفايدته انه يعادل من نشاط افراز الغده عندهم علشان يمتنون شوي وهم أيضا يعدل الدوره عندهم.

وأنا أكلها من زمان حيل واسمها (Eltroxin) المعلومات الصحيحه والمهمه ولازم اتباعها هي:
أنج تاكلين الجرعه المكتوبه من الدكتور على الريج وتنتظرين نصف ساعه كامله حتى يحدث مفعولها وكثري الماي عليها وثم تفطرين عادي.
دكتوري ماقالي اكله عند السحور لأنه بهالشكل تصير جرعتين مو جرعه يعني الصح هو قبل الفطور فقط مو عند السحور
ملاحظه مهمه جدا جدا :
الدواء تاكلينه مدى الحياة

 

[ابتسمامه]

مو شرط على الريق اهمة شي تاكلينها بعد الاكل بنص ساعه وعقب الاكل بنص ساعه يعني اهم شي لاكلتي تنطرين نص ساعه وبعد الحبه نص ساعه يعني ساعه كامل بس وفي اي وقت قرقت واجد

لا ما اعتقد لازم تكون المعده فاضيه على اساس تاخذ الحبه مفعولها وتوصل للدم اما اذا كانت متروسه اكل راح تضل الحبه مع الاكل اللي بالمعده وماتوصل كلها عدل

 

[ابتسمامه]

رد: رد : اللي فيها غده درقيه او تعرف احد فيه تدخل ضروري قبل رمضان>>>

أنا أنا أنا
أقولج:
* في نوعين من الغدد الدرقيه في ( نشيطه وكسلانه ) النشيطه تخلي الواحد ماياكل وظعيييف مره
والكسلانه مثلي يكون تبتوب مثلي

والعلاج هذا في منه منشط اسمه (Eltroxin) وهذا شنو فايدته أقولج : اولا ينشطج ماتكونين كله كسلانه ويعدل الدوره عندج ويخليج تشبعين مع النشاط وافرازات الغدة والاحساس بالشبع .

أما الدوا الثاني حقين الظعاف مره ماعرف اسمه وفايدته انه يعادل من نشاط افراز الغده عندهم علشان يمتنون شوي وهم أيضا يعدل الدوره عندهم.

وأنا أكلها من زمان حيل واسمها (Eltroxin) المعلومات الصحيحه والمهمه ولازم اتباعها هي:
أنج تاكلين الجرعه المكتوبه من الدكتور على الريج وتنتظرين نصف ساعه كامله حتى يحدث مفعولها وكثري الماي عليها وثم تفطرين عادي.
دكتوري ماقالي اكله عند السحور لأنه بهالشكل تصير جرعتين مو جرعه يعني الصح هو قبل الفطور فقط مو عند السحور
ملاحظه مهمه جدا جدا :
الدواء تاكلينه مدى الحياة

مشكوره على المعلومه وانا اكل نفس الحبه اللي تاكلينها
بس انا نا ويه اكلها جرعه وحده اللي عند السحور واكون قبلها صايمه بفتره جذي 5 ساعات ما دري يصير ؟؟