السلام عليكم خواتي العزيزات
أنا متعودة دايما أحل مشاكلي بنفسي الا هالمشكلة تعبتني نفسيا احترت فيها فقلت ما لي الا بنات المنتدى اسمع آرائكم باختصار زوجي عنده ثلاث اخوان متزوجين معانا بالبيت كل واحد عندة شقة منفصلة فيها مطبخ ومدخل خاص يطلع على الشارع وزوجي اهو أصغر واحد أبوه متوفي من زمان و أنا لاني زوجت الصغير شقتي تحت عند امه باب شقتي جنب غرفتها ومطبخنا مشترك وناكل انا وزوجي وعيالي وخالتي مع بعض غدانا وعشانا وخالتي انسانة طيبة وحليوة وما شفت منها الا كا خير والحمدلله
المشكلة
ان زوجي يجيب اغراض البيت نترس المطبخ من كل خير اول كل شهر وزوجي من النوع اللي ما يودي الا بطلعة الروح حتى الجمعية مرة بالشهر لانه كسول جدا ما يحب يودي ولا يجيب وانا ما أسوق و مو موظفة طالبة بالجامعة اما حمواني حريمهم كلهم موظفات ويسوقون وكل وحدة عندها خدامتين هم بتقولون وين المشكلة
المشكلة ان كل وحدة يوميا تدز خدامتها لخالتي نبي بصل وطماط والثانية نبي دجاج يوميا يطرون شي يعني الماجلة ماتقعد اسبوع وخالتي توزع عليهم وانا ميتة قهر حتى كياس الزبالة عزكم الله يطرونها واذا خلص شي زوجي احن علية سنة على ما يجيب قلت لخالتي بسلوب حلو عشرين مرة ما كو فايدة وانا ما ابيها تزعل مني حتى حريم حمواني علاقتي زينة معاهم ما ابي اخربها على هالشي ومرة قلت لخدامتي تكلم الخدامات اذا جت وحدة منهم تطر وتقولهم ان ماما ما ترضى قالوا لها هذا بيت ماما كبير مو انتي ماما :rgewrg:
شنو الحل انا تعبت والمعاش ما عاد يكفي اي نسيت اقول لكم بعد ان اذا حريمهم ناموا عند اهلهم خميس وجمعة كل اسبوع كل حمواني ثلاثتهم لازم نحسب حسابهم بالغدا والعشا
