شنو الكتب الي راح تاخذونها من معرض الكتاب..........؟

[Kadin Cligin]

^^

ماشاءالله شوقتيني احط ليستتي بس انطر الموقع عشان اتاكد شنو الموجود وموموجود واعدل عليها واضيف

 

[انا خطر]

رد : شنو الكتب الي راح تاخذونها من معرض الكتاب..........؟

قلب ينبض << امبي انتي نفس ذوقي بالضبط
كل الكتب اللى كتبتيهم حاطتهم بلستتي

احب الكتب المصريه وااايد لان دمهم خفيف
و الكويتيه احب عبدالوهاب السيد و النشمي بشوف شنو منزلين يديد
و رابطه الادباء حلووووة اصداراتهم

و لى رحت مناك انا اخمممط ههههههههههههه

 

[مطيريه ماركه]

رد : شنو الكتب الي راح تاخذونها من معرض الكتاب..........؟



كل مآدش آهنيه قآئمتي تطووووول يسلممممممو على لستتكم غشيت منكم

*Foshia_2*

حلو كتآب طآرق مو سيآسي آبدآً آذآ سبق وآستمعتي لِـ آصدآرآته آلصوتية عن قصص آلآنبيآء آلكتآب تقريبآً نفسه وآخرآجه رآئع

 

[الله يخليني]

رد : شنو الكتب الي راح تاخذونها من معرض الكتاب..........؟

انا من النوع اللي افتر وامسك الكتاب واقلب فيه إذا عجبني خذيته من غير لسته أو ميزانية ...

بس وانا أقرأ الردود عجبني كم كتاب ..
أشوفكم هناك ...

 

[omlolo]

قوة


بنات خنفيد و نستفيد


شنو الكتب الي راح تاخذونها من المعرض.............؟



بالنسبه لي....


-كتب العريفي...استمتع بحياتك

-كتب الثويني

-كتب ابراهيم الفقي...النجاح و هالسوالف

-فيه مجموعة كتب....52 فكره رائعه فيه جم شغله ابالي واهم عباره عن مجموعه من الكتب:

-52 فكره رائعه لطول العمر
-52 فكره رائعه للبعد عن التوتر
-52 فكره رائعه لحياه سعيده
.............


اممممممممممممممممم


اذا اتذكرت اقولكم

:eh_s:

52 للتغلب على التوتر عجييييب اصحج فيه وعلى فكره موجود في جرير انا قاريته

 

[omlolo]

انا كل سنة احط لسته معينة ومو الكل القاهم مع الاسف

هالسنة :عروس المطر / بثينة العيسى..
ثلاثية احلام مستغانمي ذاكرة الجسد ,فوضى الحواس ,عابر سرير ..

رواية زويا اميرة روسية ///إن شاءالله القاها لان خالصة
الغريبة لـمليكة اوفقير مو اكيد لاني حاليا اقرأ لها السجينة اذا عجبني بشتري الغريبة
كتاب طارق سويدان عن اليهود .اليهود الموسوعة المصورة امدحته لي رفيجتي
ورواية نجيب محفوظ ثرثرة فوق النيل هذا الكتاب قصته قصة تضحك ههههههههههههه شفت مسلسل ساهر الليل وتحطت يوم ناصر يهدية لؤلؤة وقررت اشترية خصوصا انه لنجيب محفوظ الي ماقريت له شيء
كتاب علم نفس بس للحين مو عارفة شنو ؟؟

وهيثم بودي مو قاريه له شي كلش وابي اقرأ له بس مو عارفة احلى شي كتبة شنو ؟؟
وهذيل للحين .. ويعطيج العافية ع الموضوع الي جاء بوقته اذكر العام عضوة نزلت موضوع مشابه وحيل استفدت واخذت بعض اسامي الكتب من اهني اي ماعندج فكرة متى يفتح اي تاريخ ؟؟..ومشكورة

الغريبه مانصحج فيه مو بمستوى السجينه مو وايد يشد انا ماقدرت اكمله

 

[omlolo]

رد: رد : شنو الكتب الي راح تاخذونها من معرض الكتاب..........؟

غريبة ليش ذاكرة الجسد ممنوع بالكويت ...! أنا قريت الكتاب من على النت ما فيه أي شي بالعكس من أروع الكتب الي قريتها و أثرت فيني كثير ... وما فيه أي شي ... عادي جداً ... روايه روووعه وانصح الكل يقراها

عابر سرير ما قرأته للحين بس بقراه هو وفوضى الحواس ...

بالنسبة لمعرض الكتاب للحين مو حاطه شي معين ببالي بس أبي اشتري
مائة عام من العزلة .... وابي اشتري رواية أنا كارنينا

مائه عام من العزله تلاقينه بالمكتبه اللي بأفنيوز عند مطعم سواح حاليا قاعده اقرى فيها

 

[omlolo]

بنات في وحده منكم قرت كتاب ( مذكرات الاميره نيفين) ؟

 

[مطيريه ماركه]

رد : شنو الكتب الي راح تاخذونها من معرض الكتاب..........؟


^^

قصـدج مذكرآت أميرة مصرية ؟؟

 

[Zozαĺiиaђ]

كتاب ديفا القتله المتسلسلون

و كتاب رونه مذكرات بنت بطوطه

بنات الثنويه

و سحر العيون لمحمد النشمي

روايه ٢٠١٢ انشالله تكون موجوده

و اكمل روايات علياء الكاظمي الي ما عندي اياهم

و بجوف كتب بعد اذا عجبني شي بشتريه و اغلبهم بكونون روايات =)

 

[~ miss NERD ~]

كتاب السهره الاخيره ..
و كتب بنات المنتدى ان شاء الله
و جم كتاب

 

[Miss beko]

رد : شنو الكتب الي راح تاخذونها من معرض الكتاب..........؟

هاااي

انا انشاءالله باخذ كتاب بنات الثانويه الجزء الثالث ..

و بشوف شنو في كتاب يديد حق عبدالوهاب السيد لانه اغلبهم قريييتهم :]

 

[أنثى اليمامة]

رد : شنو الكتب الي راح تاخذونها من معرض الكتاب..........؟

أفكر اشتري كتاب اليهودي الحالي ... للكاتب علي المقرني وهو كاتب يمني ... أتمنى ألاقي القصه ...

 

[miss_avocado]

بالنسبة لي اللسته موثابته كلش بس اللي نوعا ما احس اني ابيهم

المثقفون العرب و اسرائيل
ضاع ديني
كيف تؤلف كتابا
التواصل رغم اختلافنا
كيف اصنع من نفسي حاكما
زهرة الثلج و المروحة السرية
مذكرات غايشا
رحلة عقل
ملبسك في عيون الاخرين




سامحوني ما حطيت اسماء الكتاب لان مالي خلق

 

[وردة الصحراء]

يعطيييييكم العافيه بنات بدعتووو بالاختيارات





: )

 

[cup-cacke]

ونااسه

شكلي راح انطر آخر يومين عشان اشتري..لان محد راح يوديني مرتين ثلاث

 

[تمثال الحريه]

رد : شنو الكتب الي راح تاخذونها من معرض الكتاب..........؟

الكتب الدينية والتاريخية والسياسية لا سيما الممنوعة وتحت الرقابة واللي تتكلم عن الحكام العرب الطغاة المدمغين
احب كتب صدام حسين وتاريخه
احب كتب السير الذاتية نفس احمدي نجاد وبرويز مشرف
احب عن حركة حماس وطالبان اروحلهم فدوة p~
وبس كده

 

[أنثى اليمامة]

رد : رد: شنو الكتب الي راح تاخذونها من معرض الكتاب..........؟

بالنسبة لي اللسته موثابته كلش بس اللي نوعا ما احس اني ابيهم

المثقفون العرب و اسرائيل




سامحوني ما حطيت اسماء الكتاب لان مالي خلق

هذا الكتاب ممنوع بالكويت بمعرض هالسنه من جملة الكتب ال 35 الممنوعه للكتاب المصرين ... اذا تبين رابط تحميل
http://www.4shared.com/********/cS2LtMsJ/___online.htm

 

[حبي حبيبي]

رد : شنو الكتب الي راح تاخذونها من معرض الكتاب..........؟

انا لازم كل سنه اروح معرض الكتاب الدولي معرض اكتاب الاسلامي

وغالبا مااكون حاطه شي فبالي اللي يعجبني اشتريه

وانا مينونه كتب بالاخص الروايات

 

[مطـــيــريهـ فـــوشيـــآ]

في واااجـد كتب ابالي

يبيلي مجلدات لو بكتب اهني

الله يستر ماادري بجم راح اطلع من المعرض

المعرض الي طاف طلعتـ بـ 200