إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

  • بادئ الموضوع بدر البدور
  • تاريخ البدء
الحالة
مغلق و غير مفتوح للمزيد من الردود.

Stylist

New member
إنضم
31 يوليو 2007
المشاركات
6,387
مستوى التفاعل
0
النقاط
0
قريت قصصكم وقاعده ادعي لكل وحده فيكم:eh_s(17):
بس بنات بغيت اوضح لكم شغله ترى من قال ان نظرة المجتمع للمطلقه نظرة شفقه ولا اتهام
بالعكس الناس الحين متفتحين وعارفين ان المطلقه مو ناقصه ولاشئ .. المطلقه بنظري انسانه جربت حظها بتجربه ومالقت فيها اللي تبيه وشالت نفسها وترفعت عن الأهانه
مافي شئ يجبرها تعيش مع واحد بيذلها ولا يهينها اذا مايازت لها الحياه معاه اهي انسانه وحره وتقدر تقرر شاللي تبيه...
ولها حق تتزوج وتعيش وتكون اسرة جديده لاهي عيب ولاحرام
والله العيب مو فيكم في بعض الأزواج اللي مايخافون ربهم ببنات الناس...

انا بس كان ودي ان تشيلون من بالكم هالفكره وتعيشون حياتكم وتتمتعون بحريتكم بحدود ليما الله يكتب ويرزقكم باللي تبونه ان شاءالله

يارب اسمع عنكم اخبار حلوة ووتتزوجون كلكم واشوفكم بقسم الحمل والولاده يااااااااارب
:eh_s(9):
 

عهود الحب

New member
إنضم
2 مايو 2005
المشاركات
10,570
مستوى التفاعل
10
النقاط
0
الإقامة
فوق هام السحب
قوة بنات


شلونكم ؟



عيدكم مبارك




يالله ياكريم بالعيد هذا اتطلق وارتاح



ابي اسم محامي سنع بس من الجهرا :(
 

*مستانسه*

New member
إنضم
1 نوفمبر 2006
المشاركات
963
مستوى التفاعل
0
النقاط
0
السلام عليكم

الله يعوضكم خير و يصبركم على قضائه و قدره و يرزقكم الرياييل السنعيني اللي يقدرونكم و يحفظونكم ,,,

انا قريت بعض القصص و ماقول الا الحمدلله على كل حال الواحد لي شاف مصيبة غيره تهون عليه مصيبته ,, ومهما تعددت الاسباب و اختلفت الالم و الغضب واحـــــــــــــــد .

انا حبيت استفسر منكم عن العدة؟ بغيت معلومات عن هالموضوع يعني ماهي عدة المطلقه و مدتها و الاشياء اللي تتجنبها وغيره؟
 

حوجمة

New member
إنضم
17 أغسطس 2007
المشاركات
73
مستوى التفاعل
0
النقاط
0
*مستانسه* ...

حياج الله يا الغالية ومشكورة على الدعوات الطيبات : )

بالنسبة لسؤالج ..

عدة المطلقة .... بعض الفقهاء يرون أن العدة فترتها 3 حيضات يعني الدورة الشهرية لي جت على الوحده 3 مرات خلاص تنتهي عدتها ويسمى طلاق بائن بينونة صغرى ، بحيث بعد انتهاء فترة العدة اذا أراد أن يرجعها طليقها يكون بعقد ومهر جديدين .
أما أثناء العدة فيكون الطلاق الرجعي وللزوج أن يرجع الزوجه إما باللفظ راجعتك ، أو بالجماع أو غيره من المداعبات إذا كانت بنية ارجاع الزوجة لذلك حرص الاسلام أن تقضي المرأة فترة عدة الطلاق ( الرجعي ) في بيت الزوجية وتكون أمام عين الزوج لعل الله يصلح بينهما ويرجع الرجل لرشده فيرجع زوجته .

والبعض الآخر من الفقهاء رأى أن عدة المطلقة تكون بثلاث أطهار ، يعني بعد ما تطهر من كل حيضه 3 مرات ..

والحكمة هي براءة الرحم ، يعني حتى يتأكد أن المرأة حامل أو لا ..هذا القصد من فترة العدة .

وبالقانون تكون الفترة 3 شهور .. حتى لا يتلاعب فالأمر ..

والنساء تختلف منهم من تحيض كل 28 يوم أو كل 20 يوم أو أقل أو أكثر ، فتكون شرعا انتهت عدتها ولكن تبقى قانونا 3 شهور ..

ولا يجوووووووز خطبت المرأة فترة العدة من شخص يرغب في زواجها أو العقد عليها ، إلا بعد انتهاء العدة .

فعدة المطلقة تختلف عن عدة الأرملة من حيث المدة والتزين .


...............................................

إن شاء الله أكون أفدتج وأي سؤال آنا حاضر ... وربي يعوض الجميع خيييير.

أختج / حوجمة
 

روزالكويت

New member
إنضم
31 أكتوبر 2005
المشاركات
7,150
مستوى التفاعل
0
النقاط
0
شخباركم حبيباتي هاه محد تزوج فيكم..؟
الله يعوضنا يارب ويرزقنا الرزق الطيب الحلال يارب
 

حوجمة

New member
إنضم
17 أغسطس 2007
المشاركات
73
مستوى التفاعل
0
النقاط
0
أهلييييييييييييييين روز الكويت .. : )

اختفيتي أحس من زمان ما بينتي .. تصدقين فقدتج من غير شر الله يحفظج


ياااااااا رب ما يجي عيد الأضحى إلا وأنت مالجه يا رب : )
 

*مستانسه*

New member
إنضم
1 نوفمبر 2006
المشاركات
963
مستوى التفاعل
0
النقاط
0
يزاج الله ألف خير اختي حوجمة ماقصرتي
و عسى الله يفتحها بو يهج و ينور لج دربج و يرزقج من حيث لاتعلمين


يعني المانع في العده بس اهوا الزواج من شخص اخر ؟؟ اقدر امارس حياتي اليوميه العاديه اطلع و اداوم اكشخ و اتمكيج؟ مافيها شي
 

ملح بدويه

New member
إنضم
15 سبتمبر 2006
المشاركات
8,512
مستوى التفاعل
0
النقاط
0
يارب ارزق جمييييييييع المسلمات بالزوج الصالح
 

ملح بدويه

New member
إنضم
15 سبتمبر 2006
المشاركات
8,512
مستوى التفاعل
0
النقاط
0
بنات بعد طلاقي وحريتي صرت اردد هالبيت


اذا ما جاتني الدنيا على الكيف

.............. ارفع لها النقاب واتفل عليها


الدنيا حلوه وما تسوى الزعل والضيق
 

*مستانسه*

New member
إنضم
1 نوفمبر 2006
المشاركات
963
مستوى التفاعل
0
النقاط
0
بنات بعد طلاقي وحريتي صرت اردد هالبيت


اذا ما جاتني الدنيا على الكيف

.............. ارفع لها النقاب واتفل عليها


الدنيا حلوه وما تسوى الزعل والضيق


لووووووووووووووووووووووووووول بدعتي
 

حوجمة

New member
إنضم
17 أغسطس 2007
المشاركات
73
مستوى التفاعل
0
النقاط
0
يعني المانع في العده بس اهوا الزواج من شخص اخر ؟؟

أيووووووه يا ستي : )
------------------------------------

اقدر امارس حياتي اليوميه العاديه اطلع و اداوم


اكشخ و اتمكيج؟ مافيها شي

ربي يحفظج يا الغالية ... ويستر عليج دنيا وآخرة ... إذا كنت متغطيه أقصد النقاب ما فيها شي المكياج والتكشخ بحيث ما يشوف هالشي الا الحريم وليس الرجال ، أما إذا كنتي كاشفه تعودي تقللين ربي يبارك فيج ... أدري الدنيا حلوه : ) بس تذكري من ترك شيئا لله عوضه الله خيرا منه ..

وربي بيمتعنا في الجنة وبتسوين وبتلبسين اللي في خاطرج : ) والدنيا ممر وليس مستقر ..... <<<<< حبيت أذكرج وأنتي ما شاء الله ما تتوصين والدليل حرصج وسؤال عن العدة وعسى ربي يعوضج خير ويسعدج ويريح بالج
 

*مستانسه*

New member
إنضم
1 نوفمبر 2006
المشاركات
963
مستوى التفاعل
0
النقاط
0
يعني المانع في العده بس اهوا الزواج من شخص اخر ؟؟

أيووووووه يا ستي : )
------------------------------------

اقدر امارس حياتي اليوميه العاديه اطلع و اداوم


اكشخ و اتمكيج؟ مافيها شي

ربي يحفظج يا الغالية ... ويستر عليج دنيا وآخرة ... إذا كنت متغطيه أقصد النقاب ما فيها شي المكياج والتكشخ بحيث ما يشوف هالشي الا الحريم وليس الرجال ، أما إذا كنتي كاشفه تعودي تقللين ربي يبارك فيج ... أدري الدنيا حلوه : ) بس تذكري من ترك شيئا لله عوضه الله خيرا منه ..

وربي بيمتعنا في الجنة وبتسوين وبتلبسين اللي في خاطرج : ) والدنيا ممر وليس مستقر ..... <<<<< حبيت أذكرج وأنتي ما شاء الله ما تتوصين والدليل حرصج وسؤال عن العدة وعسى ربي يعوضج خير ويسعدج ويريح بالج

حبيبتي والله ماقصرتي و لاتحاتين مو نوعي اللي في بالج بس حبيت احتاط اخاف اسوي شي يغضب ربي

وانشالله ربي يعوضني و ياكم بالخير في الدنيا و الآخره ,,,(( من ترك شيئا لله عوضه الله خيرا منه )) ,,, حبيت كلامج و الحمدلله اني مقتنعه في و ماشيه بهالدرب و لا زعلت و تكدرت على هم من هموم الدنيا لان همي الآخره (الجنه) انشالله اكون وياكم من الفايزين فيهااا انشالله
 

strawberry_q8

New member
إنضم
9 نوفمبر 2005
المشاركات
594
مستوى التفاعل
0
النقاط
0
العمر
43
قوه بنات شلونكم حبيت أشارككم بمشكلتي يمكن لأني تعبت وأنا اكتم وودي أفضفض شوي تعبت أمثل دور القويه وانا من داخل مكسووره أنا عمري 26 ومطلقه مرتين والحمدلله ماعندي عيال اول زواج لي كان عمري 17 قعدت عنده جم شهر وطلبت الطلاق والسبب انه كان يطقني من اول اسبوع تخيلوا ولما سألوه اهلي قال المره لازم تنطق شفتوا العقليه واهوا للأسف من عايلتنا ويقربلي بس صج ماتعرف الانسان الا لما تعاشره وبعدها قعدت 7 سنين شكثر الي خطبوني وسبحان الله اذا خطبني واحد زين ووافقنا عليه يروح ومايرد والله يابنات صارت اكثر من مره الحمدلله على كل حال مع انه موناقصني اي شي جمال وأخلاق وعايله محترمه بس النصيب وبعدين خطبني واحد قالولي عمره 28 ولما ملجنا اكتشفت انه عمره بالثلاثين وسكت وماقلت شي سبحان الله غشتنا امه بكل شي ومن البدايه لما رحت عنده تخيلوا صج انه عمره 30 بس عقليته بو 10 سنين مايعرف شي بالدنيا بتقولون لي ليش ماسألتوا عنه سألنا بس كل الناس يقولون طيب وعلى نياته ومايخلي صلاته انا قلت اهم شي عندي الصلاه والله يابنات حتى الصلاه يصليها غلط تزوجنا وبعد جم يوم سافرنا انا اهني عرفت كل شي جني انا الريال واهو المره يمشي وراي وعطاني الفلوس كلها عشان اصرف ياخذ مني حتى فلوس التاكسي وانا اول مره بحياتي اسافر بدون اهلي ماعرفت اتصرف يوميا ادق على اهلي ابجي الحمدلله الله ستر علي الي رديت لهم وماضعت هناك والله ناس يتحرشون فيني يضحك ربعه يدقون عليه واحنا طالعين يسألونه عني يقول كاهي يمي تخيلوا يقول رفيجي يقول اختج تشابهج يبي يتزوجها شوفوا الوقاحه موصف لربعه شكلي والله والله العظيم هذا الي صار وماخفي اعظم شفت بلاوي بأسبوع بتقولون لي ديوث بقولكم لا اهو خببل حتى مافكر يقرب مني والله مايطري على باله تخيلوا يقعد من النوم مايغسل ويهه على طول يقعد وياكل سيده لازم احد يقوله روح غسل صج صج لوع جبدي وماقدرت استحمل عرفتوا ليش قلت لكم مخه بو 10 سنين الله يسامح امه الي غشتنا وربي مادعيت عليها ماقول الا الله يسامحها بعد مارديت لأهلي اول ماردينا من السفر قامت اترجى فيني ارد ورديت ولقيته على حاله وأسوأ ماقدرت استمر معاه ولما طلبت الطلاق تقول لأمي خليها ترد ونشتري لها فيلا وأي سياره تبيها شفتوا شلون يحاولون يشتروني بالفلوس بس كرامتي فوق كل شي وكرامتي ماتسمحلي اعيش مع انسان ماعنده شخصيه انسان مااحس انه سند لي بالدنيا الزواج أمان واستقرار وانا مالقيتهم معاه لا والي قهرني امه تعايرني وتقول حق امي بنتج تبينيها اتطلق للمره الثانيه منو بياخذها ماتدري ان الله فوقها وراح يعوضني خير ان شالله وعلقوني سنه ماطلقوني واخرتها طلبوا المهر كله راح ابوي الله يطول بعمره ودبر الفلوس عشان يفكني منه الحمدلله على كل حال والله ودي يصير عندي عيال وحييل يحز بخاطري لما اشوف كل الي حوالي والي اصغر مني عندهم عيال وانا ليما الحين ماعندي بس سبحان الله مابعد الصبر الا الفرج والله مايبتلي الا الي يحبه أسفه لأني طولت عليكم بس حبيت انكم تستفيدون من تجربتي واتمنى ماتنسوني بالدعاء
 

حوجمة

New member
إنضم
17 أغسطس 2007
المشاركات
73
مستوى التفاعل
0
النقاط
0

strawberry_q8


هلا فيج يااااالغالية : )

ولا يهمج وأنا أختج آنا بعد حاصلة على شهادة التقدير للمرة الثانية <<<<هههههههههههه ماجستير

يا ربي الناس بعض الناس ما تفهم ، إذا الرجال مرتين حظج يطلع عوج معاهم شنوووو ذنبنا !! نصييييب بيقولون ليش ما سألتوا .... الخ ، والكل سائل بس الرجال بالمعاشر تعرفينه وتعرفين العقد اللي فيه والبلاوي وكل شي ..


أذكر وحده معاي بالدوام بعد طلاقي الثاني قالت وااي هذا ما يتعاشر وكلهم اشتري راحتج هذا عذاب الحمد لله ما حملتي .... وآخر شي بس صعبه اتطلقين مرة ثانية !!!!!! الحين توه الله يعينج ويفكج

والحمد لله رب العالمين توني طلعت من العدة .....


وصدقيني رزقنا بيجي وربي بيعوضنا خييير والثالثة ثابته ان شاء الله ، خل أضحكج : ) وحده داقه علي تواسيني واتصبرني جان تقول آخر شي ............... خلاص بعد ما في زواج !!!!

قلت لها ليش ربي يستر ما لي رب ما ابي بيت ورزوج وعيال !!
زكريا عليه السلام يقول ربي لا تذرني فردا وأنت خير الوارثين ....... تفشلت واسكتت


خليج قوية وهذا قضاء وقدر ... قوية من الداخل ومن بره ، عايلتنا كل من شافني بالعيد متعجبين والله هم اللي اشكالهم تكسر الخاطر كأنهم هم المطلقين !! تعجبوا يوم شافوني حدي كاشه وطول ما ني قاعده اتبسم واسولف .... خلي ربي يشوف من عندنا الرضا باللي اكتبه لنا ................ والله كله خيررررررر حتى لو شفنا احنا ظاهره شر .... هذا الابتلاء ولا يكون الا للمؤمن

اذكر اتصلت اسأل احد الشيوخ عن العدة وبعض الامور تتعلق بطلاقي ................ تدرين شقالي اول شي سكت سكت سكت جان يقول والله يا بنتي انتي مبتلى والله لا يحرمج الأجر وربي يصبرج ويعوضج خييييير


طولت عليج بس حبيت اطيب خاطرج .... كثري من هالدعاء اللهم ارزقني من حيث لا احتسب وكثري صدقه لو 100 فلس اطلعين


وخليج على يقين الله ما يعذب عباده لكن يختبرهم اذا حبهم !!


وياااااااارب انشوفج عرررررروس قريبا
 

strawberry_q8

New member
إنضم
9 نوفمبر 2005
المشاركات
594
مستوى التفاعل
0
النقاط
0
العمر
43
بعد عمري والله مشكوره على هالكلام الي قلتيه صج يثلج الصدر وزين الاقي وحده ماره بنفس الي مريت فيه يمكن لأنها اهيا الي راح تفهمني اكثر مابعد الصبر الا الفرج ان شالله والله يرزقنا خير ويعوضنا ان شالله الله كتب هالشي علينا من قبل مانطلع على الدنيا الحمدلله على كل حال وصج يقهروني الي يقولون لي شلج بالزواج وخلاص اهلج مايقصرون اهم بظنهم قاعدين يواسوني جني ناقصه عنهم مايدرون انه حالي حالهم واتمنى الزوج الصالح والعيال ويارب الله يفك ضيقة وكربة كل مسلمه قولوا آمين
 

روزالكويت

New member
إنضم
31 أكتوبر 2005
المشاركات
7,150
مستوى التفاعل
0
النقاط
0
اي والله
بنات تخيلوا ديننا ماسمح بالطلاق
ياااااااااااايما
اتوقع العالم بتنتحر خلاص
لان تصير السالفه مؤبد مع شخص مريض موصاحي


صحيح انه مؤلم بس الالم بيكون اكبر لو استمرت الحياة على ماهي عليه..
 
إنضم
2 أكتوبر 2004
المشاركات
7,062
مستوى التفاعل
0
النقاط
0
الله يعوضكم فيما جاكم ويرزقكم بالأزواج الطيبين الي يخافون ربهم


والي عندها عيال الله يصلحهم لها ويفرح قلبها فيهم
 

عهود الحب

New member
إنضم
2 مايو 2005
المشاركات
10,570
مستوى التفاعل
10
النقاط
0
الإقامة
فوق هام السحب
لا إله إلا أنت سبحانك إني كنت من الظالمين

السلام بنات شلونكم


اتمنى الكل بخير



شلونج روز وحوجمة وكل البنات الحلوين نسيت نكاتكم سامحوني :)






نصيحة من اختكم : الدنيا ماتوقف على رجال




والخير في اختيار الله لنا





وكل شيء ماجورين عليه
 

روزالكويت

New member
إنضم
31 أكتوبر 2005
المشاركات
7,150
مستوى التفاعل
0
النقاط
0
انا بخير والحمدالله
ومازلت صامده ومتمسكه بعزوبيتي
اشرف لي مليون مره من الزواج
خلاص هي مره وحده لاصارت وفشلت الواحد ماعاد له نفس يكررها لانه ماعاد لها طعم ولا لون ولا بهجه..

انتم شخباركم طيبين؟؟
 
الحالة
مغلق و غير مفتوح للمزيد من الردود.