رشحولي روايات حلوة .. على ذوقكم الحلو

[AL ANOOD]

هاااي بنوتات دودات كتب وقراءة ---- مثلي

حبيباتي من زمان ما قرات كتاب ---- صار لي شهر تقريبا
احس مخي مات .. اخر شي قراته اليس في بلاد العجاائب صج واو والكاتب خياله واسع انصحكم فيها

بس الحين دوركم انتو تنصحوني وترشحولي روايات .. ولعى فكرة احب الكتب المعقدة واللي فيها غموض والممنوعة ---- شسوي شيطانة

ناطرتكم الله لا يحرمني من ردودكم :eh_s(7):

 

[أجمل إنسإنة]

آممممم .. انصحج برواية انف وثلاث عيون لاني حاليا قاعده اقراها ومستمتعه فيها وفي موضوع للعضوة ليلى المطوع كتب انصح بها وكتب لا انصح بها دخلي واختاري الي يعجبج وموفقه ان شاء الله
:eh_s(17):​

 

[كراميلا مرة]

انصحك برواية الشقيقات لدنيال ستيل روايه حلوه
واذا تحبين غموض اشوي رواية بائعة الخبز لكزافييه دو منتبان
ودخلي مواضيع دودات الكتب وموضوع ليلى كتب انصح بها وكتب لا انصح بها

 

[AL ANOOD]

آممممم .. انصحج برواية انف وثلاث عيون لاني حاليا قاعده اقراها ومستمتعه فيها وفي موضوع للعضوة ليلى المطوع كتب انصح بها وكتب لا انصح بها دخلي واختاري الي يعجبج وموفقه ان شاء الله


:eh_s(17):​

انا من رواد هالموضوع لكن للاسف اغلب الكتب النذكورة قرأتها وفي كتب ما عجبتني
راج اقرأ عن الكتاب اللي نصحتيني فيه وانشالله اخذه اذا حصلته

thnx

 

[AL ANOOD]

انصحك برواية الشقيقات لدنيال ستيل روايه حلوه
واذا تحبين غموض اشوي رواية بائعة الخبز لكزافييه دو منتبان
ودخلي مواضيع دودات الكتب وموضوع ليلى كتب انصح بها وكتب لا انصح بها

امممم مادري ليش عجبني اسم بائعة الخبز .. شكلي ناوية عليه

وثانكس على المساعده

وصح نسيت اقولكم اني رحت مكتبة ذات السلاسل واحترت شنو اخذ وتذكرت اني مرة قرأت عن كاتبه اسمها هيفاء بيطار والكل يقول اسلوبها حلو فأخذت لها رواية اسمها "هوى" كبداية وااايد حلوة وفعلا اسلوبها قوي ... ونشوف شبيصير للاخير :eh_s(15):

 

[غصن الزيتون]

صباح الخير

انصح برواية ( بيت العائلة ) لسامية سراج الدين بنظري سوف تكون روايتها ولادة نجمه روائية من الطراز الاول , رواية ممتعة جداا وتسلسل الاحداث يشوق ويجعل القارىء اذا وقف عند صفحة محددة لهذا اليوم يتشوق لقرائتها باسرع وقت .

​

 

[ليلو جبريت]

انا من رواد هالموضوع لكن للاسف اغلب الكتب النذكورة قرأتها وفي كتب ما عجبتني
راج اقرأ عن الكتاب اللي نصحتيني فيه وانشالله اخذه اذا حصلته

thnx

:eh_s(10)::eh_s(10)::eh_s(10):
غريبة مع ان هالكتاب الي بتدورين عنه موجود في موضوعي وناصحه البنات فيه
على العموم حاليا اقراء هوى وعاجبتني

 

[LA TROO7]

انصحج بروايه ( سقف الكفايه )

 

[(رنين)]

أنا حاليا قاعده أقرا روايه اوليفر تويست بس ها الترجمه الاصليه للروايه يعني الروايه كامله بتفاصيلها مو مختصره فيها فوق 500 صفحه و صراحه كلمه روعه شويه عليها تهبل و كسر خاطري الولد مع إني شفت الفيلم المقتبس للروايه بس الروايه غير غير تهبل
و بالتوفيق إن شاء الله تحصلين اللي يعجبج

بايات

 

[om.albnafsj]

في كتاب اسمه نسيان كوم للاحلام مستغامني وايد حلو بس يبيله تركيز
وفي رواية كويتية اسمها هذه اخرتك حليوة وعلي بعض الملاحظات

 

[ليلو جبريت]

انا رفيجتي تقراء وايد ولها خلفيه في هالسوالف
سألتها عن هذي اخرتك قالت الي يعرف الادب ويعرف نمط الكتابه والقصص والروايات بيفهم ان هالرواية صفر على الشمال
لكن انا بقراها بس بتطمش لان الكل يقول مو حلوووة

 

[om.albnafsj]

مادري والله
الناس اذواق
والله يوفق الكل
انا ستانست وايد لاني اشجع الشباب وحلو ان الواحد يجرب

 

[ليلو جبريت]

عندج رواية اثير احببتك اكثر مما ينبغي هذي الي صج حلوووة
ولاتمت فالمكتابات من روووعتها

 

[Shade]

كل روايات علياء الكاظمي روعة

 

[عيون روحي]

امممممممم عندك نساء صغيرات وووو حديث الصباح و المساء

رواية صوفيا بعد​

 

[the white heart]

حبيبتي .. كمبتدئة ... ممكن أرشحلج رواية خفيفة مثل بنات الرياض للكاتبة رجاء الصانع ...

 

[غيدآء]

حبوبه

انتي شنو ميولج بالقراءه؟

علشان اعرف شنو تحبين وافيدج ...علميني تحبين الادب العالمي او العربي ..ونوع الروايات جريمه او اجتماعيه؟

 

[برعم الخوخ]

زهرة الثلج و المروحة السرية ل ليزا سي عجييييبه

و السجينة لمليكة اوفقير

 

[3oosh <3 MJ]

رواية طعام صلاة حب
رواية بائع الكتب في كابول .. الاسلوب مب مشوق لكن بتعرفين عن اشياء وايد عن افغانستان
رواية اله الاشياء الصغيرة .. اول صفحه ماتشد كلش لكن اذا كملتي ماراح تقدرين تهدين الروايه
سيد الهاوما.. بس فيها الفاظ مب حلوة كلش
عاملة المنزل.. مب ممتعه بعد لكن بترويج شلون كانت حياة السود في امريكا
كفاح طيبة
هذيلن الي فبالي الحين
واذا خطر شي فبالي برجع لج انشالله

 

[AL ANOOD]

:eh_s(10)::eh_s(10)::eh_s(10):
غريبة مع ان هالكتاب الي بتدورين عنه موجود في موضوعي وناصحه البنات فيه
على العموم حاليا اقراء هوى وعاجبتني

هلا والله تو ما نور الموضوع

حبيبتي انا دايما طايحة بموضوعج بس يمكن ما لي ردود لاني احب اقرا اكثر من التعليق

اغلب الروايات اللي اقترحتوها وتكلمتوا عنها عندي وقريتها

وبنفس الوقت في كتب ماعرف عنها شي .. فقلت استشيركم بهالموضوع ..... :eh_s(15):

سؤال ... اي كتاب تقصدين اللي انا مومحصلته ؟؟؟