ياليت تسمعوني ..

[توفيms]

السلام عليكم ورحمة الله وبركاته
بقول مشكلتي من البدايه وياليت تعطوني رايكم
انا تزوجت قبل كم شهر ,, ومن الحين في بيت اهلي مشاكل من ثاني يوم زواج
مشكلة اللي اخذته تفكيره مره غير عن تفكيري ومافيه اي انسجام
مافيه تكافئ لا في دراسه ولا عقليه ولا شي
انا انجنيت منه وفوق هذا مهووس بالحمل ,, يعني كله همه وهدفه اني احمل وبس
انا قررت اني اتركه , وانهي حياتي معه قبل لا ارتبط معه باطفال
انا للحين بالجامعه واحب اخلصها وابي يكون لي حياه عمليه ناجحه بعكس تفكيره يبيني ربة منزل وبس ,, انا اعرف بتقولون كيف ماعرفتي كل هذا عنه قبل الزواج ,, بس انا ما كلمته قبل الزواج ابد ,, وكانت مدة الخطبه قصيره تزوجنا بسرعه
وجد حياتي منعفسه انا قررت الطلاق بس اشوف اني ابغى رآي غير رايي وراي اهلي
واهلي معطيني حرية الاختيار ...
هل تشوفون من حقي اطلب الطلاق بمجرد اني اعرف نفسي مقدر اعيش مع هذا الشخص لطول العمر .. اعرف نفسي مقدر اتكيف على طريقته وطريقة بيئته واهله ..
اقصرها من البدايه يعني !
واسفه عالاطاله ...:eh_s(17):
​

 

[نفهمها صح]

صلي
قبل اي شي استخاره وبعديين جلسي فتره عند اهلج وشووفي
تبيين ترجعيين رجعي له بعد متشووفين الاسباب اللي خلتج تاخذين المووقف
وشووفي اخلاقه انتي متكلمتي عنها يصلي ولا مكشفتي شي عن شخصيته ولا نقطة الخلاف بينكم غير
المستووي دراسي وشي طبيعي كل عايله تختلف عن ثانيه
انتي هدي الوضع الحيين وشووفي ولا تفكريين بشي الا لين تهديين​

 

[Killer^Girl]

اذا انتي شايفه ان هذا الي تبينه
وموقادره تنسجمين معاه
تطلقي قبل لاتييبين عيال
لان الطلاق الحين اسهل

 

[*ريما*]

جلسي معاه جلسة اخيرة وتفاهمي يمكن يتفهم
موفقة

 

[tbola]

عسا ان تكرهو شيئا فهو خيرا لكم تعوذي من بليس لا يلعب اب عقلج اشيطان وانشالله انتي راح تغيرين زوجج مع الايام تحمليه شوي انتو توكم مزوجين

 

[فلنتينو]

انا اشووف حراام تطلبين الطلاق على هالاشياء وكل الريايل مهوسيين بالحمل او اغلبيتهم
فكرري واستخيري

 

[باربية الكوووويت]

شهادتج وكيانج اهم

لا يقص عليج ويحطج بالبيت نفس التمثال وايبلج كوكش يهال ويقولج ربي ذيك السعه كسر طموحج وهدم دراستج وعساه يطلع زين ويصون ومايخون راييل هلوقت ماتملي عينهم الا التراب

 

[عاشقة هواك]

اذا انتي شايفه ان هذا الي تبينه
وموقادره تنسجمين معاه
تطلقي قبل لاتييبين عيال
لان الطلاق الحين اسهل

موفقه والله يعوضج بالي احسن منه

 

[Sweetq8]

اشلون عرفتي من ثاني يوم زواج انكم ماتناسبون بعض ؟؟؟

امممممم زواجكم تقليدي

مادري شنو اقولج الله يوفقج و يدلج ع الي فيه راحتج وبس

 

[الفيروزيه]

ماانصحج بالطلااق كللش​

حمدي ربج الرجال اللي اخذتيه موسكير ولا مدمن ولاا يطقج
مشكلتج هي ان تفكيرج مومثله؟؟ولاا بينكم شي مشترك؟
حيااتي تعوذي من الشيطااان والزوااج يبييله وقت عشاان تتاقلمون مع بعض وحتى لو مومثل تفكيرج كل شي بيتغير مع الشهوور والسنييين ....يااكثر اللي بلييله عرسهم يحنوون علا الحمااله كان صاارله سنيين ...انتي قلتيها شهوور صارلكم متزوجين اصبري .....والله يفرج همج .....تقبلي مرووري اختج الفيروزيه​

 

[iLLuMinaTion]

الله يهديكم

 

[اسراب الطيور]

قبل كل الشي اكيد كل زوج هو او غير يحب ان يكون عنده عيال (اتفقنا)اعرف بنات ماودهم يجيبون عيال وبعدين قامت تتعالج تتمنى تنجب
رقم 2بالنسبه انه يبيك ربه منزل المفروض انك من البدايه اشترطتي قبل الزواج انك بتكملين دراستك وبتشتغلين طبعا هذي شروط تنقال وقت الخطبه بغض النظرانك كلمتيه اولا يكفي ان اهلك يطرحون شروطك قبل الزواج عليه وتكون مقرونه بموافقتك علشان ما تكون مشاكل
ثالثا شنهي الاشياء اللي حسيتي ان تفكيرك ما يتناسب ويا تفكيره يمكن نساعدك
مع انك ما كلمتيه في الخطبه ومن ثاني يوم صارت المشاكل اتوقع ما تقدرين تحكمين على تفكيره بها السرعه
بقول لك شي اعرف واحد اشترط قبل الزواج في الخطبه على خطيبته ما تكمل دراسه وبعدين بشطارتها اقنعته مع انها وافقت على شرطه
بعدين اهم شي الاسلوب الحلو يغير راي الريال لا تتشنجين وياه تراه بيصر على رايه خليه يتمسك فيك وبتشوفين انه ما يقر يرد لك طلب انشاء الله

 

[توفيms]

انا صليت واستخرت وكل ماجيت اتكلم معه راسه يابس مايقتنع بأي شي اقوله .. ويشوفني انسانه سطحيه وتافه تفكيري ورغبتي بالدراسه والوظيفه ,, وطريقة لبسي وطريقة حياتي .. واللي يقولون يتغير .. هذا ماخذ فكره ان الحرمه يهينها زوجها يتكلم عليها ما تقول شي ,, والزواج كان تقليدي ايه ,, يعني تكلمت امه وقالت وقالت وسألنا ناس بالاخير اكتشفنا انها منهم ,, يعني ماراح يذمون ولدهم ,, وانا توني صغيره وهو اكبر مني ب 11 سنه ,, وله زواج قبل وعنده عيال ,, وغير هذا انا مستحيل اعيش حياتهم الحرمه عندهم مالها كلمه ولا راي ولاشي .. انصدمت بهالشي وربي لو كنت اعرف كان من اول رفضت ,, لكن انا اقول انه نصيب ولا راح اعترض واقول لو ولو ..

 

[توفيms]

شرطت ومكتوب بالعقد دراستي ووظيفتي .. وهو قال موافق .. ولما تزوجنا قال انا اصلا مو مقتنع بالدراسه بس وافقت عشان ماترفضين .. بالاخير ابوي قال دراستها ماتمنعها لو ايش .. وانا اداوم عادي بس يعني اذا هو تفكيره مستحيل يساعدني بالدراسه ويشجعني .. ما ابغى كذا انا .. جد مقهوره

 

[اسراب الطيور]

يعني راح يرضى انك تدرسين اولا

 

[توفيms]

ايه اقولك ماقال لا بس احيان يمنعني ارووح محاظراتي .. من باب التنكيد علي عشان يعرف اني احب دراستي ..

 

[عاشقة هواك]

شرطت ومكتوب بالعقد دراستي ووظيفتي .. وهو قال موافق .. ولما تزوجنا قال انا اصلا مو مقتنع بالدراسه بس وافقت عشان ماترفضين .. بالاخير ابوي قال دراستها ماتمنعها لو ايش .. وانا اداوم عادي بس يعني اذا هو تفكيره مستحيل يساعدني بالدراسه ويشجعني .. ما ابغى كذا انا .. جد مقهوره

ترى انتي الي صح هذا مدام تفكيره جذي المره ما تشتغل ومكانها بالبيت اسمحيلي نصيحه من الحين وخري احسن انا رفيجتي جذي تزوجت زواج تقليدي وبالاخير ما كان يرضى اتكلم دراستها
وافقت وتخيلي سنتين وقفت قيدها اشوه انها ما سحبت اوراقها من الجامعه ويوم احملت منه ويابت
له بنت اخر شي طلقها قال مابيج ابي بنت عمي

 

[توفيms]

ايه راضي لان ابوي قاله وواجهه بعد ماصارت المشكله على روحتي للجامعه

 

[توفيms]

ترى انتي الي صح هذا مدام تفكيره جذي المره ما تشتغل ومكانها بالبيت اسمحيلي نصيحه من الحين وخري احسن انا رفيجتي جذي تزوجت زواج تقليدي وبالاخير ما كان يرضى اتكلم دراستها
وافقت وتخيلي سنتين وقفت قيدها اشوه انها ما سحبت اوراقها من الجامعه ويوم احملت منه ويابت
له بنت اخر شي طلقها قال مابيج ابي بنت عمي

هذا اللي انا خايفه منه ,, اخاف يرجع لزوجته ام عياله اللي تقرب لهم ,, ونفس طريقتهم واسلوبهم ...او حتى يمكن مايرجع لها ياخذ وحده ثانيه علي .. تعرفين اذا انا ماجيت على اللي يبيه يبي يحط علي وحده ينقال تأديب .. هذا طريقتهم واشوف اخوانه كيف مستحقرين مو حاطين اعتبار لزوجاتهم .. كيف بيصير هو غير عنهم

 

[يارب احفظ عيالي]

نصيحه يا اختي من كلللللللللللللللللللللللللللللل قلبي لاااااااااااااااااا لاااااااااااااااا تتركين الدراسه عشان انسان تافه وسطحي مثل ذي والحين يا اما يتعهد انه يتركج تكملين الدراسه او كل واحد من طريج لان الحيااااااه صعبه والشهاده وااااااااااااايد مهمه في هالزمن وشكله اهو يبيج تحملين عشان يكون عنده عذر انج ما تكملين اختي انتي الحين اجلي فكره الحمل وكملي الدراسه بعدين لكل حادث حديث اذا شاريج بيوافق على الوظيفه واذا بايعج في الطقااااااااااااااااااااااق بتكون عندج شهادتج اللي ابد ماتخونج ،،،،،،،،،،،،،،،والله يوفقج ويسعدج