سؤال للحضريات وللبدويات (عن المهر) الكل يدش

[فلنتينو]

اول شي مرحباا شلونكم
بنات حبيت انتناقش بهالموضوع
انا الاحظ ان مهر البنت البدويه يختلف عن مهر البنت الحضريه
يمكن عادات وتقاليد تختلف
يعني اشوف البنات الحضريه مهرها يكوون يعني شويه حول 4000 او 5000 هذا مافيه شي كل واحد على قدر استطاعته
بس البنات البدويات يعني ع الاقل 6000 وفووق
هل كلامي صحيح
وخل نشووف ردودكم يعني البنت الحضريه جم كان مهرها والبنت البدؤيه كم كان مهرها
ملاحضه ترى في بدو يعني عادي يفنون 5000 واقل مو كلهم

المايك لكم

 

[قلبي ابيض]

رفيجتي حضرية مهرها 8

واعرف بدوية مهرها 4 << يعتمد عالناس نفسهم وبالاخر اهم شي التوفيق

 

[بــــدره]

مو شرط حبيبتي
اعرف حضريات مهورهم 7 و 8 و 9
و اعرف بدويات 5 و 6
حسب الناس و امكانياتهم و حسب وظيفة و معاش الزوج و مكانته الاجتماعيه

 

[دمرت كياني]

ماعرف هالسوالف


انا حضريه

ودي مهري 8

بس يعتمد على حبيب :/




بس رفيجاتي بدويات بين 5 و 6

 

[$ كشختي لنفسي $]

رد : سؤال للحضريات وللبدويات (عن المهر) الكل يدش

موشرط
اعرف وحده حضريه مهرها 10 الاف لا وجايبينه شيك مع الدزه
ورفيجتي بدويه مهرها 4 الاف ومعروف ان قبيلتهم ماتعطي الا 4 الاف واللي بيزيد كيفه

 

[white**angel]

مانقدر نقارن لانه المهر يختلف على حسب امكانيات الزوج وجم يدفع يعني ماله علاقه حضريه او بدويه

 

[ابدا يالغالي مانساك]

رد : سؤال للحضريات وللبدويات (عن المهر) الكل يدش

غلطانه غلاي في بدو مهرهم 4 5 6
وفيه حضرك كذللك يعني هو مايعتمد علي البدو او الحضر يعتمد علي كل شخص وقدر امكانيته

 

[قـہۈه فـرنسيـہ™]

مووو شرط ...على حسب كل عايله

 

[المكسيكيه]

موشرط تره على حسب

 

[ZOHOR]

أنا حضرية ومهري كان ٤٠٠٠ بس ..
رفجتي. البدوية تقول مهورنا علي ٧ وفوق مانرضي اقل إحنا

 

[أم عايض]

رد : سؤال للحضريات وللبدويات (عن المهر) الكل يدش

مو شرط
بس عني
مهري 6000 دينار

 

[احلى بنت بالدنيا]

الوحدة لما تكون عايشة بعز في بيت أهلها أخر همها بيكون المهر .. فما يفرق معاها اذا كان وايد والا شوية ..

واكو شغلة مهمة يمكن تعرفينها ان المهر عند البدو ايمعونه من العانية اللي تيي من الاهل .. انا رفيجتي بدوية مالجة صارله كم مهر والمعرس موقادر يعطيها المهر المكتوب بالعقد 6 آلاف ناطر ايمع من العانية اللي تييه خلال هالسنة ..

فبرأيي البركة بالقليل .. بلا ديون ولا عانية وضغوط مادية عشان يتم الزواج

 

[عاشقه رويشد]

انا حضريه ومهورنا اربعه ونص او خمسه وبس ما تزيد وفي حضر علي سته عادي يعني علي حسب

 

[فلنتينو]

بنات انا قاعده اقول مو الكل بس الاغلبيه يعني رفيجاتي الحضر مهورهم من 4000 الى 5000 اغلبيتهم وفي رفيجتي حضريه مهرها 15000بس شنو تكاليف العرس من الى على العرووس بس اهم تجار يعني لاتستغربون من المهر
وفي بعض البدو يوصل 5000 يعني بس جد والله ماوجهة بدويه وقالتلي مهرها اقل من 6000 الا في قبيله معينه مهرهم من 5000 وتحت

 

[نـعـومـه]

رد : سؤال للحضريات وللبدويات (عن المهر) الكل يدش

الحضر معروف اول كان 4000 الحين قبل سنتين ثلاث صار 5000 الغااااالب اما قليييييييييل منهم اكثر من جذي

اما البدو على حسب القبيله بس غالبهم 6 او 7 او 8 وقبيله وحده مهرهم 4000 او 5000 نفس الحضر

 

[Dousreya90]

رد : سؤال للحضريات وللبدويات (عن المهر) الكل يدش

أنا خالي لما خطب دفعو 10000 و حضري
لي تزوجت أقولج

 

[بدورة القمورة]

اصلن عيب نطلب مهر


حسب الريال جم يعطي



انا اشوفها عيب اطلب مبلغ


ولا انتم شرايكم؟

 

[نـعـومـه]

رد : رد: سؤال للحضريات وللبدويات (عن المهر) الكل يدش

بنات انا قاعده اقول مو الكل بس الاغلبيه يعني رفيجاتي الحضر مهورهم من 4000 الى 5000 اغلبيتهم وفي رفيجتي حضريه مهرها 15000بس شنو تكاليف العرس من الى على العرووس بس اهم تجار يعني لاتستغربون من المهر
وفي بعض البدو يوصل 5000 يعني بس جد والله ماوجهة بدويه وقالتلي مهرها اقل من 6000 الا في قبيله معينه مهرهم من 5000 وتحت

كلامج كله صحححححح

واصلا يفرق بين البدو الحضر لاتقولون امكانيه خلاص كل واحد وعاداته وتقاليده وتعوده

الحضر معروف 5 والبدو اقل شي 6 بإستثناء قبيله ..... بدون ذكر اسمها

 

[عاشقة_الجمال]

اهوو على حسب العايله ومقدرتهم

مو شرط بدوويه والا حضريه

 

[نـعـومـه]

رد : رد: سؤال للحضريات وللبدويات (عن المهر) الكل يدش

اصلن عيب نطلب مهر


حسب الريال جم يعطي



انا اشوفها عيب اطلب مبلغ


ولا انتم شرايكم؟

اول كانو يطلبون عادي

اما الحين صج فشله الغالبيه ماقامو يطلبون الناس تعرف شنو المهر الحين