عشان يكون تحدي متكافي ابيها فوق الـ 90

[ماكنتووووش]

الجمعه دايما فيه طلعه مانبي نحرم نفسنا ونتملل خلوا الجمعه مفتوح بس لاتفتحون وايد بعدين مايتسكر

 

[قانوون كيفك]

صباااااااح الخير والرشاااااااااااااااااقه على رشيقات المستقبل
وياهلا ومرحبا بكل من يدخل بالتحدي
المرتهش بلييييييييز لا تخورينها بعيوش وكاكاوات خصوصا السنيكرز ترا اروح اقلدج واهجم عليه عاد انا مشتهيه مارس
واحط السبه على راسج
بس عن جد اذا متبعه نظام دشتي عجيب اختى جربته والنزول خيااااالي فيه للاسف انا اول يوم جربته صابني هبوط ما ناسبني لان كان فيني انيميا
او تابعي مع موضوع دندونه حده مفيد الله يعطيها العافيه اهم شي تتبعين نظام معين مو عالبركه
بحط لكم نظامي اللي اخذته من الدكتوره
اول ما اقعد من النوم س 12 كوبين ماي وحبه فاكهه
الساعه 2 الغداء
2 همبورجر دجاج مشوي او 8 حبات شيش طاووق او ماعون شاورما او 2/1 دجاج مشوي + سلطه + كوب شوربه خضار + حبه فاكهه + كوب لبن قليل الدسم
بعدها بساعه نا اشرب جاي اخضر او اعشاب
المغرب
4 حبات بسكوت ماري المطاحن + شاي وحليب
او 5 حبات تمر + حليب
او كابشينو + حبه فاكهه
او حبه فاكهه

الساعه 7 مشي نص ساعه بعدها عصير برتقال او حبتين برتقال والحين برتقال ابوسره عجييييييييييييييييب حده

العشا نفس الغدا
وبس

 

[قانوون كيفك]

انا بخلي يوم السبت فري وكل وحده تحط يوم الفري اليوم اللي يناسبها موشرط تتقيدون
بنات شدو حيلكم خل نتخلص من الدهون المتراكمه والله حرام نضيع احلى ايامنا بالسمنه بتحسون باحساس مو طبيعي حتى صلاتكم بتصير غير من الخفه اللي بتحسونها باجسامكم
المرتهش زين تسوين بالتغير عفيه عليج كملي التحدي عشان تكافئين نفسج وتفاجئين زوجج حبييبج وتعيشين احلى ليله وتصيرين عروس
اما ماكنتوشه تكفييييييين من اول يوم خربطه اذا شفتي شي يغري حطي هالكلمه دائما في بالج ( انا لاحقه على الاكل ) ماراح يطير
وقوي ارادتج اكيد انج مجربه الرشاقه وتعرفين هالشعور لاتضيعين وقت حرام
فتوشه حطي في بالج شكلج بالجامعه بين زميلاتج بتشوفين اشكال وبنتقهرين منها وبتحسفين انج ضيعتي وقتج عندي بنت اختى ما كانت مهتمه من ادخلت الجامعه صار عندها هوس رشاقه تشوف كل البنات رشيقات مع انه زيادتها 6 كيلو بس مو نفسنا يعني
بالنسبه لى حارمه نفسي من مشتروات السوق حالفه ما اشتري ولا شي الا اذا تخلصت من الثمانينات تدرون ليش ؟؟؟
لان الكبتات بتنفجر من الملابس خصوصا قمصان النوم والبجايم ولبس البيت ولا شي يدخل فيني ذاك اليوم قعدت ابجي من القهر مو قادره البس شي
البجايم اشكال والوان عندي كنت كل ما اروح مكان القى شي حلو اخذه اااااااااااااااااااااااااااااااااااااه بس اه
عسى الله يرزقنا بالاراده والرشاقه والنزول السليم قولو امين

 

[المرتهش]

ماكنتوشه 3 فلفولات ماتضر ان الله اراد
والجمعه اوكي خليه يومج الفري بس عاد مو فري تفلينها بحري
ههههههههههههاي

حبيبتي قانون كيفك يالبى قلبج على هالد رر
وربي انج عسل وصاجه
شبعنا لنا جم سنه ناكل وبس
مما اثر سلبا على جسمنا وصحتنا
انا ماقلت باكل العيش الحين
اقولج ان نزلت لازم اكافي نفسي
وبيكون مثل الهديه لي
ان نزلت وصرت 93 كيلو اخر الشهر
ورجيمج حلو استمري عليه
وان شاءالله ننزل ونكون رشيقات
وفعلا الكبت بينبط من الهدوم بس للاسف كلها دراريع وشي راهي وساتر
الشخلع والحركات ممسوحه من قاموسي
تدرون شنو تمنيت بشهر فبراير اللي طاف ؟
لو اقولكم صج راح اكسر خاطركم
تمنيت اشتري لي بوت ويدخل فيني
حالي حال الحريم
وللاسف عدا الشتا مالبسته
الامل بالشتا الجاي
انا حاطه امل اقرب منه
كون احتمال نسافر هالسنه لدوله بارده فاضطر البس بوت
<< جد صار لبس البوت امنيتي عشان احس بانوثتي
انا شهر 12 طالعه من النفاس
وكنت شوي ضعفانه وصلت يمكن اول التسعينات
وشريت طبعا جم دراعه
للاسف على جدتهم وماانلبسوا
صار شهر 2 اضطريت اعطيهم اختي
لان وزني زاد وماعاد يدخلون فيني
خليت وحده بس كمقياس
لبستها البارح ومن الفرحه كونها دخلت فيني وراهيه بغيت اشقها
هههههههههههههههههههههاي
عندي جينز شاريته سنه 2006 لما سافرنا لمصر
كان بصعوبه يدخل فيني
قسته هم امس وكن تمام علي
يعني ان شاءالله اكون بالطريق الصحيح
ولا تنسونا من التشجيع
انا يوم الفري بحطه السبت
مع زوجي
لان الخميس والجمعه اغلب الاوقات اكون عند اهلي زواره
وهم عارفين اني اسوي رجيم
فما ابي اضعف ولا اخيب امالهم
بخليها كل سبت عشا ويكون طبعا يومها مافيه لا غدا ولا ريوق
يعني انا وقانون كيفك بيكون اليوم المفتوح هو السبت
وماكنتوشه بيكون يومها الفري الجمعه
والميزان اتفقنا الاربعا ؟

 

[حورية بنت حواء]

تصدقون داشة التجمعات ادور شي يناسبني وما لقيت فجأه انتبهت انه في تجمع بوزني


واوووووووووووو حلو


الله يعطيج الف عافية وانشاء الله تنامين وتقعدين تلاقين نفسج 60 بدال 90


انا اختكم حورية
توني والده المفروض اني اولد 20/1 بس شائت الاقدار اني اولد 31/12
يعني صارلي 3 اشهر

كنت في بداية حملي 91 وشوي
وصلت في نهاية حملي 102 ماشاء الله
وبعدها في نهاية الاربعين نزلت 10 كيلو وصرت 92

والحين من يومين وازنه وصلت 90.1
وانشاء الله راح استمر علشان اوصل في نهاية \هالشهر 85 على الاقل
وانشاء الله بس اشم ريحة الثمانينيات
والله ودي ارد ايام عرسي وقبل عرسي بعد انا متزوجه 2000
عمري ؟؟؟ الله اعلم
ههههههههههههههههههههههه

يلا رحبو فيني وياكم ​

 

[حورية بنت حواء]

انا رجيمي

الصبح ريوق

جاي حليب بقفشه وحده صغيره شكر + مع شابوره الرجيم الفيصل

واتغذا اي شي موجود بكمية جدا قليله

والعشاء على 6 المغرب خبزه وحده بزعتر مع شاي حليب وشكر قليل

 

[o.m.f.a.h.a.d]

صباح الخير صبايا ...

من زمان ادش المنتدى ودي ادش ويا تجمعات بس اغلب البنات حق اوزانهم 60 ... زين لقيت حق فئة 90 .... انشالله تقبلوني وياكم :eh_s(7):
الوزن 98
الطول 158

 

[o.m.f.a.h.a.d]

رجيمي
الفطور : حليب خالي دسم + شابورة .... او بس نسكافيه مع حليب
الغدا : مشاوي او صدر دجاج + سلطة
العشا: اما شوربة خضار او سلطة يونانية او سلطة روب بخيار
بين الوجبات سناك : اما عصير اناناس .....او حبيتين او 4حبات بسكوت ماري او بيتي بور المطاحن +قهوة او شاي او حليب خالي دسم

مع المشي يوميا وانشالله يارب نصير رشيقات :eh_s(17)::eh_s(17)::eh_s(17)::eh_s(17):

 

[انا حبه للابد]

وييييي جنكم حظي انا بعد وزني فوق ال100 ومعاناة مع الرجيم يالله انك اتخفف علينا هالشحم والربو ماعبر اتنفس الله يعيني وطولي 157

 

[ماكنتووووش]

ياهلا فيك حوريه بنت حواء والحمد لله على سلامتك
انشاءالله معانا وبتواصلك يرد جسمك احلى من الاول
بس حبيت اقولك ان بعد الولاده الرجيم لازم يكون متوازن
ويتضمن اللحوم وتكون مشويه او مسلوقه والفواكه
والخضروات والحليب خالي الدسم لانك فقدت الكثير من
الكالسيوم بالحمل شرايج بالميزان يوم الاربعاء
والله يوفق الجميع

 

[حورية بنت حواء]

ياهلا فيك حوريه بنت حواء والحمد لله على سلامتك
انشاءالله معانا وبتواصلك يرد جسمك احلى من الاول
بس حبيت اقولك ان بعد الولاده الرجيم لازم يكون متوازن
ويتضمن اللحوم وتكون مشويه او مسلوقه والفواكه
والخضروات والحليب خالي الدسم لانك فقدت الكثير من
الكالسيوم بالحمل شرايج بالميزان يوم الاربعاء
والله يوفق الجميع

هلا يا قلبي مشكوره على الترحيب حبوبتي

صاجة والله لازم يكون متنوع بس شتقولين الحين ما عندي خدامه خدامتى راحت بعد ماكملت السنتين وصارلها الحين شهر
واي معاناتي معاناه بدون خدامه وعيالي اسم الله عليهم مدارس وصغار وما عندي وقت اني اتفنن في الاكل وسوي سوالف

فتلاقيني بس ابي شي اسد فيه الجوع وخلاص
والله اني شاريه جهاز جري كهربائي وجهاز للبطن واثقال اثنين وما عندي وقت لهم على قولت ريلي انتي الظاهر يايبتهم بس علشان تطالعينهم علشان تظعفين بالنظر

تعالي ميزان الاربعاء شنو
يعني نقيس اوزانا كل اربعاء
حلو
بس حلو لو ما تغييرين الميزان افضل
الحين قرائتي من يومين كانت 90.1

 

[حورية بنت حواء]

ايه صج نسيت اقوللكم طولي 162

 

[ماكنتووووش]

اولا احب اصبح على زميلات الكفاح
المرتهش
قانون على كيفك
فتوشه
ثانيا ارحب بالاخوات الي انضمو لنا
حوريه بنت حواء
انا احبه للابد
om fa-had ام فهد
ويليت كل وحده تكتب وزنها بالضبط
لان الميزان الاربعاء والرجيم شغال
اختكم في الكفاح ماكنتووووش

 

[ماكنتووووش]

هلا فيك انااحبه للابد
وزنك لوسمحتي
لاني انا سكرتيرة المرتهش
اذا قعدت من النو م مالقت
اوزانكم مرصوصه ماكو احصائيه

 

[انا حبه للابد]

وزني بروحه فشيله 115 وتوني والده صارلي 7شهور

 

[ماكنتووووش]

وناسه لقيت وحدة امتن منى

 

[ماكنتووووش]

وزني .......السابق....127
وزني ......قبل اسبوعين 115
وزني .........الحالي 110
يارب .........انزل عن المئه حتى لو99.9
بس 100 ومافوق صج فشله

 

[حورية بنت حواء]

وزني بروحه فشيله 115 وتوني والده صارلي 7شهور

هلا اختى انا احبه للابد

يحليلج فديتج تقولين توج والده قلت صارلها 7 ايام او 7 اسابيع طلتي ماشاء الله عليج من 7 اشهر :rgewrg:

 

[حورية بنت حواء]

وناسه لقيت وحدة امتن منى

ديري بالج الشماته ميهي بزينه

 

[حورية بنت حواء]

وزني .......السابق....127
وزني ......قبل اسبوعين 115
وزني .........الحالي 110
يارب .........انزل عن المئه حتى لو99.9
بس 100 ومافوق صج فشله

ماشاء الله

حلو
الفال لي انزل
واوصل للثمانين انشاالله يكون 89.99
عادي بس اقول اني بالثمانين
:eh_s(16)::eh_s(16)::eh_s(16)::eh_s(16):