تجمع رشيقات صيف 2011 Yes We Can Do It " Lets Go Girls

[brat]

ودي أروح كلاس زومبا بالجيم، بس آنا ماعرف أرقص حتى خليجي
بس المدربة شجعتني تقول إن الكلاس زحمه ومحد يشوفج إذا تستحين
قبل شوي دشيت اليوتيوب ولقيت جم فيديو كلاس زومبا وقعدت أرقص وياهم، طبعاً خرابيط بس حسيت زنودي شدوا

وعقبها طلعت كلاس إيروبكس وتمرنت شوي، وناسه
آنا لأني ماعرف أثبت الحركات اللي يسوونها فأتجنب هالكلاسات بالنادي

 

[om l3yal]

بريت اشتخدمي البروان القطاعة
اول مرة بحياتي سويت تبولة قطعت خضرتها بضمييييير كان برمضان اول ماتزوجت ورايحين بيت حماي مستانسة حدي مسوية جم طبق ويوم كلوها الكل قام يطالعني طلعت الخضرا كزبرة مو بقدونس طبعا لا تشوفون ويهي من الفشيلة
والله لما الحين اذا بغيت اشتري الخضرا اسال شنو هذي لاني مافرق بينهم

 

[brat]

لووووووووووووول أمبيه حراااام آنا مثلج ماعرف أفرق بينهم
اي شكله هذا اللي بسويه، خل أمر آرجوس باجر أشوف إذا عندهم

 

[BiiShOoO]

مساااء السووالف و اليمعه الحلوووة

شلونكم بنات شخباركم؟

 

[om l3yal]

ضيووووون هذا المطلوووووب انج تغوصين بالاكل
وين الارادة قصيت عليج بكلمتين بتخربين كلشي
بس صج يستاهل التجربة سالوا عنه

 

[ضي]

هههههههههههه

انا بعد ما افرق بس الفشله انج كاشخه فيها كنتي لووووووووول


برات الزومبا يضععععف وااااااااااايد روحي كلاساتهم

 

[أم عامر]

لووووووووووووووووول ام عمور

والله هالرياييل ماتدرين شنو يعجبهم

هههههههههههههههههههه

شفتي بس انا اعرف شنو يبي هو مايحب الضعف ولا يحب السمنه المفرطه

يحب المليانه الي فيها شحيمات عندي حماتي اخته ضعيفه دايما يتطنز عليها

ويقول لها الله يعين زوجج من هالاعظام

علشان جذي يتحلطم لما يشوفني اضعف ولا تشوفينى لما يقعد يتلمس

هذا عظم وهذا خرب مقاسه اسكتي كلش ما يشجع

بس ماني راده عليه والله الضعف يصغر الوحده ويحليها

خصوصا ان جسمي مقسم خصر وخلفيه يعني مو سيده

 

[ضي]

لولو تهقين اذا رحت سانت لويس مااكل وجبه اووووف ؟

بيشووو اهلا وسهلاااا

 

[om l3yal]

ام عموووور امس نفس الشي يقولي بدا العظم يطلع بس الفرق انا يبي الضعف

 

[ضي]

زييييييين تسوين ام عمور مااااااالج شغل فيه

ياااااحلاااااة الرشااااااقه

 

[om l3yal]

بيشو هلا فيج يلا طبي سولفي معانا

 

[om l3yal]

هههههههههههه

انا بعد ما افرق بس الفشله انج كاشخه فيها كنتي لووووووووول


برات الزومبا يضععععف وااااااااااايد روحي كلاساتهم

حد الفشلة وتعالي سمعي التعليقات خو بس اكلوا وسكتوا الا تعلقون خو عروس

 

[BiiShOoO]

هههههههههههههههههههههههههههه اذا عن الضعف و المتن انا ريلي ما يعلق بس انا ابي اضعف حق عمري

 

[أم عامر]

من صجكم من امه مالي شغل فيه

ما صدقت ضعفت


لااا للسمنه هييييه

 

[brat]

هلا بيشو احنا زينين انتي شلونج؟

ضيونه عيل بروح هالكلاس مرتين بالأسبوع، أبي شي fun

على طاري العظام جان زين لو أصير هيكل

آنا عظمي عريض (يقولون) إذا نزلت وزني لي 55 أصير هيكل ولا هم يظل شكلي متين؟

 

[ضي]

بيشووو نفس اللي عندي ما يعلق

بس انا مليت ليمتي يعني

 

[أم عامر]

سوالفكم حلوه وماتنمل

بس ابي اروح انام وراي الصبح قعده للمدرسه بناتي

سبحان الله ناس تقعد وناس تنام

يلا تصبحون على خير من الله

ويارب كل وحده تصبح نازله كيلوووو:ggdw:

 

[BiiShOoO]

اهلين برات انا تمام

اي و الله لي متى

خنلبس و نستانس تونا صغار

 

[brat]

وانتي من أهله أم عامر انتي بعد سوالفج ما تنمل، آمين الله يسمع منج

اي والله بيشو كل سنة كل هبة أحلى من الثانية وانا أقول لما أضعف ألبس جذي ويروح موديلها وليلحيني ما ضعفت

 

[ضي]

نوووووم لعااافيه ام عمووووور

خووووش دعوه

برات توكلي علي الله وروحي

عيل تدرين انا كلللللللللش مافيني عظم

انا جاااااااانيه علي نفسي بهالمتن