~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[mn.mn]

صبااااااااااااااح الخير عالسريع قبل ما تبدي حصتي

عنيد يعطيج ألف عافية ما شاء الله كفيتي ووفيتي عاد انا أمس مو ذابحني غير كرافتته الحمرة الله يهداه

وعلى سالفة الأخت بطاطا أنا بعد تذكرت بطاطا رفيجتنا وقلت أكيد إهي

وان شاء الله ربي يوفقج بمكان أحسن من شغلج الحالي

بطة عفية عليج التزام أمس وبالعافية غداكم اليوم بعد

جسوت بعد عمري ألف لاباس عليج وما تشوفين شر يا الغالية والله ضاق خلقي بس ان شاء الله ما فيج إلا العافية وحيلج بالدعاء

زيون بالعافية مخطط اليوم وان شاء الله يكون الالتزام أكثر من جذي بالأيام الياية

أثمان وتينا هلا والله شلونكم وشخباركم ؟

أنا اليوم وزنت وللأسف وزني ثابت ضاق خلقي بالبداية بس قلت ماراح أخلي هالشي يكدرني

ريوقي الريوق المعتاد والغدا بيكون مجبوس دياي بحدود الرجيم ان شاء الله

 

[بطة رشيقة]

نشكر خدامتكم ميرى والا كووومارى من اعمااااااااق القلب :e3:


يزاج الله خير يا حبيبتى واشكرج انتى بعد عشان قاعده تحاتينى وتدورين لى اكلات رجيم حبيبتى يا عنيد لا خلى ولا عدم ربى يفرحج بوظيقه ترضى طموحج وزوج صالح يرضى قلبج ووزن ثابت يرضى بطنج :wqedqw:


مشكووره خلاص اليوم بطبقها واحطها بالخبزه واسوى سلطه والحمدلله على النعمه ..

تينا ان شالله تطلعين من السبعينااااات ...

منمن هلا صباح الخير شلووووووووونج ... ويعطيج العافيه وان شالله تنزلين بصحه وعافيه ... ​

 

[just-me]

ًصباح الخير جميعا

كتبت رد شطوله و يبرد الجبد و كالعاده اختفى و انقطع النت

عموما الله يسلمكم جميعا من الشر

عنيد تسلم ايدج على التقرير الاكثر من روعة

زيونه ورقة التحليل تحت مكتوب الرينج للمعدل يبدي من 50 اعتقد ليمن 400

اتاكد بالبيت و اكتب لج و يم كلمة 50 مكتوب اقل من المعدل الطبيعي يعني 50 اقل من المعدل

تخيلي ان انا 24 !! و اكيد تحليلج طريقته تختلف في شي غلط

امس قعدت ادور بالنت لقيت ان اذا نزل عن 10 يسبب سرطانات و ام اس و فقدان القدرة على

المشي ووفاة مبكرة تخيلي

واهم اسبابه الحمل والولادة .. وتخيلوا بنات اني ماشاء الله كل يوم اشرب من كوب الى 3 اكواب

بالله لو انا ما اشرب جان شحالي ؟؟؟ الحمدلله على كل جال عموما

الفيتامين لمن ينقص من الجسم يبتدي يسحب من الكلسترول الموجود بالعضام ... شي غريب

الله كريم و فعلا لازم اعيد ترتيب اولويات حياتي

و على فكرة الغدة الدرقية وراثة و من جهة الام يعني ان ماحاشتني الله لايقوله اسم الله عليهم تحوش بناتي

فيارب تحوشني ولا تحوشهم و ان شاء الله لا انا و لا اهمه لان هالامراض

They skip generation عاد انتو لا اتدققون على السبلنق

بطه حبيبتي امبله عرفتج و استانست على الاشتراك معانا ضحكتيني بس ماني عارفة

اشبك و ارد امس جوجو مريضة ووديتها المستوصف و عطوها مضاد عشان جذي ذكرت تحاليلي

و لازم اعيدهم بعد 3 شهور يعني اخر 12 و الله كريم

 

[عنيّد]

منمن ،، صباح الخيرات ، لووووول اي كرفتته لونها كان عجيب
يعافيج ربي وتسلمين ع الدعوه ^ـــ^

بطبط ،، لا لا اسمها ليـــن :eh_s(20): وعليج بالعافيه مقدمااااااا
ويسلموو برشا برشا عالدعوات الثلاثيه :nbvppw:

جسوت ،، صباح النووور ، دام ان هالسالفه تتكرر معاج المفروض قبل لا تعتمدين الرد تسوين له كوبي
ااالمهم يسلمج ربي ، ولا تتكدرين جذي على نتايج التحاليل ، الحمدلله انج دريتي احسن من انج تكونين هامله عمرج وماتدرين ، والحين الي عليج انج تتابعين نفسج واكلج بالذات
وماعليها شر بنتج ، الكل حايشته هالحاله هاليومين الظاهر فايروس بالجو

 

[بطة رشيقة]

الله كريم ان شالله سلامتج جسوووته الف سلامه وما تشوفين شر توكلى على الله واخذى بالاسباب وان شالله ماعليج الا العافيه .. واى قاعد يحووشنى شعور عنيد ملل من الدوام وابى اطلع لع لع لع لع

 

[عنيّد]

بطبط ،، آآآآآخ انا بششششلع من الدوام هذا خير شر ، مو بس استاذن وارجع :eh_s(13):
بعد مرور ست سنوات اكتشفت اني ماحب الي درسته والشغل لما تستلمينه تحسين بغصصصصصه :cxxxp:

 

[بطة رشيقة]

الله يعينا وياجرنا يا عنوده الحلوه واى يوعانه

 

[عنيّد]

ااااللهم ااااامين
واااي لاتطريييين الاكل >ــــ<
صج صج الصيام نعمه الحمدلله ، الواحد مجبور يصك الحلج حتى لو ذكر الاكل


يالله برب صلاة ^ــ^

 

[بطة رشيقة]

تيت

 

[عنيّد]

back ;D


لا لا وضع الدوانيه كلش ملش موخوش

 

[mn.mn]

بطبط هلا والله حبيبتي وأنا بخير يسلمج ربي بادية أعيد حساباتي بالرجيم

والحمد الله هاليومين مغيرة شوي بروتين الحياة فنفسيتي وايد أحسن من قبل

وأهم شي الصحة والعافية وراحة البال

جسوت بعد عمري الحمد الله اللي سويتي التحاليل وأهم شي استمري على الإبر لإن إختي مثلج بعد تغز إبر وهم عندها نقص

والله يكافيج انتي وبناتج والكل من كل شر ويعافينا ويمتعنا بصحتنا ولا تنسين الرقية والأذكار كل يوم

عنيد بعد عمري حاسة بشعورج مو حلو كل يوم تكونين مجبورة على شي ما تحبينه رتبي أمورج وواسطاتج وربي يسهل الباجي

خذيت سناكي بسكوت وقهوة وبقوم أصلي تالي بروح حق زوزو واليوم عندي حصة اخيرة

 

[بطة رشيقة]

هلا منمن الحمدلله اهم شى انج احسن الحين .. ربى يفرح قلبج ويرزقج الرشاااقه اللى تبينها ...

خذيت سناكى بسكوت مغلف بكاكاو بو 99 كالوورى مع قهوه فرنسيه شوى شوووقر

الله كريم .. ربى يوفقنى ويثبتنى يارب

 

[mn.mn]

بعد عمري والله بطبط تسلمين وأجمعين ان شاء الله

بالعافية السناك

اليوم مادري انام الظهر ولا لأ وراي مشوار جمعية ومكتبة

يمكن اريح شوي تالي اقوم ادرس الياهال ونروح الجمعية بعد المغرب

مع السلامة نراكم مساءا

 

[just-me]

مشكوري مرة ثانية بنات على مشاعركم النبيلة

المهم الحرص واجب

عنيد من صجج انا قلبي يتفتفت ابي اطل و اكتب و النت عندنا تبن حشا السامع

يعني اما اشبك الصبح او اخر الدوام بالله هذي حاله

عموما ان شاء الله الامور النتية و الدايتيه تتعدل

احتمال اشوفي لي حل مع تحاليلي ابي اخصائي تغذية بس مو العبد

ادري ماراح احصل موعد و بانزف

اخليكم الحين و اشوفكم تالي اليوم باذن الله

منمن و بطه و اثمان و تينا وايد ولهانه عليكم بس شنسوي الله كريم

منمن و بطه حاولوا تشبكون ع المغرب

سلام

 

[mn.mn]

مسااااااااااااااء الخير

استغفر الله رحت الجمعية ورديت ولا علاوي زالق بالحمام الله قدر ولطف وان شاء الله مافيه إلا العافية

الحمد الله ما رجع ولا داخ بعد الطيخة حطيت له كمادات باردة والله كريم بس نفسيتي بالحضيض

بس خلاص ما عدت أتحمل يصير شي حق هالولد بعد اللي صار له حتى شكة الدبوس يفز قلبي عليه

ولا بعد بروحي والأبو مسافر من غير شر أحس ودي أشق هدومي

أرجع وأقول الحمد الله الحمد الله الحمد الله

جسوت وينج تعالي الحين نسولف صاكة فيني الدنيا

لو سامعة كلامج وشابكة المغرب بدال مشوار الجمعية التعيس أبرك لي

 

[بطة رشيقة]

هلا بنات شلووونكم منمن تعالى حبيبتى انا هنى والف لا باس على علاوى حبيبى اسم الله عليه ولا تسوين جذى بروحج ولا تتكدرين ربى يحفظه لج ويخليه افا عليج شدعوا هذا ياااهل ومعرض حق اى طيحه واى طقه سبحان الله الياهال ربى حافظهم انا ادرى ان طيحه الاوليه خلتج تحاتينه وايد بس ماعليه ماعليه تعووذى من بليس ولا تفووولين لو ولو ميخالف ترى لو من عمل الشيطان حبيبتى منمن اسم الله عليج وان شالله كل شى يصير بخير ..

جسوووت هلا وغلا حبيبتى ان شالله يارب تصيرين بخير وترى والله الهرموونات والتحاليل يعنى اذا درتى بالج على روج وعدتى التحاليل ترى يتعدل كل شى وان شالله تحصلين دكتور زين ما ادرى والله شقوولج وايد فى دكااتره من ضمنهم وجدان الشمرى يمدحوونها ورفيجته اختى وايد خفت عليها ليش ما تجربينها ..؟

 

[mn.mn]

هلا والله بطبط زين الحمد الله اللي شكبتي شوي افضفض لج سكتي من مساع ودمعتي على طريف

الله كريم وان شاء الله ما عليه شر صليت العشا ورحت قريت عليه الرقية بس اللي خرعني انه طلعت صعرورة براسه

بس مع الكمادات فشت بوكل أمري لله وأتعوذ من ابليس وان شاء الله لي باجر ماكو شي

 

[بطة رشيقة]

ها منمن وير ار يوووو

 

[بطة رشيقة]

اى اسم الله عليه ماعليه شر الحمدلله توكلى على الله ولا تخلين الشيطان يقص عليج ..

 

[بطة رشيقة]

الله يحفظ هالياهال ولا يحرمنا منهم لازم ندير بالنا عليهم والله شنسوى اهم برقبتنا الله يقدرنا على تربيتهم تربيه صالحه يارب ..