الناس ما عاد فيها خير .... حدي منقهرة

[إستبرق]

والله هم ريلج مو مقصر اذا انتي ماتسوقين المفروض يدبر لكم سايق مو شنو اسوي بعد عيل منو الي يسوي
الله يعينج

 

[الكيكة الأمورة]

سوقي احسن
وحماج ومرته لاتتشرهين عليهم طنشي الموضوع لاتصير من سالفة بسيطة الا مشكلة كبيرة تنصدمين بعدين >>>>صارت اشكثر
وادعي ربج يسخرلج زوجج ققبل لاتكلمينه

 

[باااربي]

نحاسه والله

 

[$حبيبة عبودي$]

رد : الناس ما عاد فيها خير .... حدي منقهرة

نحاسة حريم ..

 

[opera]

رد : الناس ما عاد فيها خير .... حدي منقهرة

وااااي انقهرت عالولد وعليه كسر خاطري

كلمي ابوه قوليله اللي صار خليه يحس انه الولد انكسر خاطره كان يبي يروووح


يا تسوقين يا سايق ولا منتهم

 

[رضاهم جنه]

يا قلبي يا ولدج كسر خاطري

مالج الا سايق او تسوقين بلا منة خلق الله

 

[قهوة عربية]

حبيبتي ....بدون زعل


لو كنتي مكان مرت حماج ...وانتي اللي تودين ولدج الروضة كل يوم ومرت حماج ماتسوق .....

هل انتي مجبورة ببنتها تودينها كل يوم ....؟؟؟؟ .ولو ولدج تعسر يوم في روحته للروضة خاصة هالأيام برد والفراش دافي ومايبي يروح ....

انتي مكلفة ببنت حماج ؟؟؟!!

يعني لاتتشرهين على الناس ...وزوجج هو الملزوم بولدج .......لايتكل على أخوه أو مرته

فرضا كنتي ساكنة ببيت بروحج مو مع الحمولة ....شلون بيكون الوضع ....بيمرون على ولدكم بعد وبيودونه كل يوم ...!!!

اسمحي لي زوجج شايل ايده مرة وحدة ....قعدي معاه قعدة وقولي له :

باجر ولدك بمدرسة ثانية وبنتهم بمدرسة ثانية ...يعني مستحيل ياخذونه معاهم .....لابد تحطي لي سائق أو اني أسوق
حتى لو أودي ولدك الروضة وأرده فقط .......

فرضا الروضة دقت عليج ان ولدج مريض أو تعبان ....شلون بتتصرفين ....بتدقين على زوجج أو حماج أو مرته ...؟؟!!


لابد من وجود سيارة عندج ...

 

[LeeMa q8]

شي يقهر والله ! الله يعينج ياروجي

 

[كويتيه وافتخر]

رد : الناس ما عاد فيها خير .... حدي منقهرة

الله يعين

نفس الحاله بس انا ولدي بالابتدائي

يرجع مع عيال عمه مع ابوهم
ياطاقينه علبوو لعب يا ماخذين منه شغله

وانا حنه مع الابوووو انت طلعه برووووحه مانبي يرد مع عمه دام راضي بالظلم

 

[سمو ذاتي]

ابييييييييييييييه وربي وربي ارتفع ضغطي وراسي عورني ليش هالحقاره:rgewrg:

المشكله في ريلج نفس ريلي بالضبط عنده كل شي له حل وسهاله بس لانكبر الموضوع:rgewrg:

تدرين شتسوين بس هذي يبيلها تقوين قلبج شوي حبيبتي..تقولين لولدج يبجي عند ابووه يقول ماراح اروح الروضه معاهم ويقوله انت توديني يمكن ريلج يساحله وقتها بس.. ثاني يوم خليه يغيب وقولي لريلج يبجي بجي مارضى يروح معاهم وثالث يوم حتى لو ريلج يهدد الولد مالج شغل فيه ساحلي ولدج بروحج ...

ان شاء الله تضبط ويفكر ريلج يدبر سايق..
ربي يحنن قلبه عليج ويترس عينج عن منة الناس

 

[$ كشختي لنفسي $]

رد : الناس ما عاد فيها خير .... حدي منقهرة

تبين الصراحه
اهما مومسؤولين عن ولدج
صج ان عيالكم في نفس الروضه بس هذا مو معناها انهم يلتزمون في ولدج
لازم زوجج يشوفله حل يا اما يخليج تسوقين سياره
او انه يحطلج سايق يوديج انتي وعيالج
بس هذا مومعناها اني راضيه عن اللي سوته مرت حماج احسها انها قلت ادب
المفروض من البدايه تقولج انها مومسؤوله عن ولدج

 

[غلا ماجد]

افتكي منهم و سوقي حاولي تقنعين رجلج

 

[**المزيونه **]

ياشين منتهم ورع مومثقل السياره اذا شالوه معهم بس مثل ماقلتي الناس مافيها خير
تحايلي رجلج يا انج تسوقين او يجيب لج سايق
او يحط لولدج سايق يوديه ويجيبه باص تاجير

 

[۩۩ الجـــــود ۩۩]

حرام عليهم شنو بيضرهم اذا اخذوه

الله يهديهم

 

[.،:"$الـعـوبــــة$":،.]

رد : الناس ما عاد فيها خير .... حدي منقهرة

ياليل النشبة ؟؟
كيفهم !
وانتي حييييل اتشرهين كأنه لك منة عليهم !
والله انتي ودك الناس اتمنن عليك ، والا كان والله مااودي ولدي الروضة لو شنو !
يايوديه ابوه يايدبر حاله !
ليش اخلي للناس منة علي !​

 

[travel_addicted]

رد : الناس ما عاد فيها خير .... حدي منقهرة

مادام علاقتج فيها طيبة و مابينكم مشاكل سئليها قول ويييي حسافة فلان (ريلج) قال لا تقعدين الياهل ماراح يودون البنت المدرسة شوفي شتقولج يمكن صج ما كانت بتروح بعدين هونوا و ماقدرت تقولج الصبح على اساس انتوا نايمين و عشان مرة ثانية تنتبه انه حتى لو اهيا ودت البنت تقولج
و هذي فترة مؤقته ان شاء الله لانه باجر بيروحون و الابتدائي و كل واحد مدرسة مو معقولة بتخلونهم يودون ولدكم المدرسة فا انتي قولي حق ريلج يا تيبلي سايق او اني اسوق لو داخل المنطقة بس حق المدارس​

 

[حبيبتي إختي]

رد : الناس ما عاد فيها خير .... حدي منقهرة

البنات كفوا ووفوا .. والله يسخر لج رجلج ويقتنع إن شاء الله انج تسوقين أو يحط لج سايق.

 

[mafio98]

حياتي يمكن ترا صج ماكانو بيودونها بس البنت قامت الصبح وتبجي تبي تروح عشان الرحله وودوها
التمس لاخيك 70 عذرا ويمكن لبستها بسرعه وودوها وقالو ما يمدي ولدكم يلبس يمكن المره كانت متأخره والبنت استعسرت
وشنو ما فيها خير المره وحماج ما قصروا والله يودون ولدج كل يوم الصبح وانتي قاعده من غير شي حمدي ربج اهم زينين بس غلطه وحده واحتمال كبير مو مقصود تقولين ما فيهم خير
قولي ريلج اللي ما فيه خير وقط ولده على اخوه ومرته لو فيه خير عالاقل حط لكم سايق ولت خلاج تسوقين

حياتي تقبلي وجهه نظري بالموضوع انا حزب الطماشه بس هذا رايي

معاها 100٪ بعدين ترى مو مكلوفين يقطون ولدج هذي مسؤليه باجر اذا صار شي بولدج بتحطينها براس المراه نفرض ولدج بالسياره بطل الباب لاسمح الله او طاح او صار له اي شي شنو بتقولين اول شي بتقولين ئي مرت حماي ماهتمت فيه او اقل شي تلومينها ويمكن اهي ماتبي تحمل مسؤلية احدترى اهي حره وانتي ماتجبرينها وبالعكس فيهم الخير الي الايام اللي طافت ودوا ولدج وشالوا مسؤليته الا ابوه مو قادر يشيلها اذا في احد مافيه خير بهالموضوع اسمحي لي اهو ريلج

 

[ام ناصر 2009]

رد : رد: الناس ما عاد فيها خير .... حدي منقهرة

حبيبتي ....بدون زعل


لو كنتي مكان مرت حماج ...وانتي اللي تودين ولدج الروضة كل يوم ومرت حماج ماتسوق .....

هل انتي مجبورة ببنتها تودينها كل يوم ....؟؟؟؟ .ولو ولدج تعسر يوم في روحته للروضة خاصة هالأيام برد والفراش دافي ومايبي يروح ....

انتي مكلفة ببنت حماج ؟؟؟!!

يعني لاتتشرهين على الناس ...وزوجج هو الملزوم بولدج .......لايتكل على أخوه أو مرته

فرضا كنتي ساكنة ببيت بروحج مو مع الحمولة ....شلون بيكون الوضع ....بيمرون على ولدكم بعد وبيودونه كل يوم ...!!!

اسمحي لي زوجج شايل ايده مرة وحدة ....قعدي معاه قعدة وقولي له :

باجر ولدك بمدرسة ثانية وبنتهم بمدرسة ثانية ...يعني مستحيل ياخذونه معاهم .....لابد تحطي لي سائق أو اني أسوق
حتى لو أودي ولدك الروضة وأرده فقط .......

فرضا الروضة دقت عليج ان ولدج مريض أو تعبان ....شلون بتتصرفين ....بتدقين على زوجج أو حماج أو مرته ...؟؟!!


لابد من وجود سيارة عندج ...

معااااااااااااااا بكل كلمها

 

[سكر زيآدهـ ّّ]

رد : الناس ما عاد فيها خير .... حدي منقهرة

حركتها بايخه صراحه