رد: رد : رد: رد : جلسة تآريخية 28-12-2010
اخيرا رد الموضوع
تحية لصاحبة الموضوع :eh_s(7):
حبيبتي ساليني عن هالاستجواب هذا بس
والشيخ ناصر المحمد اكو امور اهو ماله ذنب قيها بس حطوه بوجه المدفع بعض النواب!
اهي سالفة سياسة الي ماشي عليها مو سالفة شخصه واذا بعض النواب ينتقدون شخصه فاسمحولي هذا مو كفو !
حتى لو صارت بينهم شغلات الشعب وصلك للكرسي تطالب مو تصفي حساباتك !
الاستجواب حق دستوري لكل نائب!
المشكله نواب عدم التعاون صرتي ماتفرقين منو الصح والي غلط
نواب متعصبين الله يهداهم بس الوزراء بعد ماقصرو يعني من الصوبين صارت
حنا تهمنا مصلحة الكويت والشعب
بس بعض النواب اخرو شغلات وايد واهمها مسالة المعاقين !
كنا نبيها علنيه ويحطونها ارضيه يعني للشعب الكويتي وبس والشعب صار واعي ويعرف الصح من الغلط
اذا في فئة متحيزة لمذهب او قبيله مو معناتها نعمم على الكل!
والكويت عودتنا على الديموقراطيه بس للاسف بعض الناس موكفو !
تصدقين الي وصلنا للمواصيل هذي الاعلام الفاسد بس حنا مو حاسين !
وانطر منج تعليق عن الوسمي !!
حبيبتي ياليت كل البنات نفسج ولايهونون بعضهم بس احترمج حيل
يمكن اختلفنا بشغلات بس انتي راقيه بتعاملج الله يكثر من امثالج
اتمنى وجهة نظري وصلت!
وصلت عمري وجهت نظرج وأِشكرلج أدبج وذوقج في الحوار
أول شي عمري
الي وصلنا لهذه المرحلة المتأزمة مو بس النواب والحكومة احنا نفسنا لنا دور ودور كبير لأنه احنا الي صوتنا للنواب وخليناهم يمثلونا
وهم احنا لنا دور في فساد الحكومه لأنه هؤلاء الوزراء مو كويتيتن ؟؟ مو الناس تستانس اذا صار فلان وعلان ووزير او صاحب كرسي كبير في الدولة ويبيدي يوزع فلوس ومناصب الوزارة على كيفه ؟؟
مافي شي اسمه اعلام فاسد في شي اسمه اعلام متحيز يذكر وجهة نظر وحده ومتعصب لها
فلذلك ماكو لا حق ولا باطل وياه طبعا هذه المشكلة مصيبة لأنه حقائق اما تزيف او تختفي ويصير لعب
وهذا الشيء لو بنشوفه مو بس الحين من قدم البشر مثلا الأحداث التاريخية مثلا حادثة معين لها أكثر من 20 راوي كل واحد يحكي تفاصيل معينة من وجهة نظره ويزيد عليها بهاراته الخاصة فتصير قصته فتختفي الحقيقة او تضيع او تتشوه
وهذا الي الحين صاير
الدكتور عبيد الوسمي حسب ما قريت عنه انسان أكاديمي مثقف حصل على شهادته من الكويت وأمريكا
كان طرحه للأسف منحاز جدا واستخدم الفاظ سيئة بغض النظر منو كان يقصد وهذا بحد ذاته يخلي الناس تنفر منه
فدكتورنا العزيز هل يقدر يستخدم نفس الأسلوب بانتقاد اليهود في أمريكا مع من ناقش اطروحته وياهم؟؟
الي يحز بالنفس والخاطر انه حط نفسه موضع تهمه وشبه باستخدامه هذا النوع من الألفاظ وجدام أي قناة؟؟
جدام قناة الجزيرة الي ايهي تدور مواضيع الفتن والتفرقه وتنبش بينها
هذا القناة جدا متحيزة لدجة نقدر نسميها extremest
بالنسبة لضرب الدكتور أنا فعلا عور قلبي وكسر خاطري واي واحد يرضى انه انسان جذي ينطق هذا اصلا خالي من الانسانية
بس أكرر وأعيد هذولا طبيعة عمل القوات الخاصة انهم يطقون الحشود عشان لا تصير هيصة فالعتب أيضا على الناس الي يالها تنبيهات أكثر من مره وخرو وما وخرو
ولا فوق كل هذا سووها مواجهة ؟؟؟
والشي الثاني
شنو كان يفكر ايهو والنواب لما كانو يعاندون القوات الخاصة ؟؟ هذولا ضباط أمن ومكافحة شغب وليس قوات يهوديه يايه تهد البت على أصحابه
أنا على اختلاف كبير مع كثير من الهيئات الحكومية وطريقة تطبيقها للقانون خاصة فيما يخص التعليم والصحة وأهم شي مجال دراستي البيئة على خلاف شديد بطريقة تنفيذ القوانين والتسيب البوق الي صاير في الديره
وانا قاعده أشتغل على هذا الموضوع بس بالعقل والأدب والقانون
أنا أبي أصلح الوضع البيئي فما يهمني أحد يعرفني أو لأ
الي يسونه النواب واااضح من أجل الأصوات شوفوي الناس اشلون تهدد أي واحد وقف ضد الاستجواب أشكره يقولون مراح نعطيك أصوات؟؟
اذا المشكله عمري أيضا فينا احنا الناخبين
في ناس انتو الحين قاعدين تذمون فيهم منو وصلهم للمجلس ؟؟
كلي يرشحون نفسهم كلهم من غير استثناء يبون ميزة عضو المجلس وليس مصلحة الكويت
وهني ايي أعلق على نفقطتج حبيتي في انج تقولين لا تناقشنيي الا في هذا الاستجواب وهذا الغلط ليش؟
اشلون أحكم على شخص من موقف واحد؟؟
خاصة هؤلاء الناس الي في مجال السياسة كل يوم ونص لهم راي حبوبة مثل فلان انه مع الاستجواب والحين يقول لأ أنا تبين لي خطأ المستجوبين
لازم اشوف الماضي والحاضر عشان أربط الأحداث وأحكم
فقط العليمي في السياسة يحكم على الوضع السياسي من الحاضر
حبيتي أبيج تجاوبيني شنو محاور هذا الاستحواب؟؟
