يومياتي مع شركة هيلث كومباني

[[كـالا]]

عليج الف عافية عنيد

الاكل شكله حلو

بس سؤال انتي خذيتي موعد ورحتيلهم .. ولا رحتي ودخلتي عليهم على طول؟

ودي اروح بس ابي ابدي بأسرع وقت ممكن

 

[المتميزة دائما]

رد : يومياتي مع شركة هيلث كومباني

السلام عليكم

مبرررررروووووووك عنيد ان شاء الله ينزل وزنج اكثر ... موفقة

 

[qa6wa_q8]

انا مشتركه معاهم صارلي اسبوعين والاكل الله يديم النعمه الدياي زفر واللحم له ريحه مشتركه اشتراك رويال وماشفت اكله تفتح النفس

انا مااكل لا عيش ولا لحم وموصيتهم ما ايبولي لحم وقايلتلهم فيني حساسيه من الموز يايبيلي اليوم موز فعشان جذي بمرهم اليوم بمسح فيهم الارض

 

[عنيّد]

عنيد .. ماكو شي بعيد .. هالله هالله بالالتزام التام بالكارتووون --> على قولة البحرينيين .
و الرياضه لو شوووووية .
و ان شاء الله بتنزلين هالسته .. او اكثر .
تو الناس باجي لج 21 يووووم

بالتوفيق دوووومااااا

اييييه اكيد ماكو شي بعيد والله حيييل كرييييم
يااالله ياااربي الله يسمع منج جد جد مشتاقه لهالسته بشهر ! بشوف نفسي عليكم ترى لحد يكلمني ها :eh_s(3):
يسلمو زيون ع التشجيع وبالتوفيق يو تو ^ـ^

مبرووك الكيلو

ومنها للاعلى

شدي حيلج ويعطيج العافيه

السلام عليكم

مبرررررروووووووك عنيد ان شاء الله ينزل وزنج اكثر ... موفقة

يبارك بعمركم وعقباااالكم يااااااااااارب :33_1185028183:

عليج الف عافية عنيد

الاكل شكله حلو

بس سؤال انتي خذيتي موعد ورحتيلهم .. ولا رحتي ودخلتي عليهم على طول؟

ودي اروح بس ابي ابدي بأسرع وقت ممكن

الف الله يعافيج oster_av1:
جواب ،،، انا اتصلت وعطوني موعد ورحت لهم ، يعني مادرعمت

انا مشتركه معاهم صارلي اسبوعين والاكل الله يديم النعمه الدياي زفر واللحم له ريحه مشتركه اشتراك رويال وماشفت اكله تفتح النفس

انا مااكل لا عيش ولا لحم وموصيتهم ما ايبولي لحم وقايلتلهم فيني حساسيه من الموز يايبيلي اليوم موز فعشان جذي بمرهم اليوم بمسح فيهم الارض

اوف !
حبوبه انا انصحج انج تشتكين عليهم بحماية المستهلك او وزارة الصحه مادري ايهو المفروض
لان الظاهر انهم مستقصدينج
مامر علي احد قال "ماشفت اكله تفتح النفس"
وانا اشتركت بهالشركه بالذات بعد ماشفت رفيجة عمري اكثر من مره اشتركت معاهم وانا اثق برايها حيييل لانها راعية طبخ فاكيد لو مار عليها شي زفر ولا ريحه جان قالتلي
هذا غير راي البنات بالمنتدى والي صارلهم فترة أشهر معاهم يجددون مو بس اسبوعين !
اي انا اشجعج روحي ومسحي فيهم الارض وشوفي شنو مشكلتهم معاج انتي بالذات لان احنا ماصار معانا هالشي ، وياريت تقوليلنا شيصير معاج
بالتوفيق :eh_s(17):

 

[qa6wa_q8]

من شوي راده نازله كيلوين كلمتهاا ع الاكل قالتلي ليش مادقيتي من شفتي هلشي قامت وغيرتلي بللسته وقالت الخطا من البنت الرسبشن مفروض تتصل وتاخذ منج المينيو وقالت عن الموز واللحم عشان ماكو اوردر مينيو بكيفهم طرشوو


*

 

[عنيّد]

من شوي راده نازله كيلوين كلمتهاا ع الاكل قالتلي ليش مادقيتي من شفتي هلشي قامت وغيرتلي بللسته وقالت الخطا من البنت الرسبشن مفروض تتصل وتاخذ منج المينيو وقالت عن الموز واللحم عشان ماكو اوردر مينيو بكيفهم طرشوو


*

سمحيلي اقولج انتي تشيلين نص الغلط
مع كل ورقة منيو محطوط رقم موبايل الاخصائية ، بكل بساطه من اول غلط تشوفينه او شي مايعجبج او اي ملاحظه لازم تتصلين عليها وتقوليلها
انا هذا الي صار معاي ، مع اني وانا اختار المنيو معاها قلت لها عن الاشياء الي ماحبها ، بس من كثر هالاشياء نسيت الزيتون ولما شفته بالصمونه دقيت عليها وقلتلها اني ما احبه ، ومن بعدها ماشفته

يالله موفقه انشالله ومبروك ع النزول الحلو :eh_s(8):

 

[ZajiL]

زجول ،، يبــارك بعمرررررج واااالله يسمع منج ياااااارب
متخيله ٦ كيلوات بشهر !!! زمااااااان عن هالرررقم وااااالله ^ــ^

موبعيده على الله
اهم شي بس شدي حيلج شوي بالمشي مااقولد رياضه على الاقل مشي
وربي يوفقج حرام هالمبلغ وبس تعتمدين على الاكل وهذي فرصتج
:rerrerek::rerrerek:

كلش كلش :gr4uu:

مالج الا جذي هههه

:dfgl:

 

[عنيّد]

بسم الله الرحمن الرحيم


اليوم #9 يوم الأربعاء 19-1-2011




الريوق
3 خبزات صغار فيهم شريحة جبنة حلوم "حطيت فيهم خس" Halloumi Cheese & Tomato Kellage + خيار وطماط وزيتون "بس ماحبه فلاغيته"+ عصير برتقال

رايي: مقبوله ، لاني مو من ربع الحلّوم ، بس كانت الكميه واااايد يعني بالغصصصصب خلصت الثلاث خبزات "اي شاللي حادج يه ! صج نفس دنيّه :23_asmilies-com:"



سناك #1
3 تمرات

رايي: قلت من قبل أنا أقــدّس التمر :eh_s(15):



الغدا
سكالوب سمج مع بطاط وصلصه Fish Escalop Breaded, Tarta Sauce With Oven Roasted Potato + سلطة "لاغيه الشمندر" Beetroot & Corn Salad

رايي: عجبـــــــــني حبيــــــته


سناك #2
كب كيك فانيليا

رايي: حليوه خفيفه ^ـ^


العشا
صمونة دوّار الجوازات خخخخ مثل الدونات داخلها جبن وخيار Bagel & Vream Cheese + سلطة ذره وخيار

رايي: عجبتــــــني ترفــه هالــ كعكه < هذي ترجمة bagel مالي شغل :bbbiu:


.
.


اشرايكم فيني بس وانا انزل التقرير امبجر << دليل اني اسمع الكلام وقمت اتعشى بكير خخخ
.
.

دعواتكم
:bye22:

​

 

[عنيّد]

موبعيده على الله
اهم شي بس شدي حيلج شوي بالمشي مااقولد رياضه على الاقل مشي
وربي يوفقج حرام هالمبلغ وبس تعتمدين على الاكل وهذي فرصتج
:rerrerek::rerrerek:

كلش كلش :gr4uu:

مالج الا جذي هههه

:dfgl:

اهم شي رياضة الغسيل لوووووووووول
ووووووالنعم بالله اكيد مو بعيده عليه
ودام اني ملتزمه ١٠٠٪ وبلشت رياضه بفضل الله من يومين فانشالله تكون يزاتي الست كيلوات

 

[زيـنـه]

رد : يومياتي مع شركة هيلث كومباني

عنيد .. بالعافيه .. عاد صمونة دوار الجوازات .. البيغل مشهوره حيل حق الاجانب بامريكا و اوروبا ..يقصونها بالنص افقيا .. و يمسحون عليها بجبنة ..او زبده ومربى .. و ساعات يحمشونها مثل التوست قبل لا يدهنونها .. اتمنى عرفتج اكثر على صمونه دوار الجوازات
بس نرجع و نقول عوافي عوافي

 

[عنيّد]

رد: رد : يومياتي مع شركة هيلث كومباني

عنيد .. بالعافيه .. عاد صمونة دوار الجوازات .. البيغل مشهوره حيل حق الاجانب بامريكا و اوروبا ..يقصونها بالنص افقيا .. و يمسحون عليها بجبنة ..او زبده ومربى .. و ساعات يحمشونها مثل التوست قبل لا يدهنونها .. اتمنى عرفتج اكثر على صمونه دوار الجوازات
بس نرجع و نقول عوافي عوافي

يعافيج ربي
ماذكر اني شفتها بالكويت من قبل !!
عموما عن الحلال والحرام انا مو من ربع الكافيهات وشكلها هذي ماتنرز الا فيهم :082502bye_prv:
اشكرج على التعريف وتشرفنا

 

[رسَــيــل]

رد : يومياتي مع شركة هيلث كومباني

موفقه عنيد .. ومبروك النزول الحلو

 

[عنيّد]

بسم الله الرحمن الرحيم


اليوم #10 يوم الخميس 20-1-2011




الريوق
بيض اومليت بالجبن Feta Cheese Omelette & Mashmoum + توسته سمره انماااا ايييه ملعب كره خخخخ + عصير برتقال

رايي: حليو لولا الجبن :eh_s(14): اكره ما اكره البيض بالجبن اصلا شكو ماله علاقه ، طلعت الجبن واكلت البيض بروحه :eh_s(20):



سناك #1
سلطة فواكه Mango & Red Fruit Soup

رايي: حلوه ويااااازين قطع المنجا زيناااه



الغدا
كبسة دياي + فتوش

رايي: لذيــــــــذه ، انا عبالي مجبوس كويتي طلع لا كبسه محومره انصدمت بس الطعم والله عجبنيييي :icon30:


سناك #2
كرة ككاو داخلها ككاو سايح Chocolate Ball Stuffed

رايي: عذاااااااب دوووووخه اااخ على لذتهاااا ا ، شكلها ماكان يشجع دخلتها المايكرويف 10 ثواني وطلعتها وساح قلبي لما شفت الككاو السايح داخلها ، حرام عليهم حاطين بس وحده شنو مذله ! :eh_s(11):


العشا
بيتزا مارجريتا + سلطة خس Iceberg Lettuce

رايي: أحب البيتزاااا


.
.


اليوم يزاهم الله خير الجماعه ناسين سلطة العشا ، عاد انا من قريت المنيو آيس بيرق قلت اوه سلطه ماركه خخخخخ ، عاد دقيت على الاخصائية قالتلي هو خس عادي تقدرين تدبرينه من البيت؟ قلت لها اوكي << قنوعه انا ياربي حدي مسالمه "مو لله بس لانها سلطه وانا السلطه عندي نفس الدوا " عاد قالتلي اعوضها لج يوم ثاني ، انا بس لما اروح اشوفها بقولها هل كيف شايفتني عبيطه لا لا قولي قسمن بتعوضيني ! شنو بتعوضينها يوم ثاني شسوي انا من يعوضني وجبتي الناقصه بهاليوم هــه اي والله :eh_s(20): << لاتصدقون ترى مالي خلق دندره
اشرايكم بس اصدمها واقولها مابي تعوضيني ردولي سعرها لوووووووووووووول

.
.

دعواتكم
:bye22:

​

 

[<miss botamba>]

ان شاء الله تضعفين كل كيلو تبينه يروح

بس انا كلش مو من ربع الوجبات للتضعف

جربت كل الشركات بس ولا وحده قدرت تضعفني اوكي اكلي يصير صحي بس نزول ما اشوف للاسف !!

 

[عنيّد]

ان شاء الله تضعفين كل كيلو تبينه يروح

بس انا كلش مو من ربع الوجبات للتضعف

جربت كل الشركات بس ولا وحده قدرت تضعفني اوكي اكلي يصير صحي بس نزول ما اشوف للاسف !!

حتى انا مو من ربع الوجبات ، ماتشوفيني اول مادخلت للاخصائيه قلت لها ترى انا اكثر وحده تعارض شركات الوجبات لووول
بس مثل ماقلت انا ببالي هدف معين وباذن الله احققه وهو لشهر واحد فقـــط
هممم ماقدر احكم على هالشركات لاني ماجربت غير هيلث كومباني ولا بجرب انشالله

يسلمو وانشالله توصلين للي تبينه بصحه وعافيه

 

[<miss botamba>]

^^

لا انا جرب هيلث واتشرز الي اعتقد اهيا الحين الهيلث كومباني

وجربت دايت كير

وجربت لينا ودينا


وكلهم قطيت عليهم مبلغ وقدره لو مسويه عمليه ابرك


والحين ماشيه برجيم وان شاء الله انزل نزول قوي

لان هم بعد مابقى دكتور ما رحت له

وهالدكتور شفت نتايج على منه مهوله فان شاء الله انا انهول منه

 

[عنيّد]

^^

لا انا جرب هيلث واتشرز الي اعتقد اهيا الحين الهيلث كومباني

وجربت دايت كير

وجربت لينا ودينا


وكلهم قطيت عليهم مبلغ وقدره لو مسويه عمليه ابرك


والحين ماشيه برجيم وان شاء الله انزل نزول قوي

لان هم بعد مابقى دكتور ما رحت له

وهالدكتور شفت نتايج على منه مهوله فان شاء الله انا انهول منه

اي هيلث كومباني كان اسمها هيلث واتشرز بس تغير من زمااان

على كل هالشركات والدكاتره الي رحتيلهم وماضعفتي ، سمحيلي اقولج المشكله فيج مو فيهم !!!!
موفقه ^ـ^

 

[sheraZia_Q8]

عوافي عنييييد
عنيد بليز ساليلي شنو عندهم عروض غير الرويال بشترك وياهم
وشنو احسن اخصائيه في المنطقه الحره ؟

 

[عنيّد]

عوافي عنييييد
عنيد بليز ساليلي شنو عندهم عروض غير الرويال بشترك وياهم
وشنو احسن اخصائيه في المنطقه الحره ؟

يعافيج
عندهم الرويال 222 وعندهم العادي 200
وانا كاتبه الفرق بينهم باول الموضوع ، ومادري اذا اكو غيرهم او لا
دقي استفسري بالتلفون احسن واسرع ، وللعلم اكو خصومات بشهر 2 انشالله :ggdw:
بالنسبه للمنطقه الحره ماعندي فكره والله بس روحي الموضوع الي حطيته بالبدايه الي عن شركات الوجبات وسالي البنات هناك مايقصرون معاج ابد لانه اكو منهم يراجعون بالمنطقه الحره :q8:

 

[عنيّد]

بسم الله الرحمن الرحيم


اليوم #11 يوم الجمعه 21-1-2011




الريوق
صاج لبنه + خيار + عصير برتقال

رايي: حلــــوه



سناك #1
سلطة فواكه Exotic Fruit Salad

رايي: حلــوه



الغدا
بعد ماخلصت الغدا والا اشوف يم الصحن كامرتي جان اخترع استوعبت اني ماصورت ! لووووول حديييييي انقهررررررت بس مابقى شي علي بالعافيه عاد من القهر صورت الصحن خالي :tomato2:
معـــدّس من المركزي خخخخ+ سلطة

لووول ماعليه تخيلوه معاي ، لونه نفس لون عيش امس ، وفيه عدس صغااار مخلوط معاه وعالزاويه شوية بصل محموس + دقوس :tongue22:
رايي: لذيــــــــذ حيث اني من ربع البقوليات


سناك #2
نفيـــــش

رايي: وهـــل يُخفـى النفيش ؟ يبيله بس سينما


العشا
تكا دياي + بطاط + سلطة ذره وخيار

رايي: حليـو


.
.


بعد مرور هالايام اقدر اجزم انهم فاشلين بالسلطات ، ماشي انا ما احب الطماط ولا البصل ولا الزيتون ، لكني احب كل انواع الخضروات الورقيه ، مو معقوله ماعندهم غير الخس والخيار وهالورقتين النعناع !!! وبالغلط الريحان !
قلت هالشي للدكتوره بالمراجعه الي طافت ان السلطات اغلبها خيار وخس !!!! قالتلي انتي ماتاكلين قلت لها انا ما اكل الطماط صح ولكني قلتلج آكل كل الورقيات الخضره واحبها بس ماشفت منها شي لليوم
وعندي ملاحظه ثانيه هذي انشالله بقولها لهم عشان افيدهم واوفر عليهم الخضره كل ماكانت خضره اكثر كل ماكانت احسن ولكن خسهم الله بالخير فااااتح عاد بقولهم اشتروا الخس الكويتي اخضر اكثر من الامريكي وارخص لكم :dddds:
كل شي حاليا OK الا السلطات صج صج NO OK ماعلى سلطة البيت والله امي مومخليه نوع خضره ماتييبه وتدعس بحلوجنا لدرجة الواحد مايدري شقاعد ياكل :krkrkr:
.
.

دعواتكم
:bye22:

​