~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[mn.mn]

كاني كاني بطبط بس رحت أتعشى

عشاي خبزة سمرة مع جبن أبيض وزيتون وخيار وجاي منعنع

الله يسمع منج بطبط ولا يحرق قلوبنا عليهم ويحفظهم من كل شر

 

[بطة رشيقة]

عوافى العشا انا عيل تغديت متاخر على الاربع على ما خلص الغدا وخذت سناكى مساع ورب اكتيتيفيا بو فراوله وقلت ما ابى اتعشى ..

 

[بطة رشيقة]

استغفر الله احس انى متملله وابى اطلع ودى اروح اتمشى ودى اتريق بره واحس مالى خلق الدوام ..؟ وبالبيت روتين ماكو يديد وبيت امى عمال ولويه صايره ما ا0حب اروح لهم استغفر الله يارب انك تفرج علينا وتفرحنا يارب يارب

 

[mn.mn]

الله يعافيج بطبط وزين تسوين اذا مو يوعانة لا تتعشين

وعلى الملل والروتين الكل يعاني عندج الويك اند طلعي اليمعة تعشي بره ولا السبت روحي تغدي أو تريقي بره

والدوام مجبورين عليه هذا حال الدنيا عسى الله يبعد عنا الكسل ونحلل معاشنا

توه قوزو داق عاد حاجيته وأنا خانقتني العبرة حس ان فيني شي بس ما قلت عن طيحة علاوي ما يسوى أخليه يحاتي ويتكدر

 

[بطة رشيقة]

اى والله الدنيا كلها جذى الله يكون بالعون وربى يسهل المشكله انا قوزو اليمعه عنده دواام عاد قلت يمكن اطلع انا وكارز بس اوديه العاب او اى مكان ما ابى انحكر ويك اند .. الله يسهل وعلى ريلج اى والله منمن زين سويتى ما ضيقتى خلقه الريال بغربه حتى لو قلتى له ما تستفيدين شى لانه مو يمج الله يرده لج سالم ان شالله ..

يالله حبيتبى منمن انا بروح انام الحين وان شالله نشووووفكم باجر على خير

 

[mn.mn]

زين تسوين والله طلعي مع كارز شوي غيري جو أنا اليمعة بعد مو ناوية ازور بقعد اعدل شوي بالبيت

والله وياج يا قلبي وتصبحين على خير أنا بعد بسكر بشوف شوي التلفزيون تالي بروح أنام

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

مسا الخير عقب يوم البربسه و الخواره !

من من .. الف لا باس على علاوي... و ان شاء الله مافيه الا العافيه .. بس لا تسوين بروحج جذي .. و لا تخلين الشيطان يوسوس لج بهالطريقه ويحسسج انج ضعيفه .. كوني قويه و قوي ايمانج بالله تعالى و تذكري و قل لن يصيبنا الا ما كتب الله لنا .. و تذكري و الذين اصابتهم مصيبه قالوا انا لله و انا اليه راجعون .. و ان شاء الله ربي يمسح على قلبج ويشرح صدرج .

جسوت .. راح ابحث زود على فيتامين د .. وان شاء الله اللي ربي كاتبه اهو اللي يصير .. المقدر كاين
بس على التحليل اللي عندي يبدي من 20 .. يمكن اختلاف الجهاز والريت ؟
و ان شاء الله ما عليج الا العافيه لا اتوسوسين .. ثلاث ارباع الكويت خذوا الابر و ارتفع شوي بس رد نزل .

بطبط .. استمري بالالتزام و بالتوفيق .

عنيد .. تسلم الايادي .. و بالف عافيه باثر رجعي ..لووول.


شالاخبار؟

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم


شلونكم شخباركم

 

[بطة رشيقة]

صباح الخير بنات شلونكم انا للاسف اليوم نفسيتى اكس فى اكس مالى خلق شى وودى ابجى وابى اطلع من الدوام ما ادرى اعوذ بالله ما ادرى شفينى ربى يشرح صدرى ويبعد عنى الكدر يارب ارزقنا الخير ولا تخذلنا يارب يا حبيبى يارب لا تكدرنى بنات ادعووولى محتاجه دعااااااائكم يارب يارب يارب فرج عنى احس انى مقمووووته .. ادرى والله كل شى بامر ربى وادرى كل شى بكتبه ربى بس سبحان الله احس انى مضغوووطه .. اسفه بنات اذيتكم من الصبح بس مو قادره اقول حق احد اللى فينى لان يمكن الغير يشووف اللى اقوله سخيف او ماله داعى بس بالنسبه لى كبير .. يارب يارب .. لا تخسر تعبى ..

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صباح الخير

شلونكم ؟

انا الحمدلله بخير .. اتريق توست محمش مع جبن وحليب معاه نسكافيه .
و الحمدلله على النعمه .

شكل المسعده مقربه اليوم و الا باجر .. دعواتكم لي تمر بسلام بدون عوار جايد .. استغفر الله يا ربي مليت لي 3 شهور اطق ابر و اسخن و اخذ طبيات و اعتفس و ما يبقى احد يدري ان يايتني هذا غير حبوب المسكنات اشكال و الوان .. بقالي اخر شي البروفين وانا اللي ما ابي اوصل هالمرحله .

و اللي مضيق خلقي ويهي معتفس هالاسبوع .. نفر من تخف وحده تقب وحده و صاير ويهي مبقع و انا خبري من زمان عن حب الشباب و النفر .. فصج صج ضايق خلقي .

عسى ربي يعدي هالويك اند على خير .. اللهم امين .


اثمان .. صباح النور شلونج ؟

بطبط .. تعوذي من الشيطان اسم الله عليج .. و ذكري ربج .. روحي صلي لج ركعتين ترتاحين فيهم .. و لا تفكرين بهالطريقه .. عسى ربي ينولج كل اللي في بالج .. بس هونيها و تهون .. و كبريها تكبر و صغريها تصغر .

 

[mn.mn]

زيون شكرا على المؤازرة حبيبتي لا خلا ولا عدم كلامج ونسني

بطبط بعد عمري عسى ما شر تعوذي من ابليس وإذا كلش تعبانة استأذني اليوم من الدوام

وروحي إخذي كارز من الروضة وردي البيت ريحي راح تستانسين لانج رحتي له وإهو بعد راح يفرح بروحتج

والله يبعد عنج القمتة والهم والكدر ويسهل أمورج والله لو مو مواعدة رفيجتي اللي معاي بنطلع بعد شوي بنروح

نشتري وسائل جان استأذنت ومريتج ورحنا شربنا قهوة ولا تريقنا بره على الأقل تغيرين جو ما عليه يا وخيتي

الحياة مد وجزروهم وفرح لازم نتبع مبدأ كشكشها ما تعرضاش وصغريها تصغر كبريها تكبر حاسة فيج يا قلبي

لاني ذيج الأيام من القمتة احساسي كان جني قاعدة بمكاني وناطرة المصايب تييني اعوذ بالله وبعيد الشر عنا وعنكم

روحي تيددي وصلي الضحى واقري دعاء الهم والحزن وطمنيني عنج بمسج لاني يمكن ما اشبك بعد شوي بطلع

ولي رديت وراي حصة

 

[mn.mn]

صباح الفل زيون وبالعافية الريوق

وان شاء الله أمورج تكون أحسن من أمس

وان شاء الله اسبوع المرور هالمرة يكون خفيف ما تحسين بقثاه

وعلى الحبوب ما عندي خبرة ولا نصيحة في هالموضوع

مع السلامة

 

[بطة رشيقة]

لااله الا الله استغفر الله الحمدلله على كل حال ربى كريم مشكووورين ماقصرتوا وان شالله اكيد الواحد يتوكل على ربه وربى ما يخيبه الله كريم .. منمن حبيبتى ماقصرتى بعد عمرى وصج فعلا احس انى محتاجه هالطلعه بس ماقصرتى وان شالله كل شى بيصير بخير زيونه حبيبتى يزاج الله خير واكيد الواحد يتوكل على ربه الله كريم

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

من من .. افا عليج انعين و نعاون .. و الله يسهل ان شاء الله .
و قواج الله على الوسائل و الله يعين .

بطبط .. دوم قولي الحمدلله على كل حال .. و كثري الاستغفار و عسى ربي يسمسح على قلبج و يشرح صدرج .

وين البنات اليوم ؟ ؟ ؟

 

[بطة رشيقة]

الله كريم ان شالله ربج يسهلها يارب ويفرجها سبحانه قادر ربى حبيبى ..

زيون اى والله اليوم ماكو احد عنيد اكيد مو يايه او مو مداومه لانها العاده تطل مبجر ...

شلون الياهال مع الروضه ..؟ والابتدااائى ..؟

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

بطبط .. ايو الله بس مالهم بالعاده عنيد و جسوت .. يطلطلون من الصبح .
الابطال تمام .. الروضه تمام .. معطينهم منهج جنه من صج لووول
و الابتدائي خلصنا الدرس الاول هالاسبوع امل فراشه بيضاء .. حسبي الله على هالامل !
صج المنهج صعب على الابتدائي ... يعني عرفوهم على الاحرف و الهمزات و الحركات تالي خل يكتوبن هالجمل
و الاملاء يوم الاحد .. و الله يستر .

انتي شلون كارز مع روضته ؟ عسى اندمج ؟

 

[just-me]

أخيرا اشتغل النت

استغفر الله

صباح الخير بنات

شلونكم

بطه استهدي بالله و استغفري و احمدي الله على كل النعم عذا ابليس اعوذ

بالله اليوم خميس ماذبحتيه >>> أملق أملق

منمن ازيج و سلامات علاوي يبي له رقية معتبرة عسى الله يحفظه و قوي قلبج

زيون وناسة الطلة الصباحية من البيت .. ماكو قزة باليوم الاخير من الأزازه

وين عنيد اليوم ؟؟ استقالت؟؟

اثمان صباح الفل

 

[just-me]

بنات قررت ما هو أت

عش ليومك كانك تموت غدا

مو معناته ماكو ريجيم الا بالعكس

اكو حب الذات من اليوم و رايح بحب جسوت

بدلع جسوت

بسوي اللي تبيه جسوت

باعوضها عن اللي طاف

ورئصني ياقدع

شماخذين من الحرات و الحط بالقلب و تبلّع اليمر

من اليوم و رايح بصير صج Just me

من زمان و انا احاول بالالقاب .. بالرموز .. اني اهتم في عمري

لكم فشلت .. بس باذن الله بركز على هالجزئية

وبحب نفسي و اعوضها عن السنين اللي مخليتها ثالث او رابع اهتماماتي

شعندها جسوت من الصبح ؟؟؟

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

جسوت .. تصدقين .. مالي خلق اروح مكان .. عيزانه !
و شلون التغيير راح يصير ؟؟
-- و منكم نستفيد --

 

[بطة رشيقة]

اى والله جسووت تعالى تعالى عليمنى شلون اصير جذى عطينى دروس يا وخيتى يا معلمه توحه

الحمدلله على كل حال

للاسف اليوم مو رجيم