احلى تجمع (( كروشات ديسمبر )) حياكم الله بنات

[أميرة طفولتي]

حروووووومه

يابعد قلب قلبييييييييييي انتي
فديت قلبج حبييييييييييييبتي
شلوووونها حووووووووووري حبيبة ألبي ؟!
خذيتي امومه ولا لأ ؟ وين تداومين حروووومه ؟


بنات في وحده للحين بالاربعين @@ ؟؟


زيووووووووووووون ويييييييينج مالج حس طمنينا على ديوووووووماااااااااا

 

[أميرة طفولتي]

بنات انشالله خل ينزل المعاش بروح عيادة باب هاني اسنان
بحط تقويم هههههههه عند دكتور عماد ابي اعدلهم

وصارلي اسبوع هاده الرجيم لاعت جبدي وزني علق على ٥٣.٢٠٠ ابي انزل لي ٤٨
زنوووووودي واااايد تلوع الجبد

 

[فاقده حنان ابوه]

مالج شغل فيه بنوته يقص عليج

 

[حـوراء]

رد : احلى تجمع (( كروشات ديسمبر )) حياكم الله بنات

بنات لا تنسون شعب البحرين من الدعاء
اللي قاعد يحصل هناك وحشية بحتة واستبداد ظالم

الدعاء له ألطاف غيبية
لا تنسونهم من الدعاء

أنا قلبي موجوع ادعولي
زوجي هناك ومحاصر ما يقدر يطلع من البيت
هناك ماي الشرب لازم يشترونه لأن الحكومة ما توفره , تخيلوا لو خلص الماي شبيسون الناس؟
والبحرين أعلنت حالة طوارئ لمدة ثلاث أشهر معناها أحكام عرفية معناها قتل أي أحد يشوفونه بالشارع ما ينتمي إلى الجيش أو الشرطة
يدخلون على الناس في بيوتها , يدخلون المراكز الصحية ويطقون بهالمرضى , يقصفون المناطق
أنا عشت بالبحرين وشفت وعرفت مأساتهم
أي قوة خليجية راحت وساندت هالظلم , عندي تساؤل هالقوة هذي كلها ليش ما طلعوها على إسرائيل اللي قاعدة تقتل بهالفلسطينين ليل ونهار؟
دبابات ومدرعات ومروحيات كل هذا ليش؟؟
شنو هذا , يبون يسون مثل ما يسوي القذافي في شعبه؟؟

حرام اللي يصير , أمهات ثكلى وشباب دامي وأطفال جزعى
أنا مت وحييت على ما كلمت زوجي , كان مقطوع الاتصال وبعدين ردوه لأن منطقتنا هدوء مافيها شي

اللي يحصل مو حرب , اللي يحصل مجزرة وإبادة
هالمساكين شعندهم؟؟
جنسوا فوق راسهم ناس غجر هبلان و سووا بلاوي وهوايل بالبلد

ولكن إن الله لبالمرصاد

الدعاء الدعاء
قراءة سورة المسد 7مرات​

 

[أميرة طفولتي]

لا حول ولا قوة الا بالله العلي العظيم
الي قاعد يصير بالبحرين شي مو طبيعي ويعور القلب ويبجي
الله يعينهم انشالله وينصرهم ويصبرهم لييييييييش كل هذا قاعد يصير شنو كان ذنبهم ؟
شذنب اليهال يعيشون هالمأساة والرعب شذنب الشعب ؟!!
لا حول ولا قوة الا بالله
يااااااااااارب انصرهم يارب

 

[فديتهااا]

الله ينصررهم عااد البحرين امووت فيها ماتستاهل اللي يصير فيها والله يرد اعيال الكويت بسلااامه ويرد زوجج بسلاامه عووورتي قلبي

 

[فاقده حنان ابوه]

الله يكون بعونهم ياربي والله يطمنج علي ريلج وردلج سالم غااانم اللهم امين

 

[أميرة طفولتي]

مساااااااء الخيييييييير 
شلووووونكم يااااحلواااات
ليييش مختفين اليوم مالكم حس مو بالعاده عسى المانع خير
طمنونا عليكم


واي بنات عفيه شوفولي جاره مع زنودي شسوي عشان يضعفون ابي يصيرون صبه وحده
انا عندي امتن من كل صوب عادي اتقبل الااااا الزنود وععععع صج تبيخ الشكل وتعرض ما اقدر البس صاك على ايدي يبرزون وانا خلقه زنودي مو صبه معني ضعيفه بس صايرين شوي متفوخين شوي مو وايد يعني لازم وزني 48 عشان يبينون ضعاف وما اعاني بالبديات
بليز شسوي ابيهم يضعفوووووون
اسوي مساج بس حقهم ؟؟ مع رجيم ؟؟ ورياضه ولا شنو ؟؟*

 

[حرم سي السيد]

الله يرد زوجج بالسلامه حوراء وينصر أهل البحرين والله ندعيلهم من قلب

 

[أمواج^الكويت]

صباح الفراولة على أحلى عسولات شلونكم حبيبات قلبي اشتقتلكم وايد وايد وايد

سوري غطيت عنكم جم يوم كنت تعبانة نفسياً من هالحشرة اللي مادري من وين اطلعتلي

ماخليت شي في البيت إلا وغسلته مسحت الأرضيات بالديتول والمعقمات وغسلت الشراشف والمخاد والكفرات واااي تأزمت حدي وصار فيني وسواس الحشرات عسى ماشفت نقطة على الشراشف أو القنفات أو ملابس فروحة قعدت أدقق حشرة ولا لأ


زوجي رش البيت كله مبيدات وبطل السنترال على البراد وطلعنا وماردينا إلا وقت متأخر والحمدلله من بعد هاليوم ماشفت شي بس القارص ذبحنا أوووف عاد ألحين موسم الحشرات دم ضروسي البعوض والبق والحشرات بكل أنواعها :eh_s(14):

وفروووحة بعد عمري كانت مسخنة وحايشها برد وتحن طول اليوم لدرجة إن أمس خلاص انهرت قعدت أبجي نفس الياهل وهسترت ومادري شنو صار فيني يمكن لأني تعبت نفسي فوق طاقتها وماريحت من ولدت فروحة وماغيرت جو ولا سافرت ودوامي ماباقي عليه شي يوم الأحد الياي وهالشي موترني صارلي أسبوع قاعده أحاول أعدل نومة بنتي بس ماكو فايدة :eh_s(2): والصراحة ما أقدر أداوم وأنا مواصلة ماراح أقدر أركز وأنا أشرح حق الطالبات وقبل جم يوم طلعنا من المغربيات وأخذنا فروحة معانا رحنا السوق وبعدها رحنا بيت حماتي وقعدنا لي الساعة 2 بالليل وقلت حق خدامتي انتي نامي عدل علشان تسهرين وياها الفير وحاولي تنومينها علشان تضبط نومتها تخيلوا بنات يومتها فروحوه حنة لي الساعة 8 بجي متواصل وأنا شايلتها وأفر فيها بالشقة لين جتفي طاح وحضرتها طنشت كلامي وماقامت وثاني يوم اخذت فروحة ورحت بيت أهلي وهم سوت نفس الحركة جان أنفس عليها يومين وماعطيتها ويه الاخت تنام من المغرب وتسحبها لي الصبح وتقولي أنا أمس انتو يطلع أنا مايقدر نوم :eh_s(10): تقولي أنا يصلي فكر في في ولد مال أنا ماينوم

احترت بنااات مادري شبسوي يوم الأحد .. أمووورة حياتي ما ألومج والله لما تحطين مهداوي عند الوالدة الله يحفظها ويخليها لج لأن صج دوامنا إرهاق يبيله ترتاحين وتروحين مخج مرتاح علشان تقدرين توصلين المعلومة حق الطالبات وتعطين بالحصة مو تروحين مو مجمعه ومافي تركيز .. الله يعينا على هالمهنة التعيسة كل يوم أحن على ريلي شوفلي مكان ثاني بس زهقت نفسيتي اتعبت من هالشغلة وهذا غير ملاقة المصريات اللي بالقسم مشاكل وصراخ وعينهم على كل شي عندج .. هذا عيب تخصصنا كله من الجاليات العربية حتى بسوالفنا ولمتنا بالقسم مانستانس :rgewrg:​

 

[أمواج^الكويت]

رد: رد : احلى تجمع (( كروشات ديسمبر )) حياكم الله بنات

بنات لا تنسون شعب البحرين من الدعاء
اللي قاعد يحصل هناك وحشية بحتة واستبداد ظالم

الدعاء له ألطاف غيبية
لا تنسونهم من الدعاء

أنا قلبي موجوع ادعولي
زوجي هناك ومحاصر ما يقدر يطلع من البيت
هناك ماي الشرب لازم يشترونه لأن الحكومة ما توفره , تخيلوا لو خلص الماي شبيسون الناس؟
والبحرين أعلنت حالة طوارئ لمدة ثلاث أشهر معناها أحكام عرفية معناها قتل أي أحد يشوفونه بالشارع ما ينتمي إلى الجيش أو الشرطة
يدخلون على الناس في بيوتها , يدخلون المراكز الصحية ويطقون بهالمرضى , يقصفون المناطق
أنا عشت بالبحرين وشفت وعرفت مأساتهم
أي قوة خليجية راحت وساندت هالظلم , عندي تساؤل هالقوة هذي كلها ليش ما طلعوها على إسرائيل اللي قاعدة تقتل بهالفلسطينين ليل ونهار؟
دبابات ومدرعات ومروحيات كل هذا ليش؟؟
شنو هذا , يبون يسون مثل ما يسوي القذافي في شعبه؟؟

حرام اللي يصير , أمهات ثكلى وشباب دامي وأطفال جزعى
أنا مت وحييت على ما كلمت زوجي , كان مقطوع الاتصال وبعدين ردوه لأن منطقتنا هدوء مافيها شي

اللي يحصل مو حرب , اللي يحصل مجزرة وإبادة
هالمساكين شعندهم؟؟
جنسوا فوق راسهم ناس غجر هبلان و سووا بلاوي وهوايل بالبلد

ولكن إن الله لبالمرصاد

الدعاء الدعاء
قراءة سورة المسد 7مرات​

حوراء حبيبتي والله كلامج عور قلبي ..

اللهم احفظ مملكة البحرين وسائر البلاد العربية وأبعد عنا شر الفتن وكيد الأعداء ..

اللهم اصرف عنا البلاء والشرور والفتن ماظهر منها وما بطن ..

اللهم عليك بمن أراد ببلاد المسلمين سوءاً

اللهم رد كيد الخائبين .. اللهم آمين يارب العالمين ..

والله يطمن قلبج على ريلج ويرجعه لكم بالسلامة ويلم شملكم يارب :yaaaaaarb:

حوراء ليش انتي وين ! مو قلتي تدرسين بره ! عيل وين حاطه مهداوي حبيبي !​

 

[أمواج^الكويت]

:eh_s(2):

وين اموره غاطه كل هذا من الدوام خلاص انا اقول استقيلي شلج بوزارة التربيه بس لاتغطين علينا جذي

وأبشركم بعد جوجو رح تصير نفس اموره تغط والسبه هالدوام الخايس والتحضير

الله يعينكم

وجوجو مع حشرتها مسكينه كاسره خاطري اختي رشت الشقه والحين ماتدري ان شالله تختفي الحشرره والله حبيبتي اختي ماتترقع الله يحفظها يارب :33_1185028183:

وبما اني شاعره صايره اليوم

مالقيت شييوفيلج يا اختي بس شوفي هالفيديو اهداااء حقج وحقكم بعد بنات انتوو خواتي :[/CODE]



http://www.youtube.com/watch?v=HNnQVgLu_j4

لوووووووووووووووول صدقتي اختي بنات إذا غطيت عنكم ترى من الدوام راح ياخذني منكم

بعد عمري اختي ثانكس عالإهداء .. دمعت عيوني والله :eh_s(2):

اشتقتلج اختي :eh_s(11)::eh_s(11)::eh_s(11): واشتقت حق رورور :eh_s(16)::eh_s(16)::eh_s(16):

تذكرت أيام الحمال و النفاس وعبطنا .. صج كانت أيام متعبة بس كانت ذكريات حلوة :eh_s(22):

بنات السنة اللي طافت نفس هالحزة تقريباً كنا كلنا حمل في بداية نساتنا والله أيااام كانت ثقيلة بوقتها بس لما نتذكرها نحس بسرعة مرت .. مو صح ! ​

 

[ليموني]

السلام عليكم ياامهات


شلونكم شخباركم شمسوين

 

[ليموني]

السلام عليكم ياامهات


شلونكم شخباركم شمسوين

 

[حـوراء]

رد : رد: رد : احلى تجمع (( كروشات ديسمبر )) حياكم الله بنات

حوراء حبيبتي والله كلامج عور قلبي ..

اللهم احفظ مملكة البحرين وسائر البلاد العربية وأبعد عنا شر الفتن وكيد الأعداء ..

اللهم اصرف عنا البلاء والشرور والفتن ماظهر منها وما بطن ..

اللهم عليك بمن أراد ببلاد المسلمين سوءاً

اللهم رد كيد الخائبين .. اللهم آمين يارب العالمين ..

والله يطمن قلبج على ريلج ويرجعه لكم بالسلامة ويلم شملكم يارب :yaaaaaarb:

حوراء ليش انتي وين ! مو قلتي تدرسين بره ! عيل وين حاطه مهداوي حبيبي !​

أنا بالكويت ومهداوي معاي , زوجي في البحرين لأنه بحريني
على أساس الكورس الياي نروح نكمل دراستنا لأن أنا معاه وقفنا قيدنا كورس كامل عشان كان وكت ولادتي وقلنا الكورس اللي بعد ولادتي بنروح , بس ويا هالأوضاع في البحرين وزوجي المحبوس بالبيت وين نقدر نسوي شي

ظلم اللي قاعد يصير مو شي طبيعي حسبنا الله
وصلت إلى أن رياييل يتصلون ويستنجدون ويبجووووون , هذا معناه اللي قاعد يصير كارثة
الله المعين
واااااي بنات مشكورين للدعوا , والله نحتاج دعاء أكثر الله لا يحرمني منكم ولا من دعائكم
سلمتم :eh_s(17):​

​

 

[أمواج^الكويت]

السلااااام عليكم شلونكم صديقاتى؟

بنات عبود فديته شكله قاعد يسنن
مسكين صار له جم يوم مو على بعضه ما يقدر ينام و 24 ساعه يعض ايده و يسعبل شكثر معور قلبي

هالوووو أم عبودي العسووول شلونج غلاتي وشلون بنوتاتج الحمدلله إن نتيجة تحاليلهم اطلعت زينة ومافيهم إلا العافية ربي يحفظهم ويخليهم لج ويبلغج فيهم عرايس أهمه وأخوهم شيخ الشباب ..

كوكو مو جنه تو الناس على التسنين ! مو لازم بالشهر السادس ! هذي يمكن مقدمات حقه لأن حتى أنا بنتي تسعبل وايد وودها تعضعض بأي شي وتحاول تمص صبعها وتدخل إيدها كلها نفس مايسوي مهداوي ولد أمووورة وساعات تعور روحها وتعصب لووووول تضحك لما تسوي هالحركات

وخدامتج هذي لها نية على النحشة ترى يبيلها مراقبة حطي كاميرات في نوعيات ماتبين كلش حطيها بفتحات السنترال وزعي بالصالة وغرفة اليهال وأكثر مكان تقعد فيه مع بناتج .. والله يعينج عليها صج ماينعطون ويه حتى اللي عندي شكلي دلعتها وسولفت وياها فطيحت الميانة ساعات نقول مساكين حرام كافي عليهم غربتهم عن أهلهم وعيالهم س هذوله يبيلهم الشديدة علشان يصيرون سيدة ومايلفون ويدورون وياج ..

أنا اللي عندي عشتو صايره تتشرط ومسويه روحها أميرة زمانها أم دهن تخيلي كوكو لما تخم ذيك المرة قلت لها كنسي شوي أطراف الدريشة جان تقولي ماما داستي هني واجد أنا مايقدر خشمي يطلع دم من غبار .. قلت لها أنا يوم كنت حامل وثقيلة أنظف وأسوي كل شي إنتي اشفيج على كل شي تقولين لي داستي داستي ..

عند روحها أنا بيبي ستر تيك كير بيبي ماتبي تجيس شي ثاني :rgewrg:

تسولفلي عن البيوت اللي كانت فيها تقول أنا كله بيبي ستر إذا خدامات ثانيين يطبخون أنا أبي أروح هلب هم مدام آنقري قول انتي لايروح مطبخ علشان لايصير ريحة بعدين يمسك بيبي .. زوجي يقولي خليها تولي مالج شغل ترى صايره وايد تقط نغزات يعني لاتعطيني شغل ثاني يقولي لاتخليني ألحين أزفها وأعطيها فناقر أخليها تصير آدمية أول مايت مسويه روحها شغوله من أول يوم شاده حيلها تبي تغسل وتكرف وتنظف علشان ترضيج عطيتيها ويه خذت راحتها وتنغز تقول أنا لازم معاشي 55 لأني مو أول مرة أشتغل والمكتب اهني بالكويت جذابين قايلين حق السفارة معاشي 55 وقايلين لكم 50 لما أفاتح ريلي بالسالفة يقولي مو عاجبها خل تذلف مو كافي طلباتها قاعدين نشتريلها فازلين وكريم وصابون وصبغ حق شعرها عشتو وحتى فلوس العمولة مالت التحويل قاعدين ندفعها لها وعودناها تدق على أهلها وتكلمهم كل أسبوع بدون ماتدفع فلوس الكرت بعد اشتبي أكثر من جذي هالمصاريف صكت على الخمسة اللي تبي تاخذها يقولي خل تولي لاقيتج مقصه :rgewrg:

ولما أتناقش وياه بصوت واطي يقولي اشفيج تتحجين جذي تخافين منها اخذي راحتج انتي في بيتج شنو هذي اللي تبي تتحكم فينا .. وأنا أقوله مو مسألة خايفه منها بس باجر لي داومت بنتي راح تكون عندها فقاعده أدلعها علشان في المقابل تدلع بنتي .. يعني اللي مخليني ما أشد عليها بنتي ولا ماهمتني ..

تخيلي كوكو إحنا أغلب الوقت أكلنا مشويات والإخت مو عاجبها تقط نغزات تقول أنا من زمان ماياكل عيش حضرتها تبيني أطبخلها عيش .. صج مو كفو نعمة :rgewrg:

أحس خدامة بيت أبوي الحقيرة خربت أطباعها ماكانت جذي أول مايت .. كل ماقلت لها شي تقولي ناني تقول وااااي ترفع ضغطي لما تييب سيرتها عمه بعينها ذيك المرة تقولي أنا جسمي يحكني قلت حق ناني جان تقولي أكيد هذوله بيت كله حشرات مو نظيف انتي يصير جذي عشتو يعني ألحين ناني شخصت حالتها ..

أووووف ما أواطن الخدم بس شسوي والله الظروف تحد الوحدة على هالشي والله لو مو بنتي والدوام جان من زمان جاحتتها بره .. ​

 

[أميرة طفولتي]

السلاااااااااااااااااااااااااااام

جووووووجووووووووو
هلا وغلا حبيبتي
توه مانور التجمع
وااااااااااااااااي على الدواااااااام يا جوجو الله يكون بعونا الله يعينج البدايه وااااااايد صعبه صار فيني جذي اول 3 ايام داومتهم
كنت بمووووت واطلع اجازه ولا استقيل كنت بسوي المستحيل عشان ما اداوم
بس تعوذت من ابليس وقعدت
اول اسبوع كان وايد صعب امي كانت مسافره وانا اروح الدوام مواصله تخيلي
كنت اقعد بالقسم رااااااااااااسي بينفجر وارجع البيت ابي اقط نفسي على الفراش بس ابي انام و مسكين حبيبي مهداوي
مااايشوفني بس الظهر ارجع ابوسه وانام يعني من الصبح الساعه 6 ونص اهوا عند الخدامه لي المغرب 7
ضمييييييري حده كان مأنبني عليه احس اني ظالمته ومو قاعده اجابله كلش
من ردت امي بالسفر قالتلي خلاص يظل عندي طول الاسبوع وانتي اخذيه ويك اند الله يخليها فديتها ارتحت
على الاقل طول اليوم اهيا ماسكته مو الخدامه
انا ديني ودم ضروسي احد يقولي ولدج ماسكته الخدامه تدرييييين شصير فيني احي اني اشب اطبخ من داخل

شوفي جووجووووو
مالج الا هالحل
خلي الخدامه تنام العصاري جريب المغرب لييييي الساعه 12 بليل وقعديها
انتي تنامين واهيا تمسك فلووووحه ليمن ترجعين من الدوام ونفس الشي تقعد لي العصر جريب المغرب وتنام وعلى هالحال
لمن تتعدل نومة فلوحه
يعني اهيا خدامتج عادة تنام 11 بليل او 12 لي 7 الصبح ؟!!
يعني قولي 7 8 ساعات تنام
نفس الشي بس هالساعات تنامهم من المغرب لي 12 بليل
وانشالله تمشي معاج السالفه على الاقل تروحين الدوام مركزه ومصحصحه

واذا على الحشرات ذبحنا البق مره وحده طلعوا اذانا القارص
بس ماعرفتي مصدر الحشره من وين ؟؟
وعقب مارشيتي الشقه ماطلعت ولا وحده كلش ؟؟
خلج على طول منتبهه لا تغفلين عن هالسالفه كل يوم طلي على اغراض فلووحه
ودايما نفضي الملابس والمهاد وكفرها قبل لا تلبسينها وغطينها
وانشالله ماكو الا كل خير بس انتي لاتوسوسين جذي وبنفس الوقت خليج منتبهه

 

[أمواج^الكويت]

أهلين ليموني حياتي شلونج والله لج وحشة يالغالية :hjy5jewf:


تعالي صج ماقلتي لنا شنو يبتي صبي ولا بنوتة وشنو سميتيه /سميتيها !


ومبروووووك عليج اللابتوب اليديد :eh_s(17):


عاد خلج على تواصل ويانا ولاتقاطعين :eh_s(22):


ليموني شلون أم خلووود ماتكلمينها على الـ بي بي ! والله افتقدناها ربي يسهل أمورها ويهدي زوجها وإنشالله نسمع أخبار حلوة عنها ..



حوراء الله يصبرج ياقلبي وإنشالله تستقر الأوضاع في البحرين صج مايستاهلون اللي قاعد يصير لهم اشذنبهم هالمساكين ويارب تشوفين زوجج وتلتمون على بعض بأقرب وقت وتكملون دراستكم وتاخذون الشهادة اللي ترفع الراس ويخليلكم ولدكم مهداوي ذخر لكم إنشالله ​

 

[أميرة طفولتي]

هلا والله ليموني

شلونج حبيبتي شخبارج ؟؟
احنا بخير الحمدلله بس لو الله يفكنا انا وجووجوووو من وزارة النحس الي احنا فيها جان احنا بخييييير هههههههههه

جووجووووو
لووووووول سلم قلبها فلوووحه اي بهالعمر جذي تبدي تبي تعضعض بس انا بعد الي اعرفه التسنين يبدي على 6 شهور
هذا الي اعرفه بس في طبعا يهال ابجر يسننون

ماشالله تبارك الرحمن اعرف وحده من جماعتنا ولدها 8 شهور مشى ماشالله عليه كل شي بسرعه بسرعه سنن بسرعه
وقام مشى بسرعه لو تشوفونه ماتصدقون نتفه ويمشي سلم قلبه عسووووووول

 

[أمواج^الكويت]

هلا هلا هلا بأمورتي أم مهداوي شلونج ياقلبي لووووووووووووووول شكلج شابكه من الدوام

إي والله يا أموورة الدوام حده أرف اللي يتعود عالراحة ماله خلق الشغل وبعدين التدريس كرااااااااااااااااااااف طول السنة نكرف ماكو راحة حتى لما الطلبة يغيبون علشان يدرسون حق الامتحانات يكدشونا نسوي اللجان ونصفف الكراسي ونرقم الطاولات جنه فراشات استغفر الله ..

وهذا غير المراقبة كل يوم ساعتين واقفين على ريولنا وأيام مراقبة فترتين 4 ساعات واااااااااااااااااي مأساة ببجي يا أمووورة

واللي عندنا حدهم حاقدين علي لأني كنت في إجازة طويلة طول فترة حملي حضراتهم متذمرين يقولون كافي شلنا جدولها طول فترة حمالها بعد بنتحمل جدولها وإهيه ماخذه أمومة !
جنه ماخذه الأمومة راحة واستجمام مايدرون مهدود حيلي وماكله هوى
وبعدين الأمومة بنص راتب والله يعينا يا أمورة لي قصوه ! مادري متى راح يقصونه تقريباً راح يقصون 1000 يعني بدال الألف اللي عطانا ياها الشيخ صباح الله يحفظه ..

حدي حدي كارهه القسم وماني طايقه أقعد فيه وأجابل أهل النفاق
شكلي إذا ماعجبني الوضع بقدم نقل مؤقت لين ريلي يدبر واسطة يطلعني من هالوزارة التعبانة ..

أمووورة جربتي تاخذين احتياط ! أنا دم ضروسي أدش احتياط ملاقة عندي أدرس ولا أدش صف مو صفي البنات قلة أدب وإذا شديتي عليهم يتطاولون مايهمهم لأنج مو أبلتهم وإذا عطيتيهم وي يمصخونها ويصدعونج بسوالفهم وقرقتهم وصوتهم العالي .. وااااااااااااااي جد جد جد مالي خلق أداوم :eh_s(16):


وعلى سالفة الخدامة لما أقولها نامي تقولي أنا مايجي نوم هذا تايم لازم بالليل .. تقعد طول النهار تنوم بنتي وإهيه ترتاح علشان بالليل تأذيني

ألحين بنتي نايمه إهيه بعد راحت خمدت أكو أكثر من جذي دلع مع إنها قاعده الساعة 6 وربع بس مو قاعده أكدشها بالشغل فخذت راحتها ..

واااي على هالخدم سوالفهم ماتخلص :bbbiu: ​