منو الغلطان انا ولا زوجي ؟ لو انتي بمكاني شتسوين ؟

[حبيبه بدر]

شوفي انا نفسج وشفت انه هالمسجات تزيد المشكله ما تحلها

عشان جذي قمت امنع نفسي اني اطفي الجهاز لين اهداء وبعدين اشغله

عشان اعرف لما ايي يتكلم ارد عليه بعقل

ما ارد عليه بشياء غلط عشاني معصبه

 

[* بنت المطر *]

يعني عشانه يحبج بتستعبدينه لاتروح اليوم اقعد لاتطلع تعال روح .. شالسالفه !!

ترا حبيبتي الزواج موسجن لااغليت الانسان هد له مطلق الحريه خله لابغاك يجيك موتحشرينه الله يهديج

حمام البيت لاطيرتيه رد لنفس مكانه مهما طوول !! كاهو عاقبج الحين انا لو ماقلتيلي يحبج جان قلت كلام ثاني بس واضح

انج بتحكمين سيطرتج بالغصب وها رجال ياقلبي مايحب جذي يحبج تنكسرين له لو بالجذب موتقوليله انت ماعرفتني ليلحين !!

شدعوه عليج !! الله يهديج بس

 

[عبق الخزامى]

الحياة الزوجية في اولها دايم صعبه على مانفهم اطباع بعض هات يامـــــــــــد وياجــــــزر

بس ضروري تهدين الوضع مع ضبط النفس والاعصاب

دامت حياتك بسعاده وتذكري دايمن سفينه بقبطانين لا تبحرـ)

 

[انصاريه قمره]

هههههههههههههههه جنج انا لي لقيتي حل قوليلي

 

[مطيرية والعزليه]

اشوة انج مو زوووجي بل حدج ماتطوفين ولا تسامحين

الرجال مايحب جذي

 

[مجنونة حبه]

تبين الصراحه انتوا الاثنين غلطانين
ربعه عالعين وراس ماقلنا شي بس اهو اذا وعد وقال راح يرد البيت غير رايه وراح الديوانيه والشاليه
وانتي كرده فعل عصبتي عليه ودزيتي مسج بالطريقه الي اهو مايحبها
وكرده فعله يبي يعلمج حقراج مده يومين يعني يبي يعطيج درس
وانتي كرده فعل عصبتي وزدتي حبتين
واهو عارف اذا رد البيت راح تصير مشكله وعوار راس والخ



تدرين شنو الحل خلي يرجع البيت بس للازم يكون عارف ان اذا رد بيت
ماراح يصير شي
وانتو الاثنين اعتذروا من بعض يعني قولي انا بعتذر منك على اسلوبي
بالمقابل يعتذر على حركه الي سواها
وشذي كل واحد رد كرامته
وابدوا صفحه يديده والي صار امس مات لا تذكرونه كلش

 

[وحش سعود]

تبين الصج هو غثيث
بس تبين يركض وراج ويدق ويسال عنج
اذا كلمج كلميه عادي وانسي الموضوع
ولادزين مسجات له خير شر ولاتدقين عليه نهائي راح يفقدج ويسوي الي كنتي انتي تسوينه
هذي طبقتها مع زوجي
لدرجه صار يدق ويقول ليش مادقيتي
وادز مسجات بس على اللعب الخفيف
والله يوفقكم

 

[ســـــاره]

مشكورين

الصبح لما دز لي مسج انا بالبر لما اخلص ادق عليج فديتج باي

رديت عليه بمسج على طول دق الحين

بعدها كشت فيني ومت من القهر وحذفت الجهاز ونمت

لما قعدت شغلت جهازي ولقيت مسجين منه

اول مسج (والله عقلج صغير قلتلج بس اخلص ادق وقطية الجهاز بالدرج مادري بس ماشي والله يسامحج )

مسج ثاني (افا انا ادق والقى الجهاز مغلق وفوق هذا انتي الي مزعلتني ماشي يا (اسمي) الله يسامحج ومشكوره )

وانا بصراحه مارديت ليما الحين لما اهدى لاني راح اعصب حيل

 

[غرشة عود]

هو من زمان قالج بادبج على هالحركه وادبج بس ترى الرجاجيل يكرهون المره الي بس وراهم تحاتيهم احنا يا الحريم ندز لهم مسجات حبا وخوفا عليهم هم يحسبونها شي ثاني انج تراقبينه او تتحكمين فيه

 

[ميشو المالكي]

والله الأخوات كل وحده ردها أحسن من الثانيه أرسلي له كلام حلو وأنك أسفه على المسجات ألي تغث وقولي له أنك أشتقتي له وأذا جا سلمي على راسه ودلعيه شويه راح يتغير وترتاح نفسيتكم

 

[اميره1980]

بصراحة حدج اسمحيلي حنانة
الحين منو الريال فيكم انتي و لا اهو ؟
وينك و ما ادري شنو و بتروح و تجي وين اسألتج ثقيلة حيل و دقيقة كيفه خليروح يستانس بالشاليه و انتي مطيحه بالعروس ميخالف عنى؟ غير مسجاتج اللي فيهم عصبية و صراحة قله احترام للزوج شنو يعني تقوليله للحين ما عرفتني عدل؟؟ تبين تربينه يعني و لا شنو قصدج؟ حبيبتي تلاحقي على عمرج و ردي بيتج و اعتذري و تحججي باي حجه قوليله علي الدورة و تعبانة ما كنت ادري شقول او هرموناتي متخربطة و تخليني عصبية المهم اي حجه و رجعي بيتج و مو على اي سالفة رحتي بيت اهلج ديري بالج من هالحركة

 

[BeautyMark]

إختي إنتي غلطانة. يعني أهو محذرج من المسجات إلي تغث وهم طرشتي له مسج يغت... جان قلتي له يسلم راسك وروح استانس مع ربعك حتى لو أهو غلطان... لازم تتنازلين شوي عشان الحياة تمشي...
عموما هذي رقية ألفة القلوب وهم منها تهدي الأعصاب وتروح الغضب خصوصا إن شكلج عصبية. وإن شاء الله تستفيدين منها وهم أي وحدة من الخوات تستفيد:

آيــات التـأليف:

تُقرأ هذه الآيات لمن يعاني من نفور من المجتمع أو الأهل أو الزوجة وكذلك تنفع للمربوط ومن حيل بينه وبين الزواج ، ومن ابتلي بسرعة الغضب.

}وَاعْتَصِمُواْ بِحَبْلِ اللّهِ جَمِيعاً وَلاَ تَفَرّقُواْ وَاذْكُرُواْ نِعْمَةَ اللّهِ عَلَيْكُمْ إِذْ كُنْتُمْ أَعْدَآءً فَأَلّفَ بَيْنَ قُلُوبِكُمْ فَأَصْبَحْتُمْ بِنِعْمَتِهِ إِخْوَاناً وَكُنْتُمْ عَلَىَ شَفَا حُفْرَةٍ مّنَ النّارِ فَأَنقَذَكُمْ مّنْهَا كَذَلِكَ يُبَيّنُ اللّهُ لَكُمْ آيَاتِهِ لَعَلّكُمْ تَهْتَدُونَ{ [آل عمران:103]

}وَنَزَعْنَا مَا فِي صُدُورِهِم مّنْ غِلّ تَجْرِي مِن تَحْتِهِمُ الأنْهَارُ وَقَالُواْ الْحَمْدُ للّهِ الّذِي هَدَانَا لِهَذَا وَمَا كُنّا لِنَهْتَدِيَ لَوْلآ أَنْ هَدَانَا اللّهُ لَقَدْ جَآءَتْ رُسُلُ رَبّنَا بِالْحَقّ وَنُودُوَاْ أَن تِلْكُمُ الْجَنّةُ أُورِثْتُمُوهَا بِمَا كُنتُمْ تَعْمَلُونَ{ [الأعراف:43]

} وَنَزَعْنَا مَا فِي صُدُورِهِم مّنْ غِلّ إِخْوَاناً عَلَىَ سُرُرٍ مّتَقَابِلِينَ{ [الحجر:47]

} وَأَلّفَ بَيْنَ قُلُوبِهِمْ لَوْ أَنفَقْتَ مَا فِي الأرْضِ جَمِيعاً مّآ أَلّفَتْ بَيْنَ قُلُوبِهِمْ وَلَكِنّ اللّهَ أَلّفَ بَيْنَهُمْ إِنّهُ عَزِيزٌ حَكِيمٌ { [الأنفال:63]

} إِنّمَا الْمُؤْمِنُونَ إِخْوَةٌ فَأَصْلِحُواْ بَيْنَ أَخَوَيْكُمْ وَاتّقُواْ اللّهَ لَعَلّكُمْ تُرْحَمُونَ{[الحجرات:10]

} عَسَى اللّهُ أَن يَجْعَلَ بَيْنَكُمْ وَبَيْنَ الّذِينَ عَادَيْتُم مّنْهُم مّوَدّةً وَاللّهُ قَدِيرٌ وَاللّهُ غَفُورٌ رّحِيمٌ{ [الممتحنة:7]

} وَقُل لّعِبَادِي يَقُولُواْ الّتِي هِيَ أَحْسَنُ إِنّ الشّيْطَانَ يَنزَغُ بَيْنَهُمْ إِنّ الشّيْطَانَ كَانَ لِلإِنْسَانِ عَدُوّاً مّبِيناً{[الإسراء:53]

} وَالّذِينَ جَآءُوا مِن بَعْدِهِمْ يَقُولُونَ رَبّنَا اغْفِرْ لَنَا وَلإِخْوَانِنَا الّذِينَ سَبَقُونَا بِالإِيمَانِ وَلاَ تَجْعَلْ فِي قُلُوبِنَا غِلاّ لّلّذِينَ آمَنُواْ رَبّنَآ إِنّكَ رَءُوفٌ رّحِيمٌ{ [الحشر:10]

} أحِلّ لَكُمْ لَيْلَةَ الصّيَامِ الرّفَثُ إِلَىَ نِسَآئِكُمْ هُنّ لِبَاسٌ لّكُمْ وَأَنْتُمْ لِبَاسٌ لّهُنّ عَلِمَ اللّهُ أَنّكُمْ كُنتُمْ تَخْتانُونَ أَنْفُسَكُمْ فَتَابَ عَلَيْكُمْ وَعَفَا عَنْكُمْ فَالاَنَ بَاشِرُوهُنّ وَابْتَغُواْ مَا كَتَبَ اللّهُ لَكُمْ وَكُلُواْ وَاشْرَبُواْ حَتّىَ يَتَبَيّنَ لَكُمُ الْخَيْطُ الأبْيَضُ مِنَ الْخَيْطِ الأسْوَدِ مِنَ الْفَجْرِ ثُمّ أَتِمّواْ الصّيَامَ إِلَى الّليْلِ وَلاَ تُبَاشِرُوهُنّ وَأَنْتُمْ عَاكِفُونَ فِي الْمَسَاجِدِ تِلْكَ حُدُودُ اللّهِ فَلاَ تَقْرَبُوهَا كَذَلِكَ يُبَيّنُ اللّهُ آيَاتِهِ لِلنّاسِ لَعَلّهُمْ يَتّقُونَ{ [البقرة :187]

}وَسَارِعُوَاْ إِلَىَ مَغْفِرَةٍ مّن رّبّكُمْ وَجَنّةٍ عَرْضُهَا السّمَاوَاتُ وَالأرْضُ أُعِدّتْ لِلْمُتّقِينَ * الّذِينَ يُنفِقُونَ فِي السّرّآءِ وَالضّرّآءِ وَالْكَاظِمِينَ الْغَيْظَ وَالْعَافِينَ عَنِ النّاسِ وَاللّهُ يُحِبّ الْمُحْسِنِينَ * وَالّذِينَ إِذَا فَعَلُواْ فَاحِشَةً أَوْ ظَلَمُوَاْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذّنُوبَ إِلاّ اللّهُ وَلَمْ يُصِرّواْ عَلَىَ مَا فَعَلُواْ وَهُمْ يَعْلَمُونَ{ [آل عمران:133-135]

} فَبِمَا رَحْمَةٍ مّنَ اللّهِ لِنتَ لَهُمْ وَلَوْ كُنْتَ فَظّاً غَلِيظَ الْقَلْبِ لاَنْفَضّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأمْرِ فَإِذَا عَزَمْتَ فَتَوَكّلْ عَلَى اللّهِ إِنّ اللّهَ يُحِبّ الْمُتَوَكّلِينَ{ [آل عمران:159]

} وَدّ كَثِيرٌ مّنْ أَهْلِ الْكِتَابِ لَوْ يَرُدّونَكُم مِنْ بَعْدِ إِيمَانِكُمْ كُفّاراً حَسَداً مّنْ عِنْدِ أَنْفُسِهِمْ مّن بَعْدِ مَا تَبَيّنَ لَهُمُ الْحَقّ فَاعْفُواْ وَاصْفَحُواْ حَتّىَ يَأْتِيَ اللّهُ بِأَمْرِهِ إِنّ اللّهَ عَلَىَ كُلّ شَيْءٍ قَدِيرٌ { [البقرة:109]

} فَبِمَا نَقْضِهِم مّيثَاقَهُمْ لَعنّاهُمْ وَجَعَلْنَا قُلُوبَهُمْ قَاسِيَةً يُحَرّفُونَ الْكَلِمَ عَن مّوَاضِعِهِ وَنَسُواْ حَظّا مّمّا ذُكِرُواْ بِهِ وَلاَ تَزَالُ تَطّلِعُ عَلَىَ خَآئِنَةٍ مّنْهُمْ إِلاّ قَلِيلاً مّنْهُمُ فَاعْفُ عَنْهُمْ وَاصْفَحْ إِنّ اللّهَ يُحِبّ الْمُحْسِنِينَ { [المائدة:13]

}وَلاَ يَأْتَلِ أُوْلُواْ الْفَضْلِ مِنكُمْ وَالسّعَةِ أَن يُؤْتُوَاْ أُوْلِي الْقُرْبَىَ وَالْمَسَاكِينَ وَالْمُهَاجِرِينَ فِي سَبِيلِ اللّهِ وَلْيَعْفُواْ وَلْيَصْفَحُوَاْ أَلاَ تُحِبّونَ أَن يَغْفِرَ اللّهُ لَكُمْ وَاللّهُ غَفُورٌ رّحِيمٌ{ [النور:22]

}وَالّذِينَ يَجْتَنِبُونَ كَبَائِرَ الإِثْمِ وَالْفَوَاحِشَ وَإِذَا مَا غَضِبُواْ هُمْ يَغْفِرُونَ * وَالّذِينَ اسْتَجَابُواْ لِرَبّهِمْ وَأَقَامُواْ الصّلاَةَ وَأَمْرُهُمْ شُورَىَ بَيْنَهُمْ وَمِمّا رَزَقْنَاهُمْ يُنفِقُونَ{[الشورة:37]

} خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ * وَإِماّ يَنَزَغَنّكَ مِنَ الشّيْطَانِ نَزْغٌ فَاسْتَعِذْ بِاللّهِ إِنّهُ سَمِيعٌ عَلِيمٌ * إِنّ الّذِينَ اتّقَواْ إِذَا مَسّهُمْ طَائِفٌ مّنَ الشّيْطَانِ تَذَكّرُواْ فَإِذَا هُم مّبْصِرُونَ{ [الأعراف:199- 201]

} قُل لّلّذِينَ آمَنُواْ يَغْفِرُواْ لِلّذِينَ لاَ يَرْجُونَ أَيّامَ اللّهِ لِيَجْزِيَ قَوْماً بِمَا كَانُواْ يَكْسِبُونَ{ [الجاثية:14]

} وَلَماّ سَكَتَ عَن مّوسَى الْغَضَبُ أَخَذَ الألْوَاحَ وَفِي نُسْخَتِهَا هُدًى وَرَحْمَةٌ لّلّذِينَ هُمْ لِرَبّهِمْ يَرْهَبُونَ{ [الأعراف:154]

} وَمَنْ أَحْسَنُ قَوْلاً مّمّن دَعَآ إِلَى اللّهِ وَعَمِلَ صَالِحاً وَقَالَ إِنّنِي مِنَ الْمُسْلِمِينَ * وَلاَ تَسْتَوِي الْحَسَنَةُ وَلاَ السّيّئَةُ ادْفَعْ بِالّتِي هِيَ أَحْسَنُ فَإِذَا الّذِي بَيْنَكَ وَبَيْنَهُ عَدَاوَةٌ كَأَنّهُ وَلِيّ حَمِيمٌ * وَمَا يُلَقّاهَا إِلاّ الّذِينَ صَبَرُواْ وَمَا يُلَقّاهَآ إِلاّ ذُو حَظّ عَظِيمٍ * وَإِمّا يَنزَغَنّكَ مِنَ الشّيْطَانِ نَزْغٌ فَاسْتَعِذْ بِاللّهِ إِنّهُ هُوَ السّمِيعُ الْعَلِيمُ {[فصلت33-36]

} وَمِنْ آيَاتِهِ أَنْ خَلَقَ لَكُم مّنْ أَنفُسِكُمْ أَزْوَاجاً لّتَسْكُنُوَاْ إِلَيْهَا وَجَعَلَ بَيْنَكُم مّوَدّةً وَرَحْمَةً إِنّ فِي ذَلِكَ لاَيَاتٍ لّقَوْمٍ يَتَفَكّرُونَ{ [الروم:21]

} هُوَ الّذِي خَلَقَكُمْ مّن نّفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا فَلَماّ تَغَشّاهَا حَمَلَتْ حَمْلاً خَفِيفاً فَمَرّتْ بِهِ فَلَمّآ أَثْقَلَتْ دّعَوَا اللّهَ رَبّهُمَا لَئِنْ آتَيْتَنَا صَالِحاً لّنَكُونَنّ مِنَ الشّاكِرِينَ{ [الأعراف:189]

} وَإِذْ تَقُولُ لِلّذِيَ أَنعَمَ اللّهُ عَلَيْهِ وَأَنْعَمْتَ عَلَيْهِ أَمْسِكْ عَلَيْكَ زَوْجَكَ وَاتّقِ اللّهَ وَتُخْفِي فِي نِفْسِكَ مَا اللّهُ مُبْدِيهِ وَتَخْشَى النّاسَ وَاللّهُ أَحَقّ أَن تَخْشَاهُ فَلَمّا قَضَىَ زَيْدٌ مّنْهَا وَطَراً زَوّجْنَاكَهَا لِكَيْ لاَ يَكُونَ عَلَى الْمُؤْمِنِينَ حَرَجٌ فِيَ أَزْوَاجِ أَدْعِيَآئِهِمْ إِذَا قَضَوْاْ مِنْهُنّ وَطَراً وَكَانَ أَمْرُ اللّهِ مَفْعُولاً{ [الأحزاب:37]

} وَلَقَدْ أَرْسَلْنَا رُسُلا مِنْ قَبْلِكَ وَجَعَلْنَا لَهُمْ أَزْوَاجًا وَذُرِّيَّةً وَمَا كَانَ لِرَسُولٍ أَنْ يَأْتِيَ بِآيَةٍ إِلا بِإِذْنِ اللَّهِ لِكُلِّ أَجَلٍ كِتَابٌ{ [الرعد:38]

} وَاللَّهُ جَعَلَ لَكُمْ مِنْ أَنفُسِكُمْ أَزْوَاجًا وَجَعَلَ لَكُمْ مِنْ أَزْوَاجِكُمْ بَنِينَ وَحَفَدَةً وَرَزَقَكُمْ مِنْ الطَّيِّبَاتِ أَفَبِالْبَاطِلِ يُؤْمِنُونَ وَبِنِعْمَةِ اللَّهِ هُمْ يَكْفُرُونَ{ [النحل:72]

} إِنَّ أَصْحَابَ الْجَنَّةِ الْيَوْمَ فِي شُغُلٍ فَاكِهُونَ * هُمْ وَأَزْوَاجُهُمْ فِي ظِلالٍ عَلَى الأَرَائِكِ مُتَّكِئُونَ * لَهُمْ فِيهَا فَاكِهَةٌ وَلَهُمْ مَا يَدَّعُونَ{ [يس:55-57]

قوله تعالى } وَمَنْ أَحْسَنُ قَوْلاً مّمّن دَعَآ إِلَى اللّهِ وَعَمِلَ صَالِحاً وَقَالَ إِنّنِي مِنَ الْمُسْلِمِين{ يتأثر منها كثيرٌ من الجن الذين يحولون بين الرجل أو المرأة وبين الدعوة لله أو كان سبب دخول الجان بسبب الحسد على نشاط المحسود في الدعوة بعين أو سحر .

*الرقية منقولة

 

[BeautyMark]

مشكورين

الصبح لما دز لي مسج انا بالبر لما اخلص ادق عليج فديتج باي

رديت عليه بمسج على طول دق الحين

بعدها كشت فيني ومت من القهر وحذفت الجهاز ونمت

لما قعدت شغلت جهازي ولقيت مسجين منه

اول مسج (والله عقلج صغير قلتلج بس اخلص ادق وقطية الجهاز بالدرج مادري بس ماشي والله يسامحج )

مسج ثاني (افا انا ادق والقى الجهاز مغلق وفوق هذا انتي الي مزعلتني ماشي يا (اسمي) الله يسامحج ومشكوره )

وانا بصراحه مارديت ليما الحين لما اهدى لاني راح اعصب حيل

آنا ما شفت هالرد توني أشوفه تصدقين إنه كاسر خاطري إنتي شكلج ما تتعضين شكو هالحركات؟؟ إنتي مو ند له إنتي مرته. شلون تعاملينه جذي قال لج أدق بعدين خلاص يدق بعدين ليش تحنين وتتنرفزين حمدي ربج ما عصب هالمرة بعد. ليش تدورين المشاكل تعوذي من إبليس وإقري الرقية إلي عطيتج ياها وهدي. العصبية ياما خربت بيوت...

 

[om-s3oodi]

السلام عليكم

بنات انا متزوجه زوجي عن حب وذبح عمره عشان يأخذني السالفه مو اهني انا اذا عصبت واهو بالديوانيه او طالع ادز مسجات تغث ماقدر امسك نفسي احاول ما ادز لازم اذا عصبت ادز مسج يغث مثل هالمسجات خل ربعك ينفعونك ... لو اتموت ارد عليك ... اي اقعد لي باجر عندهم

اهو يعصب من هالمسجات ويقول لا تدزين لي جذي لان بيوم راح انفجر واعصب عليج

المهم شصار يوم الاربعا عرس رفيجه وقالي بروح عرس رفيجي قلت اوكي وبعدها وين قال بروح للشاليه قلت هاليوم لا تروح باجر اوكي قال اوكي

يوم الاربعا بنروح انا وامي لخالتي عشان الخميس عندها حفلة ملجت بنتها وانا مبلغته بهالشي اوكي

قلت اذا خلصت من خالتي ارد للبيت قال اوكي

رديت للبيت دقيت عليه الساعه 11 تخيلو قال انا بالديوانيه اشوي ادق عليج طبعا راح للديوانيه بعد عرس رفيجه اشوي صارت الساعه وحده قلت ها وينك قال بالشاليه قلت بالشاليه وانا راده للبيت عشانك وانت قلت ماراح تروح اليوم قال والله طقت بالي اروح الحين ورحت ومتجمعين الشباب قالت اوكي خل ينفعونك الشباب والشاليه وانا باجر اذا رحت للحفله بقعد عند اهلي ولا راح اردلك جان يدز اوكي

مت من القهر قعدت الصبح تعوذت من الشيطان وقلت خليني ادز له مسج مارد دقيت عليه 12 مره مارد قلت اكيد نايم رحت لاهلي ورحنا انا وخواتي وامي للصالون عشان الحفله وادق وادق ماكو ياربي اشفيي قلت اكيد سهران مع ربعه بالشاليه وصارت الحفله ورديت بيت اهلي وادق مايرد ادز مسج مايرد الساعه 3 الفجر اهني مت من الخوف قلت اكيد صاير في شي حادث او مريض يارب تستر وطول الوقت احاتي وانام واقعد وادق وادق وادز مسج وعمك اصمخ صار الصبح قلت برد شقتي وانا طول الطريج اقول الله يستر من اللي راح اسمعه قلت اكيد صاير شي مستحيل مايرد يوم كامل شصاير المهم واروح الصبح والحمدالله ماحد قاعد واسأل الخدامه وين بابا فلان قالت مايشوف مايجي قلت ماما ما يسأل قالت لا قالت اكيد مافي شي وارد بيتنا وادق وادز مسجات انام واقعد بحظني التلفون وصارت العاصفه واخترعنا ورفيجاتي يدقون علي يتطمنون وانا اتطمن على كل واحد غالي علي واهو لا حس ولا خبر ادق ادق ادق ادز مسجات ماكو زاد خوفي بعد العاصفه قلت الحين اكيد صاير فيه شي وادق مثل المجنونه والله اخر شي فجر يوم السبت داز لي مسج ( مافيني شي وخلاص اوكي وطبعج هذا وربي وربي لا اعلمج )

انا قعدت نص ساعه اقرأ المسج من صجه ولا يتغشمر انا احاتي وخايفه علي ويشوف مكالماتي ومسجاتي ومايرد علي ؟ ليش شصاير كل هذا عشان مسج ؟

رديت عليه ( والله من صجك انا يومين احاتيك وخايفه فيك شي اخرتها جذي اوكي ماتشوف شر والشرهه مو عليك علي انا وتعلمني على شنو ترى ليما الحين ماعرفتني عدل وهذا اخر مسج ومع الف سلامه )

وبس

يعني شنو عشان احبه يسوي فيني جذي يبي يذلني ولا شسالفته بصراحه ماتوقعته جذي خير شر الله يسامحه

والحين لا دق ولا دز مسج

منو الغلطان ويحتاج هالموضوع كل هالسالفه

لو انتي بمكاني شتسوين ؟

لووووووووووول

والله جنج تتحجين عني ..

أقولج شي :

طبعنا غثيث تـرى :eh_s(2)::eh_s(2):

آنا ألحين الحمدلله واااااايد خفيت عن هالسالفة ..

يكسر خاطري والله ..

أقول بيني وبين نسي : مثل مو آنا بستانس أهوا بعد لازم يستانس .. وأطخّ ..

صدقيني الريال يطفش ..

لا تطفشينه بسبة هالتصرفات ..

تذكري أهوا ريال .. يعني ما يحب الحكرة ..

دوسي على نفسج .. والله آنا سويت جي .. لأنه أحبه ودي يستانس ويطلع و و و ..

ومع الوقت بتتعودين .. وبتردون أحسن من قبل .. يارب :yaaaaaarb:

 

[Baby^Bop]

الصراااحه انتي غلطااانه

يعني مو معقووله تناشبينه على الطالعه والنازله ترا الزوج ما يحب الحنه والنشبه

ليش تغثينه شدعوه يعني خلاص طلع وخلص لازم تخربينها على اخر شي والصرااحه اهو موقفه صح لما ما رد عليج

لانه صج اهو نبهج وقالج من البدايه لا تسوين جذي راح انفجر والرجال من البدايه كان صريح معاج

ما غلط عليج بشي ولا سوا جذي اصلا لو انا مكانه ما ارضى بهالمسجات

وانتي حيل قاعده تنفرينه منج لين انحااش كاهو وحتى لما دزلج مسج اخر شي وقالج

(مافيني شي وخلاص اوكي وطبعج هذا وربي وربي لا اعلمج)

معناته الرجال صج منغث اتقومين اتزيدين الطين بله وتقوليله ماعرفتني للحين شيعرف فيج

انتي زوجته ترا مو عدوته عشان تعيشين معاه مرحله التحدي شنو داشين حرب

انا اقولج حاولي كثر ما تقدرين اتصلحين موقفج لانه اذا وصلت السالفه حق ابوج واهلج راح ينقط الغلط كله عليج

والبنات كلهم اللي كانو نفسج قالولج اشكره احنا غيرنا طبعنا يعني لا تحطين ابالج انه هالشي اللي فيج صح لانه تصرفج كله غلط

انا اسفه اذا قسيت عليج شوي بس هذا الصج

واسفه اذا طولت عليج

كلامج روعه

 

[NODA 2]

تبين الصج غير طبعج البايخ ترا الرياييل علي طريف ما يهمهم شي حبيبتي يعني اذا بقولج باي و قعدي عند اهلج افضل عادي عنده
و تصرفاتج جنج ياهل و حبي ترا بيت ابوج غير وبيت ريلج غييييييييييييييييييييير خليه يروح ويطلع كافي اهو طول العمر عندج

 

[سيلينا]

بقولج شغله ماراح اقول منو غلطان وشنو المفروض.. الخ​

مدام هالطبع قالج عنه انه تركيه لا تسمين بدنه قبل لا يطلع او وهو رايح مكان
بعدين يعوف القعده معاج وروحه معاج ويفضل ربعه عليج​

انتي معاه تجاوزتوا مرحله الحب والتحدي وبكسر راسه وبكسر راسها
وهو مايتحداج او يحقرج عشان تحبينه !! هذا شي انتي تفكرين فيه اهو عنده يعاندج عشان تغيرين
هالشغله فيج لا تكبرين الشغله براسج اهو يسوي فيني جذي عشان احبه وهو بعد يقول تتحكم فيني وانا احبها!!​

انا مريت بالي انتي فيه بداية زواجي كل شوي اتزعل والله كان يموت ويحيى عشان ارضي
ويرد ويقولي لا تزيدين التزعل والله بعدين اتعود على زعلج كان يحوس حوالي لين اضحك
الله وكيلج ما اسمع احسب اني ليلحين في بيت اهلي والكل لازم يراضيني ويشوف نفسيتي
الحين لي زعلنا لو اهو غلطان ما يراضيني !! خلاص في باله انا الي اتزعل وارفع نفسي ولو اني تغيرت
بس ماقام يشوف هالتغير صورتي الاوليه اهي الي في باله عادي ما نتكلم يومين ثلاث ولي رد كلمني يبين لي اني الغلطانه مو اهو ​

نبهني بس ما حاولت اغير بنفسي وانتبه حق هالشغله والحين انقلبت ضدي​

 

[Baby^Bop]

مشكورين

الصبح لما دز لي مسج انا بالبر لما اخلص ادق عليج فديتج باي

رديت عليه بمسج على طول دق الحين

بعدها كشت فيني ومت من القهر وحذفت الجهاز ونمت

لما قعدت شغلت جهازي ولقيت مسجين منه

اول مسج (والله عقلج صغير قلتلج بس اخلص ادق وقطية الجهاز بالدرج مادري بس ماشي والله يسامحج )

مسج ثاني (افا انا ادق والقى الجهاز مغلق وفوق هذا انتي الي مزعلتني ماشي يا (اسمي) الله يسامحج ومشكوره )

وانا بصراحه مارديت ليما الحين لما اهدى لاني راح اعصب حيل

حبيبتي كبري راسج اتعصبين على شنو ؟؟؟؟؟؟؟؟

انتي شكلج فاضيه .....
فهمي قصدي قبل لا تعصبين علي انا بعد :eh_s(2):
قصدي مرات المرا لما تكون فاضيه ماعندها شي راح تختلق المشاكل حتى لو ماكو مشكله أساسا حاولي تلهين نفسج تطلعين مع خواتج او رفيجاتج تشتركين بنادي تهتمين بنفسج والله ان السالفه بتنقلب العكس بتلقينه اهوا الي يركض وراج ويدق يسال كل شوي

فكري عدل انتي مستغنيه عن ريلج ؟
تقدرين تعيشين بدونه ؟
شنو مستفيده من هالمشاكل ؟

منو فينا ما تحب الكلام الحلو سواء مرا او ريال ؟؟؟؟ حتى الياهل تكسبينه بكلمه حلوة وتنفرينه منج بكلمه جارحه

ترا المرا أساس وعمود البيت يعني الرك كله عليج اذا تبين حياتج تستمر معاه الا اذا كنتي مستغنيه عنه فهذا شي راجع لج

وبعدين دام انتي عارفه وين رايح ومع منو قاعد شنو المشكله بالعكس خليه يروح ويرجع لج مستانس ومشتاق

ترى انا نفسج ويمكن اكثر منج كنت بالعصبيه ومااازلت والله :krkrkr: بس دايما اذكر نفسي شنو استفدت من عصبيتي غير المشاكل والضيقة

الله يهدي سركم يارب :yaaaaaarb:

 

[zain-alq8]

نفس غلطتي علا ابو انه زووجي يحبني ويمووت فييني اغثه واتغلا كان زوجي يقوول من تغلا تخلا ولاتحنيين لانه صج الريااال مهما كان يحبج ويعشقج راح ايي يووم ينفجر ولاهمه وممكن يوصلها للطلاق .....الغلط منج انتي فييج اغلاط لازم تصلحينها ولا بتندميين حبيبتي الريال مايضره شي ترا انتي الي بتموتيين لاسمح الله ان طلقج ولاصار شي لاصارت الصجيه تقوليين يالييت ويالييت وترا اهو احقرج لانه خلاص مل اهو انتي خايفه علييه صح بس بعد شنو لافات الفووت ماينفع الصووت الله يهدي سركم والمراه بايدها تجذب الريال صوبها انا لما تادبت وكله اسمع كلامه اهني صارت حيااتي اووكي وحلوه وفووق هذا طعت ربي لاني رضييت زوجي .

 

[zain-alq8]

اذا صج صج صج تحبييينه سمعي كلامه وريحييه ترا مو شطااره تمشيين كلمتج