السلام عليكم ورحمة الله وبركاته ...
بنات وزارة المالية الله لا يهينكم ممكن تساعدوني وتفيدوني ...
انا بصراحه طلع إسمي من ضمن المقبولين بالدفعه الأخيره بالديوان
والحمدالله طلع قبولي بوزارة المالية وانا شهادتي إعلام من جامعة الكويت ...
فرحت وديت أوراقي يوم الأثنين اللي طاف بتاريخ 16-5 مثل ماطلبوا منا ....
عبيت طلب التوظيف وعطيتهم شهادات الدورات اللي ماخذتهم من قبل إحتياط ...
وشفت البنات اللي بهالمنتدى دقوا عليهم وسوا مقابلات لهم ...
على الرغم من إن موظف الشؤون الإدارية قالي مافي مقابلات لأنكم وايد اللي
انقبلتوا ...
عموما انا رحت اليوم أشوف شالسالفه ليش محد دق ...
وانا بصراحه متوقعه يحطوني بإدارة الضيافة والمؤتمرات كباحث إعلامي مبتدئ بحكم تخصصي ...
بس لما رحت وسألت موظفه ثانيه قالت بأن حطوني بإدارة نزع الملكية لأجل المنفعه العامة اللي مكانها بره مجمع الوزارات بنفس المسمى باحث إعلامي مبتدئ ...
شرايكم بهالإدارة زينه ولا لأ وشنو تفرق عن إدارة الضيافة والمؤتمرات ...
وهل نفس المعاش والبونص ولا لأ؟
وجم المعاش أصلا للباحث الإعلامي المبتدئ؟
وممكن تشرحولي شنو البونص؟
وشنو في مميزات ثانيه بالماليه تميزهم عن باجي الوزارات؟
وانا عموما مو متحبطه عادي بالعكس بس لما شفت الإسم حسيته يخرع نزع الملكية للمنفعه العامة ...
ومثلا هل أقدر أنقل بالمستقبل إذا ما رتحت بهالإدارة ...
وسلامتكم ... :eh_s(7):
