~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[عنيّد]

zZZzzZzz !

 

[mn.mn]

هلا والله عنيد وصاجة والله احنا وصلنا مرحلة لااااااااازم ندخل الرياضة خلاص ما فيه دلع والله يكون بعون الجميع

بطبط لووووووووووول صج عايشة الدور ما تعودنا عليج جذي ردي يما وخلي عنج الانفصام بالشخشية

خلصت حصتي وبعد شوي بجابل الكتب أقيم البنات وأكتب الملاحظات وسناكي بيكون كوفي وحبتين بسكوت

وغداي زلاطة و2 همبرجر وسناك العصر ككاو وقهوة والعشا مادري مفكرة ببرتقال بس يمكن اغير رايي

 

[teenaa]

مساء الفل
شلونكم
شخباركم؟

انا تمام


صامده :>


مشتاقه لكم والله

 

[بطة رشيقة]

هلا هلا بناااااات ... شلوووونكم ... اى منمن شفتى شلوووون عشت الدوووور

الله كريم الله يوفقنا ويثبتنا يااارب ياااارب ...

شلووونج منمن حبيبتى شخبارج اى والله خلاص خلاص لا بد من الالتزام وان نمسك روحنا يارب يارب ...

تينا هلا وغلا ..

 

[mn.mn]

باك من بعد الصلاة

هلا والله بطبط وتينا

تينا تشتاق لج العافية وخلج صامدة ولا تعذبين روحج بالرجيمات القاسية مثل قبل

بطبط انا بخير حبيبتي أكسر الخاطر بدون قوزو بس على الصعيد الرجيمي الحمد الله ردت لي النية على الالتزام والله كريم

 

[بطة رشيقة]

الله كريم ربى يعينج على بعاد قوزو ربى لا يطولها شده ان شالله ويرد لج بالسلامه

اليوم الغدا بيكون همبرجر وسلطه وان شالله عندى مشوار للجمعيه ضرووورى

والله يسهل ان شالله

 

[mn.mn]

مسااااااااء الخير

الحمد الله الأمور لي الحين ماشية أوكي وغداي تغير بدال الهمبرجر صار 4 قفاش عيش ومرقة لحم

والعشا ان شاء الله رطب ولبن و فيني النوم مادري جنه اليوم ماكو مشي

 

[mn.mn]

حسبي الله عليهم

باجر دوامنا لي الساعة 2

بعد عمري الياهال بيذوبون من الحر

 

[mn.mn]

الظاهر محد بيطل هالحزة

تصبحووووووون على خير

 

[بطة رشيقة]

قوه بنات شلووونكم شخباركم .. انا اليوم الحمدلله اوكى وربى يتمم على .. تغديت تبوله وهمبرجر وحده ودايت والسناك كان روب اكتيفيا بو فرااااوله و بتعشى بعد شوى صمونه وحبن وخيار وطماط والله كريم ...

تعالى منمن وينج خل اسووولف وياج ..

تعالى شنو صج وااافقوا على تطويل الدوام ..؟؟؟؟؟؟ وحتى الروضه ..؟؟؟؟؟؟ والله بلشه حرام عليهم كافى على هالياهال الحر والخيسه شنو بعد لى الساعه 2 حرام والله ما ادرى شنو هالقوانين الداايخه اللى قاعد يطلعووونها وعليه وعليه ...

اليوم انا ما ادرى شفينى كلش كلش دايخه واحس روحى جنى ببحر تعبانه ما ادرى شنو فينى بس صداع واحس انى متمغثره ودايخه شكلى بصخن يارب مالى خلق ..

 

[mn.mn]

هلا والله بطبط زين اني ما سكرت وطليت خلا ص ولا يهمج بتم اسولف معاج شوي على ما ادوخ عدل

والدوام خلاص كل ثلاثا صار لي الساعة 2 بس الروضة لا نفس دوامهم وسلامتج ما تشوفين شر

أنا عشاي تغير بطلت الثلاجة ولا ألاقي خلطة مخلل شاريتها من سيتي سنتر اشتهيت جبن ابيض

عاد خليت عشاي خبز وجبن ومخلل ودايت بس والله كثرت بدال نص خبزة كليت خبزة خفيفة كاملة

 

[mn.mn]

بطوووووو الحين ناديتيني ورحتي !!!!!!

خلاص هالمرة من صجي بروح أنااااااااااام

 

[بطة رشيقة]

سووورى سوورى منمن حبيبتى لاتزعلين منى بس قوزو كان نايم وتوه قعد وتعالى شوووفى الطلبات تصبحين على خير ونشووووفم باجر والله يعينكم على الدوااام الطويل اللى ماله داااعى ابد ابد الله يكون بعوونكم ويااجرركم

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

مسا الخير

شلونكم و شخباركم ؟

انا الحمدلله اموري اليوم زينه .. اليوم يوم السوائل فماله داعي اذكر شكليت لان خياراته معروفه .
باجر يمكن التوست او التمر .

بالعافيه عليكم كلكم ما كليتوا .

ردا على سؤالج عنيد :
بخصوص الزوج البتوتي .

شوفي .. ان جابلته .. و اهي طبعها دوم طلعات بتكون حياتها صعبه .. و ان حاولت اتغير من طبعه ما راح تقدر لانه البتوتي بحاله و ماله زود بالربع و الدواويين و الطلعات .. و وان حاولت تطلعه ما تقدر لانها ماراح تطلع معاه كل يوم !
الحل : تطلع اهي بحدود المقدور عليه .. المواجيب .. مشاوير البيت و العيال .. تقلل الطلعات اللي مالها داعي بس ما تقطعها بالمره .
و الله يعينها على ريلها البتوتي !

شالاخبااااار؟

 

[@شمس الضحى@]

رد: رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا والله شموسه

الف الف مبروك:nbvppw::nbvppw::nbvppw::nbvppw::nbvppw::nbvppw::nbvppw:


كلللللللللللللللللللللللللللللللووووووووووووووووووووووش

حياااااااااااتي لباااااااقلبج
الله يبااااااااااارك فيج:hearting:

 

[@شمس الضحى@]

قوووه بنات شلونكم على السريع اكلمكم انا اليوم بزى بزى عندنا ريوق عشان رفيجتى العزيزه الغاليه رفيقه دربى الجامعى والمدرسى والمراهقى والقزيزى وكل شى والدوامى راده من اجازه امومه يا حياها الله ومسوين لها ريووق عاد اليوم انا اوف وان شالله باجر ببدى من يديد وهالله هالله على الجد والجد هالله هالله عليه ..

زيوون اى امس رحت العرس وقررت باللحضه الاخيره وكارز نام عند اختى لاخلا ولا عدم يا ام سعووود حبيبتى ما قصرت ... والحمدلله العرس حلو والله صج من زمان ما كشخت ومن زمان عن العروس وشفت الاهل والحمدلله زين سويت وجبت على الاقل .. ونسيت الرقص امى جبرتنى وقمت رقصت رقصه وحده فقط ..

اثمان يالله نشد الحيل انا وياج ..

عنيد مبروووك نزولج وربى يوفقج وكملى وان شالله ماكو شى بعيد عند رب العالمين ..

شمس الضحى يا هلا وغلا ومبروك زواج وليدج بشرينا وسولفى لنا عن العرس ان شالله تمام ..؟؟

منمن حبيبتى تمام ربى يوفقج ويديم عليج المشى

تعالوا بنات انا وايد فاقده صبوووحه .. وينها البنت اختفت موليه ..؟

يالله الحين اخليكم واشوووفكم تالى ان شالله ..

يالله العداد قاعد يعد وان شالله اكون ثابته وربى يجعل رجيمى فيه الخير ..

هلاااا بطوط شخبااااااااارج شمسويه
العرس كان قمه من مجاميعه والله تمنيتكم معي
والاحلى انا طلعت نجمة الحفله ههههههههههههه مداح نفسه:23_asmilies-com:

 

[@شمس الضحى@]

شيخة الف مبروك الزواج و منه المال و منها العيال ومبروك الوزن اليديد اتهنين يارب

اثمان صباحو باي باس حديث المجتمع اخر 5 سنين وينج معقولة ماقريتي عن الجسمي و هدى حسين

وديانا كرزون ... اخخخخخ ياليت اقدر اسويها

بطه الفلم توه نازل بالهند 24/09/2010 شوفي البوستر و على الباي باس علميني اي دكتور يرضى

عشان اسويها معاج

منمن بشرينا عن الالتزام ان شاء الله قضبتي الطريق

زيونه شلونج الحين عقب الانفلونزا سلامات

ميزو شلونج مع لوية اليهال و الريجيم الله يعينج

شوشو جنج مختفية وينج لايكون خربتيه نفسي

زاجل مشكوره هلى سؤالج و اهتمامج و الله يخلي لكم الوالد و يطول بعمره

اذا الله سهل و قدرت بصوم 6 ايام لاني صمت 9 و شيلي منهن ال6 يبقى لي 3 و اصوم 6

عشان اكمل 9 .. الله كريم


عنيد مبروك اللالتزام ماشاء الله خليج احسن مني انا موخوش و طحت من عين تفسي

منوو شيخه؟؟؟؟؟
الله يبارك فيج حبيبتي
والوزن الله يثبته لايصعد بس

 

[nono-ful]

هلا بنات شلوونكم انا بنظم حقكم لمده اسبوع عقب قررت اني لازم اكوون ريشقه لووول


امس بلشت رجيم وباجر ببلش نادي

ادعولي عقب اسبوووع اصير ريشه

 

[just-me]

صباح الخير

شلونكم بنات

بعد عمري شموسه انا كل مرة اتخربط و اسميج شيخة معلش ..

 

[just-me]

طبعا مثل كل يوم الصبح النت شغال و انتو مو مدوامين

عموما من عقب البلعة من الويك اند ليمن اليوم وزني 78.5