~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[@شمس الضحى@]

صباح الخير

شلونكم بنات

بعد عمري شموسه انا كل مرة اتخربط و اسميج شيخة معلش ..

هلاااااااااا وغلااااااااااا


ههههههههههههه حبيبتي عاااااااادي امزح معج
شدعوى اسمي صج:33_1185028183:

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

مسا الخير عالحلوين رشيقات المستقبل

شلونكم

الحمدلله اموري للحين تمام


غداي كان همبورجر و سلطه و لبن

سناكي جاي اخضر و لوز

باخذ بعدشوي سناكي الثاني كاكاو وسط و قهوه

و العشا 7 تمرات و لبن



شالخبار، في احد الحين؟؟

 

[mn.mn]

مساااااااااااااااااااااااء الخير

مميزة وانتي بصحة وسلامة وانتي بعد كل عام وانتي بخير يا أبلة

زيون بالعافية ما كليتي وعفية على الالتزام

اليوم ما نمت والعصر خذيت الياهال ورحت الافنيوز وكان سناكي وعشاي هناك وصار في بوقات شوي

حاليا قاعدة أشرب أعشاب العبد وودي أمشي عشان يطمئن قلبي وما أحس إني خايرتها

وعقب المشي بروح اسبح وأصلي العشا واحط راسي وانام قعدة الظهر مسوية فيني سوايا

تصبحون على خير ونشوفكم ان شاء الله باجر

 

[just-me]

السلام عليكم جميعا

مساء الخير

الحمدلله على كل حال

الحمدلله على نعم الله اللي ما تنعد و لا تحصى

جان تذكرون قبل رمضان قلت لكم مريت المستوصف سويت تحاليل شاملة

كوليسترول و cbcوفيتامين دال وغدة درقية و b12

الحمدلله على كل حال اليوم طلعت النتايج و

طلع عندي بداية كوليسترول ومعرضة للغدة و نقص شديد بفيتامبن دال

المعدل الطبيعي يبدي من ( 50 ) انا نسبته عندي ( 24 ) وبلشت ابر

من اليوم لمدة 3 شهور الابره تعور وحارة بس الحمدلله على كل حال... استغفر الله سهالات باذن الله

انا ماودي اكدركم او اشكي لكم بس حبيت اشاركم بالحلوة والمره والحمدلله الصحة مو مقصرين

وكل شي سويته بالحكومة بالمستوصف.. مابي منكم الا الدعاء ولي عندكم طلب

سووا تحاليل دم و الله خير حافظ ,,باجر لي كلام ثاني على هالموضوع

تصبحون على خير

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم .

شلونكم ؟

كل شي اوكي لي العشا تغيرت الخطط .. و صار خبز ايراني و فول و نودلز قي بيت العز يا بيتنا !

طبعا باجر انا اوف من الريوق لي العشا .. شرايكم فيني و بالاعتراف ؟

عموما انا ادري بالدوام راح التزم .. جذي مو منتظمه وجباتي و طلعاتي .


من من ..نومة الظهر مطلب .. و الصراحه عن نفسي اغط فيها اكثر من نوم الليل --> يمكن من التعب و قعدة الصبح و اللويه و انا مو متعوده على جذي ؟
و انتي من اهله .

جسوت .. سلامات سلامات .. ديري بالج من الكلسترول .. انا طلع عندي زايد شوي باخر تحليل و عطاني اوميغا 3 مع زيت السمج .
و الغده .. ماكو شي يمنعها ترى .. فادعي ما اتحوشجج و من حاشتج لاحول و لاقوة الا بالله حالج من حال الاغلبيه .. ترى منتشره بالكويت و ما تعتبر مرض كثر ما اهي ظاهره .
و فيتامين دال .. خبري مستوى النورمال من 20-100 بالتحليل اللي عندي .. اخر نسبه لي كانت 8 .. هم نازل بس اهون من اول كان 4 او 4. ماني ذاكرهو قالوا لي ابر بس يومي بسنه .. و اعتقد سبب زيادته اني اخذ حبوب كالسيوم فيها نسبة فيتامين دال ..طبعا مني و من نفسي اخذها .
و عن نفسي كل 6 شهور اسوي تحليل دم شامل ..و الغده و فيتامين دال .معوده نفسي شهر 4 و شهر 9 او 10 .
و الله يكون بالعون .

شالاخبار ؟

 

[عنيّد]

تقرير الحلقة الرابعة من برنامج سعرات في لحظات
للدكتور عبدالله المطوع
٥/١٠/٢٠١٠

»» التغذية عن طريق علم النفس ««


يقول الدكتور :

- تخاف تاكل ؟ يعني فيك حالة نفسيه من الاكل
- تحس بتأنيب الضمير بعد الاكل ؟ فيك مشكلة نفسيه
- وحده من المراجعات تقولي لا تناديني منى ، نادني بطاطا ، ليش ؟؟ لأني احب آكل البطاط بكـــل انواعه << اهني تذكرت الاخت بطاطا الله يذكرها بالخير ، مادري ليش حسيت يقصدها



تمت استضافة الدكتور عادل الزايد - استشاري طب نفسي

د.عبدالله س: ليش بعض الناس كلما تكدروا وتضايقوا حطوا حرتهم بالاكل وبالذات بالسكريات ؟
د.عادل ج: هذا موضوع متكرر عند كل الناس ، ان الواحد ياكل عشان يهدا ، مثل المدخنين الي يدخنون لما يتكدرون ، نفس الشي بالاكل وبالذات بالسكريات الي تحتوي على ماده لها علاقة باحساسنا بالسعاده والهدوء ، وبجذي مع الوقت تصير عادة ناكل فنرتاح
حل هالمشكله بالبداية تقييم الحالة هل هي حالة نفسيه بسبب اكتئاب او ضيق ...الخ فلازم نعالجه بالاول ، او هي سلوك يومي ، فاذا كان سلوك يومي وبدون اعراض فالحل بالعلاج السلوكي المعرفي بتغيير السلوك ، لازم الواحد يستحضر نفسه في كل قرار يتخذه ولا يستسلم لشهواته ولازم تكون عنده اراده ويسأل نفسه قبل الاكل هل الي اسويه صح او خطا (؟)

د.عبدالله س: الشراهه عند الناس هل هي عادة وراثية بالجينات ام مكتسبه ؟
د.عادل ج: الاثنين مع بعض ، وهذا الي اثبتته الدراسات ، ولكن المقصود بالوراثه هي ان العائلة عندها استعداد للسمنة ، اما السلوك فمثلا لو كان الاب مايحب الخضروات فالابناء تلقائي ماراح يحبونها لانهم ماراح يشوفونها على الطاوله وبالبيت << ياجماعه تكفون ترى والله كل ام وابو محاسبين على هالشي ، انا لليوم اعاتب اهلي اقولهم ليش ماوكلتوني سلطه وانا صغيره

د.عبدالله : صحيح ، وعلى فكره ، الطفل بعد ٦ شهور لازم ياكل الخضره وبعدها ياكل الفاكهه ، لانه لو اكل الفاكهه بالاول وعرف طعم الحلاة ، فماراح يحب ياكل الخضره ، فلازم بالاول ياكل المر ثم الحلو

د.عبدالله س: ليش بعض الناس يوزنون باليوم اكثر من مره ؟ مع العلم ان الافضل هو الوزن مره واحده بالاسبوع ويكون الصبح على معده خاليه
د.عادل ج: هذا الشي يكوّن شعور سالب عند الانسان بالذات اذا ماشاف نزول بوزنه فيسبب له الاحباط وبسبب هالسلوك فهو يهدم كل الي بناه من قبل لانه ممكن يترك الرجيم بسبب انه مانزل وزنه




بعد هالسين والجيم ، تكلم الدكتور عبدالله عن شي مهم حيـــــــــل وهو

البوليميا

ومعناها الاستفراغ من الاكل بعد اي وجبه ، ومن علاماتها :
- اختلاق الاعذار للذهاب للحمام بعد اي وجبه
- اكل كميات من الطعام ولكن الجسم ضعيف
- يستخدم حبوب مثل المسهلات وغيرها ويستمر هالاستخدام ١٠-١٥ سنه
- ينسحب من الحياة الاجتماعيه ويكون شبه انطوائي


بالاستديو تواجد احد المتطوعين بالبرنامج وهو مصاب بالبوليميا
د.عبدالله س: من متى تعاني من هالمرض ؟
ابوبدر ج: من ١٠ سنوات
د.عبدالله س: كم مره تتعرض لهالحاله باليوم ؟
ابوبدر ج: ٢-٣ مرات باليوم
د.عبدالله س: حاولت توقف هالحاله ؟
ابوبدر ج: نعم ، بممارسة الرياضة وبعض ادوية الاكتئاب
د.عبدالله س: شنو الاثار السلبية الي تعرضت لها ؟
ابوبدر ج: الاحساس بالضعف والخمول والاكتئاب وشدة الحارج
د.عبدالله س: احد من اهلك عنده علم بمرضك ؟
ابوبدر ج: لا


د.عبدالله س: شنو علاج هالحاله ؟
د.عادل ج: العلاج الغذائي النفسي ، وهو علاج صعب ولكن ليس مستحيل ، وهو يتكون من علاج دوائي وعلاج بالبرنامج الغذائي ، ومدة العلاج على حسب تعاون المريض فممكن اشهر وممكن سنوات ، ولكن المهم هو ازالة شدة الحالة والخطوره ، لانه الترجيع ممكن يسبب دوالي على المريء وممكن ان هالدوالي تنزف بأي وقت << بعيد الشر تذكرت ان بعض الناس يتعمدون بعد الاكل تكرمون يحطون صبعهم ببلعومهم عشان يستفرغون الي كلوه ، شفتوا انه ضار




أنروكسيا نيرفز

وهي حالة النحافة الشديدة التي تصاحبها مشكلة في ان ينظر الانسان لنفسه في المنظره
وهالموضوع بعد مهم حيــــل


تكلم الدكتور عن وحده حاطينها بأحد الجرايد الاجنبيه ، وان هالبنت سوت رجيم مع امها وانصابت بحالة الانروكسيا وبالاخير توفت
وهذي صور لها من الجريده

د.عبدالله س: ياتني حالة بالعياده عمرها ١٩ سنه طولها ١٦٢ سم وزنها ٣٦ كجم ، فقلت لها تحتاجين تزيدين ١٧ كيلو ، جان تعصب الاخت وتقولي انا يايه عشان انزل وزني !
د.عادل ج: حالة الأنروكسيا نيرفز لها علاج دوائي وله دور ، ولكن الاهم هو البرنامج الغذائي النفسي ، وسبب الوفاة مو لانه الغذاء قليل ، ولكن لانه الجسم يصاب بنقص المناعه فممكن ان يصاب بأي التهاب بالذات بالصدر ، ويضيف د.عبدالله كذلك تتوقف الهرمونات عن العمل عند النساء وكذلك الرجال ، ويتابع د.عادل ومن ظمن العلاج هو العلاج السلوكي المعرفي ، حيث يعرف الانسان كيف ينظر لنفسه ، وللعلم هذا مرض حديث عرف بالسبعينات وبدا بالزياده بالثمانينات ، وهو دخول الانسان بالرجيم ولا يعرف كيف يخرج منه



د.عبدالله س: شنو سر رشاقتك ؟ طبعا الدكتور عادل كان وزنه ١٤٠ وبعدها سوا رجيم والحين وزنه ٩٥ قولوا ماشالله ^ـــ^
د.عادل ج: القـــرار ، قررت اسوي رجيم واتبعت النظام الصحيح




أخيرا

الدكتور عبدالله المطوع يؤكد على القرار ثم القرار ثم القرار




هذا الي الله قدرني عليه اليوم ، والحلقه اليوم ماشالله فيها ملعومات واااااايد مفيده ، الله يعطيهم العافيه ، وبالمره لاتنسوني من دعواتكم الطيبه :eh_s(17):​

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

عنيد .. يعطيج الف الف عاااافيه على تقرير الحلقه .. و ربي ينولج اللي في بالج على جميع اصعدة و مجالات الحياه قولي امين .
صج معلومات مفيده و يت بوقتها .. بالذات النفسيه والاكل والميزان اليومي
تذكرت زاجل لما كانت تخش الميزان بالكبت و توزن كل اسبوع بالضبط .. مو احنا اللي ناقزين عليه بالروحه و بالرده .
و فعلا القرار و الاراده و الهدف و التطبيق الصح اهم اللي يوصلوننا للي نبيه
كلام حلو ... بس خطط باجر ما راح اتغير ..لووووول
علي بالعافيه مقدما .

 

[عنيّد]

صباح الخير

زيون ،، يعافيج ربي اي والله وايد معلومات مفيده بهالحلقه ، بالذات ان بعض الحالات شفتها بناس اعرفهم شخصيا
وروووووحي يابنت عليج بالعافيه اليوم المتبربس تبربسا


جسوت ،، ماعليج شر انشالله ، اي والله انا مفكره بعد اسوي تحليل شامل وبضيف عليهم الغده وفيتامين د هاللي ماعمري سويته والله يعافي زيون الي قالتلي عنه

منمن ،، لوووووول الكل قاعد يعلق على سالفة تمديد الدوام بيوم المعلم :dddds: صج مالت عليهم ماوراهم قرارات سنعه :cxxxp:

بطبط ،، الله يسلمج احنا بيتنا ضد الشاليهات صيفا والمخيمات شتاء
البر يقولون شكو هادين بيوتنا ورايحين نقعد بصحرا ! :eh_s(1):
والبحر كله عبالهم احنا سباحين وبنغرق :eh_s(14): وااااي امي عندها فوبيه من هالشي ، واحنا كلنا اخرطي بالسباحه حدنا نطبطب بالبحر




بنات ..... انا محتاجه معجزه عشان اطلع من الدوام الي انا فيه ، خلاص احس قلبي ينعصر والله من ادخله ، ماني طايقته لا بشغل ولا بدون شغل ، جد جد دعواتكم ربي يرزقني بمكان اسنع

 

[بطة رشيقة]

صباح الخير شلووونكم بنات شخباركم

انا امس كنت اوكى .. ريوق توست وجبن وعصير والسناك الاول تفاحه والغدا قطعه لحم مع سلطه ودايت وربع خبزه .. والسناك الثانى قطعه كيكه وبس ما تعشيت والحمدلله عسى الله يثبتنا يارب ..

زيون صباح الخير ويعطيج العافيه واليوم شنو مناسبه الاوف..؟

جسوووووته بعد عمرى ما تشوفين شر والف لا باس عليج وصاجه الواحد لازم يجيك على عمره والله وهم الوحده لازم تهتم بروحها كلش ولا الكلستروول اف الله يفكج منه بس ان شالله مع الالتزام بالاكل ان شالله تردين مثل اول واحسن وربى يحفظج ويخليج حق عييلج وابيهم ... وما تشووووفين شر ..

منمن عوافى روحه الافنيووووز صج من زماااان عنه وعلى الريوق ان شالله نتفق ..

عنيد صباحح الخير حبيبتى ويعطيج العافيه على التقرير وصج والله انصدمت يوم سمعته يقول عن الناس اللى ياكلون ويرجعون لاحول ولا قوه الا بالله شالله حادهم ..؟ صج الواحد حلو يكون عنده ضمير بس كل شى معتدل حلوووو .. والله يبعد عنا الوصوووول للمرحله المرضيه ..؟

اليوم ريوقى بيكون توست وجبن وتيركى وخس وعصير برتقال ويزر والغدا اليوم قايله بسوى حمسه دياى مع خبز التورتيلا من زمان شاريته من مركز سلطان .. مع سلطه جرجير .. ​

 

[بطة رشيقة]

صباح الخير شلووونكم بنات شخباركم

انا امس كنت اوكى .. ريوق توست وجبن وعصير والسناك الاول تفاحه والغدا قطعه لحم مع سلطه ودايت وربع خبزه .. والسناك الثانى قطعه كيكه وبس ما تعشيت والحمدلله عسى الله يثبتنا يارب ..

زيون صباح الخير ويعطيج العافيه واليوم شنو مناسبه الاوف..؟

جسوووووته بعد عمرى ما تشوفين شر والف لا باس عليج وصاجه الواحد لازم يجيك على عمره والله وهم الوحده لازم تهتم بروحها كلش ولا الكلستروول اف الله يفكج منه بس ان شالله مع الالتزام بالاكل ان شالله تردين مثل اول واحسن وربى يحفظج ويخليج حق عييلج وابيهم ... وما تشووووفين شر ..

منمن عوافى روحه الافنيووووز صج من زماااان عنه وعلى الريوق ان شالله نتفق ..

عنيد صباحح الخير حبيبتى ويعطيج العافيه على التقرير وصج والله انصدمت يوم سمعته يقول عن الناس اللى ياكلون ويرجعون لاحول ولا قوه الا بالله شالله حادهم ..؟ صج الواحد حلو يكون عنده ضمير بس كل شى معتدل حلوووو .. والله يبعد عنا الوصوووول للمرحله المرضيه ..؟

اليوم ريوقى بيكون توست وجبن وتيركى وخس وعصير برتقال ويزر والغدا اليوم قايله بسوى حمسه دياى مع خبز التورتيلا من زمان شاريته من مركز سلطان .. مع سلطه جرجير .. ​

 

[بطة رشيقة]

لا المنتدى بدا يخوووره يالله صباح خير

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم

شلونكم رشيقات؟؟

اسفه لهيت الايام اللى طافت وما قدرت ادخل

اليوم الصبح: شربت عصير برتقال فرش

السناك: شابوره

الغدا: ممكن تونه

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

جسوت سلامتج حبيبتى وما تشوفين شر


بطه هلا حبيبتى صباح النوير

 

[عنيّد]

بطبط ،، عفيه ع الشاطره ربي يتمم عليج الالتزام :yaaaaaarb: عاد وانا اقرا اكلج خففففت اوصل للعشا والقاج مبربسه ، بس الحمدلله كلووو تمام

اثمان ،، صباح الخيرات ، وعافيات ماكليتي ، بس مو جنه سناكج امبجر :080402ask_prv:

 

[teenaa]

صباح الورد شلونكم
شخباركم
شمسوين ؟

انا الحمدلله ماشي وضعي

 

[عنيّد]

تينا ،، صباح الخيرات والله يتمم عليج



ياربي شسالفه هاليومين الدوانيه مصابه بالخمووووووووول ! ;\

 

[بطة رشيقة]

هلا عنوووده اى والله صاجه الله يثبتنا ويرزقنا الثبات يارب يارب صج صج محتاجه انى اطق بريك وارد قرى .. الله كريم ان شالله .. وعلى الدوانيه اى صاااجه عنيدووو صايره كلش صخه ...

تعالى عنوووده عندج فكره شلون اسوى التورتيلا بحمسه الدياى ..؟ هل عندج فوووووكره

اثمان هلا وغلا وربى يتمم عليج ..

 

[عنيّد]

بطبط ،، والله الخدامه عندنا بالبيت تسوي دياي بخلطتها اللذييييييييذه ، من قلت لها للرجيم اخترعت لي هالطبخه
ولعيونج توني اتصلت فيها وخذت منها المقادير
تقووولج اتييب صدر دياي بدون عظم وتقصصه صغار ، وبعدين بالمقلى تحط شوية ماي لانها ماااتحط ولا قطرة دهن ، وتحط بصل مقصص جوانح وفلفل اخضر ، وتضيف الدياي مع شوية ملح وفلفل اسود وفلفل حاااار لاني احبه ^ــ^ وقفشة صغيره صويا صوص حاليه وقفشة ونص كبيره معجون طماط غراش مو علب ، وقفشه كبيره ثوم سائل ، وبسسسسسس
والله يطلع يم يمييييييييي حيل حيل احبه :hjy5jewf:

وهذي صورته وانا حاطته بخبزه انا خابزتها بيوم من ايام المزاج

 

[teenaa]

لوووووووووووول

لا الحمدلله صامدين

الله يثبتنا

ابي انزل 4 وشوي علشان اكسر السبعينات والله تعبت

 

[teenaa]

يميييييي حده لذيذ

عواااااافي يا ويخيتي