زواج ثاني

[صوت الحق]

السلام عليكم خواتي
بدخل بالموضوع على طول انا متزوجة من ست سنوات عمري 25 سنه زوجي عمره 30 سنه كل الصفات الحلوة فيه وسيم وكريم وأخلاقة جدا عالية بشهادة الجميع وزوجي حافظ للقرآن الكريم كامل وفاز بجوائز بحفظ القرآن وتجويدة على مستوى الكويت وصلاته دايما بالمسجد و ما يقصر معاي بشي ابدا
وانا بنت جامعية وجملية ومو مقصرة معاه بشي وسألته مرة تحس ان احنا صارلنا ست سنوات زواج قال لا احس كأننا متزوجين من سنه وحدة بس

المشكلة
ان من يومين زوجي قال لي انا احبج واموت فيج بس يمكن بعدين عقب ثمان والا عشر سنين اتزوج وحدة ثانية مو عيبا فيج بس انا ابي زوجتين و ماراح اقصر معاج بشي بحطج في بيت بروحج واسفرج كل صيف وما راح اتغير ابد وقعد يضحك يقول يمكن مو اكيد طبعا انا عصبت وقلت يوم زواجك طلاقي و كلام الحريم المعتاد المشكلة انا الحين صارلي يومين نفسيتي زفت وذبحني التفكير والغيرة
وموقادرة آكل ولا انام شلون ارد طبيعية وانسى هالسالفة. اللي اثرت على حياتي
بنات توقعون يسويها وشنو الحل معاه
*

 

[أنهار الورد]

ان شاء الله مايسويها بس صعبه حبيبتي تقعدي تتعبي روحج من الحين ولا تنامي او ناكلي عدل لشئ قاله انه بعد سنوات حبيبتي حطي ببالج الانسان مايدري شنو المكتوب له باجر وهو قاعد يخطط لبعد سنوات طويلة اصلا هالشئ مو زين طول امل يسمونه
انتي مشي حياتج طبيعيه لان لو قعدتي كل شوي تفكري بالموضوع بأثر حتى على بيتج غصب عنج رح تتوتري واقل شئ ممكن يسبب شك لج او مشاكل بينج وبينه حاولي تنسي كلامه واخذيه على محمل المزح ومانبي نسبق الاحداث

الله يسعدج

 

[الأميرة جوري]

عادي صارحيه قولي انى تعبت نفسيا من كلامك ...وحاولي تبجين علشان وقتها راح يطلع اللي بقلبه وراح تعرفينه عدل...والله يحفظه لج..وتكونين اول واخر زوجه بحياته

 

[قلبي عبدالله]

ليش يعني مو الوحده اذا قضت عمرها وياهم اخرتها يستبدلوها بوحده ثانيه

تصير هي حق لعيال والثانيه حق الوناسه واسترداد الشباب صارحيه وطلعي اللي بقلبك

 

[مشتــآقـه]

ردج كااان حليو بس زين انج ماابينتي انج ماتقدرين تعيشين بدوونه بس اظن من حركااتج معااه بيفهم انج تعشقينه حيل وليش الغيره اهو بس كلمج يمكن المغزى يبي غيرتج وليش انتي شايفه انج مااتقدرين تشيلين هالفكره من باله بالعكس اناا احس انج شخصيه وااثقه من حاالها وانشاالله تقدرين تغيرين نظرة زوجج بس لااتزعلين وتتعبين نفسج هذي بس كانت سوالف لو صارت الصجيه شنو بيصير فيج عيل ؟؟ تعوذي من الشيطان وتذكري الله دايم مع عبده اللي يذكره ..

تقبلي مروري

 

[أم عامر]

أختي الكريمه

أعلمي ان لن يصيبنا الا ماكتب الله لنا

عليك بالدعاء فأن الدعاء يرد القضاء

ومارسي حياتك طبيعي وسلمي امرك لله

فهو اعلم بما هو خيرا لنا

كرري دائما

اللهم ارني الحق حقا وارزقني اتباعه
وارني الباطل باطلا وارزقني اجتنابه

 

[ضي الدنيا]

الله يكون بعونج ياغناتي **

احنا حريم والكلام هذا يذبحنا ويجرحناا **

صارحي وقولي له اذا بتسويها راح تخسرني وراح تهدم هالبيت **

لانه انا مستحيل اتحمل تجيب علي شريجه **
وخلي يحس من كلامج انه اذا تزوج راح يخسرج **

واذا قالج ماراح اقصرمعاج بشي **

قولي له اذا سويتهاا ماني قاعدتلك دقيقه **
^^ شوفي ياغناتي لاتقولين الكلام اللي قلته لج الا اذا انتي متاكده انه يحبج ومايبي يخسرج ^^

اسئل الله العظيم رب العرش العظيم انه يسخر لج زوجج ولا يشوف غيرج **

اميييييييييييييييين ياااارب العاااااالمييين **

^^ تكفين ياغناتي ادعيلي انه يتحقق اللي في بالي عاجلا غير اجلا ^^

والله محتاجه الدعوه 00 رجيتكم لا تخلوني 00

 

[صوت الحق]

مشكوريين خواتي والله كلامكم ريحني حيل والله يعطيكم العافية
انشاء الله بطبق كل اللي قلتوه
ياو الكلام يحر الله يعين الصجيه

 

[صوت الحق]

ردج كااان حليو بس زين انج ماابينتي انج ماتقدرين تعيشين بدوونه بس اظن من حركااتج معااه بيفهم انج تعشقينه حيل وليش الغيره اهو بس كلمج يمكن المغزى يبي غيرتج وليش انتي شايفه انج مااتقدرين تشيلين هالفكره من باله بالعكس اناا احس انج شخصيه وااثقه من حاالها وانشاالله تقدرين تغيرين نظرة زوجج بس لااتزعلين وتتعبين نفسج هذي بس كانت سوالف لو صارت الصجيه شنو بيصير فيج عيل ؟؟ تعوذي من الشيطان وتذكري الله دايم مع عبده اللي يذكره ..

تقبلي مروري [/QU

وازيدج من الشعر بيت قلت له ما ابي عيالي بتنازل لك عنهم تردني بيت أهلي بروحي مثل ما اخذتني منهم بروحي

بس هم بين اني محترة وبموت غيرة مرة اهدد ومرة اترجاه ما يسويها ههههههه هبل فيني

 

[zaina alotibi]

تطمني ماراح يسويها الي يقول بتزوج هذا آخر واحد توقعي انه يسويها خافي من السكوتي اهو راعي المفاجآتي .

آنا رايي انه يبي يثير غيرتج ويعرف غلاته عندج

 

[** محبوبه**]

صوت الحق.......
ريلي مثل ريلج دايم سوالفه عن الزوجه الثانيه وأبيها جذي ومابيها جذي:bbbiu:
وألي يضحكني يقول عشان تونسون بعض الضحى سوالف لووووووول<<صج بو نيه ألا نقضي الضحى على هواش وطق لووووول :j013:
لاتخافي مايصير ألا المكتوب وهنوعيه من ريايل تطمني منهم :rerrerek:بلاج من الساكت:eh_s(10):
ويبي يطمني يقول مو ألحين بعد10 سنين أرتاحي لوووول

 

[Om_Ksha]

وااااااااي يحرررررر ريلج الله يهديه يا انه يمهدلج او يستبق الاحداث

بس ماله داعي يقولج بعد ١٠ السنين اذا الله احيانا

 

[صوت الحق]

وااااااااي يحرررررر ريلج الله يهديه يا انه يمهدلج او يستبق الاحداث

بس ماله داعي يقولج بعد 10 السنين اذا الله احيانا

اي حبيبتي يقول عشان تأقلمين نفسج من الحين وليش تحرين نفسج مردنا كلنا للتراب

 

[نفهمها صح]

اي
يمزح معك معتغد لوو يبي حطها من بكره
لا تصييرين حساسه
والواحد ميدري بيعيش ولالا
​

 

[نشيج الروح]

بهال8 وال10 سنين قبلها استمتعي فيها وارتاحي نفسيا ولا نصيحتي لا تعصبين عليه مرة ثانية خوفج ما يقولج شي بعدها ... خليه يقول الي بقلبه هههههههه ....... وإذا هو من صجه لازم يكون كلامج غير ... لازم تكسرين فيه يعني تقولين له والفلوس؟ والعدل ؟ والمشاكل؟ وسطري له ألف شي ليما يكره الزواج الثاني ... وشنو حاجتك للزواج الثاني ؟ وشنو هدفك؟ وهل تضمن أن الزوجة الثانية بتكون خوش وحده ؟ ....إلخ من الأشياء الي تخليه صج يتردد... يعني مثل ما قلتي هو دين فأكيد بيخاف من هالسوالف أساسا مسألة العدل ....
وأنتي وذكائج تعرفين شلون تتعاملين من غير ما تستجوبينه وتخلينه ما يفكر بالمرة الثانية ...
المهم حاليا انسي السالفة وأتوقع كله حجي ريايل فاضي

 

[leeny]

مدام انه قالج احس تونا متزوجين وبعد سنين يممممكن اسويها ماتوقع يسويها بس يبيج تغارين ويبيج دوم جذي لاتتغيرين وتندمين اذا تزوج خلج مثل ما انتي وحاولي تتحسنين بعد للي يبي ويريحه ولاتقولين له شي كللللش الله يهديه لج حبيبتي

 

[أتراب]

الكلام صدق يحر بس
عيشي حياتج وانسي وما تدرين خلال هالفتره شنو
يصير ويمكن كان يمزح او يختبرج
لان كلهم يقولون بيتزوجون

​

 

[الأميرة الحزينة]

لا تحرين روحج .. بس بينيله بكل مرة يقولج جذي انج مو موافقه عشان يشيل الموضوع من باله.. احتمال يكون يجس نبض لا توافقين ابد

 

[احلى بنت بالدنيا]

انا شايفة ان ماكو مشكلة اصلا , هذا الشي ماصار ويمكن مايصير اصلا .. من الحين بتخربين حياتج على شي ماصار !!

 

[ام شووووق]

الله يحيينا عقب 8 او 10 سنين لووووووول

لاتفكري ببكره عيشي يومج