عندج استشاره قانونية -اتفضلي

[المحامية هبة السهلي]

لا أستطيع المراسلة على الخاصة لأن مشركاتي لا تسمح ...

لديه زوجة و ادعى أنه لديه مطلقة ...

وعرفت مؤخرا أن هناك تلاعب بالمحكمة فقد قام بسحب جميع أحكام التي تثبت أن لي نفقة وقدرها 366

و وضع زوجته التي لها نفقه تقريبا 700 دينار على ملفها الخاص و أيضا قام بشبك رقم ملفها مع رقم ملفي

عن طريقة دوامه وصارت النفقة واحدة تنزل على ملفي وقدرها 540 و أخذ منها 178 و الباقي تستلمه

زوجته وكل ما أذهب لهم يقولون أريني الحكم لتستلمي النفقة كاملة .. فماذا أفعل أرجو المساعدة ؟؟


أيضا .. ولديه بيت حكومة وعندما ذهبت إليه قالوا لي أن تم سحب أسمك من البيت فقمت بإضافته

ومن ثم تلاعب بالرقم المدني ...

فكيف أسترد حقي أرجو الافادة

هلا اختي بالنسبة للموضوع احس انه شائك ويجب فيه الاطلاع على الاوراق اللي قدمها طليقج بالنسبة لبيت الحكومه طالما عندج اطفال وانتي حاضنتهم فلج حق السكن في المنزل حتى وان شال اسمج من طلب التخصيص

اما باقي الاستفسارات فاعذريني افضل اطلع على الاوراق اللي مقدمها واذا فيه تلاعب فاكيد راح يكون واضح ولج حق رفع الدعوى لان قضايا الاحوال متجدده يحق للاطراف رفعها بمجرد تغير الظروف

 

[softlady]

عاااااااااااااااااااااااااجل محاميه بلييييييييييز

اختي مدرسه بالتطبيقي

تخصصها انجليزي

صار لها سنه


يبون اييبون مدرس هندي يحطونه رئيس قسم عليييييييييييييييييها


لانه اقدم منها


يصيييييييير؟؟؟؟؟؟؟؟؟؟



بليز ابي رد سريع تكفين


علما بان الهندي ياي من معهد ثاني يعني خبرته مو بنفس المعهد

 

[softlady]

اذا ما يصير

بليز ابي نص القانون ورقم الماده عشان باجر تروح تعفسهم بالدوام وتقدر تحجهم

 

[Om eLkakawiya]

يعطيج العافيه محامية كويتيه وايد افدتيني يزاج الله خير يا الغاليه ..
حضرة زوجي ناوي يحل مشاكلنا بطريقته اللي اهي عقب الولاده وأنا الصراحه مابي يعرف متى ولدت دامه ما يالي قبل الولاده ..
يعني قصدج انه المستشفى الخاص اهو بس يرضى بتوقيع أهلي يعني مو لازم الابو ؟
وشهادة الميلاد عادي بعدين اهو يسويها في أي وقت مو لازم وقت ولادة الياهل ؟
ومشكوره وايد وايد

 

[^وجد قلبي^]

يعطيج العافيه محاميه ومنكم نستفيد

بس انا اللي ماخذته بلمرافعات اربع محاكم ماذكر الدكتور المحكمه الدستوريه العليا بس ذكر القضاء المستقل

على العموم خوش معلومه اخذتها منج ودونتها بكتابي

 

[المحامية هبة السهلي]

عاااااااااااااااااااااااااجل محاميه بلييييييييييز

اختي مدرسه بالتطبيقي

تخصصها انجليزي

صار لها سنه


يبون اييبون مدرس هندي يحطونه رئيس قسم عليييييييييييييييييها


لانه اقدم منها


يصيييييييير؟؟؟؟؟؟؟؟؟؟



بليز ابي رد سريع تكفين


علما بان الهندي ياي من معهد ثاني يعني خبرته مو بنفس المعهد

اختي الفاضله بالنسبة لاختك الرجاء الاجابه على السؤال التالي

هل تتوافر فيها الشروط الازمه لشغل المنصب من حيث المده مثلا والتقيم غالبا كل جهه تضع شروط فان كانت تنطبق عليها الشروط تكون هي ابدا ولها الاوليه في شغل المنصب الشاغر من الشخص المعين حديثا كما افدتي

 

[المحامية هبة السهلي]

يعطيج العافيه محامية كويتيه وايد افدتيني يزاج الله خير يا الغاليه ..
حضرة زوجي ناوي يحل مشاكلنا بطريقته اللي اهي عقب الولاده وأنا الصراحه مابي يعرف متى ولدت دامه ما يالي قبل الولاده ..
يعني قصدج انه المستشفى الخاص اهو بس يرضى بتوقيع أهلي يعني مو لازم الابو ؟
وشهادة الميلاد عادي بعدين اهو يسويها في أي وقت مو لازم وقت ولادة الياهل ؟
ومشكوره وايد وايد

لا اختي سمحيلي لازم يعرف بموعد الولاده وان كنتم على خلاف لعل سنة رسولنا الكريم بان يؤذن في اذن الجنين ترقق قلبه وتصلح حاله وتهديه لكي عزيزتي

اما ان لم يحضر فيكفي ان يوقع والدك او احد اخوتك على اوراق دخول المستشفى اذا كان مستشفى حكومي او انتي توقعي بنفسك لو ان المستشفى خاص وشهادة الميلاد كما جاوبتك سابقا يؤخذ بلاغ الولاده من المستشفى وتستصدر لاحقا مافي مشكله

اكرر الله يصلح بالج ويسر ولادتج يارب

 

[on line]

السلام مشكوره محاميتنا و ربيعه الدوانيه علي قوله خواتنا الاماراتيات
المهم السالفه ومافيها اهي كالتالي اذا حكم النفقه وحكم فيها القاضي 180 ولمن صار الاستلام بس مشوا 130
لمن سألت ليش قالوا علي اساس الراتب الاساسي ؟؟؟ والحين موقادرين يوصلون بيته لانه مغير العنوان وقالولي كل هالمبالغ راح تكزن متاخره عليه
الحين شرايج شنو الحل وشنو سالفه الراتب الاساسي؟؟ويعطيج العافيه يالغاليه

 

[Om eLkakawiya]

بزاج الله خير محاميه كويتيه ..
والله اللي يدري يدري واللي ما يدري يقول يمكن في أمل باللحظات الأخيره .. ما أقول إلا حسبي الله ونعم الوكيل ..
على العموم مشكوره اختي ويعطيج العافيه ويكثر من أمثالج ويرزقج الخير كله يااارب ..

 

[softlady]

محاميه

لا اهو اقدم

بس بليز استاذه انا اسأل عن نقطه محدده

يجوز ان الاجنبي المعين بنظام التعاقد يصير رئيس قسم؟؟؟؟؟؟؟؟؟؟؟؟؟



وبس


مشكوره

 

[المحامية هبة السهلي]

السلام مشكوره محاميتنا و ربيعه الدوانيه علي قوله خواتنا الاماراتيات
المهم السالفه ومافيها اهي كالتالي اذا حكم النفقه وحكم فيها القاضي 180 ولمن صار الاستلام بس مشوا 130
لمن سألت ليش قالوا علي اساس الراتب الاساسي ؟؟؟ والحين موقادرين يوصلون بيته لانه مغير العنوان وقالولي كل هالمبالغ راح تكزن متاخره عليه
الحين شرايج شنو الحل وشنو سالفه الراتب الاساسي؟؟ويعطيج العافيه يالغاليه

هلا والله ولهانه عليكم بس للاسف ما اصيدكم كل ما ادخل الدوانيه

بالنسبة للنفقة المحكوم فيها المفروض اهي تمشي كاامله اي راتب اساسي اللي يتكلمون عنه مو من حقهم تخفيض حكم النفقه بدون ما يستصدرون حكم يخفضها او يعدلها الا اذا كان جزء منها متجمد مثلا ما ني فاهمه المقصد ؟؟؟؟؟؟

المبالغ من تاريخ الحكم او التاريخ اللي حدده الحكم عليه تتجمد وتتراكم ولكن لا تسقط عنه الا اذا ابريتي ذمته منها

بالنسبه لتغير العنوا ن بسيطه تستصدرين شهاده من المعلومات المدنيه بلعنونان الجديد تدخلين على قاضي التنفيذ وتطلبين منه الشهاده وتعلنينه على العنوان الموجود عند المعلومات المدنيه ما لقوه يعلن على المخفر ما لقيتي له عنوان خير شر تطلبين الاعلان في مواجهه النيابه من القاضي المهم ان الاجراءات ما اتوقف

عادي هاذي هموم التنفيذ انتي خلصتي من هموم قضايا الاحوال الحين بديتي بهموم قضايا التنفيذ الله يعينج على هموم تنفيذ حكم الرؤية بعد ومقثته

 

[المحامية هبة السهلي]

بزاج الله خير محاميه كويتيه ..
والله اللي يدري يدري واللي ما يدري يقول يمكن في أمل باللحظات الأخيره .. ما أقول إلا حسبي الله ونعم الوكيل ..
على العموم مشكوره اختي ويعطيج العافيه ويكثر من أمثالج ويرزقج الخير كله يااارب ..

انا ادري ان في حالات ميؤوس منها الله يعينج ويهديه لج اللهم امين واذا ما انصلح لا قدر الله ماهي اخر الدنيا لحمدلله ماعادت المرأه معلقه بالرجل في مجتمعنا وربج ما يضيع احد

 

[softlady]

استاذه لو سمحتي ما رديتي علي

 

[on line]

تسلمين محاميتنا علي الرد وربي يخليلج عيالج ويصلحهم يارب

 

[زين البدر]

السلام عليكم

شلونج اختي


اا بعرض عليج مشكله مو مشكلتي


مشكلة ولد ييراننا واهي شوي معقده




الولد يبي يسوي اثبات نسب لأنه مايعرف منو ابوه

امه موجوده وتقول انه عندها ورقه تثبت طلاقها منه ومن خلال هالورقه يقدر يثبت نسبه على ابوه

بس المشكله انه الولد سجلوه قبل باسم خاله يعني بالاصح زوروا هالشي ليش مادري ...

الولد الحين يبي اثبات نسب وامه كانت واقفه معاه بس الحين انقلبت ضده وهونت عن سالفة اثبات النسب

اللي عرفته من اخوي ان الولد الحين ماعنده اثباتات وماكمل الدراسه واصلا مايشتغل لأنه ماعنده اوراق ثبوتيه وخاله مو راضي يجددهم ولا راضي يخلي الولد يراجع محامي علشان سالفة النسب

يعني والله حرام صار عمره 21 واهو قاعد بالبيت .. والمسكين ساكن مع عمة امه واهي مره عوده حيل واهي اللي تصرف عليه

وحالتهم المادية جدا سيئه .. يعني مو مترقع هالولد ..

المشكله الحين الكل واقف بويهه خاله يقول دام راسي يشم الهوا ماتسوي اللي براسك .. وامه كانت معاه والحين تراجعت عن موقفها .. والولد والله يبي يضيع بسببهم وحالته المادية جدا سيئه وحياته واقفه على هالعيوز المسكينه اللي تصرف عليه واللي اصلا الحين حالتها حرجه

واهو كلم اخوي طلب منه يفكر له بحل


فإنتي شرايج يامحاميتنا يعني والله حرام اللي اهله قاعدين يسوونه فيه عن جد كاسر خاطري

 

[الحالمه]

السلام
أنا بغيت أستفسر عن شيء مجرد للعلم فقط
أنا الحمدلله متزوجة وعندي أربع أطفال وزوجي وحيد أهله وأمه وأبوه حيين
وأحنا ساكنين معاهم في نفس البيت لنا شقة
المهم زوجي ناوي يشتري بيت لنا وأبوه بيبيع بيتهم ويجون يسكنون معانا في البيت الجديد طبعا ما أمانع أنا
سؤالي هو هل البيت الجديد يكتب بأسمي أنا وزوجي؟؟
أحنا طلبنا قسيمة يعني أرض وقرض بس مانبي ننطر
فـ شنو حقي القانوني في البيت؟؟

ومشكووره

 

[كويتيه وبس!!]

انا بستفسر عن شغله وياريت القى من الخوات من تكون مختصه باستفساري..ابي اغير اسمي شلون وجم بطول هالاجراءات لان وايد قالولي ان السالفه موسهله ومعقده حيييييييييييل افيدوني خواتي للي اتعرف ومشكوريييييييييييين

 

[جوجو.]

انا مشكلتي مشكله الله يسلمج مسؤولتنا السابقه سبت رفيجتي مسبات قذره وانا شهدت مع رفيجتي وبعدها المسؤوله رفعت قضية تضرر وان زوجها بقى يطلقها وكسبت القضيه والحين المحكمه تبيني ادفع مع رفيجتي انا شكو انا شاهده شلون ادفع شرايج شسوي ؟؟؟

 

[جوجو.]

انا بستفسر عن شغله وياريت القى من الخوات من تكون مختصه باستفساري..ابي اغير اسمي شلون وجم بطول هالاجراءات لان وايد قالولي ان السالفه موسهله ومعقده حيييييييييييل افيدوني خواتي للي اتعرف ومشكوريييييييييييين

بصراحه الاجراءات عاديه بس لازم يكون السبب مقنع حق القاضي غيري وتوكلي على الله ومبروك الاسم اليديد مقدما

 

[لباس التقوىk]

مشكوووووووووووورة