حياكم الله في مكتبتي ..

[م.بابونج]

رد : حياكم الله في مكتبتي ..

ممكن تعطيني الرابط

الله يعطيج العافية انا ما احب اشتري كتاب ادا ما سمعت عنه لان وااايد شريت اشياء ما عجبتني

انتي بس تقرين بالانجليزي ؟؟؟


انا حاليا اقرا طعام صلاة حب ... ادا عندج له رابط يريت تدزينه لي

تعبت و انا اشيله معاي و اهو كبير

يا حياتي و الله ..
بعثت لج الرابط و أي رواية ثانية تبينها بليغيني أنا عندي مكتبة الكترونية واسعة جدا و من كل أصناف الكتب .. لا يردج إلا لسانج , فعلا إذا كنتي من النوع اللي تقرين وايد حمل الكتاب معاج وين ما تروحين مشكلة بالذات لما تكون الرواية دسمة .. أنا حاليا لان ما عندي وقت أقرا على الورق فقمت أحمل كتب صوتية للروايات و أحطها بالآيبود و أقعد أسمع بكل مكان .. و أنا أسوق و أنا بالجامعة , وايد عملية هالحركة للناس المشغولة

 

[~ تريآق]

رد : حياكم الله في مكتبتي ..



القصه الثالثه .. كقصه وكفكره حلوة .. ^^

بس اني الصراحه ماتذكر اني مشاهده هالفلم ولا قد قريت القصه

ان شاء الله اتصفحها اذا خلصت اللسته ..

ماقصرتي وانتظر كتابج الرابع ^^

 

[كلي أنوثة]

رد: رد : حياكم الله في مكتبتي ..

كلي أنوثة .. صج فيه ترجمة عربية ؟؟
على فكرة ترى الكاتبة ذكرت فيه بداية الكتاب إنها ما تبي تذكر أسباب طلاقها يعني مبين فيه سالفة طويلة عريضة فما نقدر نحكم من القصة , و بعدين اللي قاعدة تشتاق له هذا مو ريلها .. هذا الريال اللي حبته بعد ما هدت ريلها اسمه ديفيد و كانت تحبه وايد بس بعد مرور فترة بدى إهو يحس بفتور تجاهها لان حس إنها ما عندها شغل غيره فمل منها
و اللي ذكرته الكاتبة قالت الناس تحسدني على حياتي " يعتقدون" إن زواجي سعيد و إن إحنا متفاهمين مع بعض


مشكووورة على المرور يا قلبي .. بس جم تعطين الكتاب من 5؟؟

فيه ترجمة شريتها من معرض الكتاب الي طاف بالدار العربية للعلوم و النشر..
لااااا بالفلم يوم كانت بالهند و ووقفت بالسطح قامت تتخيل طليقها و اهيا ترقص وياه و تقوله مافيه شي يدوم..و الصراحة بالفلم حسيت انه احسن واحد عرفته كان زوجها و كسر خاطري يوم قعدوا ويا المحامية و قال انا ابيج انتي...جني قمت اسولف عن الفلم مو القصة الي قرا القصة لاااااازم يروح يشوف الفلم..بابونج ماتقرين بالعربي؟؟ نبي روايات مترجمة
و العفو ماسوينا شي اعطي الكتاب 3من 5..لان برغم شهرته حسيته ما يتكلم عن حياة اعيشها يعني ما يلامس افكاري و حياتي و توجهاتي.

 

[حياتي فراغ]

رد : حياكم الله في مكتبتي ..

لوووووووول لا مو كلهم .. بس أنا حاليا قاعدة أحط الروايات المشهورة , أنا قارية وايد راح تشوفين من كل صنف نوع مو بس روايات , مشكووووورررةةة على الفلم خل أشوف أدوره ..

معقولة الفلم ما عجباج ؟؟ أنا عندي الفلم من الكلاسيكيات اللي كثر ما أشوفه ما أمل منه من جذي تحبطت من الرواية .. انتي قريتي الرواية ؟؟

اي وناسة طلعي بعد خل نشوووف

يمكن ماعجبني لأني ما أحب الخيال المبالغ فيه
وعلى فكرة ترى الفيلم بس شفت نصة ما كملته ..
و الرواية ما قريتها ...

 

[م.بابونج]

رد : رد: رد : حياكم الله في مكتبتي ..

فيه ترجمة شريتها من معرض الكتاب الي طاف بالدار العربية للعلوم و النشر..
لااااا بالفلم يوم كانت بالهند و ووقفت بالسطح قامت تتخيل طليقها و اهيا ترقص وياه و تقوله مافيه شي يدوم..و الصراحة بالفلم حسيت انه احسن واحد عرفته كان زوجها و كسر خاطري يوم قعدوا ويا المحامية و قال انا ابيج انتي...جني قمت اسولف عن الفلم مو القصة الي قرا القصة لاااااازم يروح يشوف الفلم..بابونج ماتقرين بالعربي؟؟ نبي روايات مترجمة
و العفو ماسوينا شي اعطي الكتاب 3من 5..لان برغم شهرته حسيته ما يتكلم عن حياة اعيشها يعني ما يلامس افكاري و حياتي و توجهاتي.

فعلا كلامج صحيح توني راجعة من معرض الكتاب و شريت الكتاب مترجم حق خواتي تسلمين يا قلبي ..
أهااا إي إي عرفت هالمقطع أنا عبالي تتكلمين عن مقطع ثاني اللي فوق السطح إي كان مع زوجها , و على العموم إهي ما ذكرت الأسباب كلها فما نقدر نحكم ..
أنا أقرا عربي و انجليزي و قاعدة أحاول أقرا ياباني << مو قاعدة أتغشمر من صجي :eh_s(12):
بس للأسف الروايات العربية ما قامت تشدني وايد .. فقمت أتجه للانجليزي أكثر , بس العربي مخليته لكتب تطوير الذات و بالذات الكتب اللي من مكتبة جرير .. بس أحاول أكون على اطلاع عشان خواتي ما يقرون إلا عربي لووول

 

[م.بابونج]

رد : حياكم الله في مكتبتي ..

اي وناسة طلعي بعد خل نشوووف

يمكن ماعجبني لأني ما أحب الخيال المبالغ فيه
وعلى فكرة ترى الفيلم بس شفت نصة ما كملته ..
و الرواية ما قريتها ...

لولا تعدد الأسواق لبارت السلع .. و لا تحاتين راح أحط كل شي ان شاء الله

 

[م.بابونج]

رد : حياكم الله في مكتبتي ..

بسم الله الرحمن الرحيم ..
كتابنا الرابع اليوم هو

للكاتبة Louise L. Hay الكاتبة عمرها ثمانين سنة .. عاشت طفولة قاسية و شباب أقسى بس تعلمت شلون إن بتغيير التفكير تتغير حياة الانسان..

1) محتوى الكتاب : طبعا الكتاب باين من عنوانه .. " أستطيع أن أفعلها" كتاب لتطوير الذات يبعث للنفس القوة و الارادة .. تبدأ الكاتبة بشرح مدى عظمة خلق الانسان و كيف أن عقل الانسان يحتوي على طاقات هائلة لن يستطيع اكتشافها إلا عندما يطلق العنان لنفسه و يحرر نفسه من الماضي الذي يقيده و يحصر قدراته .. و تعطي ارشادات أكثر من رائعة في تعليم صفة المسامحة و أهمية القاء الماضي وراء ظهورنا و متابعة حياتنا .. و من خلال الصفحات نتعلم بعض تمارين التأمل التي تقربنا من الكون و بالتالي نتقرب من الله .. و في النهاية تشرح لنا الكاتبة باسلوب رائع كيف أن عقل الانسان و روحه و عقله متصلين مع بعض و سبب معظم الأمراض الخطيرة كالسرطان و الأورام سببها بالأساس فكرة سيئة يجب التخلص منها ..

2) جو الكتاب : بدأت قراءة هذا الكتاب بدافع الفضول .. بالذات و أن الكاتبة مسيحية فتطلعت إلى ثقافتها و طريقتها في اكتشاف نفسها بالرغم من الظروف القاسية جدا اللي مرت فيها , و عجبني الكتاب جدا جدا و بصراحة أنصح الجميع فيه ..

3) ملاحظة : مثل ما ذكرت الكاتبة مسيحية بس مو معناته إن الواحد يسكر على نفسه .. اخذ اللي ينفعك و يوافق مبادئك و اللي ما يعجبك مو ضروري تاخذ فيه .. و بالامانة الكاتبة ما تطرقت لمواضيع الدين .. أكثر شي تكلمت عن الانسان و عظمته و كيف أنه يستطيع أن يفعل أشياء تعتبر مستحيلة بمجرد قوة الارادة ..

4) تقييمي للكتاب .. أعطيته 4.95 من 5 لأن بالجابتر الأخير تطرقت الكاتبة لمواضيع ما عجبتني بس هذا ما أثر على رايي فيها و أنا قاعدة أقرا لها أكثر من كتاب ..

:hearting:
​

 

[~ تريآق]

رد : حياكم الله في مكتبتي ..



كتآب مثيــر جدا .. ^^

وصح كلامج مو معنى إن الكاتب مسيحي يعني إنه ماراح ننتفع منه أو إن كل كلامه لا معقول ومرفوض لنا بالنسبه كمسلمين

فيه مسيحين أعقل بكثير من المسلمين .. وبكتاباتهم مرات يثبتون اشياء بكتبنا وفي معتقداتنا بطرق مختلفه

وزي ماقلتي الشخص لما يقرا ياخذ اللي ينفعه ويترك اللي يخالف مبادئه ^^

قوآج القوي .. وان شاء الله في اللسته من غير تردد

 

[م.بابونج]

رد : حياكم الله في مكتبتي ..

كتآب مثيــر جدا .. ^^

وصح كلامج مو معنى إن الكاتب مسيحي يعني إنه ماراح ننتفع منه أو إن كل كلامه لا معقول ومرفوض لنا بالنسبه كمسلمين

فيه مسيحين أعقل بكثير من المسلمين .. وبكتاباتهم مرات يثبتون اشياء بكتبنا وفي معتقداتنا بطرق مختلفه

وزي ماقلتي الشخص لما يقرا ياخذ اللي ينفعه ويترك اللي يخالف مبادئه ^^

قوآج القوي .. وان شاء الله في اللسته من غير تردد

يا قلبي انتي مشكووووررةةة على المرور .. و إذا تبينه عندي إياه الكتاب

 

[miss-fofo]

رد: رد : حياكم الله في مكتبتي ..

حياج الله يا قلبي ..
دزيت لج القصة أتمنى تعجبج

اوصلت رسالتج حبيبتي


مشكورة على الرابط :eh_s(9):

 

[م.بابونج]

رد : حياكم الله في مكتبتي ..

بسم الله الرحمن الرحيم ..
اليوم كتابنا راح يكون ..

للكاتبة ملكة جمال أمريكا السابقة سوزي كاستيلو
1) محتوى الكتاب: الكتاب يحكي قصة ملكة جمال أمريكا السابقة و عارضة الأزياء اللاتينية سوزي كاستيلو حيث أنها تحدت ظروف طفولتها الصعبة حيث كانت البنات في عمرها يقعن في الرذيلة و يصبحن أمهات في سن السادسة عشر , فقررت أن تضع هدف لها في حياتها و هي أن تصبح مشهورة و غنية .. و بذلك ابتعدت عن كل ما هو مضر لها .. و في هذا الكتاب تشاركنا أسرارها التي ساعدتها في الوصول إلى هدفها ..

2) جو القصة : قرأت الكتاب و أنا كنت في شهر العسل .. رائع رائع راااائئئععع بكل معنى الكلمة استمتعت بكل كلمة فيه لدرجة إني خلصته في يومين ..

3) ملاحظات : و الله ما عندي ملاحظات على الكتاب كل معلومة فيه مفيدة للجمال و للنفس و للروح تذكر تمارين وايد سوتها و ساعدتها على تخطي المهمات الصعبة .

4) تقييمي للكتاب : 5 نجوم من أصل 5 .. كتاب رااااائئئئععع و أنصح الجميع فيه


سوري تأخرت اليوم كنت في معرض الكتاب خخخخ
​

 

[PO PO22]

مشكوووره خوووش موضوع بس كله انجليزي

 

[م.بابونج]

رد : رد: حياكم الله في مكتبتي ..

مشكوووره خوووش موضوع بس كله انجليزي

أهلييين حبيبتي .. فيه عربي ان شاء الله بس صبري علي لووول

 

[مطيريه ماركه]

رد : حياكم الله في مكتبتي ..



شوقتيني ع آلقصة حيييييل أحلى شي آنج تحطين آللي قريتيه ونبذة عنه ورآيج

مجهود تشكرين عليه غآليتي

متآبعة لج

 

[~ miss NERD ~]

لا توقفين

 

[Nanoosa]

خووووووش موضوع قواج الله حبيبتي

و الله شوقتيني على eat pray love شكله يونس

ما تدرين وين القاه؟ يعني ككتاب ما ابيه من النت

و انا متابعة لج وااصلي ^-^

 

[م.بابونج]

رد : حياكم الله في مكتبتي ..

أهلين حبيباتي مشكووووررييين على المتابعة .. انتظروا هناك المزيد

 

[م.بابونج]

رد : رد: حياكم الله في مكتبتي ..

Quote]

خووووووش موضوع قواج الله حبيبتي

و الله شوقتيني على eat pray love شكله يونس

ما تدرين وين القاه؟ يعني ككتاب ما ابيه من النت

و انا متابعة لج وااصلي ^-^

أهلييين يا قلبي .. الرواية حاليا موجودة مترجمة في معرض الكتاب .. سعرها 4 دنانير , انا شريتها حق خواتي مع إني ما حبيت فكرة ترجمتها لأنها رائعة بدون ترجمة .. على العموم هالشي لصالح الجميع لأن مبين الكل حاب يقرا عربي ..
و إذا نسخة انجليزية أعتقد بجرير أو في مجمع المثنى المكتبة اللي بالسرداب ..

تسلمين يا قلبي على المرور

 

[م.بابونج]

رد : حياكم الله في مكتبتي ..

بسم الله الرحمن الرحيم
كتابنا هالمرة هو ..

للكاتبة jane austen .. أعتقد إن الكتاب ني عن التعريف بس لا بأس للي ما عنده فكرة عنه
1) القصة : تتكلم القصة عن حياة العائلة " بينيت " في بريطانيا القديمة .. العائلة تحتوي على خمس بنات و في القديم كل هم المرأة هو الزواج و انجاب الاطفال .. فتسعى الأم جاهدة لإيجاد أزوج لبناتها الخمس .. و لكن البنت الوسطى إليزابيث تعارض هذه العادات البالية و تؤمن بأن الزواج لا بد أن يكون مبنيا على الحب و التفاهم و ليس كوسيلة للحصول على القبول الاجتماعي .. و تمر الأحداث حيث يظهر بالصورة السيد"دارسي" الشاب الوسيم و لكنه فخور و مغرور جدا مما يدفع إليزابيث للاشمئزاز منه .. و لكن هناك أسرار دفينة في قلب هذا الشاب قد تغير نظرة إليزابيث للعالم ..

2) جو القصة : قرأت القصة بعد ما شاهدت كل الأفلام المتعلقة فيها .. عشقت القصة ككل فقررت أن أبدأ بقراءة القصة الحقيقية

3) النهاية : جميلة و رومانسية و متوقعة

4) تقييمي للكتاب : 4 من 5 نجوم .. و على فكرة هالقصة تعتبر من روائع الأدب البريطاني العريق لهذا قد تكون اللغة صعبة إلى حد ما .. و لكنها مليئة بالتشويق و الاثارة
​

 

[~ miss NERD ~]

^ الكاتبه عندي لها 4 كتب .. و صح اللغه شوي صعبه
بس مادري انا اي كتاب مسوين منه فلم .. احب اشوف الفلم قبل عشان افهم شالسالفه