احلى تجمع (( كروشات ديسمبر )) حياكم الله بنات

[DrabeeL]

هلا حبيبتي حرووومه شلوونج حبيبتي شخبارج وشلون حوريه حبيبتي؟؟

وااااي الله يعينج على سالفة الخدامه يارب الله يرزقج اخير منها

امبي الخدم صايرين أزمه بنت خالته جذي تكلمنا بالوتس اب مسكينه ولافه كل مكاتب الخدم مو محصله تبي مسلمه مسكينه
الله يعينكم والله
مشكوررره حبيبتي حرومه عالسؤال بعد عمري
اي صج حرومه انا دشيت موضوع من مواضسعج العام عن اخوج طمنيني عليه شلون صار ان شالله احسن حسبي الله على هالناس اللي مايخافون الله الله يجازيهم بالدنيا قبل الاخره

 

[kunooz]

السلااااام عليكم شلونكم صديقاتى؟

بنات عبود فديته شكله قاعد يسنن
مسكين صار له جم يوم مو على بعضه ما يقدر ينام و 24 ساعه يعض ايده و يسعبل شكثر معور قلبي

شسويتو ما سويتو اليوم بنات؟ الجو كان وايد حلو اليوم ما شاء الله


بنوووته
ايه حبيبتى عدل كلامج و هذا اللي قاعده اسويه براقبها و ان شاء الله مايصير الا كل خير
و قاعده افكر احطلى كاميرا في البيت شرايكم؟؟

لوفلي
امبيه شفيها بعد خدامتج ليش بتروح؟
وان شاء الله السيلانيه تكون خوش وحده و طيبه و حنونه ربي يسخرها لج


دربوووووووووووووووووووووووووووووووووله
هلا هلا هلا والله صباحج ورد
لج وحشه ام رورو شلونج و شلونها خطيبة ولدي (( لا تسمعنى لموسه هههههههه ))
يالله وينج شبكى ولهنا على سوالفج


لموووووووووووسه
صباح الورد يا وردتنا
الله يسلمج حبيبتى ايه والله حدي ارتحت و تطمنت عل بنات لما وديتهم الطبيب و شاف النتيجه
و الخدامه ماقول غير الله يهديها و يهدي بنتى معاها ياربي
و اشوفها طلعت ملابسها من الجنطه بس مو كل شئ .. عاد انا كل شوي بجيك عليها هههههه
لموسه مبرووووووك الواتس اب عقبالى ههههههه
شوفى بالنسبه حق ال اي فون انا بعد متردده مانى عارفه اخذلى واحد والا لا
و ريلي قالى انزين نطري اليديد و اخذيه يقولون بينزل بعد جم شهر ؟؟

برب

 

[DrabeeL]

وغرووور انت مو بس لولو فيها تشابهه معروحه انت فيج تشابهه من خالة فروحه تحبين الكشري
وتلفونج سامسونج جلاكسي اس نفسي هههههه


بنات تلفونه احلىمن الايفون وااااااااااايد اسهل وفي اشياء واااااايد احلى والبرامج وكل شي ببلاش مونفس الايفون تعقيدات :eh_s(15):


هلا حبيبتي كوكو هلا بام النسيب ههههههه
حبيبي عبود دهن العود انا جذي رورو من فتره تبي تغض تحط ايدها وتسعبل
تخيلي ابوها يقول لها عضيني عضيني تشرح حلجها كله وتحطه على خده امبي احسها صج يعورها وودها تعض تضحكني لمه تسوي هالحركه لوووووووول
وعياره بس تسويها حق ابوها وانا ماتسويلي :bbbiu: وقبل جم يوم العبها ماتضحك بس تخزني يوم ييه ابوها جان تشق له الحلج لووووول وانا اقول لها نسينا روري ماشربنا :eh_s(22):
صج البنات دلاليع ابوهم هههههه

اكيد كوكو بناتج جذي مع ابوهم والا شرايج المفروض انت خبره مع البنات والحمد لله طمنتينا على بنوتاتج الله يخليهم لج ويحفظهم ويسخر لج خدامتج ويهديها يارب انت ديري بالج وانا أئيدج بسالفه الكاميره :eh_s(15):حطيها وصيري خالتي قماشه لوووووول لا بس احسن عشان قلبج يتطمن اذا شفتي لاسمح الله عندها حركات شحتيها ودبري غيرها اهم شي بناتج ولاتنسين اذا بتحطين الكاميره اهم شي لاتكون اهي بالبيت ..

خل اقولكم موقف شاعري امس بجاني لووول حبيبتي رورو امس كنت عند وحده من البنات اهيا رفيجتي حيل اهني دايما معاها ..
عاد شالت بنتي وتسولف معاها وبنتي كانت تضحك لها جان مره وحده تون بنتي وتسويي وااا آآآه جنها تتحلطم جان رفيجتي تقول لها اشفيج امج شريره شمسويه فيج مأذيتج أذبحها اطقها؟؟



والا بس لمه قال:eh_s(22): لها جذي جان بنتي تبجي بجييييييييي وتصرخ اخترعت البنيه عطتني اياها جان روري تلمني حييييل وهدت بعدين خزت رفيجتي وضحكت واهي لامتني امبي سبحان الله جنه تقول لها ماتقدرين انا عندها الحين حبيبتي خنقتني العبره جنها فهمت كلام رفيجتي لووووول :eh_s(2)::hjy5jewf: صج يقولون الياهل يفهم عشان جذي سولفي معاه

 

[DrabeeL]

لوووفلي حبيبتي نورتي والله فقدتج وايد انتي وليموني صج لمه يينا هالتجمع اختفيتوا البنات الباجين شوي يطلون بس انتي ماكو

وضيقتي خلقي حيل الله يشافيج يارب ويقومج بالسلامه ان شالله تشفين بدون شي هذي شكلها عين ما صلت عالنبي
وصج انا اقول استخيري واستشيري مافي له علاج طبيعي او شي ثاني ؟؟

وصج انا بعد قمت اخاف انت كنتي تاخذين حبوب الفيتامينات وفولك اسد والكالسيوم خلال الحمل ؟؟
ياعمري ماتشوفين شر ان شاللله باللي يكرهونج .. وطمنينا عليج دايما حبيبتي والله يخليلج ريون ويرزقج بخدامه سنعه ياااااااارب واااي على هالخدم ..

تدرون خليتني افمر صارلي فتره فوق الاسبوعين مفاصلي مله تعورني رركبي وكواعي ولمه اقعد من النوم لمه احط ريلي عالارض مااقدر امشي عواااار ونص ظهري يروح ويرد ماادري من شنو بس المفاصلوايد قاعد يزيد شكلي لازم اروح الطبيب انا ماكنت اخذ كالسيوم وايد فريلي قاعد يقولي اخذي الحين عوضي وهم انا قالولي حبوب الفيتامينات ناخذهم 3 اشهر بعد الولاده بس انا ماخذيت الا جم يوم يمكن بس اسبوع ..

الله يعينه مساكين احنا الحريم نحمل ونولد ونتعب ونتسكرب وكل شي وا عليه علينا :eh_s(16):
انا صج قمت احس نفسي عيوز عس ماقمت وتحركت الا قلت آي أح وريلي مسكين ركبه اليمين كان مسويعمليه من قبل والحين ردت عليه شي بالاربطه في ريله ولازم عمليه مره ثانيه الله يعينا ان شالله فانا وياه صايرين شايب وعيوز لوووووووووول اقوله شكلنا بس رورو مافينا شده على غيرها :krkrkr: الحمد لله رب العالمين ..

 

[DrabeeL]

بنوووته حبيبتي شخبارج وشصار على بطن بنتج والخروج الليفيه اسود؟
تدرين انا بنتي من ولدتها وكله تكرمون خروجها ماي جنه اسهال احترت فيه وجم مره اوديها الطبيب يعطيني علاج بس ماكو فايده

عاد وحده من امهات البنات اهني دكتورة اسنان بس اهي قالت انا دايما مااستخدم ادويه كثر مااقدر وكله عالاعشاب والخلطات الطبيعيه حتى اليهال لي مرضوا ادور لهم جذي

عاد قالت لي اعطيها ماي العيش تقول زين راح يمسك البطن وانا اليوم جربت عطيتها مره وبشوف النتيجه واقول لكم .. وهم وحده قالت لي زين حق عظامها ويمتنها

انا اللي اعرفه ماي التمر بس ماحس ينفع مع بنتي كافي خروجها ماي


عاد بحثت لكم عن فوائد العيش ومايه :


استعمالات و فوائد الارز الطبية

1. يستعمل الارز رئيسياً كمصدر للطعام والغذاء .
2. مغذ وخفيف وسهل الهضم .
3. يستعمل كعلاج لحالات الاسهال ، وهو يحتوي على بوتاسيوم واحماض نباتية اقل من البطاطا .
4. ماء الارز الذي يحضر عبر غلي قليل من الرز بالماء ، يساعد على تنعيم وتلطيف طبقات الجلد ، وترطيبها ، وامتصاص رائحة العرق .سمعتوا شباب!!!!!
5. ماء الرز الممزوج بالقليل من الحامض والسكر ، يسقى للمرضى المحرورين . وذلك لكسر الحرارة وتبريد الجسم ، ويوصف في الأمراض الالتهابية .
6. يستعمل في امراض الكلى وحصر البول ، وعند وجود مرض ونقص في نشاط الكلى وارتفاع الزلال في البول و ( ارتفاع البولينا بالدم ) .
7. حقنة شرجية بماء الرز تعالج القروح في المستقيم والالتهابات .
8. ماء الرز يعالج الحروق الجلدية ، والالتهابات المسماة Erysipeals .
9. يوصف للمصابين بالضغط كخافض للضغط .
10. ماء الرز يوصف لمعالجة الإسهالات خصوصاً عند حديثي الولادة والرضع ، الذين تكثر إصابتهم بالإسهالات بسبب تغذيتهم على الحليب الذي قد يكون دسماً زيادة عن اللزوم عند بعض النساء
اجرب واقول لكم النتيجه

 

[DrabeeL]

هلا بأحلى احساس هلا بأنقى ألماس هلا بام حيدر وعلي وروابي واللي يكنونه بأبو عباس :eh_s(17)::eh_s(17)::eh_s(17):

<<< شرايج لموسه وانا اتغزل فيج بالشعر :eh_s(22): لازم بعد ندلعج عين السيح انتي صايره حركة التجمع

عاشت عاشت الرياضيه يلا لموووس شجعيناااا

شلون روابي حبيبتي شخبارها
الله يكون بععونج ويعينج عالتدريس واللويه والمجابل وطلعة الظهر بالحر تاخذين حيدووور الله يسهل عليج ويأجرج ان شالله

وناسه يلا انتي مري كوكو وانا بعد اطلع وياكم ونتواعد تخيلوا ههههههه :eh_s(22):يبيلنا بنات يمعه شرايكم كل وحده مع بيبيها نتعرف ونتشاوف بس احس راح استحي :eh_s(22):ماكو الا اخطط لكم:eh_s(22): على مكان ايمعكم كلكم وانا اطالعكم من بعيد ههههه


لموس النادي اللي اشتركتي فيه وايد يمدححونه استمري والله نصيحه وان شالله تضعفين بكل صحه وعافيه يارب ..

وانضمي حقي انا وغرور واخذيلج جلاكسي اس احلى من الايفون كافي مو كل هب ودب عنده منه :ggdw:

لاتنسينا بيومياتج الحلوه يا حلوه والله يسهل عليج يارب .. ويعينج عالدوره الخايسه انا بعد ليلحين ماياتني بس ذيك اليوم تكرمون نزلت جم قطرة دم حمره فاتحه وبس وقفت ماادري شالسالفه

صج لموووس يمكن اني ماره عالدكتور وعندج خبره انا وايد قالولي مو زين الحين اسوي رياضه واتنط نط لانه رحمي ليلحينه يكون نازل فبعد تو الماس ماادري انا احترت هل زين نلعب رياضه والا لا بنات فيدوني ومنو كانت حامل من قبل ولعبت رياضه وعادي ؟؟

انا احس اني ماترددت عدل ووايد حست فترة الاربعين بالقومه والقعده ماريح جسمي عدل فاخاف يكون صج الرحم نازل شلون اعرف ؟؟

لانه هم حوضي احسه متغير ساعات مع الضغط احسه مفجج :eh_s(2):

وااااااااي بعد الحمال كل شي تغير كل شي :eh_s(2):

 

[DrabeeL]

سفوووره حبيبتي شخبارج وشلون حمووود شالدنيا فيج

وشصار معاج مع الكبت مال ميداس مع انه وايد يمدحون شغله ميداس واثاثه الفتره الاخيره كان اينن

بس اعتقد اهوه حق طاولات الطعام وهالسوالف احسن من غرف النوم ..

طلي علينا ياسفوره مو يعني خذيتي الالف نسيتينا تره كلنا عندنا الاف


<<< بتزيدج مقثه اخس من اللي يبيعون لووووول

انا الفي نازلهخ بحسابي الاهلي وحسافه مااقدر اسحبها اهني لازم لمه ارجع الكويت ان شالله

بنات مححد فيكم نزلت له الفه وعنده حساب بالاهلي لانه ماتبين لمه ادق واستفسر بالرصيد قالولي انه مسووين حساب توفير وحاطين فيه الالف بروحها ..


متقلتوووا كل وحده شسوت بالالف ؟؟ :eh_s(9):

 

[DrabeeL]

أميره ..






أموووووره ..



أم مهووودي ...



ياااااااااا أميره ..

أنتي يا اميره ..

أميرة بكلمتج


ملكة بهيبتج



حلوة بضحكتج



عذاب بغيبتج



نتمنى شوفتج





ويناموره غاطه كل هذا من الدوام خلاص انا اقول استقيلي شلج بوزارة التربيه بس لاتغطين علينا جذي

وأبشركم بعد جوجو رح تصير نفس اموره تغط والسبه هالدوام الخايس والتحضير

الله يعينكم

وجوجو مع حشرتها مسكينه كاسره خاطري اختي رشت الشقه والحين ماتدري ان شالله تختفي الحشرره والله حبيبتي اختي ماتترقع الله يحفظها يارب :33_1185028183:

وبما اني شاعره صايره اليوم

مالقيت شييوفيلج يا اختي بس شوفي هالفيديو اهداااء حقج وحقكم بعد بنات انتوو خواتي :[/CODE]



http://www.youtube.com/watch?v=HNnQVgLu_j4

 

[DrabeeL]

اللي حساسه نفسي لا تفتح الرابط ههههههه:eh_s(2)::eh_s(2):

 

[DrabeeL]

وينكم بنات الصفحه كلها صارت قرقتي:eh_s(22):


حووووراء يا أجمل بنات حواااء شلونج حبيبتي شخبارج وشلون مهودي؟؟

انتي وين جارتي اي صوب يلا خل نتزاور:eh_s(9): احس انج بكاردف ماادري ليش :eh_s(10):

وشفت سايت الكتاب بس حسافه لازم نشتريه والمكتبه بلبنان ..


حوراء شفتي شصار بالبحرين والله انا قلبي يعورني عليهم حرام ليش قاعد يصير جذي الله ينصرهم ان شالله :yaaaaaarb:

وشلون اهلج اللي هناك ان شالله بخير ومو حايشهم شي؟؟

اهل البحرين طيبين مايستاهلون الله يفرج عنهم ان شالله :yaaaaaarb:

 

[DrabeeL]

شنوو يصير بالشهر الثالث وطالع حق عيالنا :eh_s(15):



تثبيت الرأس ::jumpon:
خلال هذا الشهر، قد يصبح طفلك قادراً على رفع رأسه والحفاظ على هذه الوضعية عدّة دقائق فيما هو مستلقٍ على ظهره. إذا جلس مع قليل من المساعدة، قد يتمكّن من تثبيت رأسه ورفعه. أمّا حين يكون مستلقياً على بطنه، فقد تجدين أنّه يرفع رأسه وصدره كما ولو كان يقوم بنصف تمرين رياضي، لذا شجّعيه واجلسي أمامه ولوّحي له بلعبة ما.


انسجام أفضل في عضلات الذراعين والساقين واليدين ::eh_s(9):
يستطيع طفلك الآن التلويح بذراعيه والركل بساقيه، فقد ازدادت قوّته بما أنّ مفاصل ردفيه وركبتيه أصبحت أكثر ليونة. إذا حملته وساقاه متجهتان نحو الأرض، قد يتمكّن من فردهما. يمكنه أيضاً ضمّ يديه وفتح أصابعه لكنه سيستخدم قبضته ليضرب الأغراض المتدلّية. (لا شكّ أنّ ضرب لعبة ما أو أي شيء آخر هو تقدّمٌ في حدّ ذاته!) وعليك مساعدته على مسك لعبة أمامه ومراقبته لو أراد القيام بذلك.


سهولة في أنماط النوم ::ch12:
من الآن فصاعداً، سيحصل الأهل الذين حرموا من النوم على بعض الراحة. في شهره الثالث أو الرابع، تبدأ أنماط النوم لدى طفلك بالاستقرار، فالعديد من الأطفال في هذا السنّ ينامون طيلة الليل وقد يستيقظون أحياناً بسبب الجوع. هناك فئة أخرى من الأطفال قد لا تنام الليل بأكمله، (ما يعني أنّهم ينامون ستّ ساعات كلّ مرّة خلال السنة الأولى) لمدّة ثلاثة إلى ستّة أشهر، لذا عليك ألا تقلقي لو أيقظك طفلك أثناء الليل.


التعرّف الواضح على الأم والأب ::ioljnmlk:
بحلول الشهر الثالث، أو ربما قبل ذلك، يكون طفلك قد تعلّق بك وألِف وجهك ولعلّه يوزّع الابتسامات على الغرباء أيضاً، خاصة إذا نظروا مباشرةً في عينيه وتحدثوا إليه، لكنه بدأ يصنّف الأشخاص ولا شكّ أنّه يفضّل البعض أكثر من غيرهم.
إنّ الفَصّ الجداري، أي الجزء الذي يتحكّم بانسجام وظائف العضلات بين اليد والعين في الدماغ ويسمح للإنسان بالتعرّف على الأشياء، ينمو بسرعة الآن. أمّا الفَصّ الصدغي، الذي يساعد في السمع والكلام والشمّ، فقد أصبح أكثر نشاطاً وقدرة على الاستقبال. لهذا السبب، عندما يسمع طفلك صوتك الآن، قد ينظر إليك مباشرةً ويبدأ بالقرقرة أو يحاول الردّ عليك.


اقرئي له اليوم ::fun22:
تعتبر القراءة للطفل، مهما كان عمره، إيجابيةٌ جداً وتُعينُه في التعرّف على الإيقاع اللغوي. في الواقع، إذا غيّرت طبقة صوتك واستعملت لهجات مختلفة وغنيّت ومرّنت صوتك، ستنشّطين عملية التواصل بينك وبين طفلك. لكن لا تقلقي إذا أشاح بنظره عنك أو فقد تركيزه، وحاولي تحفيزه من جديد بتغيير النشاط الذي تقومان به أو امنحيه بعض الوقت ليرتاح. من الهام أن تنسّقي تفاعلك مع استجابته ودرجة اهتمامه.
تجدين في الأسواق العديد من الكتب الجيّدة لتقرئينها لطفلك. اختاري الكتب الكبيرة التي تحتوي على صورٍ كبيرة وبرّاقة ونصٍّ بسيط أو حتى الكتب التي تحتوي على الصور فقط.
لكن في هذه المرحلة، لا يجب أن تتقيّدي بالإرشادات المدوّنة، فالكتب المصمّمة لأطفال أكبر سنّاً والتي فيها صور واضحة وألوان جذّابة قد تلفت نظر الطفل الصغير. يمكنك حتى أن تقرئي له الشعر الموجّه أصلاً إلى الراشدين، ومع أنه لن يفهم ما يسمع، لكنّه سيفرح بكلّ تأكيد بسماع الجَرْس الموسيقي في هذا الكلام (كما ستستمتعين بذلك أنت أيضاً).


النمو اللغوي المبكر ::050103nbh_prv:
تُعتبر هذه الفترة في غاية الحساسية، فالتحفيز هام جدّاً لطفلك. استغلّي كلّ لحظة وتكلّمي معه مستعينةً بمجموعةٍ متنوّعة من الكلمات والأصوات، فقد ربطت أحدث الدراسات نسبة الذكاء العالية بعدد الكلمات التي يتعلّمها طفلك خلال سنته الأولى. وهذا هو الوقت المناسب لإعداد مخزونٍ من الأصوات. حتى أنّ نزهةً بسيطة إلى المتاجر قد تشكّل فرصةً لتحفيز طفلك، ففيما تتجوّلين في المكان، دلّي على الأغراض وسمّي الأشياء باسمها. بالتأكيد أنّ طفلك غير قادر على ترديد تلك الكلمات بعد، غير أنه يخزّن كلّ المعلومات في ذاكرته التي تتطوّر بسرعة.
يحظى الطفل الذي يعيش في منزل ثنائي اللغة بتدريبٍ لغويّ مزدوج لو سمع اللغتين بشكل منتظم. ولو شئت أن يتعلّم أكثر من لغة واحدة، على كلّ من الوالدين أن يتحدّث إليه بلغةٍ مختلفة.


أكثر حساسية في اللمس ::tomato2:
قومي بتحفيز حاسة اللمس لدى طفلك بواسطة مواد كالفرو والقماش واللباد والنسيج الوبري، أو ابحثي عن كتب تضيف تجربة اللمس إلى تجربة القراءة. المسي طفلك واحمليه ومسّديه وارفعيه عالياً، فتلك طرق فعّالة تريحه وقد تزيد من درجة تنبّهه.


بدء التفاعل مع الآخرين ::gathering:
إنّ طفلك في حالة تلقٍّ دائم، وهو يستخلص العبر من العالم حوله. في هذه الفترة، يمكنه أن يتعرّف إلى وجهه في المرآة فيبتسم (يحبّ الأطفال النظر إلى أنفسهم)، كما قد يتوقّف عن مصّ إصبعه أو زجاجة الحليب ليصغي إلى صوتك. إذا قرقرت له أو أصدرت الأصوات أو وصفت له حتى أكثر الأعمال المنزلية رتابةً، فأنت لا تتواصلين معه فحسب، بل تشجّعينه على التعبير عن نفسه. كما ستلاحظين أن طفلك أصبح أكتر نشاطاً وترحيباً بالآخرين، يبتسم لهم ويتأوّه ويقرقر. ها قد بدأ وقت المتعة، لذا أبقيه إلى جانبك حين تكونين برفقة صديقاتك ليتمكّن من الاستماع إلى غنى التفاعل البشري.


هل ينمو طفلي بشكلٍ طبيعي؟ :eh_s(10):
تذكّري أنّ كلّ طفل حالة فريدة، يجتاز المراحل الجسدية وفق نمطه الخاص. وما ندرجه هنا ليس سوى خطوطٍ عامة ترشدك إلى إمكانيات طفلك وما سينجزه عاجلاً أو آجلاً.

إذا كان طفلك خديجاً (مولوداً قبل أوانه)، على الأرجح أنك ستلاحظين أنّه يحتاج إلى بعض الوقت قبل أن يتمكّن من القيام بالأمور التي يحسنها من هم في مثل عمره. لهذا السبب، يعطي أطباء الأطفال الخدّج عمرين، العمر الزمني (الذي يُحسب ابتداءً من تاريخ الولادة الفعلية) والعمر المعدّل (الذي يُحسب ابتداءً من موعد الولادة الأصلي). من هذا المنطلق، عليك أن تقيّمي طفلك بحسب عمره المعدّل لا عمره الزمني. لا تقلقي، فمعظم أطباء الأطفال يقيّمون نمو الطفل الخديج وتطوّر مهاراته بحسب موعد ولادته الأصلي.

 

[DrabeeL]

بنات واصلني عالواتس اب ان شالله يفيدكم:

اسألي الدكتوره اميره بهبهاني اختصاصية أمراض نساء وولادة واحصلي على الرد قريبا .واقرئي أسئلة المرضى واجوبه الدكتوره لهم .. وشاهدي مقابلات مع الدكتوره تتحدث فيها عن اختيار جنس الجنين ، استعدادات الحمل ، وغيرها من المواضيع المختلفه :


http://www.dramirabehbehani.com

 

[DrabeeL]

بناااات وامهات البنااااااات

هذا سايت حماتي تسوي تيجان وباندات وشبابيص وهالسوالف وطوق حق حفلات التفوق واي شي تبون عالطلب

ماادري منو مره كانت تسال تبي احد يسوي باندات


http://www.jollyprincess.com/

دشوووا وقولوا رايكم واشتروا

مو تقولون دعايه بس حبيت اوريكم واهي سوت لي حق بنتي قبل لا اسافر كبابيس الكل سألني عنهم اهني ..


حس السايت راح ينياز حق كوكو بما ان عندج بنات واكيد يحبون الشخصيات مثل سبنج بوب وهالسوالف

جيكوو على تاج انيس وبدر لووول عبيط والا الحصان مال ويني بوه
:krkrkr:

 

[Q8stylle]

موفقيييييييييييييين

 

[DrabeeL]

وينكم بنات. امهات شصاير @@

 

[حرم سي السيد]

هلا بالطش والرش هلا برفيقات دربي وخواتي وحبايبي

شلونكم وشلون بيباتكم بوسه حق احلى بيبيات

دربوله الحمدالله اخوي اتحسنت حالته وتزوج 24-2 ربي له الحمد الكل يقول حلم شلون كان وشلون صار

امبي قاعده اكتبلج وعيني دمعت تذكرت المعاناه اللى عانيناها معاه

 

[غرووووور]

رد : احلى تجمع (( كروشات ديسمبر )) حياكم الله بنات

هلا والله دربووله
اليوم صايره نشيطه ماشاءالله عليج


إي صح نسيت أنا وياج بيننا قواسم مشتركه لووووووووووووول




بنات تخيلو منو طرا على بالي؟؟؟؟؟؟؟؟؟؟؟؟
















مــــــــــــــــــــــــــــــــــــــــــــــــــناتي الله يذكرها بالخير اللي جمعتنا
وربي لها وحشه












بنتي لولو صايره تعض صدري لما أرضعها وحيل تعورني

تخيلو مه كانت زعلانه وتشرب من صدري وفجأه وقفت وإقعدت إتطقه يعني زعلاااااااااانه عليه

لوووووووووووووووووووووووووول

هالبنت عجيبه

 

[غرووووور]

رد : احلى تجمع (( كروشات ديسمبر )) حياكم الله بنات

http://www.q8yat.com/showthread.php?t=818162

 

[أميرة طفولتي]

دربوووووووووووووووووووووله

يااااااااااهلاااااااااا بلييييييييي لفااااااااانااااااااااااااا ياهلاااااااااااااااااا به
ططااااو طاااااو لوووووووول
إش إش إش على هالشعر الخطييييييير ترى ما اتحمل عيوني بسرعه تغورق هههههههه
ااااخ بس من هالدوااااااام خذاني من كل شي
تخيلي حى مهودي عند امي طول الاسبوع اخليه عندها واخذه خميس ويمعه والسبت بليل ارد اوديه
حدي حدي قاعده اشتاااااااااقله و حق حسه بالبيت وبجيته
بس والله مو بيدي قاعده اروح الدوااااام مصددددعه ومو نايمه ولمن ارجع بس ابي اقط نفسي على الفراش انام
من التعب حرام مو قادره اجابله على الاقل اهوا 24 ساعه هناك عند امي مجابلته مو الخدامه اهني عندي
يعني تخيلي من الساعه 6 ونص الصبح يظل عندها ارجع من الدوام هم تتعبانه انام لي المغرب 6 7
هذي جريب ال13 ساعه اهيا الي مجابلته امووووت واحيا ويكسر خاطري واااااااااااايد وااااااايد احس محد يسولف معاه
بس شايلته وساكت حبيبي
الحين عند امي وابوي و اخواني مو مخلينه كله على راسه ولي الفير يسهرون مع امي يلعبون معاه
هالشي وايد ريحني احس كنت ظالمته كله بيد الخدامه وانا ماكنت مرتاحه كلللش الحين الحمدلله ارتحت لان امي الي معاه

والله يعينها جوووجوووو حبيبتي من ذاك اليوم وانا افكر فيها شصار عليها وعلى هالحشره ؟؟!!
انشالله تختفي وتفتك ترتاح

وعلى سالفة التعضض مهوودي جذي بعد صارلي شهر يحاول يحط ايده كلها بحلجه لوووووووووول يبي يعضعض
ويسعبل ويسوي فقاقيع لووووووووول
امي قامت تعطيه برتقال تخففه بالماي بس مو عاجبه مايشربه وايد يحب التمر حبيبي يشربه كله ومايرضى يطلع المميه من حلجه
ههههههههههه يظل مجلب فيها خخخخخخ
وووو انشالله موعد تطعيمه الياي 8-5
حق 6 شهووور

 

[أميرة طفولتي]

غروووووووووور

شلووووونج شخبارج وشلوووون الكتكووووووووته فديتها بوسيها لنا
عليييييييييج بالف عافيه حبيبتي تتهنين بالاغراض
عاد استمري عليهم مو بس هبه وتهدينهم حرام عشان تستفيدين