تجمع اللي بيتركون التدريس باذن الله سواء يالتحويل او الاستقاله

[نسناس]

عسى الله يوفقكم ياارب

بنات والله التدريس وغثااه ما عليه حسوووفه ،،،

وتقزر إن شاء الله وربي يعوضكم خير

والفاااال لي إن شاء الله

 

[نوتيلااا]

بنات انا بستقيل على نهاية السنه علموني شسوي؟ يعني ابي اقدمها شهر 6 يصير؟

 

[غير كل الناس]

انا اخذت تقاعد طبي بس صج الاجراءات عله والحين توقف المعاش الين تخلص الاجراءات يمكن تاخذ لها شهرين وانشاء الله اقل

 

[usgirl]

رد : تجمع اللي بيتركون التدريس باذن الله سواء يالتحويل او الاستقاله

ختي مختلفه مبروك على الاستقاله وحمدلله على السلامه

اللي تسال عن الاستقاله شهر 6 سمعت ان ما يصير واذا قدمتيها لازم تنقين معاشات الصيف تردينها لهم يعني صايدينج صايدينج :edbf4317b9:

 

[usgirl]

رد : تجمع اللي بيتركون التدريس باذن الله سواء يالتحويل او الاستقاله

اليوم مثل كل يوم حمولتي يقولون خليتي الالف دينار يالظالمه يا خلاف معاشي ما وصل الف ولا حتى تسعميه مو مصدقين
كله تحسد بالمدرسات تخيلوا كل وحده تقولي معاشكم الف اقول ولا البترول اشدعوه الف شهالجذب ليش يستعبطون
والله انا لا سافرت ولا شربت غير سياره بهالمعاش والحمدلله والباقي نعالج بالخاص من بلاوي التدريس ويين الف جذب مو طبيعي الف مره وحده

 

[Turquoiseya]

usgirl

الحال من بعضه
موظفات الوزارات الثانية يطلعون ويسافرون ويستانسون بمعاشاتهم
واحنا الابلات معاشاتنا كلها تروح على المدارس الخصوصية وطلباتهم لان صار مافينا طاقة اندرس عيالنا بالبيت فنوديهم لمدارس خاصة عشان يهتمون فيهم ويقومون بدورنا المفقود في متابعة عيالنا
بالاضافة الى الخدم اللي يمسكون عيالنا بالذات عقب مانطلع من الدوام لان صار مالنا خلق حتى انقابل عيالنا ولانتحملهم بسبب ضغوط الدوام

والطامة الكبيرة ان 99% من المدرسات رايحة معاشاتهم على الطبيب الخصوصي عشان القولون والضغط والقلب والامراض اللي تصيبنا منهم

فلوسنا قاعد انحرقها ولا استانسنا فيها 00 مادري على شنو الناس تقول معاشاتنا قوية 00 بينما في وزارات البكالوريوس فيها معاشه اقوى من المعلم مثل المالية وديوان المحاسبة والتامينات + القطاع الخاص

لاحول ولاقوة الا بالله

 

[usgirl]

رد : تجمع اللي بيتركون التدريس باذن الله سواء يالتحويل او الاستقاله

اي والله اختي صاجه بكل كلمه كتبتيها
والله اني مالي خلق اعيالي ولا زوجي وكله معصبه والله اعلم بظرفي واني محتاجه المعاش بس الله الغني الله انشاء الله يرزقني بوظيفه معاشها سنع لاني ما اقدر تدريس خصوصا اني خربتها خلاااااااااااص :eh_s(13):

اذبحوني الناس يشككوني بعمري وناقدين على
الله لا يحدني على التدريس يارب واني ظرفي الخاص يارب تتكفل فيه الجكومه يارب

ادعوا لولدي بالشفاء الله يخليلكم اعيالكم لان هالشغله اللي كاسره ظهري
اهلي الله يطول باعمارهم قالوا لي اهم شي راحتج وما عليج بس الناس اعوذ بالله

 

[جنى الجنتين888]

ر بي يحفظ ولدج ويمن عليه بالصحة والعافية
ويريج بالج وفرج همج ويرزقج الوظيفة اللي تنفعج بالدنيا والآخرة

 

[دمعة هنوف]

رد : تجمع اللي بيتركون التدريس باذن الله سواء يالتحويل او الاستقاله

السلام عليكم
ضموني لتجمعكم اااااااااااااااااه لو بتكلم ماراح اخلص كرهونا بالتدريس حسافة تعبنا ودراستنا والميداني
انتو ما لاحظتو كانهم ممتلكينا بس يبونا نكررررررررف يتضايقون اذا نقعد ليش ياربي لهدرجة صارت وزارة التطفيش والله ذلونا على المعاش ياربي بتعبنا ....بعد انا ماعتقد في وظيفة شقا مثل التدريس شي غرييييب من سيئ الى اسوأ برايكم شنو السبب؟؟؟
مناوبة حصص احتياط نشاط مربية صف وغير الموجهه والمشرفه والطالبات والكتب والتحضير متى متى متى كل هذا ياوزيرة التربية حسووووووووو فينا خلاص طفشتونا

 

[شفايف كرزيه]

السلام عليكم

شلونكم

انا طالبه للحين ادرس بالتربيه صارلى سنه ونص بالكليه وملييييييييييييييييييييييت تعبببببببببببببببببببت من المواد والبحوووث والدكاتره الللى ماترحم
وقررت باذن الله اسحب اوراقي من التربيه لانى بجد مليت واستخرت ربي وسويت بحث وطلعلى تجمعكم والله انه جاااااااا بوقته امبيه كنت بتوهق انا حااااااسه بعمرى انه تعب واهلي يقولن لى بس بالكليه وباجر من تحسين بالمعاااش بيهون عليج التعب كله
بس انا اعرف كذا وحده من جماعتنا يتشكون من التربيه بطريقه تخرع وبنت خالى مدرسه عربي احلفت على اختها ماتدش التربيه
من الكرررف الى شافته ونصحتنى بس انا ماصدقتها وبس جربت الكليه ما بغيت الا عمرى

واللى اعرفه ان حتى الادريات بالمدرسه مو مرتاحين كلش

هالوزاره الخااااايسه
والىى قاهرنى وخلانى اطله من مجاااااااااال التربيه بكبره انى لاحظت انى صرت مهمله بعمرى وبيتى وزوجي
الله الغني عن هالوظيفه


بنات شرايكم بقراااري شنو تنصحوني ابي راي ابلات جربو التدريس والمنهه اللى كنت بتدبس فيهااا...!!!؟

 

[Winter Q8]

شفايف انا لو يرد فيني الزمن لورا لدش تكنولوجيا و لا اتكبر على الدبلوم لان بكاليريوس تربية عبارة عن سجن مؤبد لا ترقي و لا شهادة عالية
مساعد مهندس و معاشهم 700 و قاعدين على الكرسي لا شغله و لا مشغله
و ان الله يسر كملت دراستي و صرت مهندسة .. احسن مليون مراا من التربية و همومها .. كافي المسمى ..

 

[جنى الجنتين888]

شفايف أنصحج ابعدي عن التربية و ادخلي الأوقاف واختاري تخصص حلو عندهم بحيث يقبلونج جميع الوزارات وحتى الهيئات
ابعدي عن التربية اريحلج وربي ييسر لج امرج ويسهل لج دربج

 

[جنى الجنتين888]

شفايف أنصحج ابعدي عن التربية و ادخلي الأوقاف واختاري تخصص حلو عندهم بحيث يقبلونج جميع الوزارات وحتى الهيئات
ابعدي عن التربية اريحلج وربي ييسر لج امرج ويسهل لج دربج

 

[usgirl]

رد : تجمع اللي بيتركون التدريس باذن الله سواء يالتحويل او الاستقاله

اختي اللي بتخلي التربيه الله يوفقج انشاء الله لان الرزق على الله بس دوري شهاده حلوه جذي يكون لها اكثر من مجال عشان ما تنحكرين بوزاره واحده

:dfgl:

ترا الشريعه حلوه تتوظفين بالاوقاف :gr4uu:

 

[عنووود]

رد : تجمع اللي بيتركون التدريس باذن الله سواء يالتحويل او الاستقاله

بنات لو ابي انتدب وزارة ثانيه شنو الطريقه وجم يمشيلي من التربيه وجم من الثانيه؟

 

[شفايف كرزيه]

اب


اب


اب

 

[CrystalQ8]

مرحبا بنات انا لي 9سنوات خبره وهذه ان شالله العاشره يعني اطبق القانون

ونزل اسمي رشحوني اشراف

وصليت استخاره واحس متردده

اخاف مسئوليه اكثر من التدريس مادري شسوي اطلع اشراف ولا احوا اداريه اريح لي

 

[جنني العربي]

رد : تجمع اللي بيتركون التدريس باذن الله سواء يالتحويل او الاستقاله

:cxxxp:أنا ودي احول اداريه بس صارلي سبع سنوات يصير احول زهقت اطلعت روحي تكفون ردو علي
والله ضايق صدري

 

[جنني العربي]

رد : رد: تجمع اللي بيتركون التدريس باذن الله سواء يالتحويل او الاستقاله

مرحبا بنات انا لي 9سنوات خبره وهذه ان شالله العاشره يعني اطبق القانون

ونزل اسمي رشحوني اشراف

وصليت استخاره واحس متردده

اخاف مسئوليه اكثر من التدريس مادري شسوي اطلع اشراف ولا احوا اداريه اريح لي

والله الاشراف مو حلو مشرفتنا على طول تبكي وتشكي وتسب اليوم اللي صارت فيه مشرفه تكسر الخاطر دوري راحتك التدريس والاشراف ماخذ من ارواحنا واعمارنا ضعنا بين دفاتر وصراخ الكل علينا الاداره الوكيلات الناظره اولياء الامور فكري والله يوفقك

 

[كلنا نحب الكويت]

اللي لها عشر سنين وبتحول إداري
شلون تحول ؟
وين تروح؟