احلى تجمع (( كروشات ديسمبر )) حياكم الله بنات

[Zen&7ala]

بناات ترى حفاضات دارليينق اتينننن

 

[Almas_q8]

صبااااااااح الخير بنااااااات شلونكم حبيباتي شلون عيالكم


خل اقولكم شنو سويت امس رحت اشتركة بدايت كير وبعدها بالصدفه سجلت بنادي ما ادري شنو اسمه

وبعدين اخذت روابي من امي و وديتها المواساه مراجعه و وديت عيالي حولي عشان يشترون دي اس
و عالم اهناك الكل يبي ايبود ايباد

وخلصنا من اهناك وخذيت بنتي ورديت البيت وطلبت عشا من برا عشان ما يمدي على ما يتسبحون وينامون عشا المدارس


وانا حدي جسمي تكسر من الصبح طالعه وديت البيت بس كليت شوي ورديت طلعت عشان اخذ ربابي
وحاشني شد عضلي كلش ملش ماكو لياقه و ان شاءالله ترجع لياقتي مع النادي يارب:yaaaaaarb:


واليوم تطعيب ربابي مالي خلق اوديها بس ان شااءالله باجر

 

[Almas_q8]

صباح النوير هلا هلا اموووووووووووووووووووورتناااا شلونج حبيبتي وشلون مهودي فديته واذا طعمتي مهودي قولي لنا جم ابره وشلونها ما تتعب
شفتي شلون صرت مجرمه واليوم اللي بعده كليتها صح تدرين شنو سويت قمت الصبح وخذيت حيدور معاي وبلشت رحلتي ههههه
رحت سجلت بدايت كير و اشتركت بنادي مده سنه بالصدفه ما كنت حاطه في بالي وبدا الجد معاي من باجر ان شاءالله ولازم انزل 10 كيلوات بالبدايه
ولازم اوصل 60 وبعدين اكمل ان شاالله وبعدين رحت السوق تسوقت و بدلت ملابس فضولي ورديت البيت يادووب كليت و رجعت لبست وطلعت مره ثانيه
ورحت اخذت بنتي ووديتها المواساه شنو زحمه وطمنتي عليها و شفت وزنها كل شي تماام بس نسيت اسالها عزج الله عن خروجها لي الحين اخضر
حبيبتي طمنتيني تسلميين عرفة هذي الابره اللي تعلم على الزند كنا نسميها ابرة النار وسالفت هالابره على بالي يحطونها بالنار
و يقزونها فها عشان جذيه تعلم لوووووول خيالي واسع
ياحياااتي وعليه العافيه الكبوس و ان شاءالله تتحسن صحتج صج بتروح امج مشهد امانه خل تدعيلي اموور وصيلها و تروح و ترجع بالسلامه يارب
انا ابوي يوم الاحد رجع من كربلا ويا بختهم راحوا

على طاري الصالون اهم شي مال مفت هههههه حده ما نقول لا ههههه اي زين روحي جربي وا ن شاءالله تطلع التسريحه روعه عليج
و قولي لنا اي صالون احسن




هاااااياااات غرروووووووور بخير حبيبتي وانت شلونج و شلون لطووفي سلم قلبها
اي نمت ريحت ارتحت بس اليوم اللي بعده كليتها صح هههههه ماكو فايده
حده يبيله مشروب طاقه بس عاد ما جرت ولا مره مشورب الطاقه كلش مو صوبهم





عليكم السلالام هلا هلا كووووووووكوووووو حبيبتي شلون وشلون البنات الحلوين وعبووود دهن العود سلم قلبهم
عليكم بالعافيه زين طلعتوا وغيرتوا جوه بس عبودي وين خليتيه خطيب بنتي ترى ما ارضى عليه واي والله صاجه هالسنه وايد غير
صج وناسه وحتى اللي ما طلع وراح المسيره مستانس الله يخلي شيخ صباح ويطول بعمره انا حاطه رنتة تلفوني اغنيه نبيل مالت بوناصر وحاطه صورتها بتلفوني
وعيالي كنت ملبستها بروشات عل الكويت وصورة الشيخ صباح عشان نعيش اجواء العيد الوطني






كوووكووو المسيره مافيها مغازل ولا هواش زين الحمدالله اول مره عيل ياريت وديت عيالي المسيره ولدي فضول كان وده بس انا خفت عليهم
والله يعطيهم العافيه الشرطه ماشاءالله عليهم يعني وفو وكفو
عليكم بالعافيه واااي ابيخ شي جذيه حتى ساعات بالسينما اللي يعلقون على الفلم يبطون الجبد اذا مو عاجبكم الفلم ليش يايين
وناطريين الصوووره حبيتي

 

[فاقده حنان ابوه]

هاي بنات شلونكم

مس يو كلكم

طبعا العيد الوطني هالمره غير ونااااااااااااااسه


اي زيون انا حفاظات غلاتي دارلينغ وايد زينين وحتي الكلينكس الرطب دارلينغ استخدملهاااا




وناسه اول الكل شافني وقالي ضعفتي واايد

كلووووووووووووش الفال لكم بس ابي بعد

 

[فاقده حنان ابوه]

اليوم الصبح طعمت غلاتي تطعيم الدرن قالتلي احتمال تنتفخ واطلع اشياء واحتمال لا


ومسكينه حبيبتي فيها اسهال تكرمون ما بقا دوا ما عطوهاا اياه يقول حايشها هواااا


تكسر خاطري والنشله من صوب

 

[Zen&7ala]

اهليين بناات



فقووجه مبرووك نزوول الوزن ههههههههه انا عيل منفجره لوول بس قاعده ادق على دايت كير ما يردوون ابي ارد اشتراكي


اليوم ببلش رجيم بنات و ان شاء الله انزل


بنات الثلاثه الياي عيد زواجنا الأول شنو اسوي تكفوون ؟

و فيدووني بليز حدي ما اعرف و محتاره

 

[أمواج^الكويت]

مساء الخير ياحلوااات :eh_s(7):

لكم وحشة يالغاليات :hjy5jewf:

سوري لهيت عنكم شويه الفترة اللي طافت ..

يوم ٢٤ فبراير رحنا المارينا تغدينا بفرايديز واستمتعنا بعرض الألعاب النارية ..

ويوم اليمعه ٢٥ فبراير عيد ميلاد ولدي مع العيد الوطني بس ماسويناه بنفس اليوم لأن قلت لكم خالتي أم ريلي راده من أمريكا فكانوا مسوين عزيمة غدى في بيت عمي ..

ويوم السبت ٢٦ فبراير سويت عيد ميلاد ولدي في بيت أبوي وناااسه كل اليهال لابسين على علم الكويت حتى أنا ههههه
وزعنا أرقام وهدايا وعبطنا حسافة بس كان ناقصنا دربولوه اختي وبنتها مكانهم مبين :eh_s(2): بس دزيتلها الصور والفيديو على الواتس أب ..
وأهم حدث في هاليوم إني زفيت خدامة بيت أبوي الخايسة وبردت جبدي عدل فيها ياكرها
ارفعت ضغطي الله يرفع ضغطها كانت منفسه وأخلاقها زفت تخم الزينة وترفس بالتفافيخ حيل جنها قاعده تتهاوش معاهم مالها خلق تخم جان أجعمها وأفشلها وقلت لها شوفي إذا ماتبين تشتغلين ذلفي روحي ديرتج ترى في غيرج ألف وحده لاتقعدين تشوفين روحج علينا مو يعني ماما وبابا زينين وياج تقعدين تسوين هالحركات واللي يبط الجبد فوق وقاحتها ترادد جان أخوي يزفها تقولي ليش انتي بابا يقولي لايمسك فروحه عشتو يعني اهيه ألحين شايله بقلبها علشان ليش ريلي زفها ذاك اليوم وقالها لا أشوفج تقربين يم فروحه أو تشيلينها .. والله بنات حدها رافعه ضغطي كل ماتشوفني تمد البوز وتصد جنها شايفه إبليس مع إني زينة وياها وهذي ماينفع وياها الطيب لأن مايبين بعينها وانقهرت بزيادة لأني زفيتها وفشلتها جدام خدامتي فتحس نفسها انكسرت هههههه

المهم ويوم الأحد ٢٧ فبراير كان عيد ميلاد ولد حماي .. رحنا واستانسنا وأمس قعدت أعطي نصايح حق ولدي لأني تعبت من غيرته لفروحه قاعد يسوي سوالف يأذيها ويحب يزعجها حده غيران منها والله يعيني على هالشي مادري شلون أوخره منه ٨ سنوات كان إحساسه أمي ملكي أنا بس وألحين صار في أحد يشاركه علشان جذي كل يوم فيلم بطنه يعوره ومايبي يروح المدرسة .. جد تعبت وياه !!​

 

[أمواج^الكويت]

فقووودة حياتي جد بجيتيني بكلامج الله يرحم الوالد ويغفرله ويسكنه فسيح جناته .. يارب :yaaaaaarb:


ومبروووووك نزول الوزن ياقلبي :ggdw: وعقبال ماتوصلين حق الوزن اللي تبينه ..


وأنا بعد الكل يقولي نازله بس أنا أحس بالشكل لكن الوزن ثابت


وفروووحه موعد تطعيمها صارله أسبوع ماوديتها لأنها كانت مريضة .. وخايفه أطعمها ترد تنتكس


وأنا جربت كل أنواع الحفاضات ومادري على شنو بستقر ! بامبرز أحسه خفيف ويطلع ريحة والباجي

أحسهم ثقال شوي .. فمحتارة !!​

 

[أمواج^الكويت]

بنات في تطعيم العصاري !

مع إني ما أحب أطعم العصر أحسن شي الصبح علشان الياهل لايسخن ..




الجو صار حر شنو قاعدين تلبسون بيبياتكم بالبيت ! الصراحة أخاف أبطل السنترال تمرض أحس تو الناس وما أقدر أبطل الدرايش ماكو شبك بعدين الحشرات والغبرة يدشون مادري شنو الحل !

​

 

[فاقده حنان ابوه]

هلا جوجو الله يرحمه ويغمد روحه الجنه

يا ربي تقبل منى دعائي اللهم امين


جوجو بالنسبه لي البس غلاتي جم طويل بس يكون ربيعي يعني لا ثقيل ولا خفيف الي من مذركير بثلاثه مع بعض


ونصيحه منى لا تفتحين التكيف انا بطلته وكاهي مريضه اسهال تكرمين ونشله وتكح

 

[فاقده حنان ابوه]

زيون حجزي فندق ولبسي قميص نوم العروسه ردي عروس وناسه

انا شهر الياي عيد زواجي

 

[أمواج^الكويت]

اهليين بناات


فقووجه مبرووك نزوول الوزن ههههههههه انا عيل منفجره لوول بس قاعده ادق على دايت كير ما يردوون ابي ارد اشتراكي


اليوم ببلش رجيم بنات و ان شاء الله انزل


بنات الثلاثه الياي عيد زواجنا الأول شنو اسوي تكفوون ؟

و فيدووني بليز حدي ما اعرف و محتاره

هالوووووووووووووو زيووونه شلونج حياتي ! وشلون الحلوة ديووومة

سكري حلجج زيووون وسوي كنترول لازم تضعفين ولاتفكرين تحملين بالثاني إلا لما تردين وزنج علشان لايصير متن على متن وبالذات منطقة البطن صعب تروح إذا ما حافظتي ..

وكل عام وانتي بخير وعقبال ما تمر الذكرى 100 على زواجكم

زيون ييبي ورق لونه أحمر وقصصيه على شكل قلوب كل ثلاث أو أربع قلوب تحت بعض وعلقيهم بالغرفة


وفرشي كل شي أحمر وحطي ليتات و شموع صغيرة بهالشكل

V

V




ونثري وروود على السرير بهالطريقة

V

V





وطلبيلج كيكه بيضة وسط وكتبي عليها اللي بخاطرج وشوية معجنات وخفايف وزيني الطاولة وقلاصات العصير بشرايط حمر .. يعني خلي كل جوج أحمر بأحمر ===> لزوووم الرومانسية :eh_s(22):

طبعاً على المغربيات إذا كان طالع دزيله مسج كتبيله الليلة ذكرى زواجنا كل عام وإنت الحب ولا تتأخر :eh_s(22):


واشتريله أي شي بخاطرة وحطيها بعلبة كبيرة وحطي داخلها رسالة وعبري فيها عن كل مايجول في خاطرك هههههههههههه ===> يا سلام عليج يا أبلة العربي :eh_s(15):


ولاتنسين قميص نوم أحمر ومكياج ناعم + اكسسوارات شعر ناعمة ولزقات وحركات تحطينها على الجسم + ألعاب رومانسية يبيعونها التاجرات اهني في المنتدى في قسم المول


وإذا لقيت شي زيووونه بقولج ..


ولله يديم المحبة بينكم .. و يهنيكم و يسعدكم يارب :yaaaaaarb:




​

 

[أمواج^الكويت]

فقووودة ماتشوف شر غلاوي وأنا بعد بنتي منشولة وماكو مزااج كلش بس تضحك حق الخدامة عاد أنا أنقهر :eh_s(14):

والأفرولات اللي قلتي عنهم من مذركير مسكرين من تحت صوب الريل ولا مفتوحين !


تصدقين أنا التبانة اللي تحت ليلحين ألبسها جم طويل .. أحسها المسكينة باقه من الحر بس شسوي تصحى يوم وعشرة مريضة ​

 

[Zen&7ala]

بعد عمرييييييييييي والله جووجوو ما قصرتيييي

انزيين من ويين يبيعون هالاشياء ؟؟

 

[أمواج^الكويت]

زيون شوفي هالروابط


http://www.q8yat.com/showthread.php?t=780536


وهذا متجرها

http://ms-strawberry.com/



زيووون شوفي بعد هالأفكار لقيتها بموقع ثاني



****ليلة رومانسية حمراء****

1 ـ غيري في مدخل المنزل.. أرمي على الأرض أقمشة شيفون حمراء

ثم انثري فوقها ورد طبيعي أو مجفف.


2 ـ غرفة النوم.. غطي أرضيتها بالشيفون الأحمر ثم قصي قلوب

على ورق أحمر وألصقيها على جدار الغرفة بمقاسات مختلفة.



3 ـ ضعي في جانب الغرفة طاولة صغيرة.. غطيها بالشيفون أحمر

وضعي فوقها شموع حمراء ورشي مادة لامعة (تستخدم في المكياج)

وورود صغيرة.. ضعي عليها كأسين من العصير ملصوق بكل كأس وردة

حمراء ومزين بالفراولة.


4 ـ الكيك: يفضل أن تكون حمراء أو مزينة بالفراولة.


5 ـ عطري الغرفة برائحة الفراولة.


6 ـ الهدية.. افرغي دولاب زوجك من الملابس وضعي الهدية به بعد

أن تملئيه بالبالونات الحمراء وأغلقيه بالمفتاح.


7 ـ الوصول للهدية.. خذي مفتاح الدولاب وضعيه في علبه وضعي

داخل العلبة كروت مكتوب فيها كلام حلو وغلفيها وضعيها بالحمام.


8 ـ املئ البانيو بالماء والرغوة.. وانثري به الورد المجفف

ولا تنسي الشموع..


9 ـ أنثري في إنحاء الغرفة بالونات بيضاء وحمراء.. وفي أحدها

ورقة صغيرة (دعوة لحمام رومانسي) .

بحيث تطلبي منه أن يفجر البالونات.. ويذهب للحمام وبالتالي

يحصل على مفتاح الدولاب وبالتالي يفتح الدولاب وسيتفاجأ

بالبالونات والهدية.


10 ـ ألبسي فستان لونه أحمر.. ولا تنسي المكياج الأحمر وعطره

المفضل.


11 ـ الإضاءة.. خليها لمبة حمراء.


12 ـ على السرير: ضعي شرشف أحمر أو أبيض تنثرين فوقه بتلات

حمراء وبطاقات تكتبين فيها كلمات حلوة لزوجك وبها صفات زوجك

الحلوة..


13 ـ ممكن تكتبين بمحدد الروج الأحمر على جسمك ..


والليتات مرة أمووورة قالت خذت منهم بالسالمية القديمة ..


زيووون لاتنسين لبسي حيول تطلع صوت ترى حده إغرااااء وإذا تحبين الحنة سوي نقشة ناعمة بالحنة السودة على ريولج من تحت يطلع شكلها جنه تاتو ترى شاهينوووه البطة تعرف تسوي بس الله يعينج على قرقتها هههههههههههههه​

 

[فاقده حنان ابوه]

جوجو الشر ما ييج حبوبه

لا مسكرين من تحت انا لي يومج البسها تحت القطعتين وفوقهم الافرول

 

[أميرة طفولتي]

مسااااااااء الخيييييييييييير

اليوم كان اول يوم دوااااااااااااااااااااااااااااااام

وعععع ثم وععععع وايضا وعععععععع
الله يكون بعوووووووووووني وراي كراف 4 شهور كامله مكمله اهئ اهئ

اسمحولي بنات ترى ماقريت الردود راسي يعورني على ريوقي الصبح يوعانه ومادري شاكل :×
ريوقي كان على العشر
2 شريحة توست اسمر
1 شريحة جبن سلايس زيرو فات
1 شريحة مرتديلا دياي
عصير كوكتيل صغير مال اليهال هههههههه

سناكي كان 12 ونص الظهر
كوب قهوه 3 ان 1 خاليه من السكر

اممم وبس للحين ماكليت

 

[أميرة طفولتي]

اي صج بنات امي عطت مهودي منقوع التمر
ماشالله قاعد يشربه

وبعد شوي اختي بتييبه لي من بيت امي واااااااااااااي حدي حدي ولهت عليييييييه
بس كنت ابي اطيب عدل عدل عشان لا اعاديه مسكين مو ناقص بروحه منتشل

ورديت على بامبرز دارلنغز جربته زين بس وااااايد قطن هههههههه

 

[فاقده حنان ابوه]

الله يكون بعونج انا الاحد اداوم

وييييييييييع من قلب


ما تشوفين شر



بالعكس قطنهم مو وايد انا استخدمهم وايد زينين

 

[أميرة طفولتي]

فقوووووده
حبيبتي شلونج ؟
اي انا بعد قاعده البسه هاليومين افرولات مذركير وسنتربوينت
الي اييون 3 قطع مع بعض قطن جم طويل

جووجووووو
حبيبتي شلون فلوووحه الحين انشالله صارت احسن ؟
انا بعد للحين ترى قاعده البسه تبانه جم طويل احس من عقب اللبس والتلفلف و17 كمبل ودفايه ههههههههههه
مابي افصخه مره وحده شوي شوي الحين ما الحفه وايد بس كفر واحد وبجامات القطن افرول جم طويل
هم اخاف قلبت جو الحين