يومياتي برجيمي اللي ضعفني 22 كيلو من اليوم لي 17-7 ...حياكـــم

[كويتية بروما]

عاشو عاشو والله انتي قدها ونص

 

[روعة خيال]

بنااات

خربطت بالليل

اكلت حلوم و كوفي موكا حار خالي الدسم<<<<< يعني مرقعتها مع ويهي

يلا باجر التزاااااام

 

[الفدنه]

حلو ريجيمج
وجاي الاعشاب زيدي عليه قشر قهوه وادعيلي
ويارب تنزلين وزنج بصحه وعافيه قبل المناسبه ​

 

[هجران الليالي]

يالله أنا بشجعج لأني بعد مسوية رجيم ويارب نضعف بصحة وعافية بس عندي جم إستفسار

س1: الزنجبيل طازج او الباودر المطحون ؟

س2: الكمون حب أو مطحون؟

س3: وايد أسمع عن البرقدوش بس ماني عارفته؟ احنا عندي في البحرين (غراش مرقدوش) هل هذا هو المقصود؟ او شي أعشاب هو؟؟

س4: وسامحيني كثرت من الأسئلة ، جم مرة تشربين هالخلطة في اليوم؟ ومتى هل قبل او بعد الأكل ؟

مشكورة حبيبتي ويارب تضعفين وتصيرين رشيقة بصحة وعافية

حبوب إزيلاكس ماادري إذا عندنا في البحرين او لا يبي لي أسأل عنه

 

[فواصل]

موفقة

 

[أ.س.م.ا.ء]

ان شاء الله ينزل وزنج بصحة وعافية وتوصلين للوزن الي تبينه

 

[كيكه توفي]

موفقه ان شاء الله

 

[روعة خيال]

حلو ريجيمج
وجاي الاعشاب زيدي عليه قشر قهوه وادعيلي
ويارب تنزلين وزنج بصحه وعافيه قبل المناسبه ​

يبيله قشر قهوة بس من وين اييبهم؟!

القاهم بالحواي؟؟

مشكورة حبيبتي

 

[روعة خيال]

يالله أنا بشجعج لأني بعد مسوية رجيم ويارب نضعف بصحة وعافية بس عندي جم إستفسار

س1: الزنجبيل طازج او الباودر المطحون ؟

س2: الكمون حب أو مطحون؟

س3: وايد أسمع عن البرقدوش بس ماني عارفته؟ احنا عندي في البحرين (غراش مرقدوش) هل هذا هو المقصود؟ او شي أعشاب هو؟؟

س4: وسامحيني كثرت من الأسئلة ، جم مرة تشربين هالخلطة في اليوم؟ ومتى هل قبل او بعد الأكل ؟

مشكورة حبيبتي ويارب تضعفين وتصيرين رشيقة بصحة وعافية

حبوب إزيلاكس ماادري إذا عندنا في البحرين او لا يبي لي أسأل عنه

يا هلا حبيبتي

شوفي يا قلبي انا اذا يت المغربية اسوي الاعشاب و احطهم بمطارة و اشربهم باستكانة چاي انتي و مقدرتج انا اشرب 8 استكانات

الزنجبيل انا احط مطحون اذا بتحطين فرش احسن بعد

الكمون انا احط حب مو مطحون

البردقوش غييييير عن المرقدوش

برقدوش تلقينه بقسم الجاي اييج علاّق نفس اللبتون

و الدارسين مطحون

و حطي قشر قهوة انا ببلش احط من اليوم ان شاء الله بس بروح الحواي و اسأل

 

[روعة خيال]

فواصل

تسلمين حبيبتي

اسماء

بعد عمري مشكورة ع الدعوة الحلوة يا حلوة

كيكة توفي

مشكوووورة

 

[(نبنوبه)]

انا لايعة جبدي من جسمي وودي افضفض احس مخنوقة
انا اعالج عشان الحمل واليوم الدكتورة قا لتلي وزنج زايد انا وزني80 وقالت ان الوزن الزايد يعيق عملية التبويض

وخاطري اسوي رجيم بالنسبة للحبوب من وين احصلها واكيد ما تضر عفية جد جد انا حيل محبطة

 

[_ظل الياسمين _]

يعطيها العافيه ................وعاشت عاشت روعه خيال
وانا باذن الله لى رده معاج بس الحين عندى نزله برد قوه.

 

[فلبينية عبدة]

يسلموووو حبيبتي

جاي الاعشاب الله يسلمج كالتالي

دارسين مطحون-زنجبيل مطحون-جاي اخضر منعنع-اكليل الجبل-بردقوش-كمون

عجييييييييييييييييييييييييييبة اصلا راح تلاحظين بعد ما تشربينها انج وايد تعرقين و هذا معناته انه جسمج قاعد يحرق

حلوو ان شاء الله بسويه

بس اخلطهم مع بعض واخذ معلقة ع ماي مغلي

ولا شلون طريقتك ؟؟

ومشكووورة حيل ع كتابتك الطريقة





والله يوووفقج وتوصلي للوزن اللي تبيه

 

[هجران الليالي]

مشكورة أختي على التوضيح ويارب تضعفين بصحة وعافية
أمس رحت شريت كل المكونات اللي ماعندي
(قشر قهوة غير محمص + كمون حب + زنجبيل بودرة + إكليل الجبل + دارسين +بردقوش+ شاي أخضر صيني ) سويتها وشربت كوب كامل منها بس يختج حسيت طعمها وايد دارسين ذبحتني وانا ما أحب الدارسين رغم اني استخدمت نفس المقدار من كل واحد ( كأس صغير) بس أحس طعمه كل دارسين لووووول

 

[هجران الليالي]

وصج نسيت أسال هل يختلف مفعوله اذا بارد او حار؟ لأني ما اتحمل اشربه ياربي وهو حار!!

سامحيني عورت راسج بالأسئلة حبيبتي

 

[_ظل الياسمين _]

ها بدينا تنحش...............
يالله اب اب ناطرينج بالجديد.........:eh_s(15):

 

[روعة خيال]

انا لايعة جبدي من جسمي وودي افضفض احس مخنوقة
انا اعالج عشان الحمل واليوم الدكتورة قا لتلي وزنج زايد انا وزني80 وقالت ان الوزن الزايد يعيق عملية التبويض

وخاطري اسوي رجيم بالنسبة للحبوب من وين احصلها واكيد ما تضر عفية جد جد انا حيل محبطة

هلا و غلا

حبيبتي ما تضر كلش انا ارضع و اخذهم
اهي عبارة عن حبة حلوة و باين من ريحتها
شدي حيلج حبيبتي ماكو شي مستحيل دام الارادة شغالة معاج
عسى ربي يرزقج بالضنى الصالح و تبشرينا

يعطيها العافيه ................وعاشت عاشت روعه خيال
وانا باذن الله لى رده معاج بس الحين عندى نزله برد قوه.

عاش غاليج حبيبتي مشكورة و يلا ناطرتج

حلوو ان شاء الله بسويه

بس اخلطهم مع بعض واخذ معلقة ع ماي مغلي

ولا شلون طريقتك ؟؟

ومشكووورة حيل ع كتابتك الطريقة





والله يوووفقج وتوصلي للوزن اللي تبيه

يا عمري انا بقولج طريقتي و لي حبيتيها سويها

اخذ قفشة وسط زنجبيل مطحون و دارسين مطحون و كمون حب كللللهم قفشة وسط

بعدين اكليل الجبل و البردقوش و الجاي الاخضر بالنعناع اخذهم علاق نفس الليبتون من الجمعية

و احطهم كلللهم بمطارة و اصب فوقهم ماي مغلي و اصبر ربع ساعة بعدين من المغرب ابلش فيهم

مشكورة أختي على التوضيح ويارب تضعفين بصحة وعافية
أمس رحت شريت كل المكونات اللي ماعندي
(قشر قهوة غير محمص + كمون حب + زنجبيل بودرة + إكليل الجبل + دارسين +بردقوش+ شاي أخضر صيني ) سويتها وشربت كوب كامل منها بس يختج حسيت طعمها وايد دارسين ذبحتني وانا ما أحب الدارسين رغم اني استخدمت نفس المقدار من كل واحد ( كأس صغير) بس أحس طعمه كل دارسين لووووول

اي اي الطعم الغالب دارسين بعدين معلومة الدارسين و الزنجبيل و الجاي الاخضر ثلاثتهم يحرقون حرررررررررق

وصج نسيت أسال هل يختلف مفعوله اذا بارد او حار؟ لأني ما اتحمل اشربه ياربي وهو حار!!

سامحيني عورت راسج بالأسئلة حبيبتي

لا ما يختلف انا اصبهم باستكانة و انطر يبرد بعدين اشربه بسرعة

عادي يا قلبي سئلي لين تقولين بس

ها بدينا تنحش...............
يالله اب اب ناطرينج بالجديد.........:eh_s(15):

لا و الله لا تنحش و لا شي امس كان فري لان حسيت اني راح اخربط بعدين النت لج عليه شوي

و ابشرج ناقصة كيلو و شي

 

[روعة خيال]

بنات حبايبي وزني الحين

74.4

و اتوقع الاسبوع الياي ما ينزل وايد لان الاخت راح تشرف

 

[*ستار*]

حبيت اسالك وش البديل عن البيض يعني كل يوم ريوق 3 بيض مره صعبه خاصه ان فيني كوليسترول ؟
والغداء كل يوم شي والا عادي كل يوم اتغدى ساندوتش جبن؟
والعشاء باخليه زبادي وسلطه افود من الشاي
ودي اشد حيلي معك لي سنه و8 شهور والده ولا نقصت ونفسيتي زفت

 

[Miss McDonald]

• موفقه حبيبتي
• ان شاء الله توصلين للوزن اللي تبينه بصحة + عآفية
• تآبعي بنتآبعج