توج والده ولايعه جبدج من جسمج؟

[R0se_q8]

بنات انا صراحه صارلي تقريبا 20 يوم والده وودي نساعد بعض على اشياء نقدر نسويها عشان نضعف .. بقولكم انا اللي سويته .. يبت رداده ترد وتدهن ومن هالدهان فرق علي شوي بس همن يبيلي اكثر .. قالولي امشي بس ماقدر صراحه بروح الم الخياطه بروحه يتعب .. صراحه انا مفكره بمساج تخسيس يقولون يضعف وايد ويشد .. بليز اللي مجربه هالمساج تساعدنا وتفيدنا حتا لومانفعها .. ونبي احسن الاماكن واسعارهم وجني سمعت عن شد البطن بعد بالمساج ... نبي نطلع من النفاس رشيقات :wqedqw:

 

[ام خالدوعبود]

حبيبتي مايصير توج وااااااااااااالده وارحامج ازله لازم ترتاحين على ظهرج وتتعذين عدل لاحقه عالرشاقه اذاماهتميتي بنفسج الحين بتتخربين وتتعبين بعدين



انا بعد الاربعين ابدا رجيم وبعد ست شهور بلشت ؤياضه والحين جسمي روعه واهمممممممممممم شي خافظت على رحمي ورديت مثل البنت


نصيحه لاتسوين مساج ولاتمشين الحين نصيحة اخت

 

[sara_77]

انا تونى والده من شهرين طلعت من الاربعين من زمان تدرين شنو مشكلتى ظهرررى استغفرالله طالعتلى زغاديد تلوع الجبد شلون تروح

 

[R0se_q8]

ام خالد وعبود حياتي انا محافظه على ادويتي وكل شي بس اذا طلعت من الاربعين ناويه اخذ حبوب المانع وادري ماراح اقدر اظعف عليها
عشان جذي ودي الحين افتك عرفتي

 

[R0se_q8]

ساره عندنا وعندج خير لووول وانشالله نستفيد من تجارب البنات

 

[زمزم 2010]

رد : توج والده ولايعه جبدج من جسمج؟

أنا اللي أعرفة إن تبتعدين عن العيش والخبز نهائيا
وتكون عصيدتج وخبزج من الطحين البر حتى المرقوق يعني أكلج مكونه الرئيسي طحين البر يقولون يضعف ومايطلع كرش عكس العيش والخبز العادي

 

[R0se_q8]

صج الخبز مو زين؟؟ عاد انا طايحتله

 

[جاذبة الخير]

رد : توج والده ولايعه جبدج من جسمج؟

الخبز : نشويات معروف يمتن

لا الخبز ولا العيش بعدي عنهم

سلطات - شوربات

 

[احب المنتدى]

رد : توج والده ولايعه جبدج من جسمج؟

اب
اب
اب


حلو الموضوع
ان شاء الله تضعفين بالعافيه يااااااااااااااارب

 

[miss-winter]

واي عاد احاتي الله يستر بس اهم شي اهتمي بدواج والسلطات ولاتاكلين خيار لان في ماي وشوربه واشاياء خفيفه حييل وان شاءالله تضعفين بس على سالفه مساجات التخسيس انا ودي اسوي بس اتوقع اذا هديتهم مثلا برد جسمي يسمن يكون متعود على مساج التخسيس ؟؟

 

[ShoSho_4]

ام خالد وعبود حياتي انا محافظه على ادويتي وكل شي بس اذا طلعت من الاربعين ناويه اخذ حبوب المانع وادري ماراح اقدر اظعف عليها
عشان جذي ودي الحين افتك عرفتي

حبيتي اخذي حبوب مانع ياسمين خفيفه والوحيده ما تمتن ولا تأثر عالشهيه
وموفقه يارب :***

 

[القناصه]

رد : توج والده ولايعه جبدج من جسمج؟

وييييييييييييييييييييييييييع ذكرتوني بإللي غاثني

والله كل ما شفت المرايه أبكي و أتحلطم من القهر تغير جسمي 280 درجه

من باربي إلى تانكي ماي

ليش جذي والله حرام ودمار وعيب وشق جيب

 

[كوكتيل عسل]

أنا ولدت بـ 3 رمضان

والحال من بعضه

لايعه جبدي من نفسي وكل يوم أقول شهالبلشه اللي بلشت نفسي فيها

لأني بجر والياهل مطلع عيوني لا ليلي ليل و لانهاري نهار ومو قادرة اهتم بنفسي عدل

يادوب سكرب مع كل مرة آخذ شاور فيها والترطيب بعد كل حمام

وبعاشر يوم من ولادتي ياتني الردادة

والأكل أمي تغصبني والا انا ما احس بالجوع اصلا

وما اادري شبسوي وشلون برد رشاقتي قبل الحمل

وهل ألم الخياط بيروح عقب الأربعين لأني ليلحين أحس به

 

[كـ غلا ــلي]

كوتيل الحال من بعضه يا اختج انا بعد لا ليلي ولا نهاري نهار والسبه السهر مع ولدي اسم الله عليه حتا ما عندي

وقت اربط بطني كل ساعتين يبجي ويعقد من نومه وعلى ما ينام الا طالعه روحي مت من التعب انا زدت بحملي 20 كيلو


قطيت 10 بالولاده وباقي ال 10 الثانيه والقهر انها متركزه ببطني وطلعت لي زعاديد بظهري ملوعه جبدي ماادري

شالدبره معاها

 

[twinsmam]

اااااااخ بنات يبتوها عالجرح انا والدة من شهرين و نص و زدت بحمالي 17 كيلو بالأربعين نزلت 10 كيلو وباقي 7 زيادة على قلبي مادري اشلون يروحون و انا من النوع الي اذا اشتهيت شي لازم اكله مع ان اكلي مو زايد عن حده بس لا رياضة ولا مشي كله لاهية مع هالعيال ماكو وقت حق نفسي

 

[twinsmam]

يلا بنات نبي تجاربكم بليييييز فيدونا خوش موضوع
انا سامعة عن مساج تخسيس يسوونه ممرضات و ايولج لي البيت منو سامعه فيهم او مجربتهم؟ يقولون ال 15 جلسه اي 120 دينار

 

[ام بوحنة +]

رد : توج والده ولايعه جبدج من جسمج؟

بكتب لج تجربتي
لما ولدت بجري ماكنت زائدة بحمالي الا 3كيلو
وبالنفاس كل من يشوفني بقولي ماتاكلين شي وضعيفه
مع انه الكرش موجود وانا لايعه جبدي من نفسي
المهم بعد النفاس صرت امتن من لما كنت حامل
وبدأت اسوي ريجيم مع دكتورة تغذية مع جلسات تخسيس
وكل من قالي نطري تو الناس رحمج ما ارتفع
وانا مصرة لين لاعت جبدي من الريجيم اللي بشهر نزلت فيه
كيلوين بس
وبديت امشي واسوي رياضه
وصج لزق بطني بظهري بس هذا كان بعد الولاده ب 4 شهور
وبعد 6 شهور حسيت جسمي بدا يتغير وبطني اللي ماكان ثابت
مره تختفي الكرشه ومره ترجع بدا يثبت ويصير طبيعي

طولت عليج وقلت قصة حياتي
بس اللي اقصده ماينفع كل اللي اتسوينه الا بعد النفاس لفتره
لانه الكرشه من الرحم النازل ومعروف انه يرتفع باليوم الاربعين
ويرد مكانه بعد 6 شهور
وأحسن شي الرياضه مع الريجيم بعد الشهرين

 

[_Pure_]

لازم رياضه و رجيم

و انا طريقتي اني كنت اخفف عشا حيل اخليه خفيف او يكون بس سوائل مثلا حليب او عصير او ما اكل شي بالمره بالليل و اكون يوعانه وقت النوم و بطني يطلع اصوات من اليوع بس استااااااانس لان معناته طول الليل راح يحرق الدهون من الجسم
و الحمدلله الحمدلله رجع جسمي نفس قبل

و كنت محافظة عالرضاعه الطبيعيه لانها تشد الرحم و تحرق السعرات الحراريه

 

[twinsmam]

رضاعة و ريجيم احس صعبة انا عن نفسي بسرعة احس باليوع شسوي بنات؟ مو قادرة اتحكم بأكلي مادري شفيني؟

 

[cutagrl]

بنااااات انا بعد لايعه جبدي من الكرش وترهل البطن والصدر معني رضعت بس اسبوع وبعدين وقفت لان التهب صدري
الكرش شلون يروح ابي بطني يلصق بضهري ؟؟ متى ابدي اسوي رياااضه ؟؟ وشقصه الرحم يرد مكانه انا مو فاهمه شي متى يرد مكانه
والاهم لون الحلمه ااااااااااااااه بنات لون الحلمه تغيرت عندي صارت وايد غامجه هل ممكن ان يرد مثل اول؟؟؟؟
بليز بليز بليز بليز عليكم الله فيديوني شسوي ببطني وصدري ومتى ابدي اسوي رياضه وشنو احسن شي يشد البطن ولي متى البسه؟؟