شنو ستايل لبسج في البلاد الأجنبية ؟ خلونا نتشارك :)

[pitza]

اختي جلنار انا نفس حالتج لبسي بالكويت عباية اسلامية بس بالسفر نفافيف واسعة لأن ريلي مايرضى بنطلونات، بس ابي اسألج انتي من وين تشترين نفانيفج او من وين تفصلينهم ، وتقدرين تحطيلي موديلاتج القديمة عشان آخذ افكار،الصراحة هالمرة ماودي افصل لأن لاعت جبدي السنة اللي طافت بالتفصيل لوية روحي وردي عالخياط، انا الحين شريتلي جم نفنوف حفر من انتوتا وديربي وشريت عليهم جاكات التوينز القطن، ولي الحين ادور فياريت تفيديني

 

[om.aboodi]

الله الملافع اللي نص حرير ونص قطن موجودين الحين بزارا روعه ابي

 

[شوشو&صوصو]

صج من وين ملافع نص حرير ونص قطن

 

[غـيوض]

والله ع حسب مزاجي

يعني احيانا سكيني جينز وبلايز طويله للركبه وملفع قطن وجنطه كبيره عشاني شغلي وايد >>خخخ


وفلات عالي بس طبي لزوم الفراره والطول


واحيانا البس عبايه كشخه


يعني مزاجي يلعب دور كبير

 

[جُـلنـار]

اختي جلنار انا نفس حالتج لبسي بالكويت عباية اسلامية بس بالسفر نفافيف واسعة لأن ريلي مايرضى بنطلونات، بس ابي اسألج انتي من وين تشترين نفانيفج او من وين تفصلينهم ، وتقدرين تحطيلي موديلاتج القديمة عشان آخذ افكار،الصراحة هالمرة ماودي افصل لأن لاعت جبدي السنة اللي طافت بالتفصيل لوية روحي وردي عالخياط، انا الحين شريتلي جم نفنوف حفر من انتوتا وديربي وشريت عليهم جاكات التوينز القطن، ولي الحين ادور فياريت تفيديني

هلا والله بيتزا
النفانيف اللي عندي في منها جاهز و أكثرها تفصال
أحب يكون في النفنوف قصات وحركات بس كلها في الخام نفسه .
وأحيانا أفصل نفنوف سادة حفر واسع على شكل طبقات
وألبس عليه كاريغان سادة او فيه نقشة بسيطة ..

والله يالغالية عندي وايد صور وودي انزلها لج تشوفينها ..
بس المشكلة ان كل الصور مخزنة في الاي باد و انا اشبك منه
و ما أعرف شلون انزل الصور من الاي باد للمنتدى

اللي تعرف عفيا تقول لي !

 

[جُـلنـار]

الله الملافع اللي نص حرير ونص قطن موجودين الحين بزارا روعه ابي

أنا شريتهم من زارا الأفنيوز قبل شهرين ..
وأظن ليما الحين موجودين

 

[pitza]

انا شريتلي جم نفنوف حفر من انوتا وديربي جينز بس ابي بعد موديلات والصراحة مااعرف افكر بموديلات والاغلب من اسويه تفصال مايكون مثل ماتخيلته فعشان جذي قلت يمكن تحطين لي موديلاتج عشان آخذ منها افكار، انزين اقدر اعطيج موبايلي عالخاص لأن عندي اي فون وتطرشيلي الصور عالواتس اب او تطرشينهم على ايميلي (شوفي اللي يناسبج وقوليلي)

 

["-ADioS-"]

موضووووع مفيييد

 

[عيون منوعه]

حلو الموضوع

انا عن نفسي يعني مو حاكره عمرري بستايل معين يعني عادي آخذ راحتي

آخذ معاي ترينق حق الفندق ...

و بدلات عاديه تونز و جينز و بلووووزه ممممممم يعني سمبل و عملي عرفتي !!

يعني ستايلي الي بالكويييت تقريبا نفسه بآمريكا بس الاختلاف ان افضل افضل يكون قطن لأن آريح لووووووول


و اهم اهم شي الجنطه تكون كروس

 

[om.aboodi]

مشكورة جلنار طيراااااااااان على زارا بس بطرش ناس هههههههههههههه ماحبه الافنيوز لويه ومشكورةوايد

 

[PAMELLA]

بنات حتى العبايه السودا ملفته ويخززون ؟؟؟؟؟؟؟ظظ

انا ستايلي ع حسب المزاج صراحه

فستانين قطنيه واحيانا عبي لولز

مالت هم عندنا يللبسون الي كل شي ومحد يتطالعهم

 

[ام الداده]

والله يوم رحت اوروبا بالنمسا الوضع عادي نقاب وعبايه سويسرا استنكروا وقعدوو يخزون صج يضايقون بس بالطقاق انا اذا لبست الشي التزم فيه اما ايطاليا سالفتها سالفه صج قليلين ادب ولسانهم طويل عل قولت القايد بلطجية اوروبا انا وزوجي اخر الايام قعدنا بالفندق عشان مااتضايق
هالسنه اسبانيا بفصل مانتوات ملونه وملافع ملونه او خمار ماقررت ونقاب ومايشوفون شر عل قولت 
الاخت عندنا مايحترمون يلبسون كل شي

 

[pitza]

اختي جلنار مارديتي علي ناطرتج

 

[فله]

حلو الموضوع انا البس المانتوهات اللي تحت الركبه وفساتين
بس بنات انا مارتاح للجينز شنو تقترحون علي بديل

 

[kuwait_queen82]

احب لبسي يكون مريح و الاغلب كله رياضي وكابات و قبعات بدل لحجاب

 

[جنه من الكويت]

احب اللبس المريح والعملي ن عمري مافكرت اكشخ بالسفر جينزات الالوان الاساسيه وقمصان طويله مشيره او ساده وجنطه كروس وجوتي رياضه وبسسسسسسسسسسسسسسسسس علشان يمدينا نلحق علي الهياته ههههههه

 

[مضاوي السلمان]

موضوع واااايد حلووو بوقته


حبايبي تركيا حالها حال الدول الاوروبيه عادي كل شي يلبس عندهم ومايستغربوون

الملافع // العبي /// وحتى النقابات عادي او لااااا

وشكرا ومنكم نستفيد ياالحلواات

 

[ألماس q8]

ايي تركيا عااادي


احنا جم مره نروح وامي بنقابها ما قطته وما يستنكرون بتشوفين الاغلبيه منقبات



اما بخصوصي انا بالسفر جينزات و قمصان على جم نفنوف على جم بلوزه قطن طويله على جم بلوفر على جم تنوره
وتعالي شوفي بالمطار يصكوني وزن زايد وادفع ههههههههههههههه هذا بالروحه وبالرده اعبر :/

 

[HaYoOoMa]

بنااات خذيييتلي جنطه تهبببل حق السفر ههههههههه زوجي يهاوشني يقول تبين تلفتين الانظار
قلتله شنووو مشتهيتهااااااااا

من حووش السالميه ب 10 صناعتها زينه حتى خامتها
بني منقطه بوردي فاتح وفيها فيونكات تهببل

وفي جناط ذرربه اشكالهمم تايقر وهالسواالف

 

[sunshine22]

لي سافرت اقولج
مع زوجي صعب أشم ريحت أوروبا