مسوية جراحة فك .....قولي تجربتج هني

[Blonde B]

المتفائله :
حياتي والله الحمدلله ع السلآلآلآمه
ما تشوووفين شر
يمه خرعتيني والله
عاد عمليتي الشهر اليااااي

 

[أحب أمي]

ايمو برنسس لالا لاتخافين سهالات

 

[el-zain]

داانتيييلا حبييبتي عاش من شاافج منزماااان عنج نوررتي الموظووووووع

 

[رزه مرتزه]

مشكوره رمز

الحمدلله عالسلامه المتفائله


بنااااات يعني شنو قمي سمايل ؟؟

 

[رمز123]

رزه مرتزه ..

العفو ..

قمي سمايل يعني اذا ضحكتي او ابتسمتي تبين لثتك كلها ..

 

[رمز123]

احب امي ..

الله يجزاك خير ويطمنك .. لاني لازم اداوم بـ 9 شوال وشايله هم الانتفاخ ..

المتفائله ..

الحمدلله على سلامتك .. ارتااااحي وبعدين كملي لنا كل شي .. والله خفنا عليك يوم تأخرتي بس الحمدلله .. هو اشين الايام تعيشينها اول اسبوع بعدين خلاص تهون خاصه اذا قمتي تاكلين اكل البيت ..

وغرفة العمليات صادقه تجيب الهم تحسينها ظلام .. مرعبه بجد هههههه
الغرفه الي قبلها الي يركبون لك فيها المغذي اشرح صدر مع انها صغيره ..
يلا هانت راح الجزء الصعب .. قدامك العافيه ..

ماتشوفين شر يارب ..

 

[رزه مرتزه]

مشكوره رمز عالتووضيح

 

[غلاااه]

بعد عمري يا المتفائله .. تعبتي كثير

ان شاء الله تنذكر وماتنعاد.. وماتحتاجين تعديل في الخشم



ياترى احتجتي غرفة العناية المركزه ولا على طول للجناح؟

وطولتي حتى صحيتي ؟

وكم ساعه العمليه ؟؟







​

 

[مجرد اسم عابر]

بنات عندي سؤال يدور بذهني وتكفون جاوبوني عليه

الحين كيف تعرفين ان شكلك بيطلع احلى بعد العملية يعني هل الدكتور يوريك وجهك بعد العملية برسمه عالكمبيوتر مثلا ؟

ولا مجرد تخيلات لشكلك بعد العملية ؟؟

ودي اعرف كيف الوحدة تتاكد انها بعد العملية بيكون شكلها احلى ؟

هل فيه قياسات ورسومات ولا مجرد تخيلات فقط للشكل الجديد

 

[رمز123]

مجرد اسم عابر ..

بالنسبه لي تخيلي يعني ماوراني الدكتور شكلي بعد العمليه .. بس قال لي التغيرات الي راح تطرأ على الشكل ..

 

[أحب أمي]

مجرد اسم عابر

انا شفت التخطيط اللي على ورق شفاف للقياسات وشلون بيحركون وجم سانتي وحسيت شكل الوجه بيكون طبيعي

 

[ام شادن2010]

حمدلله على سلامتك يالمتفائلة وان شاء الله خير المهم انه العملية عدت على سلام

 

[المتفائلة تعود]

رد : مسوية جراحة فك .....قولي تجربتج هني

الله يسلمكم يارب والشر مايجيكم حبايبي
الحمدلله على كل حال

صار لي اسبوع تقريبا من سويت العمليه احسن اني يوم عن يوم احسن يالله لك الحمد
ودي اقول ملاحظاتي للي يفكرون يسوون العملية:
1.الاقتناع التام فيها وبتعابها والحاجه لها ...اذا انتي فيك شي بسيط لا تفكرين تسوينها...
شوفو عندي اقتناع فيها 90% بس 10%زوجي يقولي ماله داعي وانا اشوفك حلوه اادري اني مو شينه بس فيه شي واضح بفكي انه مو طبيعي المرايه ماتكذب ...مبين على شكلي وشوي طريقة كلامي مو مره والمضغ ولما اضحك كارثه ...انا شخصيتي احب الابتسامه والضحك ولما تكون بهالشكل بتعقدني فليه اعيش بوضع ممكن يتصلح مو علشان احد عشان نفسي انا..استغرب من وحده امها واللا زوجها(مع الاعتذار) هواللي يقولها سوي العمليه لالالا حسب قناعتي انا موقناعة الاخرين
2.توقعي الاسوأ علشان ماتنصدمين...العمليه موسهله ومتعبه ...العمليه بحد ذاتها موعلشانها بالفكين يعني حلقي مجرح حيل والخشم مسدود فكنت موقادره اتنفس او انام... بالنسبه للفكين:كان فيني الالام مو مرررره بس فيه الم...الاستفراغ يمكن 6 مرات اول يوم (احس كثير) طلعت الدم اللي في معدتي...الربط ياويلي بغيت اموت ثالث يوم ربط لي الفكين مع بعض باسيام في العياده صكرلي فكيني بالقوه لانهم ماقدرت اصكرهم من نفسي كان مؤلم بشكل فظيع وكنت اصارخ بقوه وابكي والدكاتره مستغربين ليش اصارخ على قولتهم مو لهالدرجه؟!!المفروض الاول يصكرهم بالمطاط بعدها بيومين باسيام بس الله يهدي الدكتور بلش بالاسيام على طول...يااني شينت اخلاقي عليه عقب ما خلص هههههه
3.الورم اللي في الوجه ...وجهك والشفايف بيكبر 4 مرات وبتشوفين كدمات زرق تحت العيون وحولي الفم يعني الشكل يالله لك الحمد...يخرع على يضحك على يبكي اطالع شكلي اتحمد ربي ههههههههههههه
بس الحمدلله كل يوم يخف عن اليوم اللي قبله...
خلوني اوصف الشكل والاحساس:الخدود مورمه اكثر حوالي الفم والخشم مشنتر على فوق والمناخر مفروشه وفيه كوره كبيره تحته تحسين كنه فمك وخشمك احد ماسكهم و ساحبهم على قدام هالشعور ليلحين احسه...الفك السفلي من الاجناب منتفخ ونازل...مليت من هالشكل :lkmnkl:
4.الكلام عادي ...انا تكلمت بعد العمليه على طول مو مفهوم مره ولازال بس عادي...اذا تعبت من الكلام اكتب بورقه
5.الجوع...شوفو انا من كثر الجوع ووجع المعده كرهت الاكل وريحته كني اتوحم...بس احاول اجبر نفسي مليت من السوائل وانا ماصارلي اسبوع...انا خلقه ما احب الشوربات او العصيرات او الحليب اكلي العادي قبل لحوم و سلطات و درسنغ والمعجنات...فهالشي نقله نوعيه في الاكل ما عندي مشكله اعد نفسي مسويه دايت انظف جسمي من السموم بس الله لا يوريكم لما يجيني الم بعدتي ولوعه اكره نفسي بقوه ...خلاصه الحكي اهتمي بنوعيه الاكل وحاولي تشربين كل شوي لا تتقييدين بوقت
6.ولاتنسون الدعاء والذكر بيخفف عنك ...سبحان الله بتحسين ان الله معاك


بنات اللي سووها:
وقفت المضاد اليوم الرابع ما تحملته عادي؟
بطني ذبحني احس بالم غريب اذا انسدحت يعني لازم اكون قاعده عشان يخف...احس بجفاف فيه لما اخذ نفس!!!طبيعي؟
لي الحين يطلع دم من فمي وخشمي-مومره- طبيعي؟
احس بحراره تروح وتجي؟
يجيني احساس انه الورم بيستمر ويضيق صدري او شكلي ماراح يعجبني اذا خف(موقادره احكم ولو بشكل مبدئ انه العمليه اوكيه والا لا) ...جاكم هالشعور؟
احس وجهي صغر بس مخفوس من تحت على فوق...يعني ما فيه مسافه بين الفك العلوي واسفل الخشم(الخنافر) خايفه؟
متى صرتو طبيعين يعني اللي ما يعرفني يقول طبيعيه؟
لما المس اسناني بالساني من داخل احس مو مرتبه واسناني من قدام كبار مع انها صغار ولثتي يابسه كنها بلاستيك طبيعي؟
استغرب من اللي تقول تاكل جيلي او كريم كراميل او زبادي...انا السيريلاك اسويه سايل حيل عشان يدخل ...شلون تاكلون هالاشياء؟
سؤال لحبيبتي رمز:كم صار لك الحين وان شاء الله كل شي تمام؟بديتي تشوفين شكلك تعدل من قبل والا مو مبين؟موعدك اللي بعد العمليه بعشر ايام عند د.عبدالله ايش سوالك؟ممكن يغير هالاسيام؟احس حاطها بشكل خربوطي ههههه مضايقتني


بنات اللي عندها سؤال عن العمليه تسأل وبجاوب عليها باللي اقدر عليه طيب.......وفالكم العمليه هههههههه

 

[المتفائلة تعود]

رد : رد: مسوية جراحة فك .....قولي تجربتج هني

بعد عمري يا المتفائله .. تعبتي كثير

ان شاء الله تنذكر وماتنعاد.. وماتحتاجين تعديل في الخشم



ياترى احتجتي غرفة العناية المركزه ولا على طول للجناح؟

وطولتي حتى صحيتي ؟

وكم ساعه العمليه ؟؟







​

هلا وغلا ياقلبي


العمليه دخلت 10 وطلعت بعد5 ساعات ونص واظن بالافاقه قعدت ساعتين وصحيت بعد العمليه على طول استفرغت ورجعت نمت وقمت وانا بالجناح

شوفي خشمي طلع يلوع الكبد بس الصراحه توقعت اشين من كذا...وان شاء الله يتعدل من نفسه بعد ما يخف الورم لانه اغلبه تحت خشمي

يا رب يسهل امورك يا غلاااه ويكتب لك اللي فيه الخير والصالح....حاسه بشعورك بالخوف والمحاتاة "صعب"

 

[المتفائلة تعود]

رد : رد: مسوية جراحة فك .....قولي تجربتج هني

مجرد اسم عابر

انا شفت التخطيط اللي على ورق شفاف للقياسات وشلون بيحركون وجم سانتي وحسيت شكل الوجه بيكون طبيعي

نفس الشي بس المخطط جانبي مو من قدام ... فصعب تحكمين

 

[المتفائلة تعود]

رد : رد: مسوية جراحة فك .....قولي تجربتج هني

المتفائله :
حياتي والله الحمدلله ع السلآلآلآمه
ما تشوووفين شر
يمه خرعتيني والله
عاد عمليتي الشهر اليااااي

الله يسلمك يا حبيبتي

استخيري ربك و ماقدامك اللا العافيه

لازم تعرفين هلاشياء قبل لا تسوين العمليه

 

[المتفائلة تعود]

رد : رد: مسوية جراحة فك .....قولي تجربتج هني

حمدلله على سلامتك يالمتفائلة وان شاء الله خير المهم انه العملية عدت على سلام

الله يسمك يا ام شادن ...الحمدلله على كل حال
بشرينا عنك؟

كيف ابتسامتك راضيه عنها؟مافيه قمي سمايل ههههههه
وخشمك كيفه تاثر من العمليه والا لا؟

 

[ام شادن2010]

رد : رد: مسوية جراحة فك .....قولي تجربتج هني

الله يسمك يا ام شادن ...الحمدلله على كل حال
بشرينا عنك؟

كيف ابتسامتك راضيه عنها؟مافيه قمي سمايل ههههههه
وخشمك كيفه تاثر من العمليه والا لا؟

هلا حبيبتي
يارب تقومي بالسلامة وترتاحي نصيحة بس مرة لا تفكري بشكلك وتطالعي الا بعد شهر من العملية شوفي انا دحين مر على العملية شهر واسبوعين مرة سار وجهي حلو واسناني حلوة ولما اضحك ماتبان اللثة زي اول وبالنسبة لخشمي انا خيطوه في العملية وحمدلله كويس شكله

 

[المتفائلة تعود]

رد : رد: مسوية جراحة فك .....قولي تجربتج هني

هلا حبيبتي
يارب تقومي بالسلامة وترتاحي نصيحة بس مرة لا تفكري بشكلك وتطالعي الا بعد شهر من العملية شوفي انا دحين مر على العملية شهر واسبوعين مرة سار وجهي حلو واسناني حلوة ولما اضحك ماتبان اللثة زي اول وبالنسبة لخشمي انا خيطوه في العملية وحمدلله كويس شكله

الله يسلمك فديتك

ايش تعليق اللي حواليك؟زوجك؟اهلك؟

 

[غلاااه]

رد : مسوية جراحة فك .....قولي تجربتج هني

المتفائله .. تسلمين على الدعوه الحلوه والله محتاجه لها:eh_s(7):



على طاري الخشم ... خيطو خشيمك ولا



​