اريد ان اكون انثى جديده خلال ست شهور - بإذن الله

[انثى جديده]

بسم الله الرحمن الرحيم
ماادري اذا هذا المكان المناسب لموضوعي ام لا ؟؟
ولكن اللي انا متاكده منه اني كارهه نفسي وحياتي من الناحيه :
1- الايمانيه
2- الاسريه
3- الجماليه
وحابه اتغير
اريد ان اكون فعلا انثى جديده
انثى مؤمنه بربها
انثى ناجحه مع اسرتها
انثى راضيه بجمالها
وباذن المولى عز وجل ساصل الى ما اطمح اليه
بل ستكون فترة التغيير هي ست شهور
وسارجع لكم في التفاصيل والخطوات بإذن الله

 

[amoma]

رد : اريد ان اكون انثى جديده خلال ست شهور - بإذن الله

ناطرينج

يمكن نستفيد

ولا نفيدج

وثانكس

 

[انثى جديده]

رد : اريد ان اكون انثى جديده خلال ست شهور - بإذن الله

اولا ساتكلم عن اهم نقطه مضايقتني في حياتي وهي :
حياتي الايمانيه
نعم فانا اعيش الآن في فراغ
ماعندي هدف معين اسعى اليه
ماعندي ورد في القرآن اقرا منه
تركت قيام الليل والنوافل والاذكار
ماصرت اروح للدروس والملتقيات
تركت الصحبه الصالحه اللى كانت تعيني بعد الله
انشغلت بالدنيا واختلطت مع الحريم وكثرت الذنوب وقسى القلب والعياذ بالله
(( اللهم يامقلب القلوب والابصار ثبت قلبي على دينك ))

حان الآن التغيير
اولا راح اتوكل على الله والتجأ اليه راح اكثر من الدعاء (( ان يردني اليه ردا جميلا ))
وراح ابدأ بالقليل ولكن يجب الاستمرار عليه (( فقليل دائم خير من كثير منقطع ))

راح احافظ على ساعه قبل الفجر - لانها ساعه مباركه في آخر الليل
ساعه اجعلها للقيام في السحر ولو بركعتين
ساعه اجعلها للدعاء والتضرع اليه
ساعه اجعلها للاستغفار والتوبة اليه

وبعد الانتهاء من صلاة الفجر - اجلس في مصلاي واذكر اذكار الصباح - وبعدها اخصص ورد يومي
للقرآن ولو بجزء من القرآن استمر عليه كل يوم
( اخترت هذا الوقت بالذات لان الكل نايم - والجو هدوء يساعد على التركيز والتدبر )
بإذن الله سبكون هذا جدولي كل يوم - صحيح ان العبادات اللي فيه قليله ولكن اهم شيء استمر عليه كل يوم
طبعا ماراح انسى اذكار المساء - وراح استمر على السنن بعد الصلاة - وراح يكون يوم في الاسبوع لحلقة ذكر استفيد منها 0

هذا جدولي كبدايه لي للتغيير نحو الافضل وساستمر عليه لمدة ست شهور ان شاء الله وبعدها ابدا في الازدياد بالعبادات

وانتظروني مع التغيير بحياتي الاسريه بإذن الله

 

[>"نسمه"<]

الله يهديج ويثبتج ويهدينا يارب وياج

 

[وردة زوجي]

ياااااااااااااااااااارب يعطيج ما تتمنين واكثر
وانا مثلج وددددددددددددددددددددددددددي اكون يديده راجعه لربي وراضيته
اسمحي لي باخذ من خططج
وعسى الله يعينج ويسخر لج الخير وينور دربج ويوفقج لما يحب ويرضى

 

[Loutes]

رد : اريد ان اكون انثى جديده خلال ست شهور - بإذن الله

انا ببتدي معاك

 

[انثى جديده]

رد : اريد ان اكون انثى جديده خلال ست شهور - بإذن الله

انا ببتدي معاك

حياج الله وهذا شيء يفرحني حييييل
لاني فعلا محتاجه الى صحبه صالحه تعين على الطاعه

ياااااااااااااااااااارب يعطيج ما تتمنين واكثر
وانا مثلج وددددددددددددددددددددددددددي اكون يديده راجعه لربي وراضيته
اسمحي لي باخذ من خططج
وعسى الله يعينج ويسخر لج الخير وينور دربج ويوفقج لما يحب ويرضى

الله يجزاك خير وماقصرتي ياغناتي على هالدعوات اسال الله ان يحققها لي ولك ولجميع من شارك في الموضوع
وخططي حلال عليك ياالغاليه ولاتحرمينا من افكارج ومشاركتج في الموضوع

"نسمه"<, post: 19128627, member: 52750"]الله يهديج ويثبتج ويهدينا يارب وياج

اللهم آمييييييييين واياك ياالغاليه

ناطرينج

يمكن نستفيد

ولا نفيدج

وثانكس

اشكرج على الرد السريع وانا والله احتاج لكم واتمنى انكم تفيدوني بنصايحكم وتشجيعكم

 

[انثى جديده]

رد : اريد ان اكون انثى جديده خلال ست شهور - بإذن الله

اليوم بتكلم عن حياتي الاسريه وهي تنقسم الى قسمين :
الاول - حياتي مع زوجي
الثاني - حياتي مع عيالي
راح اتكلم عن القسم الاول وهو حياتي مع زوجي وشنو اللي لازم اغيره ؟

عمر زواجي هو 10 سنوات والحمدلله - العمر كله بإذن الله
طبعا اكثر المتزوجات وانا منهم نعاني من الروتين في الحياة الزوجيه
يمكن علشان انشغلنا بالعيال واهملنا الزوج
او لان طالت بنا السنوات وتعودنا على بعض
او لان مافي شيء جديد ومثير يجدد من حياتنا

فعلشان جذيه ابي اتغير خلال هالست الشهور للافضل

ابي اغير من شكلي ولبسي
ابي اغير من معاملتي معاه
ابي اغير من حياتنا الروتينيه بحياه كلها رومانسيه ومفاجآة

جدولي اليومي راح يكون كالآتي بإذن الله :

اقوم معاه الصبح قبل الدوام واجهز له ريوقه وملابسه
ابخره قبل لايطلع واودعه عند الباب بكلمات بسيطه بس معبره مثل:
استودعك الله
راح اشتاقلك ياالغالي
الله وياك 000 الخ

وطبعا فترة ذهابه للدوام وبما اني ربة منزل ومو موظفه
فراح اخليها لي والعنايه بنفسي
وراح اتكلم عنها بعدين في الناحيه الجماليه

ومثل ماودعته راح استقبله بس الاستقبال بيكون
بلبس حلو وناعم
وبمكياج خفيف ومرتب
وريحة عطر وبخور هاديء
والاهم من هذا كله 00 الوجه البشوش والابتسامه الجميله
وطبعا ما اهمل الكلمات البسيطه الى يكون لها تاثير عجيب في قلب الرجل مثل :
الله يعطيك العافيه
ماقصرت ياالغالي
تو مانور البيت 00 الخ
وطبعا ما انسى ان البيت يكون نظيف ويفتح النفس والريحه بخور
واكون مجهزه غرفة النوم بتشغيل المكيف علشان تكون بارده اول مايجي من الدوام والحر والتعب
واساعده بنزع ملابسه وحتى ( دلاقاته ) وانتم بكرامه وطبعا احتسبي الاجر بحسن تبعلك بزوجج 0
واكون مجهزه له عصير طازج بارد ليمون بالنعناع او برتقال 00 على مايجهز الغداء

وبعد الغداء اكيد يبي يرتاح في سريره واهني لازم اكون معاه
وادلكه اذا كان تعبان ومحتاج للتدليك
وامنع عنه الازعاج من العيال والصوت

يمكن هذه اهم شغلتين لازم احرص عليها واستمر فيهم ( توديعه - واستقباله )
لان بصراحه من كثر ما اقرا في النت وحتى من كثر مايسولف معاي زوجي ويخبرني عن ربعه بالدوام
ان اكثر المتزوجين يعانون من اهمال حريمهم لهم وقت الصبح وانهم يكونون نايمين ولا يريقونهم واكثرهم يتريقون بالدوام
وانا بصراحه ماانكر اني كنت مهمله معاه بهالناحيه بس بإذن الله انا عاهدت نفسي اني اتغير للاحسن

واما باقي الاوقات :
اهم شيء اللبس الحلو والشعر المرتب والرائحه الجميله والكلام الهادي وعدم العصبيه

وفي وقت الليل لازم اني احرص على انه يكون الوقت خاص لنا انا وزوجي
واحاول اني انوم عيالي مبكر - علشان آخذ راحتي في اللبس
ونجلس انا وياه جلسه هاديه من غير ازعاج عيالنا
وبين فتره واخرى اجهز له الشموع والليالي الرومانسيه
وما انسى الهدايا لانها تزيد الالفه والمحبه 0

وهذا اللي عندي الحين 000 واللي تحب تزيدني بخبرتها ونصايحها اكون شاكره لها
لان الموضوع هذا لي ولكم
للتغيير نحو حياة افضل واسعد

ولي عوده بالتغير مع تربيتي لاولادي بإذن الله

 

[ليلة قدر]

رد : اريد ان اكون انثى جديده خلال ست شهور - بإذن الله

الله يوفقج ولا تنسين ان الدعاء والالحاح فيه يفتح لج جميع الابواب المغلقه ويسر لج امورج من جميع النواحي 000موفقه حبيبتي

 

[Loutes]

رد : اريد ان اكون انثى جديده خلال ست شهور - بإذن الله

هلا حبوبة
نظامك يهبل
بس انا مو متزوجة
بس عجبني شلون قسميته
كملي انا معاك

 

[روعه 99k]

رد : اريد ان اكون انثى جديده خلال ست شهور - بإذن الله

الله يوفقك
ويسخر ريلج لج
موضوعك رووووعه. تسلم ايدينج
نبهتينا علي امور كثيره

 

[memechii]

كملي كملي
متابعينج

 

[انثى جديده]

رد : اريد ان اكون انثى جديده خلال ست شهور - بإذن الله

تسلمون خواتي على الردود والتشجيع
واعذروني على التاخير - انشغلنا مع المدارس الله يعين

مثل ماتكلمت عن حياتي الاسريه مع الزوج - اليوم بتكلم عن حياتي الاسريه مع الاولاد

وتربية الاولاد من اصعب الاشياء بالنسبه لي و احتاج خبرتكم فيها خواتي وياليت تشاركوني بنصايحكم وارائكم

بالنسبه لي احب اقسم تربيتي الى عدة جوانب يحتاجونها عيالي مثل :
1- الجانب الديني وهذا اهمها طبعا ( وتشمل صلاتهم - حفظهم للقرآن - تعلمهم الاداب والاخلاق الحسنه - تحفيظهم بعض الادعيه والاذكار - وما انسى المكافأة والتشجيع )
2- الجانب التعليمي ( ولازم اتابع معاهم اول باول - استعين ببعض المدرسات اذا استصعب علي شيء - احببهم بالدراسه عن طريق تعليمهم بوسائل وادوات وطرق محببه لهم ياتكون العاب او سبوره او كروت وبطاقات او النت 00 الخ - اكافئهم اذا جابوا علامات زينه )
3- الجانب الصحي ( تغذيتهم بثلاث وجبات صحيه ومن اهمها الريوق - تعويدهم على اكل الفاكهه والخضار - في الصباح اعطائهم ملعقة عسل طبيعي مع 7حبات حبه سوداء لتقوية مناعتهم كما قرات من بعض الدكاتره المختصين -التقليل من اكل الحلويات والوجبات السريعه - فحص دوري للاسنان وعمل تحليل لفقر الدم و الكالسيوم )
4- الجانب النفسي ( اشباعهم بالحنان والضم والتعبير عن محبتج لهم - مشاركتهم في اللعب معهم - احاول اقلل عنهم الالعاب الاكترونيه مثل البلاي ستيشن والقيم بوي 00الخ لشدة خطرهم على الاطفال - وابدالها بالالعاب التعليميه والمفيده او الالعاب الحركيه - لا انسى قصص قبل النوم لانها مفيده ومسليه لهم - الحذر من الكلام الجارح عند الغضب من سب وتجريح واهانه والدعاء عليهم - كثرة الدعاء لهم بالصلاح والهدايه فان دعوة الام مستجابه )

انتهى ماعندي 000 وانتظر ماعندكم

 

[awsha87]

رد : اريد ان اكون انثى جديده خلال ست شهور - بإذن الله

اللللله خووش ترتيب ماشاءالله علييج اب اب

 

[emankuwaiti]

يمن كل قلب أقولج الله يوفقج و يثبتج

كلامج لمسني من داخل و أنا بعد محتاجه تغييير بس بشهور ما أقدر يبيله سنين بالنسبة لي
أنا بديت من رمضان بس يبيلي بعد و مابي أستعجل عشان ما أتراجع بسرعة لمكان ما كنت

الله يوفق كل من في قلبة نية صافية
اللهم أمين

 

[Q8T.Q8T]

الله يوفقج ويسر امرج ويبلغج الجنه ان شاء الله
والله موضوعج روعه ( حتى انا ابي اكون انثى جديده )
ابي اتقرب لربي الى زوجي الى اعيالي الى اهلي والى الناس
فلك كل الشكر على هالنصائح والكلام الي كاتبته
في انتظار المزيد منج ومن خواتنا في المنتدى (لاتبخلون علينا )

 

[قطوووة]

كفوووووووو

 

[Loutes]

رد : اريد ان اكون انثى جديده خلال ست شهور - بإذن الله

كملي ليش وقفتي

 

[secret sauce]

كملي وانا بعد معاج

 

[محبوبه25]

رد : اريد ان اكون انثى جديده خلال ست شهور - بإذن الله

موضوع جميل
الله يرزقج الجنه ياارب