تعبت نفسيا " مملجه "

[بنت الليل]

خمس سنوات ما فكر ان يتقدم .. و لما اهوا تزوج و انتي ملجتي فكر فيج ..

السؤال ..؟ اهوا شنو يبي بالضبط؟ تحبون بعض و كل واحد و كل واحد يخون اللي متزوجه ..

او يطلق مرته و انتي تتطلقين عشان تاخذون بعض ؟

اذا السيناريو الاول .. فحرام .. كل واحد يخون .. حطي روحج مكان مرته .. شنو تتوقعين انج راح تحسين لما ريلج يخونج ..

اما اذا السيناريو الثاني .. فكوني متاكدة ان راح تاخذون بعض و تستانون.. قولي يمكن سنة بالكثير .. بعدين راح يلعب الشك دور ..و ما راح يثق فيج .. لانه انسان .. بيقول في يوم من الايام خانت ريلها .. يمكن بعد تخوني ..

و اخيرا من ترك شيئا لله عوضه الله خيرا منه .. و نصيحة مني لج .. انهي العلاقة .. و اخذي على روحج عهد .. ان ريلج تحطينه في عيوني و اتدارينه .. و لو شنو يصير ما تقولين له عن هالسالفة .. مو اعلمج على الجذب او شي .. بس لانه لازم هالشي يكون بالنسبة لج ماضي .. تجربة و عدت

الله يهديج ان شاء الله .. و يوفقج

 

[كاملة الدسم]

انتي غلطتي و الانسان مو معصوم من الغلط لكن الشاطر اللي يتوب وما يتمادى

الحين الله رزقج وملجتي على الريال اللي يستاهلج ان شالله انسي الماضي و تقربي لربج

بقلب ونيه صافيه انج بتتوبين و انج تبين تعيشين حياة زوجيه سعيده و ترا انتي على ذمة ريال

يعني كل شي تسوينه حرام في حق نفسج وحق ريلج .. الله يهدي بالج يارب وان شالله تكونين قد الاختبار

 

[ضحاوي الديره]

هالمواضيع هذي مووو راضيه تخلص؟؟؟؟
الله يهديج يارب انتي عارفه ان اللي تسوينه غلط خلااااص اقطعي كل شي

 

[نـعـومـه]

متى عرسج ؟

تقربي من ربج وأدعي بنسيانه ولازم تهدينه حرام اهوه متزوج وانتي بعد تعتبرين بذمه ريال

وشلون تنصحينه عشان مرته وانتي تكلمينه ؟؟؟؟

هديه اليوم قبل باجر

 

[nora al]

لاا والله يعني اهوو متزوج ومرافج !!!! وانتي مجبوره تضحين !!!

حبيبتي خلي عنج الخرابيط لوو يحبج معاج من 5 سنين جان خذااج ليش خذاا مرته ولو مايبيها ومايحبهاا ليش مستمر معاها ليش ماطلقهااا ؟؟؟


الطريج اللي انتي ماشيه فيه غلط والحمدلله ربي ساترهاا عليج لي الحين توووبي وهدي وعاهدي نفسج ماتردين حق هالطريج غيري خطج وانسي كل شي وابدي صفحه يديده انتي على ذمة ريال وبجذي انتي مو قاعده تحفظينه وانتي على اسمه وقاعده تخونينه !!

لازم تتخذين خطوه حااسمه وتكونين جديه بهالموضوع !

 

[شطانه طفله]

حياتي بعدي عن الشر وغنيله دام متزوج زوجته تغار وماتدرين شيصير

 

[غلاي 89]

فكري في مصلحتج
ليش ما خذاج دامه هالكثر ملهوف عليج
بالعكس
الحين المفروض تفكرين بروحج دامه ما فكر فيج وعرس
وتقولين له انا على ذمه ريال وما يصير اكلمج ولا تعطينه مجال فكري في زوجته وشعورها

 

[نشيج الروح]

الله يعينج .. والحمد لله أن أهلج رفضوه ...يعني ريال ويزوجونه غصب شلون ؟؟
خليج عند ريلج وابتعدي عن العلاقات المحرمة حبيبتي ...هذا كان اختيارج ولازم تحافظين عليه ....وغيري رقمج وقطعي العلاقة نهاااااائيا ولا تردين عليه حتى لو باي أو عن طريق أحد ثاني .... يعني مسحيه من حياتج عشان ربج ثم مستقبلج

 

[/كلي تعب/]

متى عرسج ؟

تقربي من ربج وأدعي بنسيانه ولازم تهدينه حرام اهوه متزوج وانتي بعد تعتبرين بذمه ريال

وشلون تنصحينه عشان مرته وانتي تكلمينه ؟؟؟؟

هديه اليوم قبل باجر

العرس ودي اليؤم قبل باجر
بس عشان اعبي هالفراغ العاطفي القاتل
وما حددوه للحيييييييييين
تعبت والله





والف شكر لكم يابنات والله تنحطون عالجرح يبرى

 

[ام زهقانه]

علاقه حرام وبحرام الله يستر من نهايتها

 

[/كلي تعب/]

جزاكم الله خير

 

[pusy cat]

يعني تبين احد يطق ايدج ويقولج بابا كخ دودو مايصير جذي عيب

انتي ادرا باللي قاعده تسوينه اذا صح والا غلط ماتحتاجين نصايح

خلج حازمه مع نفسج واتخذي قرارج

شنو هاللعب هذا كبري مخج ولا تلعبين بالنار

هذا شرف وعرض مو لعبه

 

[جوري 2007]

يالهوي !

انتي شنو موقعج كل هالسنين ! راح وخذاله وحدة ثانيه ويمثل عليج انه مغصوب

وفوق كل هذا انتي مالجة !

عدلي وضعج تكفين

 

[Kint a3rfik!!]

من صجج اهوه متزووج و انتي مملووجه !!???
حبيبتي فكري بعقلج مو بعوااطفج و قلبج !!!!!!!!!!!!
قوليله انا الحين مملوجة و علي ذمة ريال و اعتقد اهني و انتهينا ومو انا الي تخوون و تخون منو زوجهااا !!
سامحني والله يوفقك و يسهل درووبك و درب السلاامة بعد
و مره يقول متزوج و مغصوب و بعدين لا مو متزوج ؟!! يلعب هذا ولا شنوو

 

[Tom ♥ Jerry]

.,


شالـ فايده لو مرته جكته و قالت " حسبي الله عليها " :/
لو تجكين ريلج يكلم وحده ؟
شنو تسوووين ؟ انتي تخونين ريلج ؟
و اهوة يخون مرته ؟

يا قلبي خافي ربج .، الله يمهل و لا يهمل .،
ديري بالج
قوليله انا متزوجه و عندي ريل
خلاص عيب علينا الي قاعد نسوييه
بليز لا تتصل خلاص .،
و الي بيصير فيه خل يصير .،
آهم شي ربج و ريلج

 

[مـعـجـبـة]

أحس في شي ناقص في السالفة

مو بس عشان قال ابي اشوفج خفتي !!

واشعقبه يبي يشوفج ؟؟ عقب 5 سنين ؟؟ عقب ما تزوج ؟؟ عقب ما ملجتي ؟؟

مايدري انج على ذمة ريال ؟؟

مادري بس مب داشة بمخي السالفة

 

[noo7a]

شالسالفه
ما تحلى لكم الخيانه الا لمن تتزجون

 

[ام العسكري]

الغاليه ربي يحاسب الواحد على كل شي الزين واللي موموزين واحنا مثل ماقالو الخوات محد ضامن عمره الشتب يموت قبل الشايب وكل شي بيدج انتي تقدرين تغيرين الخط وبعدي عن النت وخلي زوجج بين عينج ماسمعتي الحريم الكبار يقولون ان رضا الزوج واااااااااااااااااااااااااااااااااجب وانتي اللي قاعده تسوينه غلط واذا انتي ماتقدرين تبعدين عنه واذا دق رديتي عليه سوي هذا الحل:::::
اذا ضايق خلقج وحنيتي تبين تكلمينه روحي حق زوجج وارتمي بحضنه وضحكي والعبي معاه جنج ياااااااااهل تلعب مع ابوها اخوها امها مره عن مره راح تحسين ان زوجج اهو الدنيا ومافيها وابعدي عن الغلط وتقربي من رب العالمين بالصلاه والاستغفار وقيام الليل واقري كلام رب العباد لانه اهو الوحيد رؤوف فينا رحمان علينا وادعي بجوف الليل والله المستعان
والسموحه اذا طولت عليج بس لان بيتج اهم من هذا الولد اللي ماحليتي بعينه إلا لمن تزوجتي

 

[noo7a]

العرس ودي اليؤم قبل باجر
بس عشان اعبي هالفراغ العاطفي القاتل
وما حددوه للحيييييييييين
تعبت والله





والف شكر لكم يابنات والله تنحطون عالجرح يبرى

و مالقيتي تسدين هالفراغ العاطفي الا بانج تخونين ريلج
مع ريال متزوج
عذر اقبح من ذنب

 

[last-moon]

غيري رقمج وففكي عمرج
بلا مصايب حقج وحق اهلج من ورا واحد
لا تخربين بيت واسم الريال اللي اعيالج باجر بيشيلونة