(تجمع مراجعات السلام)

[Om NoOoRa]

ام مهدي انتي بأي شهر؟
دكتور اشرف سوناره مضبوط
بس عاد يعتمد انتي بأي شهر
نصيحه نطري نص السادس وجهزي
انا دايم جذيه بهالوقت وهوا احسن وقت
تكونين مطمنه و متأكده من الجنس و بنفس الوقت قبل ثقل الشهر السابع اللي يلوع الجبد
ماتقدرين تمشين خطوتين

 

[حرم سي السيد]

بنات انا باريخ 1-9 سويت سونار عند د اشرف

وقالي جنس البيبي

ودي الحين اجهز بس همن محتاره اخاف قالي غلط تنصحووني اعيد السونار ؟ بعد ودي اتطمن علي البيبي

دكتور أشرف بدون مبالغه ممتاز وانا قالي من الثالث والحمدالله

وبعدين يكفي خبره:edbf4317b9:

 

[Om 3zo0oz_2011]

ام مهدي انتي بأي شهر؟
دكتور اشرف سوناره مضبوط
بس عاد يعتمد انتي بأي شهر
نصيحه نطري نص السادس وجهزي
انا دايم جذيه بهالوقت وهوا احسن وقت
تكونين مطمنه و متأكده من الجنس و بنفس الوقت قبل ثقل الشهر السابع اللي يلوع الجبد
ماتقدرين تمشين خطوتين

انا الحين 20 اسبوع

سويته كنت بلاسبوع ال 17

معني وراني الشسمونه بس تعقدت من البنات الي هنيه اخاف تكون بنت بس متفوخ لوووول :s142:

وعلي السادس مابقي شي ادشه بس الحين تنزيلات وفرصتي وباديه اثقل والله ظهري بسرعه يتعب اخاف اطول واولد وانا مومخلصه

 

[Om 3zo0oz_2011]

دكتور أشرف بدون مبالغه ممتاز وانا قالي من الثالث والحمدالله

وبعدين يكفي خبره:edbf4317b9:

انا رحتله وكلي ثقه والله قلت اكيد بقوولي وماشالله بسرعه قالي حتي قال حق ريلي لو يايه قبل جان عرفت الجنس بس ما ادر يقلت اتأكد بعد مره شكلي بروح اول شهر 10

 

[moraje3a]

رد: تجمع مراجعات الاستشارية د.امل عبدالعزيز الراشد فقط

السلام عليكم
ياريت اللي ولدوااا عند د. أمل يقول لنا اشصار معاهم واشلون خياطها
انا اراجع عندها بصراحه جدااااااااااا روعه وتعاملها راقي حتى الستاف اللي معاها

 

[مدمنة ككاو]

رد: تجمع مراجعات الاستشارية د.امل عبدالعزيز الراشد فقط

ما تولد بالسيف؟

 

[Lady Zayoona]

تجمع اجنحة دسمان في مستشفي السلام

شلونكم يا بنات

حبيت اسوي هالتجمع عشان نعرف الاسعار و المميزات و العروض للي تبي تاخذ فكره عن اجنحة دسمان الي بمستشفي السلام

منو سامع عن الاسعار؟

و شنو الغرف الي تنصحون فيها لاستقبال اليوم الواحد ؟ يعني المفروض كبيره تكفي الضيوف

و شلون عن التققديم و الفليبينيات و الشاي و القهوه؟

المواعين منهم ؟
شنو خدمات يعطوننا ياها؟

انشالله هالتجمع يفيد وايد بنات بدال لا كل وحده تحسب ميزانيه غلط او يفوتها شي من المميزات!! :tek:

 

[Om_Ksha]

رد: تجمع اجنحة دسمان في مستشفي السلام

خووووووووش تجمع توني راده منهم والله قلت اشوف الغرفه جم طاوله فيها وجذي ..

وبالنسبه للغرف كل الغرف حلوين واغلبهم فاضين .. يعني انشالله حزتها تاخذين اللي تبينها ..

انا كان ودي بالغرفه رقم7 البيضا.. بس مالقيت كفر يلوق لها فانشالله اخذ 8 .. او اى وحده عادي كلهم حلوين .. بس هذول الثنتين اتوقع اكبر شي ...


الكتالوج ييمي خل اكتبلج مميزاتهم :
خط انترنت لاسلكي مجانا
هاتف مباشر للجناح
كاميرا خاصه لمتابعه الام لطفلها الرضيع في الحضانه
توفير عدد 2 من موظفي الخدمه للضيافه طيله فتره الاقامه في الجناح
هدايا مميزه من اداره المستشفى ,,

وفي ورقه فيها اسعار الغرف بس مالي خلق ايبها الحين
شووووي وايبها .. بس ناطره مشاركاتكم ..


وصج على فرارتي بالنت عرفت انه على قوله البنات اصغر غرفه بالسلام تعادل اكبر غرفه برويال حياه .. هذا على كلامهم !! شي جذي مادري قلبت الجمله !!

 

[Om 3zo0oz_2011]

رد: تجمع اجنحة دسمان في مستشفي السلام

اقتباس لعضوه ماقصرت معاي

لنسبه حق اسعار السلام
ماتوقع انج تبين العمومي
بس هم بحطهم شوفي اهمه يتعاملون بسعر الليله يعني ماعندهم بكج <<<<<< انا بوفراس في خدمة الناس لوووووووووووووول
بس عندهم حق دسمان اذا تبين تاخذين ليله او بكج على راحتج

اول شي اذا دكتورج من داخل المستشفى ( سعر الولاده + الدكتور )
ولاده طبيعيه 285
ولاده متعسره 335
ولاده قيصريه 485

اذا دكتورج من برا المستشفى ( سعر الولاده من غير سعر دكتورج )
ولاده طبيعيه 175
ولاده متعسره 205
ولاده قيصريه 295

الحين اسعار الغرف
عمرمي ب 40 << جنه معاج بالغرفه 3 او 4
عمومي أ 50 معاج بالغرفه وحده
غرفه خاصه 89
ديلوكس 2 >> 99
ديلوكس 1 >> 110
في اي بي 2 >> 130
في اي بي 1 >> 140
رويال سويت 3 >> 160
رويال سويت 2 >> 180
رويال سويت 1 >> 195
السلام سويت 2 >> 285
السلام سويت 1 >> 310
جناح اللؤلؤة >> 400

طبعا الفرق بين 1 و2 و3 الي نفس الجناح فرق السعر يكون من ديكور الغرفه والمنظر في مناظر الله لايوريج على عماير وخرايب
وفي مناظر تهبل على البحر

دسمان السعر بالليله
دسمان 1 و 5 و 6 >> 720
دسمان 8 >> 800
دسمان 3 >> 860
دسمان 4 >> 880
دسمان 7 >> 900
دسمان 2 >> 980

ملاحظه :
يتم اضافة مبلغ 100 دينار كتأمين للادويه والتحاليل << طبعا اذا يخصمون من هالمبلغ والباجي يردونه واذا سويت اشياء باكثر من 100 يعني احتجتي تحاليل زياده وادويه بعيد الشر عنج وعنا يضيفونه على الفاتورة

ابرة الظهر >> 95

 

[Om NoOoRa]

رد: تجمع اجنحة دسمان في مستشفي السلام

قوه بنات
انا بصراحه محتاره بين دسمان6
او اللولو
مادري الاثنين نفس الحجم بالضبط
وما اتوقع بدسمان يسوون ضيافه وبوفيه انا رايحه وسئلتهم عن التفاصيل ما قالولي هالكلام
يعني اذا تقصدون نفس مميزات الجاردينيا في رويال حياة
لا مافي هالشي
الغرفه وبس

 

[Om_Ksha]

رد: تجمع اجنحة دسمان في مستشفي السلام

^
^
شلون يعني ضيافه وبوفيه ؟

انا يمي الكتاولج وكاتبين انه في السيرفس للضيافه ..

 

[Om NoOoRa]

رد: تجمع اجنحة دسمان في مستشفي السلام

سيرفس بس
يعني فلبينيتين
بس كل شي منج
البوفيه والشاي والعصاير واللذي منه
اهما بس يعطونج فلبن
ببببببببببببس

 

[Lady Zayoona]

رد: تجمع اجنحة دسمان في مستشفي السلام

امبيه مافي استكانات و شاي و جذي؟؟ حتي لو احنا ندفع؟ ترا وهقه !

انا ولادتي اول اسبوع بشهر 10
و كل ما ادق عليهم ماكو غرفة متوفره شلون !!! مسكينه امي تحوس تبي تعرف الطاولات قياسهم حق المفارش !

انا بولد قيصري عند د امل عبدالعزيز

 

[Om NoOoRa]

رد: تجمع اجنحة دسمان في مستشفي السلام

بالتلفون يقولون مافي
ولما تروحين تلاقينهم كلهم فاضيين

 

[Om_Ksha]

رد: تجمع اجنحة دسمان في مستشفي السلام

^
^
صح كلالالالالالالا فاااااااااضين بس غرفه ولا غرفتين مشغولين ..
روحي لهم وحطي اسمج وحددي موعد ولادتج ..
انا كنت بحط اسمي بس لاني ماعرف متى بولد قالت لي قربت ولادتج وعرفتي متى دقي علينا ..

 

[أمواج^الكويت]

رد : تجمع اجنحة دسمان في مستشفي السلام

بنات هذي صورة دسمان 8 الصراحة عجيبة ..



بس ترى يمكن الأسعار اللي بالصورة قديمة لاتعتمدونها ​

 

[عيش و ملاس]

رد: تجمع اجنحة دسمان في مستشفي السلام

بنات دسمان 6 صارت ب500 الليله

 

[Om_Ksha]

رد: تجمع اجنحة دسمان في مستشفي السلام

اشدراج ؟ وشلون تعرفون اذا تتغير الاسعار ولا لا .. وبعرف اهم يحطون عروض ولا لا !!

احد يعرف خدمه برستيج جم سعرها !؟ ومعاهم مواعينهم !!

 

[Om NoOoRa]

رد: تجمع اجنحة دسمان في مستشفي السلام

عيش وملاس
اشدراج؟

 

[عيش و ملاس]

رد: تجمع اجنحة دسمان في مستشفي السلام

أمس السولعيه راده من مستشفى السلام وماخذه جدول الأسعار وحاطتهم في أسعار المستشفيات في قسم أمراض النساء و الولاده