جلسة تآريخية 28-12-2010

[جيفارار]

رد : جلسة تآريخية 28-12-2010

يااا شعب الكويت ديروا بالكم من الاعلام الفاسد واللى يمول هالقنوات لتمزيق وحده الصف الكويتى

والله يحفظ البلد من كل شر وفتنه

وبالنسبه لاستجواب الرئيس انا اشوف هو المسؤول ؟؟؟
لانه هو رئيس وزير الداخليه وكل الوزراء والمفروض يحاسبهم اول باول على اخطائهم ؟؟

واول شئ مفروض يحاسبه ويسكر قنوات الفتنه التى مازالت تمزق الشعب

 

[Stylista_Q8]

رد : جلسة تآريخية 28-12-2010

مبروك رجعت الموضوع
بس شلوون ردوه!!!؟؟؟

ماكان محذوف

كانوا يعدلون الردود المخالفه :tomato2:


جيفارارا

منو هالعميل ؟

 

[to0ota]

مبرووك عوده الموضوع عبالي انا قبست لاني اول مره ادش بموضوع نقاش
كوكي
حبيبتي انتي انا ما اتهم انا قلت مبدأ انت ما دشيت جلسه قسم المرأه لانها حرام شرعا ان المرأه تدش المجلس ولو نفترض ان كان يحييها على الموقف بس مو كان المفروض تستنكر ان ريال يلبس المره عقاال جدام الله وخلقه وحولها كله رياييل ولا هذا الفعل ما يخالف الشرع؟؟
ولو انك تنادي بتطبيق الشرع فالعلماء وشيوخ الدين بالاجماع اتفقو على عدم جواز الاستجواب ووجوب طاعه ولي الامر!! ليش العناد؟؟

انا ما خصيت محمد هايف بامثلتي ولا هاجمته بروحه وهديت الباجي بس انتي دخلتيني بالتفاصيل
انا كنت بوصل فكره معينه ان لا تقول فلان فعل وفلان عمل وفلان ترك لان الاتهام سهل

واذا انت تقول النواب مستفيدين من الحكومه صحيح بس هم انت مستفيد بتمرير المعاملات
والله والله يشهد علي ان احد النواب المستجوبين كان متوسط حق مواطن ان يكمل دراسته بالخارج واهو على اساس ان يداوم والمعاش يمشيله من الحكومه هني مو هذا غش ولعب بالمال العام؟؟

الثاني اخذ جيك والثالث واقف عشان الرياضه والرابع عشان موقف سابق من وزير

الواسطات كلمن يسويها وكلمن مستفيد من الحكومه وابسط سبب ممكن اقولج ليش محد استجوب وزير الداخليه بالوقت الحالي لان بعد جم يوم راح يصير تدوير بالوزاره والواسطات تلعب دور الحين وكلمن خايف على منصبه

 

[اخت خالتهم]

رد : جلسة تآريخية 28-12-2010

بنات الصراحة انا خايفه على الكويت
يعني اول مرة تصير بلبله من استجواب

بس عندي نقطة مادري اذا تتفقون معاي فيها

النواب استجوابهم دستوري
بس في شي طريقه الحوار
مثلا ماشاءالله اسيل العوضي حواراتها وكلماتها مميزة والفاظها حلوه

بس في نواب مقدمين الاستجواب ألفاظهم وحواراتهم صراخ خاصه براك ومسلم والصواغ
مع اني من قبيلة الصواغ
بس احس في ناس ضدهم دسبب حوارهم
خاصه لما يقولون ادوس علئ روسكم وهالحجي

يعني قبل كنت اقول انا ضدهم بس بالتفكير والمنطق تقولين استجواب دستوري
وخاصه اسيل ماشاءالله
اما الباجي والله كلامهم ومطالبهم تمام بس لو يغيرون طريقتهم بدون صراخ وألفاظ

والا شرايكم


وعسى الله يوفقهم يارب

 

[اخت خالتهم]

رد : جلسة تآريخية 28-12-2010

اللهم احفظ الكويت واهلها من كل مكروه
وسواء كنا مع الاستجواب او ضدة
كلنا نبي مصلحة الوطن

الله الوطن الامير


مو باط جبدي الا سكوب قمت اشوفها مع الاحداث لاعت جبدي وعم قمت اضحك
صج فتتتتتنه

 

[نور مغليها]

رد : جلسة تآريخية 28-12-2010

كنت اقراها من الجرايد
تسلمين ع الموضوع ... بس صج سلوى الجسآر تضحك ليما قالت لمسسلم ليش تصفق لأسيل هههههههههههههه

 

[نور مغليها]

رد : جلسة تآريخية 28-12-2010

اشياء كثير صارت من الوزراء غلط وللأسف ما حاسبهم رئيس مجلس الوزراء مثل الاعلام الفاسد .. ليش ما حاسب وزير الاعلام على القنوات مثل سكؤب وقناة السور الي كانو يسبون بالكويت من تحت لتحت ... !

وزير الداخليه .. والمشاكل الي صارت بالداخليه من احداث الصليبيخات ... ! كانوا واقفين ضـد الشعب ... !

مشكلة الاحمدي ... والغاز الي تسرب ..!؟ وين وزارة النفط عنها ؟
مشكله مشرف ... ؟ الي من ألعااااااااااااااااااام وهما على مشكلتهم وين الوزاره عنهها ..
وين رئيس الوزراء ... ليش ماحاسب الوزراء على الاهمآل الي عندهم ...
ليش مو مهتمين بالشعب ومشاكله . كل هذا وبعض النواب مو عاجبهم الاستجواب .. صج سالفهـ!

 

[قمورهـ]

رد : جلسة تآريخية 28-12-2010

بنات الصراحة انا خايفه على الكويت
يعني اول مرة تصير بلبله من استجواب

بس عندي نقطة مادري اذا تتفقون معاي فيها

النواب استجوابهم دستوري
بس في شي طريقه الحوار
مثلا ماشاءالله اسيل العوضي حواراتها وكلماتها مميزة والفاظها حلوه

بس في نواب مقدمين الاستجواب ألفاظهم وحواراتهم صراخ خاصه براك ومسلم والصواغ
مع اني من قبيلة الصواغ
بس احس في ناس ضدهم دسبب حوارهم
خاصه لما يقولون ادوس علئ روسكم وهالحجي

يعني قبل كنت اقول انا ضدهم بس بالتفكير والمنطق تقولين استجواب دستوري
وخاصه اسيل ماشاءالله
اما الباجي والله كلامهم ومطالبهم تمام بس لو يغيرون طريقتهم بدون صراخ وألفاظ

والا شرايكم


وعسى الله يوفقهم يارب

طبعا اسيل تتكلم باسلوب راقي وهذي عادتها لكن بهالموقف اهيا ماانطقت

اما الصواغ انطق وتبهذل جدام الناس وعايلته

مسلم البراك شاف محمد سندان الصحفي واهو ينطق طق وحشي

تستكثرين عليهم يعلى صوته

اهوا قالها بوحمود الصراخ على قدر الالم

لو انتي مكانهم وكليتي الطق بالمطاعه اللي لو اطقين فيها حديد تكسر جان ماصار هذا رايج

 

[قمورهـ]

رد : رد: جلسة تآريخية 28-12-2010

مبرووك عوده الموضوع عبالي انا قبست لاني اول مره ادش بموضوع نقاش
كوكي
حبيبتي انتي انا ما اتهم انا قلت مبدأ انت ما دشيت جلسه قسم المرأه لانها حرام شرعا ان المرأه تدش المجلس ولو نفترض ان كان يحييها على الموقف بس مو كان المفروض تستنكر ان ريال يلبس المره عقاال جدام الله وخلقه وحولها كله رياييل ولا هذا الفعل ما يخالف الشرع؟؟
ولو انك تنادي بتطبيق الشرع فالعلماء وشيوخ الدين بالاجماع اتفقو على عدم جواز الاستجواب ووجوب طاعه ولي الامر!! ليش العناد؟؟

انا ما خصيت محمد هايف بامثلتي ولا هاجمته بروحه وهديت الباجي بس انتي دخلتيني بالتفاصيل
انا كنت بوصل فكره معينه ان لا تقول فلان فعل وفلان عمل وفلان ترك لان الاتهام سهل

واذا انت تقول النواب مستفيدين من الحكومه صحيح بس هم انت مستفيد بتمرير المعاملات
والله والله يشهد علي ان احد النواب المستجوبين كان متوسط حق مواطن ان يكمل دراسته بالخارج واهو على اساس ان يداوم والمعاش يمشيله من الحكومه هني مو هذا غش ولعب بالمال العام؟؟

الثاني اخذ جيك والثالث واقف عشان الرياضه والرابع عشان موقف سابق من وزير

الواسطات كلمن يسويها وكلمن مستفيد من الحكومه وابسط سبب ممكن اقولج ليش محد استجوب وزير الداخليه بالوقت الحالي لان بعد جم يوم راح يصير تدوير بالوزاره والواسطات تلعب دور الحين وكلمن خايف على منصبه

اول شي اللي صار بالصورة صار بقاعة المؤتمرات الصحفيه يعني كل النواب متواجدين فيها او عالاقل اللي راح يصرحون للصحافه

ثانيا اللي حاول يلبس اسيل عباس الشعبي واهوا شيعي على فكره وكل التقدير له

ثانيا اسيل مارضت تلبس العقال وانحرجت حيل

ثالثا

السالفه هذي كلها تعتبر عاديه جدا ومافيها اي خطأ ولا احد يتحمل خطأ

اسيل دخلت القاعه ولما شافها عباس الشعبي حاول يلبسها العقال حدث عفوي

ومحمد هايف مو عضو هيئة المعروف والنهي عشان يقول ستوب عيب!!

واكرر موقف عادي وعباس عبر عن تقديره بطريقته تشوفينها صح تشوفينها غلط هذا موضوع ثاني

بس الموحلو اقحام محمد هايف بهالشكل بموضوع لاناقه له به ولاجمل

النواب موملائكه لهم اخطاء لكن خطأ نائب عن نائب يفرق صح؟

مو اتيبين لي واحد ياخذ قروض بدون فوائد والا اللي عينت ريلها غير الهبات الماليه والبلوكات السكنيه

حدث العاقل بما يعقل

لكن اليوم اللي الحدث عن كرامة الشعب

قد نختلف مع النواب لكن بهالقضيه احنا مع المبدأ والمبدأ انه لايجوز اهدار كرامة اي شخص وضربه بالشارع وتعمد تصويره لاهانته!

ولن نغفر لاي نائب جعل كرامة المواطن ورقة مساواه .

 

[قطــرات مطــر]

رد : رد: رد : جلسة تآريخية 28-12-2010

اخيرا رد الموضوع

تحية لصاحبة الموضوع :eh_s(7):

اي فاهمتج عمري

يا عمري ناصر المحمد من مسك في 2006 وعقب ثلاث أشهر من توليه منصبه قالو يبون استجواب؟؟

اشلون يستجوبون واحد توه ماسك المنصب؟

اذا غلط موظف او وكيل وزيرة ما يستجوبون الوزير على طول طيارة على ماصر المحمد

8 استجوابات حبوبة موجهه له خلال 4 سنوات؟؟

يعني كل هذا ومو موجهه لشخصه بالذات

هذي شغله الحين اذا كان هذا الاستجواب تاريخي مثل ما يقولون وين محاور كشف الفساد فيه

ايهم مركزين على قضية رفع الحصانة مع أحداث الندوة ؟؟

للأسف محاور الاستجوابات كلها ضعيفة

معنه الحق ينقال ان الموضوع قوي بس ايهم النواب ضيعوه لأنه مدخلين فيه مصالح شخصية


أنا كان ودي تكون الجلسة علنية بس الصراحة النواب من الطرفين أسلوبهم فضيع وراح يصير قلة أدب وهذا مهما يكون

رئيس مجلس الوزراء يعني واجهة الدولة يتهزأ على التلفزيون ؟؟ مو جنها قويه؟؟

الاستجواب للأسف النواب مو عارفين قيمته وضيعو هيبته وسوو عصاية يشوحون فيها كل ما عصبو قالو استجواب

كل ما صار شي استجواب

ووينهم عن اللجان والجلسات؟؟


دكتور الوسمي مممم أرد عليج بعدين بموضوعه

حبيبتي ساليني عن هالاستجواب هذا بس

والشيخ ناصر المحمد اكو امور اهو ماله ذنب قيها بس حطوه بوجه المدفع بعض النواب!

اهي سالفة سياسة الي ماشي عليها مو سالفة شخصه واذا بعض النواب ينتقدون شخصه فاسمحولي هذا مو كفو !

حتى لو صارت بينهم شغلات الشعب وصلك للكرسي تطالب مو تصفي حساباتك !

الاستجواب حق دستوري لكل نائب!

المشكله نواب عدم التعاون صرتي ماتفرقين منو الصح والي غلط

نواب متعصبين الله يهداهم بس الوزراء بعد ماقصرو يعني من الصوبين صارت

حنا تهمنا مصلحة الكويت والشعب

بس بعض النواب اخرو شغلات وايد واهمها مسالة المعاقين !

كنا نبيها علنيه ويحطونها ارضيه يعني للشعب الكويتي وبس والشعب صار واعي ويعرف الصح من الغلط

اذا في فئة متحيزة لمذهب او قبيله مو معناتها نعمم على الكل!

والكويت عودتنا على الديموقراطيه بس للاسف بعض الناس موكفو !

تصدقين الي وصلنا للمواصيل هذي الاعلام الفاسد بس حنا مو حاسين !

وانطر منج تعليق عن الوسمي !!

حبيبتي ياليت كل البنات نفسج ولايهونون بعضهم بس احترمج حيل

يمكن اختلفنا بشغلات بس انتي راقيه بتعاملج الله يكثر من امثالج

اتمنى وجهة نظري وصلت!

 

[قمورهـ]

رد : جلسة تآريخية 28-12-2010

​

 

[نبض القلوب]

رد : جلسة تآريخية 28-12-2010

اخيراً رجع الموضوع

بنآت الله يخليكم مآنبي ردود تجرح فيهآ الاخرين

سوآء كانوا عن اعضآء مجلس امه ولا عضوآت معآنا بالمنتدى الاختلاف لآ يفسد في الود قضيه :aha:






وبنآت الي مورآضين ويسمون بعض من النوآب نوآب تأزيم ..

حبيبتي منو منتخب هالنوآب ؟

إحنآ

واحنا نبيهم يستجوبون فَليش معترضين ؟

مو هذآ من حقنآ ! مو اهم يمثلونآ ؟ احنآ نبيهم يستجوبون فخلوهم يعبرون عنآ

وانتوآ ماتبون يستجوبووون في نوآب يعبرون عن رآيكم لا :q8:

فَ ليش الاعترآض

هذي اهيه الديموقراطيه .، كل واحد فينآ له رأي

بس لازم نحترم وجهة نظر الاشخآص الثآنيين .، يمكن ما اقتنع فيهآ

بس لاازم احترمهآ .. يعني مو بكيفي اجبركم على رآيي ولا انتو تقدرون تجبروني على رآيكم صح

هذي نقطه
..

والنقطه الثآنيه
في بنآت يقولون النوآب اللي معَ التعآون "مرتشييين وغيره" بنآت لاتحطون بذمتكم

الله فوقهم هالنوآب يحآسبهم والله أعلم شنو نيآتهم مانقدر نقول ليش ومآليش .،

وللآمآنه احس بعض من هالنوآب وآقفين معَ الحكومه لاسبآب شخصآنية بحته الله يهدآهم

وبين هالشي في كذآ لقآء لهم .. يعني مو حب زااااايد في سمو الرئيس ومآبقول اسآمي منع للتجريح وغيره !

...

والنقطه الثآلثه:
البنآت اللي يشككون في حبنآ لآل صبآح

وحبنآ لوطنآ ..، ليش حبيبتي شقلنآ احنا ؟

بشنو طآلبنآ غير عن حقنآ ؟؟؟

وسمو الامير باااخر لقآء قآل وصرح انه النوآب لهم الحق في استجوآاااب منو يبوون تحت قبة عبدالله السآلم

فَ سوري بس منو انتوا تعترضوون دآم سمو الامير منحهم هالشي ؟!!!!!!

يعني لو سمو الامير شآف الاستجوآب غير دستوري جآن منعهم صح !

بس ارجع واقول هذي ديموقراطيه فديتكم.،

وَ بنآت الي عآجبتكم الحكومه

شفتوآ آخر جلسه ؟

جم وزير حضر ؟ وجم عضو من اعضاء معَ التعاون احضروآ ؟

وبعد نرجع لي شهر 11 جلسه حصانه النائب فيصل المسلم

جم وزير حضر ؟ وَ جم نائب من نوآب عدم التعآون احضروا ؟

وبعدين تقولون النوآب اهم اساس المشكله ؟

انا ما اقووول النوآب مو غلطآنيين

لااا .. في بعضهم اسلوبهم بالحوآر غلط ! ما انكر

بس الغلط على الاثنين

وبهالاستجوآب انا معَ النوآب بغض النظر عن توجهآتهم .،

قرقت وايد صح :tongue22:

وكل عآم وانتوا بخير :q8:

لا فض الله فوك حبيبتي


كل عام وانتي بصحه وعافيه

 

[شعطآنيه]

رد : جلسة تآريخية 28-12-2010

http://www.youtube.com/watch?v=Lz11M0gjMM8&feature=related
شوفوا هالطفل والله انه أفهم من بعض النواب وحتى بعض العضوات اللي هني ... للأسف

 

[نبض القلوب]

رد : جلسة تآريخية 28-12-2010

http://www.youtube.com/watch?v=lz11m0gjmm8&feature=related
شوفوا هالطفل والله انه أفهم من بعض النواب وحتى بعض العضوات اللي هني ... للأسف

ما شاء الله


الله يحفظه ويخليه لأهله


العقل نعمه ولله الحمد

 

[اخت خالتهم]

رد : جلسة تآريخية 28-12-2010

طبعا اسيل تتكلم باسلوب راقي وهذي عادتها لكن بهالموقف اهيا ماانطقت

اما الصواغ انطق وتبهذل جدام الناس وعايلته

مسلم البراك شاف محمد سندان الصحفي واهو ينطق طق وحشي

تستكثرين عليهم يعلى صوته

اهوا قالها بوحمود الصراخ على قدر الالم

لو انتي مكانهم وكليتي الطق بالمطاعه اللي لو اطقين فيها حديد تكسر جان ماصار هذا رايج

هلا حبيبتي انا ما قـلت شي شوفي ردودي قلـت اني ما ألومهم
بس فرق بين اللي يمثـل نفسه
واللي يمثـل ناس وشريحه من المجتمع
يعني اللحيـن احنـا معاهم لكن في ألفاظ وطريقة .. ما تعجبنـا
احنا ما نقـول ان ما نحبهم او ضدهم بنـات نتكلم بالمنطق
احنا معاهم بس مو عيب لو انتقد شي بسيط

نائب برلماني لازم يمثلنا بشكل حلو ولبق
يعني خلوا عوير وزوير يطنز عليهم ويستخدم هالالفاظ ضدهم
اللي انا شخصيا قعدت افكر منو الصح ومنو الغلط ؟؟

بس لما شفتها بطريقة بعييييده عن الاعلام والراي الاعلامي وبغض النظر عن الكلام اللي قالوه
شفت ان النواب صح

بس قصدي واجهتهم الاعلاميه صار فيها كلام وحجي يستخدم ضدهم
وهالشي يضلل المواطن
حتى لو كل شي صار جدامه

بيفكر بيقول يمكن مسوين ويمكن حاطين

وصلت الفكره

و قواكم الله

حواركم هادف وفتح عيونا على اشياء كنا غافلين عنها

 

[q8y-moon]

الله يحفظ الكويت واهلها

 

[::كيك وعسل::]

رد : جلسة تآريخية 28-12-2010


احبكم ياكويتيات:q8::q8::q8:

 

[اخت خالتهم]

رد : جلسة تآريخية 28-12-2010

حبتـج العـافيـه يـارب والقلـوب الصـاآآفيــه

 

[monmon12]

مبروك ردة الموضوع

حبتي صاحبة الموضوع لي رده لموضوعج لأني بعلق على تعليقج ويا أختي قطرات المطر

وان شاء الله راح أعطيج رايي للدكتور وسمي

 

[اخت خالتهم]

رد : جلسة تآريخية 28-12-2010

مونمون في انتظار رايج
احب ردودج