جلسة تآريخية 28-12-2010

[اخت خالتهم]

رد : جلسة تآريخية 28-12-2010

جيفارار

انـا ابين ان في شغل ماشي في تنميـه ..

وان احنـا مرتاحيـن والكل يحسدنـا

و قلت انـا ضد اللي صـار بندوة الحـربش

و ضد ندوة الحربش من كلام انقـال فيهـا .. ما ألومهم منفعليـن

وهم ضد المستوى اللي وصل فيه مجلس الأمـه من الحـوار

وضـد ان نقـول الطق بأمر من الأميـر

وضـد ان نعلن بالجرايد القبيلة الفلانية مع الامير و القبيلة الفلانية مع الامير

يعنـي كل قبيلة تتكلم لنفشهـا

مع اني من ابناء القبائل

بس ارفض التمييـز ..

ما اقـول ان في خـطـأ ..

انا مـع الاستجـواب .. مو لاني ضد او مع الحكومـه
لا

لان بإذن الله اللي راح ينجح بالاستجواب راح يطلع كل ما عنده لتنمية الوطن وراح يبيـن ان يستحـق ..

قتلج انا محـايده ..

حتى احنـا اذا صـار الصيف سافرنا وسياحتنـا برا الديـره ليش !

مصر كبيره وكلها سياحه

ولبنان بلد يدمر ولازم نعمره

واحنا بلدنا عامر ما شاءالله

وانا ضد ان نكون مثل دبي بعدين ما راح تلقين ولا كويتي بالمجمعات
وبتقلب دولتنا اجنبية

احنا مرتاحين ما نبي تأزيم

وكلنا شعب واحد سواء اختلفنا بالراي ..

والاسئلة ما اتوجه حقي اتوجه حق غيـري ..

انا كلامي منطقي و واضح اني مع التنمية سواء مع ناصر المحمد الله يحفظه
او مع غيـره

صدقيني كل واحد فيه الخير والبركه بس لو يتعاونون

 

[M!sS MOnatOO]

رد : رد: جلسة تآريخية 28-12-2010

أخيت ميس مانتو كلامج خاطئ بالحالتين

يعني ليش صوتتب السرية ماله اي دخل بفعل معين سوته داخل المجلس

في ناس صوتت لعلنية واستخدمو ألفاظ سيئة فهل يعني عادي انه ليش صوت للعلنية ان يستخدم ما يعجبه



حبيتي اذا كان هذا معيارج للحكم على النواب فاستخدميه للكل

؛

اختي monmon

اولا يوزيري >> مس مُناتو :eh_s(6):

ثانيا انا ماقلت انها صوتت للسرية علشان تقول اللفاظ سيئة بس اهي
وبعض النواب حرموا الشعب من حق الحقيقة

واليوم اهي انظلمت لانها ضيعت علي نفسها الوضوح وصرني مانعرف نصدقها
ولانصدق التويتر والجرايد الالكترونية

النواب اللي صوتوا مع العلنية احترم احترامهم لحق المواطن في معرفة الحقيقة
بس بنفس الوقت انا ماأييد اي نائب يستخدم اللفاظ سيئة في كتلة الاالدستور
او من نواب الحكومة
لان صاحب الحجة الصعيفة اهو اللي يستخدم هالالفاظ

واذا كان اذا كان نائب من كتلة الاالدستور استخدم هالالفاظ استغربها منهم لانهم
اصحاب الحجة الاقوي
والاسلوب المسكت :eh_s(6):

قبل لااخلص كلامي احب تفرقين بين الالفاظ السيئة والاسلوب السئ اللي اقصدة
وبين ان النائب يعرض ادلته وبراهينه بقوة ويكون متحدث قوي
وخطيب ماعلية كلام وهذا السبب اللي خلي الحكومة تحولها للسرية لان
كل المتحدثين عن الاستجواب (الملا+الحربش +البراك )
اسلوبهم مقنع ويدعمون حججهم بالبراهين والنصوص الدستورية اللي فقدتها رددود
الحكومة

وبالنهاية لكل وحدة مني وجهه نظر تُحترم ونتحاور ليس اكثر


اخت اخوها

احني كلنا نبي التنمية ولاتتوقعين ان فيني احد بيبدي مصلحته علي الكويت
بس بعطيج مثال تعرفين فيه منواللي يعطل التنمية

اسيل العوضي في لقائها مع الراي تكلمت شلون الحكومة كانت تعطل قانون المعاقين
اللي اشتغلت علية اللجنة بصمت لمدة شهور ولما جو يقرونه الحكومة قامت تهرب
من الجلسات ومن اقرار القانون

لحد ماتم تغير بعض المواد وببادرة شخصية من وزير الشئون صار يحظر اللجان واقروي القانون
بعد معاناة











.

 

[Stylista_Q8]

رد : جلسة تآريخية 28-12-2010

آآميـن يااارب

تدرين شنو ناقصنـاا ؟؟
ان ما نتكلم قبل ما نفهم ونفكـر

للأسف بنات واايد قامو يغلطون على بعـض
مع ان كلهم كويتيين وكلهم يبون مصلحه الوطن

و قامو يفكرون بالقبلية

والله قبل ما كنت اعرف شنو اصلي والله ولا حتى امي علمتني ولا ابوي
والله اذكر رابعه ابتدائي بنت سئلتني شنو اصلج
قلت كويتيه
ما كنت اعرف اني بدويه و قبيلتي الفلانية
لان بعد اسمي اخر شي بإسم عايلة مو اسم القبيلة

والله بجييييت لما شفت البنات في المنتدى
قلت احنا ما تربينا على جذي
ولا تناااابزوا بالألقاب ..

لا يسخر قوم من قوم عسى ان يكونوا خيرا منهم و لا نساء من نساء ...

لا فرق بين عربي ولا اعجمي الا ( بالتقوى )


ما قال عليه الصلاة والسلام إلا بالقبيلة او بالأصل او حتى الجنسية .. قال الا بالتقوى .. يعني ايمانه و تقوته

لو نفكر بهالكلام و نخلي ضميرنا يصحى شوي قبل لا نقول الكلمة

صح محد يرضى كرامته تنهان .. و هم محد يرضى ان الالفاظ توصل لي هالمستوى

والله صار الكلام يفرقنا

انا بدوي وانا حضري
وانا شيعي وانا سني

وانا من هالقبيله وانا من هالقبيلة

ما كنا نسأل اساسا ولا كنا نفكر انا احسن من هذا و احسن من هذا
بالعكس كان الواحد اذا سب فلان وعلان كلنا وقفنا ضده حتى لو من اهلنا و ربعنا

والغزو اكبر دليل الشيعي مع السني
والبدوي والحضري

حتى شيوخنا ربعهم حضر وبدو
وشيعه وسنه

خلنا كلنا ايد وحده و ما نزيد النار حطب

معآج بكل كلمة قلتيهآاا

والله محد بيضيعنآ غير شيين 1. قبلية. 2. طآئفية

لو النآس يحطون مصلحة البلد جدآم عيووونهم جآن كل شي بخيييير .. !

 

[قمورهـ]

رد : جلسة تآريخية 28-12-2010

برجل الاعمال صاهود المطيرى كل المجعات هو اللى يملكها وفعلا طلعت العاصمه روعه ؟؟
لكن وين رجال الاعمال اللى يعمرون فى لبنان ومصر منتجعات وغيرها ليش ما يحطون بالكويت ؟؟

اي والله صاجه

وعنده مشروع عالمي للشاليهات

يبي يخلي الشاليه على 30 الف عشان كل الناس يشترون

شقالوله البلديه لا لا

موضروري كل الشعب يكون عنده شاليهات

امانه هذا تفكير مسؤولين؟؟

تفكير عنصري طبقي

وتبونها تعمر؟؟

 

[اسمي بين الاسامي]

شوفوا سلوى الجسار على قناة الراي شنو تقول بعد اقرار حقوق المراه الاسكانيه

تقول "وهالشي انجاز كبير لحكومة ناصر المحمد"
ههههههههههه يعني غصب طيب بدافع عن الحكومه

نص الحكومة والاعضاء الموالين لها ماحضروا جلسة اليوم

الله المستعان

 

[اسمي بين الاسامي]

شهدت القاعة الجانبية للمجلس سجالا حادا بين النائبين مسلم البراك وعسكر العنزي، الذي ابدى انزعاجه من وصف البراك للنواب بـ«الانبطاحيين».
ودار بين النائبين الحوار التالي:


• عسكر: تدخلون وما تسلمون. تغلطون علينا وما تسلمون علينا.
• البراك: من غلط عليكم؟
• عسكر: لا غلطتوا. ترى نقدر نسوي ندوات ونجمع الجماهير ضدكم.
• البراك: لا تذخر عن نفسك شي.
• عسكر: اتهمتونا بأننا انبطاحيون وحرضتوا الناس علينا.
• البراك: حنا ما حرضنا أحد هذه إرادة الشعب.



وهنا تدخل الموجودون لانهاء السجال بعد ارتفاع الصوت بشكل ملحوظ.
المصدر : http://www.alraimedia.com/Alrai/Arti...&date=30122010

 

[اخت خالتهم]

رد : جلسة تآريخية 28-12-2010

الله يهديهم يارب من حكومه ونواب

 

[البسايل]

مشكوره حبيبتي علي النقل

 

[Stylista_Q8]

رد : جلسة تآريخية 28-12-2010

حصلت مشادة كلامية بين النائبان مسلم البراك وعسكر العنزي على هامش جلسة مجلس الأمة بالأمس في استراحة الأعضاء، المجاورة لقاعة عبدالله السالم، وذلك على خلفية تصريح صحافي أدلى به النائب عسكر العنزي بعد إنتهاء جلسة استجواب رئيس الوزراء قال فيه: إن استجواب رئيس الوزراء غير دستوري ومع ذلك استطاعت الحكومة تفنيده لذلك سأصوت ضد طلب عدم التعاون خاصة ' أن هذا الاستجواب مدعوم من أطراف خارجية للإطاحة بسمو الرئيس.
وبدأت فصول المشادة عندما كان النائب البراك يقف بجانب عدد من النواب، فصادف ذلك مرور النائب عسكر العنزي بجانبه.
فقال البراك: ماذا تقصد يا عسكر بتصريحك بالأمس، فهل الأطراف التي تقصدها هي أطراف خارج الكويت، أم تقصد أنها خارج مجلس الأمة ؟
عسكر: العلم في بطونكم !
البراك: بطونا نظيفة، والبلى في بطونكم
عسكر: تحرضون الناس علينا، وتطلبون منهم طردنا من الدواوين، وأنتم تسلمون علينا في المجلس
البراك: إحنا ما سلمنا عليك، احنا سألناك سؤال، ونبي اجابته.. من تقصد يا عسكر ؟!
عسكر: ترى حتى إحنا نستطيع ان نعمل ندوات ونجمع الناس
البراك: إفعل ما تشاء، فالناس أتت إلينا بسبب مواقفنا، فاجمعها ان استطعت
عسكر: خير إن شاء الله


،،


والي حآبه تعرف توجه الكتلة الوطنيه بآجر الساعه 10 بقنآة الرآي معَ عبدالله بوفتين ان شالله :wqedqw:

بيقآبل مرزوق الغآنم :eh_s(7):


ومنورين بنآت :eh_s(7):

 

[قطــرات مطــر]

رد : جلسة تآريخية 28-12-2010

بوعلي دوم مبيضها والله ومن الحين اقولج لقاء اكثر من روعه !

حبيبتي موضوعج الثاني وين مال عدم التعاون كاتبه رد شطوله

تحطمت حيل مالقيته !

 

[Stylista_Q8]

رد : جلسة تآريخية 28-12-2010

عاد ودي اشوف الحلقة !

بس ان شالله ينزلونهآ بيوتيووب ^^

وللاسف الموضوع انحذف لنه مو حاطينلي وين ودووه

الظآهر في بنآت مو عاجبتهم الديموقرآطية لووول جد لاتعليق !!

 

[قطــرات مطــر]

رد : جلسة تآريخية 28-12-2010

لاحول ولاقوة الا بالله
كنت حاطه حجي عن ندوة امس الي صارت بديوان العم فهيد بن صقر العجمي

الي مو عاجبتهم الديموقراطيه مو ملزومين بالرد!

ستايلستا مبدعه بكل شي ومدونتج ذوق عيني عليج بارده والله

 

[monmon12]

أختي قطرات المطر

هذا ردج انج انتي نفسج مو ديمقراطية

لنج مو متقبلة ولا تبين تسمعين الطرف الثاني

يعني تبين الناس بس تسمع وجهة نظرج انتي بس؟؟


حبيتي الدموقراطية الي تنادون فيها تنسمع فيها كل الأصوات والرأي الأخير للأغلبية

يعني 50 واحد مقابل 51 منو يفوز ؟؟

51 صح؟؟

صح ال 50 يمثلون شريحه كبيرة بس ايهم مو رأي الأغلبية

وحتى لو كانومو أغلبية فصوتهم ورأيهم مسموع ولازم يحترم حتى لو ما نوافقه الطرح

الكل يتحجى حبوبة مو بس انتو

 

[قفشـه]

رد : رد: جلسة تآريخية 28-12-2010

شهدت القاعة الجانبية للمجلس سجالا حادا بين النائبين مسلم البراك وعسكر العنزي، الذي ابدى انزعاجه من وصف البراك للنواب بـ«الانبطاحيين».
ودار بين النائبين الحوار التالي:


• عسكر: تدخلون وما تسلمون. تغلطون علينا وما تسلمون علينا.
• البراك: من غلط عليكم؟
• عسكر: لا غلطتوا. ترى نقدر نسوي ندوات ونجمع الجماهير ضدكم.
• البراك: لا تذخر عن نفسك شي.
• عسكر: اتهمتونا بأننا انبطاحيون وحرضتوا الناس علينا.
• البراك: حنا ما حرضنا أحد هذه إرادة الشعب.



وهنا تدخل الموجودون لانهاء السجال بعد ارتفاع الصوت بشكل ملحوظ.
المصدر : http://www.alraimedia.com/alrai/arti...&date=30122010

وحش بوحمووووووووووود

 

[farforaQ8]

تصدقون بنات في دكتوره بالجامعه تقول سلوى الجسار سكتت مسلم البراك وكانت تلعلع بالمجلس ورد سمو رئيس مجلس الوزراء كان مقنع!!!!!!!!!
مادري يقصون على منو؟؟؟؟؟ لاعت جبدنا من الجذب والنكته انها تقول ان مسلم البراك هش مثل النفيييييييييييييييييييش
اذا مسلم البراك نفيش ياحلوه انا اول من ياكله فديته اسد المجلس

 

[monmon12]

أنا أستغرب من بعض الخوات طريقة استهزاء بعضهم ببعض بسبب خلاف سياسي

هل هذي طريقة الحوار؟؟

عجيب!!!!!!!!

 

[Stylista_Q8]

رد : جلسة تآريخية 28-12-2010

مون مون ٢١

قطرات عدل كلامهآ !

مدآمهم معَ الديموقراطيه ليش يناشبونا وغصب نكون مثل رايهم ؟

مثل ما اهم لهم حق يعبرون عن نفسهم وارائهم احنا لنا حق بعد وما منعنآ احد يعبر عن رآيه حيآه الله

ويقدر يبطله موضووووع ويسدح رآيه ويغرد ،،

بس موضوعي امس انحذف الله اعلم شنو السبب

وَ انا ادافع عن قضيه ويحقلي ادآفع عنهآ بطريقه محترمة مدآمي ما قليت ادبي على احد ،،

وموضوعي كان فيه ارقآم النوآب فقط لاغير

ماذكرت لا فلان ولا علان ومآشيشت أحد !

وانمسح اتوقع لنه بنآت مو راضين ويمكن لنه فيه ارقآم ؟

بس اهم نوآبنآ من حقنآ صوتنآ يوصلهم ! ولا ليش يمثلونآ احنا الشعب الكويتييي بالمجلس

هم هذي ديموقرآطيه

ولا الديموقرآطيه احط ايدي على خدي واتطمش واشووف ومآلي شغل لا بالديره ولا هم يحزنون ومآلي رأيي ومايحقلي اعبر عنه ؟

واحنا نبي نسمع راي الاخرين ليش لا ؟

ومحد استهزء بأحد ،، اهمه يآبوا هالحجي لنفسهم

وبالذاااات سلوى الجسآر ،، سمعتوهآ يوم تقول "هذا الشعب الحقير" ؟

والله عيب ! انتي نائبة تقولين شعب حقير ؟

وتقولون الوسمي ليش قآل كلاب ؟

انا ما ادافع عن الوسمي بكلامه لنه بعض الكلام اللي قآله ماعجبني

بس قآل "بعض من الكويتيين"

اما النآئبة الفاَضله قالت لمسلم البرآك "هذا الشعب الحقير" !!!

منو تقصد ؟!

الله أعلم !!!


قطرآت

شدرآج بالمدونه لوووول

صدمتينييي :$

 

[monmon12]

يا حبيتي الناس في الكويت

ما تعرف تناقش ولا تحاور

تعرف تصرخ وتعصب وتطنز وهذي مشكلة


الطرفين غلط وهذا الي مسبب فتنه بالكويت

طبعا حبيتي يحقلج تتكلمين وتعبرين ويحق لغيرج أيضا يعارضج ويتكلم ويعبر

أما أني أسوي مثل بعض النواب الي متبعين سياسة أمريكا اذا انته لم تكن في صفنا في الحرب ضد الارهاب يعني انته ضدنا

مو بكيفهم ولا كيف أحد يشرط على الناس يا معاي يا ضدي

الكل حر برايه

بس الناس عنده لغط ما تعرف شنو حرية الرأي والتعبير

الوقاحه مو رأي

الكلام البذيئ مو أسلوب عمري

التطنز والاسهزاء مو تعبيير

بعدين انتي مو ملاحظه انه الاختلاف صاير بشخص الانسان الآخر وليس بطريقة طرحه او تفكيره


مصيبة الناس تبي ديموقراطية بس ما تعرف شنو ايهي

وشخصيا أنا راح أتكلم من غير لف ولا دوران

انا ولا واحد من النواب يقنعني كلهم جذابين وما اصدقهم

لأنهم الحين قاعدين يدغدغون مشاعر الناس بالكلام الي يبون يسمعونه لأن لهم مواقف سابقة وحالية تثبت هذا الشي


والصراحة النواب يبيلهم دورة في فن الكلام

أسلوبهم رديئ وما يعرفون يتحجون وكله كلامهم فشاير وسب الفاظ والله عيب عليهم يقولونها


وفي نائب انا ملاحظته أسلوبه جدا وقح بالكلام واذا عراضاه واحد اشوي ويدوس بطنه

ياحبيتي الامام علي يقول من عجبته آرائه غلبته أعدائه

أسفه السفهاء المتبجح بفاحش الكلام

حتى لو كام على حق

وفي بنات الحين مو بس موضوعج في مواضيع مختلفة يخربون الموضوع عن عمد بالسب والقذف والأسلوب القذر انا اأسميه صراحة

عشان ينحذف الموضوع

فاذا شفتي وحده مثل هذي نصيحة مني ردي عليها رد واحد قوي من حكم او آيات وبس

البنات تكفه بسهم اقتبتسات من بعض هذا سبب ثاني لتسكر المواضيع

 

[monmon12]

شوفي بالنسبة لدكتور عبيد الوسمي

أنا لي في رأي اشوي مختلف مع الكل

لأنه أنا صراحة ضده ومعاه بنفس الوقت وودي أفتح موضوع أقول رأيي فيه وبصراحه بس بنات مبلتعين والدنيا عندهم ياسود يا ييز

ما يصوحش كيدا

 

[to0ota]

رد: رد : جلسة تآريخية 28-12-2010

مون مون ٢١

قطرات عدل كلامهآ !

مدآمهم معَ الديموقراطيه ليش يناشبونا وغصب نكون مثل رايهم ؟

مثل ما اهم لهم حق يعبرون عن نفسهم وارائهم احنا لنا حق بعد وما منعنآ احد يعبر عن رآيه حيآه الله

ويقدر يبطله موضووووع ويسدح رآيه ويغرد ،،

بس موضوعي امس انحذف الله اعلم شنو السبب

وَ انا ادافع عن قضيه ويحقلي ادآفع عنهآ بطريقه محترمة مدآمي ما قليت ادبي على احد ،،

وموضوعي كان فيه ارقآم النوآب فقط لاغير

ماذكرت لا فلان ولا علان ومآشيشت أحد !

وانمسح اتوقع لنه بنآت مو راضين ويمكن لنه فيه ارقآم ؟

بس اهم نوآبنآ من حقنآ صوتنآ يوصلهم ! ولا ليش يمثلونآ احنا الشعب الكويتييي بالمجلس

هم هذي ديموقرآطيه

ولا الديموقرآطيه احط ايدي على خدي واتطمش واشووف ومآلي شغل لا بالديره ولا هم يحزنون ومآلي رأيي ومايحقلي اعبر عنه ؟

واحنا نبي نسمع راي الاخرين ليش لا ؟

ومحد استهزء بأحد ،، اهمه يآبوا هالحجي لنفسهم

وبالذاااات سلوى الجسآر ،، سمعتوهآ يوم تقول "هذا الشعب الحقير" ؟

والله عيب ! انتي نائبة تقولين شعب حقير ؟

وتقولون الوسمي ليش قآل كلاب ؟

انا ما ادافع عن الوسمي بكلامه لنه بعض الكلام اللي قآله ماعجبني

بس قآل "بعض من الكويتيين"

اما النآئبة الفاَضله قالت لمسلم البرآك "هذا الشعب الحقير" !!!

منو تقصد ؟!

الله أعلم !!!


قطرآت

شدرآج بالمدونه لوووول

صدمتينييي :$

اول مره اشارك بموضوع سياسي بس هالموضوع حيل حمسني

اولا سلوى ما قالت الشعب الحقير قالت الشعب الحقيقي ومو معقوله ان نائبه تقول الشعب الحقير جدام الله وخلقه يعني اذا يينا نتكلم بالمنطق فلا تحطون بذمتكم دام ما كنتو هناك وسمعوتها باذونكم لان مثل ما انتي سمعتيها الحقير انا سمعتها حقيقي وغيري سمعها الفقير فمحد المفروض يفتي على هواه

الشغله الثانيه انا ضد العنف الي صار بالوسمي بس هم ضد كلامه مو معناته الي يكون ضد توجهه يكون كويتي كلب ومتخاذل
اذا انت تشوف الحكومه متخاذله فانا اقدر اقول ان النواب هم متخاذلين لان مو معطين الحطومه فرصه تسوي شغلها من كثر الاستجوابات خلال سنه وحده
وين تبي التنميه والنواب كل انعقاد اييون باكثر من استجواب؟

ثالثا انا مع الاستجواب اذا كانو النواب يشوفون تظلم بس المشكله بالمحور يعني المحور كان قمع الحريات الضرب الي كان من طرف وزاره الداخليه اوكي رئيس الحكومه ليش بتشيله وليش تطالب باستقاله الوزراء الثانيين؟

ثالثا كلمن يقول الاعضاء مع الحكومه مستفيدين ماديا انا عيل اقول حتى المستجوبين مستفيدين ماديا من الحكومه
سلوى البراك توسطت حق زوجها الدكتور يستلم منصب < بس ما نقدر نقول البراك توسط حق نسيبه يمسك وزاره لان البراك ضمير
النواب ارتشو < بس ما نقدر نقول رئيس الحكومه اصدر جيك للطبطبائي لان هم اهو ضمير

اسيل صاحبه مبدأ< بس ما عارضتو ان اسيل لو اهي صج صاحبه مبدأ جان قالت توجه الاستجواب غلط والمفروض يكون لوزير معين ما اعم كل الوزراء

محمد هايف حارب المرأه وطلع من جلسه القسم والحين صوره واهو رافع العقال حق اسيل تارسه الجرايد

اهي حبكه سياسيه بحته واحنا يالشعب ماندري وين الله قاطنا نسمع من هني وهناك ونحكم على كيفنا ما ندري عن الدنيا


هذا من وجهه نظري