ساعدوني زوجي حارمــــــني الامومه شسوي

[ايميي]

تكفون شسوي السالفه ومافيها











صارلي متزوجه 3 سنين وللحين زوجي يقولي مابي عيال زين انا ابي حاولت اقنعه يقولي لا انا نفسيا مو مستعد ؟
بنات انا الصراحه كنت قبل متفقه معاه انا نضل سنه او سنتين بالكثير بدون خلفه وبعدها نشد حيلنا عشنا ها السنتين سفريات وتماشي وتضيع وقت بس مليت ابي ضنى تعرفون شعور الامومه بدى يذبحني وانا يابنات مو صغيره بخلص 28 وابي الحق على عمري

ا​

حب اليهال
اعذروني لو كان كلامي فيه شي غلط ​

 

[( مي )]

قوليله اذا الحين ما استعديت نفسيا ،، عمرك ماراح تستعد
لان اليهال يبيلهم مزاج وسعة صدر وطولة بال
والأنسان كل ما كبر قل صبره وزاد تعبه بالتربية ،، وحلاته تربونهم الحين مو على كبر
وفهميه انج كل ما كبرتي صار الحمل متعب لج أكثر

 

[Pink -Pearl]

رد : ساعدوني زوجي حارمــــــني الامومه شسوي

اقنعيه بطريقتج
عيل اهوا شحقه متزوج
وبعدين شكلكم مو صغار
حاولي تقنعينه وان شاء الله الله يهديه

 

[المغترهـ]

رد : ساعدوني زوجي حارمــــــني الامومه شسوي

غريبه زوجك مايبيك تحملين ,,,, مشكوك بامره ريللك

تناقشي معه وخلى يوضحلك شنو سبب رفضه امكن فيه عله

والله يسخرلك اياه ويوفقك ويحقق للك بالضنى ان شاء الله

 

[ايميي]

رد: رد : ساعدوني زوجي حارمــــــني الامومه شسوي

غريبه زوجك مايبيك تحملين ,,,, مشكوك بامره ريللك

تناقشي معه وخلى يوضحلك شنو سبب رفضه امكن فيه عله

والله يسخرلك اياه ويوفقك ويحقق للك بالضنى ان شاء الله

تناقشت معاه حاولت افهمه يقولي اذا تحبيني سكري عا الموضوع انا مو مستعد دوشة راس ولويه انا نفسيا مو مستعد

 

[Om 3zo0oz_2011]

جان قالها قبل لا تملجون قوليله انا موصغيره

 

[كويتيه مذهله 87]

اي شي صح
اذا انتي 28 هو جم عمره ؟؟

قوليله انتي كبير يعني تبي تشووف عيالك علي عكازه

,,,

 

[المغترهـ]

رد : ساعدوني زوجي حارمــــــني الامومه شسوي

انا عندى فكره احملى انتى وحطى بالامر الواقع وش يسير يعنى قولى قدره الله فوق كل شي

والله رجال اخر زمن

 

[ايميي]

حبيبتي غلطانه شنو قزرتيها سفرات وتمشي .....
لاحبيبتي شعورج طبيعي اصلن الوحدة من عقب ال3 شهور خلاص تمل تبي جاهل يغير حياتها ......
انا رفيجتي توها والده من 3 شهور زوجها اشتري لها حبوب مانع وكل يوم يجيك معاها ويسالها اكلتيهم وتقوله اي وهي ماتاكلهم ....
والحين الله يرزقها حملت ويوم علمته عصب شوي وقالت له رزق من الله وسكت واقتنع....
بس ممكن سؤال انتي ضامنة نفسج بتحملين ؟؟؟؟؟؟؟والا علي بالج باي وقت اتحملين ؟؟؟؟؟
الله يرزقج حبيبتي

ايه والله ندمانه كثر شعر راسي ضيعت سنتين عا الفاضي المفروض عندي ياهل عمره سنتين ياربي انا ليه حرمت نفسي
عاد تصدقين انا لاشغله ولاعمله قاعده بالبيت مخلصه دراسه وماتوضفت قلت عشان افرغ نفسي للتربيه ويوم افاتحه بالموضوع واقوله انا الحين مستعده للحمل والتربيه قالي بكل برود انا مو مستعد !!
ليه انت الي بتحمل وتولد ولا انا ؟؟

 

[ايميي]

رد: رد : ساعدوني زوجي حارمــــــني الامومه شسوي

انا عندى فكره احملى انتى وحطى بالامر الواقع وش يسير يعنى قولى قدره الله فوق كل شي

والله رجال اخر زمن

ياااليت اتمنى بس للاسف هو اذكى مني يستخدم وسائل حمايه
عذرا عا الوصف يعني انا ما اخذ حبوب اهو محرص على نفسه عشان مايمديني العب عليه
شايفه شلون حريص عشان ما احمل

 

[المغترهـ]

رد : ساعدوني زوجي حارمــــــني الامومه شسوي

اجل زوجك مو صاحي ماعندك الا حل واحد صلي كل يوم قيام الليل ودعى ربك وعساه تنفرج لك قولى امين

 

[ايميي]

اي شي صح
اذا انتي 28 هو جم عمره ؟؟

قوليله انتي كبير يعني تبي تشووف عيالك علي عكازه

,,,

حبيبتي عمره 33 مو صغير مادري متى يبي يربي عياله من جد اي شي

 

[ايميي]

جان قالها قبل لا تملجون قوليله انا موصغيره

قالي ايام الملكه سنتين ونفكر بعدها وانا الخبله صدقت والحين حدي متوهقه

 

[جنون زوجي]

لاعاد قولي له زينة الدنيا اليهال والله العمر يمر وانتم بدون يهال
لا حطيه بالامر الواقع اهم شيء انت لاتعيشين بدونهم
وحاولي معه اذا مافاد مالك الا تحملين

 

[Jna3eYa-88]

الله يعينج

عمره 33 ومايبي عيال غريبه ..

مادري شقولج بس ع العموم الله يهديه ويسخره لج ويغيير رايه ..

 

[ايميي]

صراحه حركته ماتريح كلش يعني خايف ينربط فيييييييج والاشنو ؟؟؟؟؟؟
الحمدالله زواج علي سنة الله ورسوله ليش حريييييص ومعاش الطفل عالحكومه .وانتي اللي بتحمليييييين واتربين ......
بس نصيحه لاتضيعين الوقت وتصيرين مسكينه صيري اذكي منه الرياجييييييل مالهم اماااااااااااااان

تصدقين حاسه بشوية خوف مادري ليه بس الي متأكده منه زوجي يحبني وايد واحيانا يقولي اخاف اذا يبنا يهال ماتصير علاقتنا قويه مثل الحين هذا عذر من الاعذار الي اسمعها
وزواجي الحمدالله على سنة الله ورسوله
حتى اهله كل شوي يسألوني ليه ماحملتي للحين مفتشله اقولهم ليه
خايفه العمر يمشي وانا للحين على وضعي

 

[أموت برزة عقاله]

رد : ساعدوني زوجي حارمــــــني الامومه شسوي

كلش موب من حقه

حاول تقعدين معاه ونزلي لج جم دمعه من قلبج وخبريه يعني 33 لمتى وقولي له صرت اتضايق من اجوف ام وعيالها حس فييني وهشي

حرام عليك ولين يبناه على كبر موب ضامنين نربيه ولا شلون بعيش من بعد عينه

والله يحنن قلبه صج مستغربه من رده فعله ؟؟

 

[ايميي]

لاعاد قولي له زينة الدنيا اليهال والله العمر يمر وانتم بدون يهال
لا حطيه بالامر الواقع اهم شيء انت لاتعيشين بدونهم
وحاولي معه اذا مافاد مالك الا تحملين

شلون ماقدر حبيبتي هو محرص على روحه :eh_s(11):

 

[ايميي]

رد: رد : ساعدوني زوجي حارمــــــني الامومه شسوي

كلش موب من حقه

حاول تقعدين معاه ونزلي لج جم دمعه من قلبج وخبريه يعني 33 لمتى وقولي له صرت اتضايق من اجوف ام وعيالها حس فييني وهشي

حرام عليك ولين يبناه على كبر موب ضامنين نربيه ولا شلون بعيش من بعد عينه

والله يحنن قلبه صج مستغربه من رده فعله ؟؟

ياعمري والله الظاهر يبيله شوية دموع بس انا اذا قمت اصيح كل الكلام يطير واتم اصيح مايفهم مني شي بس مو خسرانه شي بحاول انزل من الدموع الي كل يوم انزلها بروحي بدون مايشوفني

 

[أم الحلووووين]

داام مايبي منج جااهل ماايبيج اي وقت يبي يمل منج ويهدج ..
الواحد اذا حب امرته حب يجيب منها عياال ..
نصحيتي لازم تحطي حد حق ع الموضوع لاخوفي مايبي عيال وتضيعين عمرج معااهاا ..
لذة الزواج العياال .. والله لايحرمج منهم وتشوفينهم ..
بس كثري استغفار والدعاء ..ولا تسكتين حني عليه ..
والله يهديه لج ويوافق ويرزقكم ..