تجمع : ( تغذية , حركة - ماكو سمنة ) = تحمس

[بطوطة @]

قوة بنات شبونكم شخباركم قواكم الله

بنات اليوم انا على الريج شاي بايوجي والغدى سلطه سيزر والمغرب فطيره وحلو قهوه والعشى 3 كباب صغيره مشوي مع قفشتين روب + جاكليت

بنات ترى ايراتي انعدمت تدرون ليش لاني ماضعفت غير كيلو ولا بعد اليوم وزنت ولا اشوف رديت على وزني انصدمت يعني الحين 77 ضبط
امبيه مالي خلق رجيم والله بس قاعده اخفف والمشكله قاعده اشرب شاي بايوجي اللي ذبحونا فيه لاسد شهيتي ولاضعفني ولا غير مقاسي

وعلى الله اعذروني على قله دخولي هالجم يوم لاني عندي امتحااااااااااناااااااااااات

والله يوفق الجميع

 

[n_1]

عاافيه بطوطه ودام عارف شاي بايوجي مايسوي شي شحقه تشربينه ههههههههه

حاولي تقليل كمية اكلج وتتحركين اكثر واكيد بتنقصين

 

[n_1]

وييييييه بناات وينكم من امس :aha:

انا قبل شوي صحيت وقاعده اشرب قهوه :nbptr:

والحين بقعد اضبط لي نظام يحرق اكثر واعلمكم فيه :lolo:

 

[عليـاء]

رد : تجمع : ( تغذية , حركة - ماكو سمنة ) = تحمس

أنا توني رادة من الدوام

ن 1 / بالعافية أكلج وحلو نظامج لما تاكلين من مطعم ماتردين تاكلين اليوم الثاني , يعطيج العافية قلبي
الله ينولج مرادج

بطوطة / ترى هاي حالنا كلنا والله الارادة تنعدم بس نحاول نخفف , شدي حيلج حبيبتي وتوصلين للي تبينه يارب

بنات وين الباقي
أمس بس انا وحنونة بالتجمع
واليوم ن1 وادري انها شادة حيلها بالدايت ان شاء الله
بس الباقي
زاجل
ونانا
طمنونا عليكم بس

 

[n_1]

الله يعافيج علياااء

انا طبعا مستمره الحمدلله وانشاءالله باقي البنات يمكن لاهين بدوامات :denya:

 

[حنونه بطبعها]

السلام عليكم

بطوطه مالهم شر عيالج بخري البيت بياويي عن تجربه يقتل الجراثيم ( تحملوا الريحه )

اما انت فقوي الاراده اه....و يالا عاد ... ما نبي احباط .....توني نقول بسم الله خقينا ؟؟

تعوذي من ابليس وباجر يوم يديد وعهد يديد يالا حبيبتي نبي يومياتج الحلوه يا رشوقه ( مو بطوطه)

 

[حنونه بطبعها]

نون
اي جذي كملي انت الرابح الاكبر باذن الله وبتقولين قالت حنونه

 

[حنونه بطبعها]

اي عليا انا متزوجه الحمد لله وزوجي وعيالي كل يوم ( يما بس اكلي عادي ليش ما تاقلين عدل )

يعني بالله عليج ابي تشجيع واول ناس بتكسر المياديف منهم (الحمد لله اللهم لا اعتراض)

 

[حنونه بطبعها]

اليوم انا متكسره واحس بتعب داخلي

يمكن لاني ما نمت عدل امس بالليل

وعشا امس لعب فيني لعب - بس معدتي صارت ما تتحمل ثقيل بالليل ( كشخه اول وجبات سريعه ) لا اله الا الله لا انظل نفسي

 

[حنونه بطبعها]

تريقت شابوره وحليب


الضحى تمر وقهوه عربيه

غدانا مربين كليت شويه احس معدتي مو اوكي + سلطه

المغرب تفاحه

العشا يمكن حليب وشابوره شابوره وحليب


هذا وانا قايله بخفف حليب ؟؟؟؟؟؟

 

[حنونه بطبعها]

صج عليا شفت المطوع امس بس مو من البدايه خوش معلومات

اخليكم

في امان الله

 

[n_1]

عافيه حنونه الله معااج

انا ميته جووع والحين قاعده اسوي بيض مسلوق بهرسه مع زيت زيتون وفلفل اسود وبس

 

[n_1]

سويت 3 بيضات مسلوقين وهرستهم مع 5 ملاعق زيت زيتون ورشة فلفل اسود

على بساطة هالوجبه الا انها لذيذه ومغذيه وغنيه بالبروتين وتحرق اكثر مما تعطي

 

[bader-albdor]

مساء الخير جميعا اشلونكم

بالعافيه عليكم بنات كل الي كليتوه و بطوطه بقول لج شغله ترى ساعات إذا خذيتي شي يسد الشعيه عقلج يعطيج رد فعل عكسي أنا لاحظت هالشغله بروحي أكثر من مره لما آخذ البايوجي - زين الأتات(قاطع الشهيه)- سيبوتريم - سوبر فات كنترول .هذي كلها كنت آخذها و ماكانت تييب معاي ذاك المفعول لانه أنا نفسيا ادري انها تسكر الشهيه فتلقيني أغصب روحي آكل زياده مادري جني أعاند .
يالله الحمد لله
اليوم ما تريقت ما مداني :eh_s(16): شسوي الشغل لي فوق راسي
الغدا :
كليت صمونه (2)
صدر دياي مشوي(2)
مايونيز لايت(0,5)
خس(0)
جبن(1)
بيبسي عادي(3)
جم حبة بطاط مقلي (4)
مجموع غداي 12,5 لي الحين ما أحس بيوع و صج احس معدتي صغرت :eh_s(9):
بالنسبة حق برنامج المطوع بعرف اهو يعتمد عالسعرات الحراريه؟
لانه توني شارية من مكتبة جرير كيف تعد السعرات الحراريه فقلت يمكن يفيدني و أفيدكم :eh_s(15):
صج أمس أول ما قالت علياء عنه شفته حسيته مفيد

 

[امي نبض قلبي]

مرحبا للجميع
علياء عادي اشترك معاكم
ودي التزم مع قروووب

 

[عليـاء]

رد : رد: تجمع : ( تغذية , حركة - ماكو سمنة ) = تحمس

مرحبا للجميع

علياء عادي اشترك معاكم
ودي التزم مع قروووب

حياج الله ياقلبي
ناطرينج كتبي وزنج
وكل جمعة الميزان فديتج ..

-

بدر البدور
بالعافية ياقلبي
وبرنامج المطوع صج مفيد وهو دوم يعتمد على السعرات والنقاط تقريبا
نفس السعرات ومشابه له
هالمرة لاتقللين وايد من نقاطج عشان ماتجوعين بعدين

حنونة
الله يخلي لج زوجج وعيالج
وانطرج تخففين من الحليب حبيبتي
ويارب تنزلين اكثر لما تتركينه

ن 1
الاحظ أكلج كله بيض ليش ماتاكلين انواع ثانية من البروتين
دجاج ولا سمك , شكلج ماتحبين السمج ههههههه
يعطيج العافية ويارب لين الجمعة انت نازله اكثر

 

[عليـاء]

رد : تجمع : ( تغذية , حركة - ماكو سمنة ) = تحمس

أنا تعبانة وايد من شغلي
اتحرك وايد وصايرة احط حيلي بالأكل اكثر
خاطري ارتب نفسي مثل قبل وأكل وجبات عدله

 

[عليـاء]

رد : تجمع : ( تغذية , حركة - ماكو سمنة ) = تحمس

عشان التشجيع ههههههههه

 

[حنونه بطبعها]

عليا شهالصور عوار قلب انا خلقه مبرومه على قولت المصريين ومتختخه على قولت الكويتين وتبتوبه على قولة الشوام فمالي امل

 

[حنونه بطبعها]

ما ادري شقولج عن الارهاق الدوام وما يتبعه من ارهاق نفسي يخلي الواحد ياكل على باله بيروح التعب بس فعليا انتي قاعده ترهقين جسمج اكثر

ونفستج اكثر واكثر لانج بتصير متينه وهذا يشكل ضغط (انا اتكلم من واقع تجربه ) شوفيلج حل اما تغيرين الاداره ولا العمل بكبره واذا ما حصل كتبي كتاب للمسؤولين

شرحي وضع العمل المرهق وطلبي زيادة موظفين واذا تحججوا بالميزانيه طلبي ندب الموظفين من داخل الجهه لادارتج

والله يعينج