رد: رد : تـجـمـع لمحبي الرضاعة الطبيعية 
قوه مرضعات شلونكم ! شخباركم !
مبروووك عليكم هالتجمع الحلو ..
أنا صارلي تقريباً 18 يوم أرضع .. صج العملية مرهقة ومتعبة حيل بس دام إني راح أشوف من وراها نتيجة حلوة أكيد بتحمس ..
مشكلتي لما أرضع بنتي وايد تغص وتشرق وهالشي مسببلي قلق نفسي
تتوقعون من شنو تغص ! قبل أسبوع دقت علي مشرفة الرضاعة مالت مستشفى السلام واسألتني عن الرضاعة الطبيعية ! وقلت لها عن هالمشكلة وقعدت تسألني بعض الأسئلة وأنا أجاوب .. قالتلي لما ترضع تكون ملهوووفه حيل جنها مفجوعة قلت لها إي .. قالتلي لما ترضع كل شوي طلعي الحلمة من حلجها علشان تاخذ نفس .. وقمت أسوي هالحركة بس ماكو فايدة ..
قلت لها من يبتها البيت بطنها إمساك كلش ماخرجت
جان تقولي احتمال هالشي أهوه اللي مخليها ماتركز بالرضاعة ..
وألحين الحمدلله بطنها قام يمشي شوي بس هم مازالت مشكلة الغصة موجودة
أنا قاعده أحاتيها ليش لأنها انولدت قبل لاتدش التاسع وأنا غزيت إبرة الرئة قبل لا أولد بأسبوع .. هل تتوقعون هالشي له علاقة بنفسها لأن خشمها دايماً مسكر وماتقدر تتنفس منه وإهيه ترضع .. والدكتور أمس عطاني بخاخ مع شغله أشفط من خشمها تكرمون المخاط ..
بس قاعده تتحسس من البخاخ وتتنرفز لما أحطه لها ..
خايفه ما أكمل معاها الرضاعة الطبيعية والسبة هالشي
فيديوني بنات شلون أتصرف وياها لي غصت جد جد هالموضوع مأزمني نفسياً لدرجة إني كل مابغيت أرضعها أحط إيدي على قلبي من الخوف ..
هلا حبيبتي
ما تشوف شر ان شاء الله
انا بنتي كانت نفس بنتج تغص و تييها حالة غريبة جنها اسم الله عليها تختنق ! و هي كانت جنها ملهوفة و مفجوعه وقت الرضاعة!
وديتها الطبيب و قالي هذا الشي طبيعي و خليها تفرغ الهواء (تتجشأ) جم مرة بعد كل رضعة .. سويت هالشي و خفت الحالة.
لا تحاتين حبيبتي انا تفسيري لهالشي ان احتمال ادرار الحليب عندي كان سريع و مو قادرة تتحكم فيه عدل ،، أو لأن خشمها مسكر تغص بالأكل ..
و ترا الرضاعة الطبيعية سبحان الله تفيد البيبي أكثر من الصناعي خصوصاً بهالأمور لأن البيبي يتحكم بإدرار الحليب بعكس الحلمة الصناعية !
بالنسبة لخشمها .. م السلام عطوني بخاخ وايد قوي على البيبي حرام .. جربي نوع ثاني اسمه Ocean-spray موجود في كل الصيدليات و عقب ما تبخين بجم دقيقة نظفي خشمها .. أو راح تشوفين ان الإفرازات بروحها تنزل.
و بالنسبة لطريقة الرضاعة .. اذا البيبي ياع رضعيه من الصدر الأول و لا تنتقلين للصدر الثاني الا بعد مرور ساعتين على الأقل عشان يفضي الصدر الأول و ما يشرق بالصدر الثاني .. و اذا انترس عندج الحليب بالصدر الثاني شفطي شوي .. أنا شريت جهاز شفط الكتروني ممتاز اسمه medela
جربي هالطريقة و طمنينا شنو يصير معاج :eh_s(21):
