حياكم الله في مكتبتي ..

[م.بابونج]

رد : حياكم الله في مكتبتي ..

بسم الله الرحمن الرحيم ..

اليوم كتابنا هو ..

أعتقد إن الكل يعرف هالرواية , أو سامعين بالفلم ..

1) القصة: هاري بوتر فتى عمره 12 سنة يعيش مع عمه و زوجته اللذان لا يحبانه أبدا , و يعيش في غرفة تحت الدرج و يعاملانه معاملة سيئة جدا تنقلب حياته رأسا على عقب عندما يأتي إليه رجل مخيف ليخبره بأنه قد حان الوقت بأن يعرف الحقيقة عن مقتل أمه و أبوه و ماضيه .. و أنه ساحرا !! .. و يذهب هاري للتسجيل في مدرسة الهوغوارتس للسحرة و تبدأ المغامرة .

2) جو القصة : أنا قريت القصة بعد ما سمعت إن الفلم نزل بالسينما .. الرواية كانت وايد حلوة بس شوية واجعت صعوبة بتخيل الشخصيات إلى حد ما

3) النهاية : السلسلة لها تكملة .. بس نهاية الجزء الأول كانت جيدة لا بأس بها

4) تقييمي 4 من 5 نجوم .. الكتاب وايد حلو و لغته مو وايد صعبة
​

 

[شمع تحترق]

امتابعتج

و بالمعرض شفت كتاب بول مكينا و كنت باخذه و ترردت و رديته و الحين تحسفت

بس بدوره ان شاء الله

 

[م.بابونج]

رد : حياكم الله في مكتبتي ..

بسم الله الرحمن الرحيم

كتابنا اليوم هو سلسلة روايات مصرية للجيب ..

فانتازيا للكاتب أحمد توفيق

1) القصة : تحكي السلسلة عن قصة فتاة اسمها عبير تحب الخيال و القراءة جدا جدا و لكنها فقيرة و تعمل لدى محل لبيع الألعاب الالكترونية و لكن حياتها تتغير للأبد بعد أن يدخل شريف و هو مهندس كمبيوتر حياتها , فهو يحاول صنع مشروع جهاز يستطيع به الانسان أن يدخل في أحلامه و يصورها لكي يراها الآخرون أيضا !! كل ما كان يحتاجه إلى فتاة ذات خيال واسع .. و من هنا تبدأ المغامرة عندما تبدأ عبير بوضع الجهاز عليها , تدخل في عالم القصص و الخيال

2) جو القصة : قرأت السلسلة في بداية مراهقتي و لكني ما كملت السلسلة لأنها كانت بعدها مو نازلة كلها .. و ما شريت الأعداد المفقودة مني بس كانوا رااائعععيييننن و الكاتب مثقف جدا جدا و اسلوبه روعة

3) النهاية : و الله ليلحين ما كملت الروايات بس أتوقع النهاية بتكون مفتوحة

4) تقييمي 5 نجوم من 5 نجوم .. رائعة
​

 

[م.بابونج]

رد : حياكم الله في مكتبتي ..

بسم الله الرحمن الرحيم ..
كتابنا اليوم هو ..

و هو الجزء الثالث من سلسلة Wicked Lovely ..

1) القصة : تبدأ الأحداث تقريبا بعد انتهاء الجزء الأول حيث أن بطلة الجزء الثاني ليزلي تخرج من عالم الفيري نهائيا .. حيث تبدأ العواطف تظهر و تنكشف من مثلث الحب مابين آشلن و كينان و سيث .. و خاصة أن سيث يشعر بالضعف حيث أنه لا يستطيع أن يحمي محبوبته من أقل الأخطار .. و في نفس الوقت يحاول كينان أن يبعدهم عن بعضهم متحججا بان هذا هو الأصح بالنسبة لحكومتهم .. مالذي سيحصل يا ترى ؟؟

2) جو القصة : أنا بديت أقرا القصة على طول بعد الجزء الثاني أنا عجبني الجزء الثاني بس الجزء الثالث قعدت على أعصابي صج .. عادي يعني و أنا قاعددة أسوق أشهق من الحماس لووول

3) النهاية : حلوة النهاية و تحمس جدا للجزء الرابع

4) تقييمي للقصة : 4 نجوم من أصل 5 نجوم .. وااايد حلو هالجزء :hjy5jewf:
​

 

[الصحفية]

رد: رد : حياكم الله في مكتبتي ..

بسم الله الرحمن الرحيم ..
كتابنا هالمرة هو ..

بالعربي .. النساء الفرنسيات لا يسمنون ..

1) محتوى الكتاب: يتحدث الكتاب عن تجربة الكاتبة الشخصية حيث أنها فرنسية الأصل و لظروف دراستها تضطر للعيش في أمريكا لتكتشف بأن وزنها ازداد أكثر من 20 كيلو .. و بعدها ترجع لفرنسا و تكشف لنا أسرار رشاقة الفرنسيات و الوصفات السرية التي يتبعونها للمحافظة على رشاقتهم

2) جو الكتاب : بصراحة أنا أول ما قريت عنوان الكتاب عبالي رواية و تحمست و أنا أقراه ..بعدين اكتشفت إنه كتاب للرجيم لووول ممتع و حلو , بس مشكلته لغته شوي صعبة و الوصفات اللي فيه مو كل أحد يقدر يسويها بس فيه نصايح وايد حلوة و مفيدة بالذات للشكل الأكول مثلنا لووول

3) ملاحظة : لغة الكتاب شوية صعبة لأن الكاتبة فرنسية و تخصصها لغة انجليزية فيمكن الواحد يضيع فيه شوية لوول

4) تقييمي للكتاب : 3 نجوم من 5 نجوم .. بس كتاب وايد ممتع بصراحة :jbdwjbd:
​

\


لول حيبت فكرة الكتاب حسيت فكرته يديده

مشكوره حبيبتي ومتابعيييييينج

:33_1185028183: :33_1185028183:

 

[كلي أنوثة]

ماشالله وايد حلوين الكتب شوقتيني اقرا بالانجليزي..بس عندي سؤال خارج الموضوع شلون تعلمتي انجليزي؟؟
لان انا كانت وايد زينة درجاتي بالثنوية بمادة الانجليزي بسسس مو لدرجة اني اقرا كتاب..

 

[م.بابونج]

رد : رد: حياكم الله في مكتبتي ..

ماشالله وايد حلوين الكتب شوقتيني اقرا بالانجليزي..بس عندي سؤال خارج الموضوع شلون تعلمتي انجليزي؟؟
لان انا كانت وايد زينة درجاتي بالثنوية بمادة الانجليزي بسسس مو لدرجة اني اقرا كتاب..

أهليين حبيبتي

بالنسبة للقراءة أنا كنت مثلج أحس إني شاطرة بالانجليزي بس مو لي درجة إني أقرا كتاب .. بس هالشي ما منعني إني أجرب .. و بديت بكتب الصغار قصص الأطفال بس حسيت نفسي إني أفهم و واثقة من نفسي .. فبديت أقوي انجليزيتي و بنفس الوقت أقرا كتب حق فئة أكبر .. لين الحمدلله وصلت لي مرحلة إني أقرا كتب علمية و أنا واثقة و خاصة أنا دراستي كلها بالانجليزي فغصبا علي لازم أعرف أقرا انجليزي

 

[م.بابونج]

رد : رد: رد : حياكم الله في مكتبتي ..

\


لول حيبت فكرة الكتاب حسيت فكرته يديده

مشكوره حبيبتي ومتابعيييييينج

:33_1185028183: :33_1185028183:

يعطيج العافية قلبي .. تسلمين على مرورج

 

[hellen]

رد : حياكم الله في مكتبتي ..

:balo: شكرااااااااااا أختى على الكتاب
وااااااااو الصراحه حيل متشوقه عشان اقرا بس القى بفريجن ولا وين أتمنى تفيدنى وأكون لج شاكره:aha:
​

 

[م.بابونج]

رد : حياكم الله في مكتبتي ..

:balo: شكرااااااااااا أختى على الكتاب
وااااااااو الصراحه حيل متشوقه عشان اقرا بس القى بفريجن ولا وين أتمنى تفيدنى وأكون لج شاكره:aha:
​

أهلين حبيبتي ..
إذا انتي عايشة بالكويت مكتبة فيرجن وايد حلوة .. و تتميز بأنها تحتوي على كل شي يديد بس عيبها إن أي كتاب صار له أكثر من 3 سنين ما تلقينه عندهم ما عدا توايلايت لووول

عندج مكتبة جرير واااااااااايييد حلوة و أنا داما أروح لها و أشوف شنو عندهم يديد بحولي ..
و مكتبة مجمع المثنى للكتب الانجليزية رائعة جدا ..
و فيه مكتبة العجيري .. للكتب العربية بس أنا ما عجبتني وايد مو منظمة و صعب تلقين فيها كتاب تبينه ..
و تقدرين بالنهاية تشوفين بالنت في مواقع تبيع كتب مثل amazon.com و barnes and nobles ..

 

[Tom ♥ Jerry]

.

مذكرآت عآشق كويتي

شوقتيني آقراها (=
حبيت قصتهآ من كللأمج آن شاء الله اقراها :*

مشكورة وآيد موضوع اينن و الله
و الكل يستفيد منه (=

 

[م.بابونج]

رد : رد: حياكم الله في مكتبتي ..

.





شوقتيني آقراها (=
حبيت قصتهآ من كللأمج آن شاء الله اقراها :*

مشكورة وآيد موضوع اينن و الله
و الكل يستفيد منه (=

اهلين يا قلبي .. حياج الله بموضوعي
بالنسبة لقصة مذكرات عاشق كويتي أنا كتبت عنها فعلا .. بس ما أظن إني مدحتها لووول على العموم بالتوفيق إذا قريتيها :e3:

 

[Tom ♥ Jerry]

.


لوووووووول !
اي ادري مآ مدحتيها و عطيتيها نجمه وحده بس من خمس نجوم ! لوول
و هالشي مآ يخليني اتشجع آني آشتريها و آدورها و اقراها

بس لمآ قلتي قصتهآ بآختصار حبيتهآ !

1) القصة : تحكي القصة عن شاب اسمه بدر يعاني من الظلم في بيته , و بينما كان يمارس رياضته المفضلة التزلج على الجليد يتعرف على أنفال و لكن علاقتهم لا تستمر قم يتعرف على أختها الكبرى ندى التي تكبره بسنتين و يحبها جدا و لكن الأمور تختلف عندما يدخل الشاب الشاذ حنسيا ضاري الذي يحاول قطع علاقة بدر و ندى لكي يحصل على بدر بمساعدة أنفال أخت ندى ..هل ستصمد علاقة بدر و ندى ضد هذا التحدي؟

شسوي بعد القصه عجبتني و شدتني ! ومرات نشوف آرآء وآيد حول روآيه
وآحد يمدح و الثآني يذمـ و الحيآه ماشيه > شكو

يعني مثلا عندج روآيه توآيلايت ! آكثر العضوآت الي بالمنتدى حبوهآ
و يتكلمون عنهآ و يمدحونهآ بس انا قريت الجزء الآول بس و مآ حبيتها كلش ملش !
و لقيت أنه بعض العضوات يؤيدون كلآمي .. !
يعني يمكن آنتي مآ حبيتيهآ بس انا آحبها
نقرا و نجرب > مآ ورآنآ شي
آدري قرقت وآيد و اذيتج كل شوي رآده لوول ..


(=

 

[م.بابونج]

رد : رد: حياكم الله في مكتبتي ..

.


لوووووووول :d !
اي ادري مآ مدحتيها و عطيتيها نجمه وحده بس من خمس نجوم ! لوول
و هالشي مآ يخليني اتشجع آني آشتريها و آدورها و اقراها

بس لمآ قلتي قصتهآ بآختصار حبيتهآ !



شسوي بعد القصه عجبتني و شدتني ! ومرات نشوف آرآء وآيد حول روآيه
وآحد يمدح و الثآني يذمـ و الحيآه ماشيه > شكو :d

يعني مثلا عندج روآيه توآيلايت ! آكثر العضوآت الي بالمنتدى حبوهآ
و يتكلمون عنهآ و يمدحونهآ بس انا قريت الجزء الآول بس و مآ حبيتها كلش ملش !
و لقيت أنه بعض العضوات يؤيدون كلآمي .. !
يعني يمكن آنتي مآ حبيتيهآ بس انا آحبها
نقرا و نجرب > مآ ورآنآ شي
آدري قرقت وآيد و اذيتج كل شوي رآده لوول ..


(=

لووووووووووول صح كلامج و الله .. خلاص اقريها و عطيني رايج أنا من جذي احط القصة .. و أنا بصراحة أحط القصة من غير أي تحيز سواء القصة عاجبتي و لا لا لأن ساعات قصة ما تعجبني و تعجب غيري فما أحب أخربها .. بس بنقطة " جو القصة " أطلع حرتي كلها لوووووووووول

و بالنسبة لرواية توايلايت أنا قاريتهم كلهم بس ما عطيتهم ريفيو لأن السلسلة خذت حقها بالمنتدى , و أنا من النوع اللي ما حبيت الجزء الأول .. بس على جذي كملتها عشان أشوف نهايتها , و هم النهاية ما قنعتني لووول
حياج الله يا قلبي .. انتي تقرين انجليزي ؟؟

 

[عالية الهامه]

رد : حياكم الله في مكتبتي ..

كتبج تشوقج .. وحطيت جم واحد باللسته

بس عندي استفسار .. انا دايم اسمع عن الكندل واعرف ان جهاز للكتب .. بس شلون نظامه .؟ يعني في شبك بالانترنت واقدر انزل الكتب .؟

 

[م.بابونج]

رد : حياكم الله في مكتبتي ..

أهلين حبيبتي ..
أنا تكلمت عن الكيندل من قبل و هو قارئ الكتروني .. هذا ردي نسخته من الصفحة السادسة ..

اللي عندي هو الkindle اللي تطلبينه من أمازون .. أنا حبيته لان انتي ما تتقيدين بس بكتب أمازون بس عادي تنزلين من النت و تحطينه فيه أي كتاب الكتروني pdf تقدرين تحطينه فيه .. أما الnook لازم تكونين شارية الكتاب من المكتبة نفسها و هذا الشي بصراحة يقيدني لأني مو دايما أشتري الكتب من النت و شغلة ثانية ما عجبتني بالنوك إن لازم برنامج خاص تشغلين فيه الكتب , مو أي شي يشتغل و حتى الكتب اللي تشترينها حق النوك ما تقدرين تشاركينها مع أحد ..

kindle is from amazon.com
nook is from barnesandnobles.com

 

[.]

رد: رد : حياكم الله في مكتبتي ..

امم تهقين في نسخ مترجمه لكتاب اللي عن النوم نسيت شسمه :\ افضل العربي اكثر..

وهم عجبتني فكرة كتاب الفرنسيات لا يسمن..

بسم الله الرحمن الرحيم

كتابنا اليوم هو سلسلة روايات مصرية للجيب ..

فانتازيا للكاتب أحمد توفيق

1) القصة : تحكي السلسلة عن قصة فتاة اسمها عبير تحب الخيال و القراءة جدا جدا و لكنها فقيرة و تعمل لدى محل لبيع الألعاب الالكترونية و لكن حياتها تتغير للأبد بعد أن يدخل شريف و هو مهندس كمبيوتر حياتها , فهو يحاول صنع مشروع جهاز يستطيع به الانسان أن يدخل في أحلامه و يصورها لكي يراها الآخرون أيضا !! كل ما كان يحتاجه إلى فتاة ذات خيال واسع .. و من هنا تبدأ المغامرة عندما تبدأ عبير بوضع الجهاز عليها , تدخل في عالم القصص و الخيال

2) جو القصة : قرأت السلسلة في بداية مراهقتي و لكني ما كملت السلسلة لأنها كانت بعدها مو نازلة كلها .. و ما شريت الأعداد المفقودة مني بس كانوا رااائعععيييننن و الكاتب مثقف جدا جدا و اسلوبه روعة

3) النهاية : و الله ليلحين ما كملت الروايات بس أتوقع النهاية بتكون مفتوحة

4) تقييمي 5 نجوم من 5 نجوم .. رائعة
​

قريت جم عدد من هالسلسله وعندي بعد جم واحد ع الرف..
حبيت فكرة القصه واحس كلما كنت شخصيه احبها كل ماكانت احلى ..

والله يعطيج العافيه يارب..
ومتابعتج ..

 

[م.بابونج]

رد : رد: رد : حياكم الله في مكتبتي ..

امم تهقين في نسخ مترجمه لكتاب اللي عن النوم نسيت شسمه :\ افضل العربي اكثر..

وهم عجبتني فكرة كتاب الفرنسيات لا يسمن..



قريت جم عدد من هالسلسله وعندي بعد جم واحد ع الرف..
حبيت فكرة القصه واحس كلما كنت شخصيه احبها كل ماكانت احلى ..

والله يعطيج العافيه يارب..
ومتابعتج ..

أهلين قلبي ..
بالنسبة لكتاب النوم لا ليلحين ما نزل له نسخة مترجمة لأنه يديد .. بس تقدرين تشوفين اصدارات ثانية للكاتب بالعربي موجودة بجرير ..
و بالنسبة لفانتازيا وايد حلوة القصة و فعلا الكاتب تعبان على كل قصة فيهم لله يوفقه يارب :hjy5jewf:

 

[م.بابونج]

رد : حياكم الله في مكتبتي ..

بسم الله الرحمن الرحيم ..
اليوم كتابنا هو ..

بالعربي .. هذه السنة سوف أقوم بـ... للكاتبة M J Ryan

1) محتوى الكتاب: يتحدث الكتاب عن الخطوات الأساسية لتغيير عادة قديمة لدينا و قسمت هذه الخطوات إلى 3 مراحل و هي ما قبل التغيير و البدء بالتحرك و الاستمرار بالتقدم .. و تقدم لنا بعض الاستراتيجيات المفيدة في كل مرحلة

2) جو الكتاب: أنا شريت الكتاب من معرض الكتاب .. شدني عنوانه و شريته بالعربي .. وااايييددد حلو و مفيد

3) ملاحظة : لما تقرين الكتاب خلي يمج نوتة أو دفتر و كتبي فيها النقاط المهمة اللي لفتت نظرج عشان ما تنسين لأن اقتراحاتها كلها مفيدة بصراحة و الكتاب وايد صغير ما راح تملين منه

4) تقييمي للكتاب : 4 و نص من 5 نجوم ..

الكتاب متوفر بالعربي في مكتبة جرير :s142:
​

 

[Tom ♥ Jerry]

.

انتي تقرين انجليزي ؟؟

لا و الله مآ آحب اقرا آنقلش ! مآدري ليش مآ تستهويني !
آحب اقرا باللغه العربيه الفصحى لوول .. أو اذا كآنت روآيه عآدي تكون باللهجه الكويتيه !
مثل روآيه بنات الثآنوية تلاقين الأحدآث تكون بالفصحى و الحوآر بين الآشخاص بالعآميه (=

.