حيــــــــ تجمع دايت الدكتور بدر نصرالله ـــــــــكم شجعوني واشجعكم

[wa9l]

شلونكم بنات مع الرجيم
رفرف حسافه مانزل وزنج بس مايخالف تعوضينها الاسبوع الياي وبدام بتسافرين عيل اخذي الحبوب اللي تنزل عشان ماتخرب عليج السفر وكل عام وانتي بخير جم صار عمرج انا اليوم عيد ميلادي
ورده شخباري مروان المطوع قديم
بنك ما انصحج تسوين هالرجيم لان بس تهدينا راح يرد وزنج بسرعه انتي نفسي انا وزني ماينزل بسرعه اول ما طلعت من الاربعين كان وزني سبعين سويت رجيم دشتي ونزلت بشهر 5 كيلو بس شنو تركته فتره مارد وزني الا بالرمضان زاد كيلو انصحج تسوينا

 

[wa9l]

اي والله رفرف حيل ضاق خلقي على غانم الصالح الله يرحمه ويغفرله

 

[وردة بنفسجيه]

أهلين رفروفه اي والله لاهيه بالزواره خاصة اليوم الصبح سويت عمليه صغرى

شلت جيس دهن بصدري أبيييييه حدا يعور وصار فيني هبوط وعطوني ادرب 

واليوم كله عايشه عالماي وغصبت نفسي كليت صمونة جبن عشان المضاد

يالا من صالحي عشان أضعف الحمدلله على كل حال..

Wa9i ككككككل عااااااااااااام وانتي بخيييييييير 

 

[وردة بنفسجيه]

ودي باجر أصور نظام أكلي

وأي شي آكله حتى لو خربطت أصور خرابيطي عشان تزفوني

أحس أحلى لما أسوي report مع صور بيطلع التجمع واااو

انزين اشرايكم نحدد يوم بالاسبوع كل وحده تقول جم وزنها

leader رفرف انتي حددي

 

[الفرفورةرفرف]

هلا والله اب we9al ووردة
صار عمري 28 بس طبعا انا ليلحين عايشة بسن ال17
مادري ليش احس عمري وقف عند هالعمر احبة حيل عمر الشقاوة------>البريئة طبعا
اما عن الصور انا ودي احط لكم طبخاتي بس للاسف ما اعرف اشلون؟؟؟؟؟؟؟؟؟؟؟
وعن الوزن انا كل اثنين مراجعتي عند الدكتور طبعا بعدها على طول راح اعطيكم التقرير عن وزني وشنو قالي وشنو عطان يرجيم عشان احطة لكم ووين رحت باليوم المفتوح انا وريلي وولدي طبعا وشنو كليت بعد
بس اشلون انزل الصور؟
وردة سلامات وماتشوفين شي
فا اشرايكم كل اثنين؟؟؟

 

[wa9l]

ورده سلامات وتشوفين شر
رفرف وانا كملت 27
خلاص حلو كل اثنين ندش وكل وحده تقول جم وزنها وطولها وجم تبي تصير

 

[wa9l]

ورده قصدي ماتشوفين شر لوووووووووووووول

 

[الفرفورةرفرف]

مرحبـــــــــــــــــــــــــا يا بنوتات:wqedqw:
اليوم رحت مع رفيجتي مجمع 360 حق كافيه لونوتر:nbptr:
امبيه بنات اولا انصدمت:eh_s(12): لأن رحت الساعة 8 والوضع كان زححححححححححححححححححححححححححححححححمممممممممممة كأن الناس ما عندهم دوامات انا باجازة بس والباجي امبية كان الوضع يوم خميس
وثانيا انصدمت من هالبنات شنو هذا رايحين عرس ولا سوق؟؟:eh_s(10)::rgewrg:
ثالثا الشباب ما الومهم لما يخزون انا البنية ومنصدمة بس اطالع @@
رابعا رفيجتي اطلبت كيكة واااااااااااااااااااااااااااااو خياااااااااااال مسكينة ماكانت تبي تطلب مراعاة لشعوري بس انا سويت روحي بطلة وقاومت بس من داخلي شابة نار قلت لها اكليها كلها ولا:23_asmilies-com: بطقج)))هاهاها
وباجيلي بس اليوم اللي اهو يوم الاحد وانشالله الاثنين اروح حق دكتوري واشوف عاد انشالله نزلت بنات ادعولي
امبيه نسيت لا اقول لكم حايشني عوار بركبي وعزيزوّي نهاية العمود الفقري شي مو طبيعي احتمال اروح حق دكتور عظام
مو قادرة امشي على جهاز المشي ولا اقعد عدل ولا اسجد واي عاد انشالله ودي امشي اتصدقون الممشى قبال بيتنا بس ماحب امشي بروحي اخاف

 

[wa9l]

انتي صج بطله لانج قاومتي بس انا صارلي ثلاث ايام خايرتها من باجر الاحد ببدي عدل خلاص حسافه يالله نزلت كيلوين ونص بعد ازيدهم
واي البنات لبسهم يفشل ولله احنا البنات نطالعهم شلون الشباب قمت ماحب اروح مع ريلي مجمعات والسبه لبسهم
المشي وايد زين بس ديربالج تروحين الممشى بروحج سحبي ريلج ولا اي احد معاج

 

[wa9l]

بنات وينكم وره وبنك شكلي بس انا رفرف اللي نسوي رجيم

 

[girl_in_abottle]

رد : حيــــــــ تجمع دايت الدكتور بدر نصرالله ـــــــــكم شجعوني واشجعكم

متابعتكم
ماشية مثل ما تقولون
بس الديتوكس وااااايد متعبني
احس بصداع و احس بالحرمان و احس بالنفسية التعبانة
ماني قادرة
آخذ راحتي

 

[الفرفورةرفرف]

girl_in_abottle
الله يعينج بس انتظمي عليه لأن الديتوكس ينزل عدل وكثري ماي ولاتمشين
we9al
الله يستر على هالبنات وانشالله بشوفلي احد يمشي معاي او مضطرة اسوي بعد تجمع للمشي هاهاها
مادري وين البنات بعضهم اخفتو؟

 

[pink-princess]

هلا بنات انا مكملة على رجيمي بس ضيقتي خلقي wa9l لاا يكون صج يرجع وزني كله بسرعة

انا حتى لو خلصته بكمل بعده رجيم ثااني

وو الله يسهل صرت 60 باقيلي 5 كيلو

شدو حيلكم الرشااااقة تهبببل

رفرووفة كملي لا تيإسين ترا انا سويت رجيم النصر الله شهر و شوي تخيلي بس 2 كيلو بعدها فججأة نزلت كيلويين بعد و الحلو فيه ان وزنج ما يرد يتم ثااابت

 

[وردة بنفسجيه]

عـدنـــــــــــــــــــــــــــــا والعـــــــــود أحمد :weight_lift:

الحمدلله الامور طيبه واحنا بخير :wqedqw:

وبما اني هلأ بطاليه ,, توني متخرجه من كليتي العزيزه فنومي مقلوب فوق تحت :ch12:

وحسيت ان رجيم الديتوكس راح اظلمه معاي :080402ask_prv: وماعطيته حقه وفي وجبات اطوفها بسبة النوم

فقررت اني أخفف من أكلي وأحرك زغاديدي اشوي بشغل البيت :dfgl: مثلا داري أخمها 3 مرات باليوم عادي مع انها نظيفه

وأمشي أمشي أمشي أمشي مشــــــــي بصالتي ماشاءالله اكبيره ,, يعني أتحرك كثر ماأقدر

ومتى ما عدلت نومي راح اسوي رجيم الديتوكس,

وسوري حبايبي انقطعت عنكم لظروف خاصه وهاذي هديه لكم :klhfl:

 

[وردة بنفسجيه]

رفروفه لوووووووووول على قولة wa9i صج بطله :weight_lift:

عيل سمعو بنات اشسويت اليوم عقب ماطلعت من المستوصف أسوي dressing للجرح طلعت أبجي :eh_s(16): لانه حدا

يذبح جان يعزمني بوالشباب :eh_s(20): على عصير الرجيم( كيوي و اناناس وتفاح اخضر) خووووووووش خلطه

وولدي راز فيسه ويانا عقب ماشربنا جان نمر ماك وطلبنا 1 هابي ميل و2 ماك جكن لي وله كااااااااااااااااااااااااااااااااك اشرايكم مال

طق صح :23_asmilies-com:

لا قبل لا أرد البيت دقت علي خالتي فديتها تسأل عني جان نروحلها ولا امسويه ذيج المفروووكه اللذيذه مع اني ماكنت جوعانه بس

عن خاطرها كليت قفشتين :s141: ابييييييه أحس خرتها.

 

[وردة بنفسجيه]

ورده قصدي ماتشوفين شر لوووووووووووووول

مايجيج الشر فديتج

آنا موافقه نخلي الوزن كل اثنين بس عالاقل بليييييز ودي الكل يلتزم :friends:

انزين ماصارلي اسبوع امسويه رجيم عادي احط وزني الحين ولا الأثنين الجاي؟

 

[wa9l]

وره خوش تخفيف ماكدونالدز يالله عليج بالعافيه بس من باجر الاثنين التزمي عدل وحطي وزنج وطولج وجم تبين توزنين
وانا بعد باجر راح احط وزني
بنك بدام قاعده تنزلين حتى لونص كيلو بالاسبوع استمري لا تغيرين الرجيم لان حتى لو تسوين رجيم ثاني راح ينزل بطيء لانج قربتي حق الوزن المثالي يعني مومتينا

 

[wa9l]

girl_in_abottle صح يسوي صداع ودوخه بس كله 6 ايام تحملي واذا بلشتي الرجيم الثاني راح تردين طبيعيه

 

[wa9l]

بنات شلونكم وينكم اليوم انحشتو من يوم الميزان
فرفوره بشري رحتي موعدج

 

[wa9l]

انا بلشت من امس رجيم الاسبوع الثاني اللي اكتبته فرفوره عجبني لان فيه توست وكورن فليكس
الاسبوع الثاني
وحدةالصبح توستة + جبن او لبنة اواي شي
الضحى حبة وحدة كيوي
قبل الغدا كيوي
الغدا مشوي +سلطة ومرة بالاسبوع صمونة من اي مطعم بدون بطاط او كولا
العصر 3تمرات
المغرب كوجة وحدة
العشاء يوم سلطة ويوم حليب وكورن فلكس مال الدايت
ايصير طبعا اتبدلين اتخلين الكورن فلكس الصبح والتوست بالليل بس المهم يوم وترك لج مرة سلطة ومرة حليب او توسة
سويت الدوتكس والاسبوع الثاني خربطت الدنيا يعني يعتبر هذا الاسبوع الثاني بديت من امس الاحد
ووزني اليوم 63.7 وهدفي الاول 60 والثاني 55