واحنا بس ماعندنا غير واي ياشين حمولتي وياشين حمواتي ؟؟؟!!

[April 29]

انا حمولتي ماشاءالله عليهم محترمين وصارلي معاهم 14سنه خالتي جنه امي وحمواتي جنهم خواتي ماخش عنهم شي ومن تزوجو حمواتي وحماي تغيرو علي صارو يعاملوني مرت ولد ليش مادري معني ماقصر معاهم واحبهم صارو يخشون عني سفراتهم وسوالفهم معني والله ابيلهم الخير واستانس اذا استانسو وتصدقون انا الي اودي تجهيزهم وارتبه لهم بس الحمدالله انا مو ندمانه لاني كل الي سويته ربي بيعوضني فيه ومعا ذالك ماتغيرت عليهم وللحين احبهم والحمدالله انا اخوي متزوج والحمدالله امي تحترم مرته وعادتها من بناتها ودايم توصي اخوي على مرته واحنا بعد محترمينها وهي حبوبه ومحترمه بس اخوي الله يهديه مو ذاك الزود معها مو عاجبتني تصرفاته سبحان الله ماكو شي كامل الاوجهه سبحانه اذا الحموله اوكيه الولد يطلع مو اوكيه واذا الولد اوكيه يطلعون الحموله مواوكيه

الله يعين بس
الله يهدي النفوس انشالله
وعدل ربي بيعوضج انشاللله .. دامج سويتيه بنيه زينه مايضيع عند ربي

 

[April 29]

بس ساعات تكون المرا مالها ذنب ويتبلون عليها
خاصه حريم الحموان تقولين شريجتها مو مرت حماها
غصب طيب تخلق مشاكل عشان تبين ان هي الزينه وغيري الشين

أسفه على كلامي اللي بقوله لج
زوجج وينه من خواته اذا اهما يطعون كلام عنج ؟؟؟
ليش ماتقولين له ؟
لا تقولين مابي اخرب علاقته بخواته .. او يتغير علي لاني تكمت عن خواته !
اذا هو راضي على سواة خواته او موافقهم بكلامهم او حتى تغير عليج لانج قلتي له . معناته هو راضي بكلام خواته ... ودامه راضي انه يتبلون على عرضه وشرفه اللي هي زوجته .. ليش يقعدج عنده ؟؟!! معناته مافيه خير

 

[أحلى الألماس]

موشرط الجنه تكون مسويه شي عشان حمواتها يكروهونها
ممكن تكون الغيره السبب الاول وعلى اي شي يتحسسون منه
وممكن العكس الجنه تكره الحموات من غير سبب بس الغيره
ذابحتهاا ،،،،،،،،،،،،، وفي حموات يدورون المشاكل دواراه وهم الجنه
يعني مووووكل الحموات شريات ومووكل الجنات شريات

 

[April 29]

اكيد في الشين وفي الزين يعني اكو وحده اتحط موضوع حمولتي زينه شسوي معاهم ؟؟
اللي قاعدين يتشكون قاعدين يتكلمون عالفئه الشينه وشفيها يعني ؟ في ناس ماتقدر تشكي حق اهلها مهما يكون اهل ريلها بالمنتدى محد يعرفها وبتاخذ راي البنات ؟؟ اذا انتي حمولتج زينه حمدي ربج غيرج حمولتها عله مو اوادم

بس تدرين شنو النتيجه اللي طعلنا فيها الحين ؟
ان 99% من العوائل مو زينه بس 1% منهم زنين مع جنايهم
و ان 99% من الجناين يهبلون بس اهل الزوج مايقدرون و 1% من الجناين عوّبْ ( جمع عوبه )
حياج الله :*

 

[April 29]

موشرط الجنه تكون مسويه شي عشان حمواتها يكروهونها
ممكن تكون الغيره السبب الاول وعلى اي شي يتحسسون منه
وممكن العكس الجنه تكره الحموات من غير سبب بس الغيره
ذابحتهاا ،،،،،،،،،،،،، وفي حموات يدورون المشاكل دواراه وهم الجنه
يعني مووووكل الحموات شريات ومووكل الجنات شريات

صح كلامج
بس الحمدالله والشكر انا بنقعد على الحموات او الخاله لما تغار من جنتها ... شكو تغارين ؟ انتي شي واهيا شي ثاني ... انت امه او انتي اخته .. وهي زوجته .. لا تقارنين .. كلش ماكو مقارنه
ولا اذا مصره تغار شكو تزوجه ؟؟؟ خل ينثبر ببيت امه يقعد بحضنها او حضن خواته لما يملون منه

والجنه اللي بتدور مشاكل حلها معروف طراق واحد من زوجها ويأدبها .. وغلطانه الخاله او العم اذا سمكتوا على سوالف جناينهم .. محد كبر راسهم الا حقرانا لهم.. عبالهم ان ميتين من الخرعه منهم ...
والله مايمشون الا بالعين الحمرا
واذا الولد عاجبه سوالف مرته العوبه ولا يقدر يسكتها .. خل يسكنون برا بيت العائله .. شماله مسكنها عندهم ؟

انا هذي وجهة نظري

حياج الله :*

 

[ملكة الغيد]

يا بعد عمري خالتي تعاملني مثل بناتها الله يخليها لنا ويطول بعمرها بس الصراحه انا مقصره معاها ​

 

[seedo]

موضوع شائك عند الاغلب


بس لو كل جنه اتخاف ربها و تحاسب على الكلمة قبل لا تطلع منها جان ما صارت كل هالمشاكل اللي نسمعها!

بعدين اذا ام الزوج سببت مشاكل ميخالف سامحيها اهي بالنهايه ام ريلج ومن حقها تغير على اي شي بعدين اذا كبروا عيالكم و تزوجوا بتحسون بشعورها ... واهم شي للمره الكبيره اتغرقينها بالهدايا و تقصدين فيه وجه الله ومن البر عشان لا يدخل رياء في عملكم ..

بالنسبه لخوات الزوج لازم لازم لازم يكون في حدود من البدايه و المعامله رسميه اوجبهم و احشمهم وبس بدون ما اطيح الميانه.. ولا تقولين ريلي سوالي و حط لي حتى لو بحسن نيه لانه يتحول غيره لا شعوريا !

 

[مشتــآقـه]

التساااااااااااامح ياااا بنااات ساامحوا الخاااله موو دايم شينه بالعكس في خالات اكثر من الام وحمواات هم اقرب من الخواات بس اناا ببالي اعتقد الجنه لازم يكوون بينها وبنت حمواتها احترام وتقدير وبس مااتكون ميانه حيل لانه مهما يصير لازم تصير المشااكل اذا قربت حيل فخلج بعيده تصيرين غاليه وهم صح كلام البناات فكروا انكم بيووم بتصيرون خالات وعيالكم بيتزوجون ودج مرت ولدج تسوي اللي بعضنا يسويه بخاالته
اكـــــــيــد لااا

واتمنى تتقبلوون رااي ..

 

[زوجة عزيز]

اممممم مادري اكو العكس الجنه النسره السوسه اهيا اللي يشيلونها على راسهم و طلباتها اوامر و المسكينه الفقيره مايحسبون لها حساب و اعرف ناس جذي

اي والله وانتي الصاجه

 

[dectora 7elwa]

اذا تكلمنا عنهم مومعناته نكرههم لا
بس ساعات البنات يحبون يفضفضون
يعني يضايقها الموقف اللي صار مو الشخص بعينه
احنا ساعات نشتكي من ازواجنا اللي هم اغلى من الحموله
شلون ما نشتكي من الحموله

 

[فديتني احبني]

الحمدلله انا و اعوذ بالله من كلمة انا ما اشتكي من هالناحيه
احب خالتي و اموت فيها مثل امي
و حمواتي والله مثل خواتي اغليهم و يغلوني و لا في بينا حواجز بالعكس
مثل الخوات بالضبط والله لا يغير علينا و يهدي الجميع

 

[njoom1]

اييي هم صح كلامج
بعضهم تلاقينها ابلييييييييييييييييييييييييس بس بنضرها اهي الفقيره المسكينه
مع انها اهي الغلطانه واهي الباديه في الغلط

 

[April 29]

يا بعد عمري خالتي تعاملني مثل بناتها الله يخليها لنا ويطول بعمرها بس الصراحه انا مقصره معاها ​

الله يخليكم لبعض
حياج الله

 

[April 29]

موضوع شائك عند الاغلب


بس لو كل جنه اتخاف ربها و تحاسب على الكلمة قبل لا تطلع منها جان ما صارت كل هالمشاكل اللي نسمعها!

بعدين اذا ام الزوج سببت مشاكل ميخالف سامحيها اهي بالنهايه ام ريلج ومن حقها تغير على اي شي بعدين اذا كبروا عيالكم و تزوجوا بتحسون بشعورها ... واهم شي للمره الكبيره اتغرقينها بالهدايا و تقصدين فيه وجه الله ومن البر عشان لا يدخل رياء في عملكم ..

بالنسبه لخوات الزوج لازم لازم لازم يكون في حدود من البدايه و المعامله رسميه اوجبهم و احشمهم وبس بدون ما اطيح الميانه.. ولا تقولين ريلي سوالي و حط لي حتى لو بحسن نيه لانه يتحول غيره لا شعوريا !

هم وجهة نظر صحيحه
حياج الله

 

[April 29]

التساااااااااااامح ياااا بنااات ساامحوا الخاااله موو دايم شينه بالعكس في خالات اكثر من الام وحمواات هم اقرب من الخواات بس اناا ببالي اعتقد الجنه لازم يكوون بينها وبنت حمواتها احترام وتقدير وبس مااتكون ميانه حيل لانه مهما يصير لازم تصير المشااكل اذا قربت حيل فخلج بعيده تصيرين غاليه وهم صح كلام البناات فكروا انكم بيووم بتصيرون خالات وعيالكم بيتزوجون ودج مرت ولدج تسوي اللي بعضنا يسويه بخاالته
اكـــــــيــد لااا

واتمنى تتقبلوون رااي ..

والله ياخوفج نصير بعاد ونطلع احنا الغلطانين لان قاطعين وبناخذ ولدهم منهم لوول
جنه ولدهم ياهل المره هي اللي تمشيه
حياج الله

 

[April 29]

اذا تكلمنا عنهم مومعناته نكرههم لا
بس ساعات البنات يحبون يفضفضون
يعني يضايقها الموقف اللي صار مو الشخص بعينه
احنا ساعات نشتكي من ازواجنا اللي هم اغلى من الحموله
شلون ما نشتكي من الحموله

حياج الله

 

[April 29]

الحمدلله انا و اعوذ بالله من كلمة انا ما اشتكي من هالناحيه
احب خالتي و اموت فيها مثل امي
و حمواتي والله مثل خواتي اغليهم و يغلوني و لا في بينا حواجز بالعكس
مثل الخوات بالضبط والله لا يغير علينا و يهدي الجميع

أمين الله يخليكم لبعض
حياج الله

 

[April 29]

اييي هم صح كلامج
بعضهم تلاقينها ابلييييييييييييييييييييييييس بس بنضرها اهي الفقيره المسكينه
مع انها اهي الغلطانه واهي الباديه في الغلط

ايواااااا انا قاعده اتكلم عن هذي الفئه اللي باطه جبدي لووول
حياج الله

 

[زوجة عزيز]

اممممم مادري اكو العكس الجنه النسره السوسه اهيا اللي يشيلونها على راسهم و طلباتها اوامر و المسكينه الفقيره مايحسبون لها حساب و اعرف ناس جذي

معاها انا :eh_s(15):

 

[_زينه_]

من ناحيتي اهم زينين معاي بكل شي بس لان حماتي مو متزوجه خالتي تبيها 24 ساعه معانا بكل طلعه وبكل سفره ولانها وحيده ما عندها خوات تبي تطلع معانا مرات غصب تدري ان طالعين دق على ريلي ها وين تعال اخذ اختك