تبين تضعفين؟بدون حرمان؟ولا تعب؟وتاكلين الي تبين؟ وما يرد وزنج؟ تعالي أبيج شوي =)

[طـفولية]

بسم الله الرحمن الرحيم ..
والصلاة والسلام على خاتم النبيين وآله وصحبه ومن واله إلى يوم الدين ..​

السلام عليكم ورحمة الله وبركاته ..​

حياكم خواتي الغاليات على قلبي بنات ديرتي بمنتداي الحبيب " كويتيات " :hjy5jewf:​

يمكن تقولون .. شنو تبين منا طفولية .. شنو موضوعج ؟ ​

موضوعي حق كل وحدة عندها " ارادة " وخاطرها تنزل من وزنها سواء كان وزنها كبير او متوسط ..
وإلي دفعني حق كتابة هالموضوع المواضيع الغريبة العجيبة والتجمعات الي اشوفها ..
(( كلامي ما اقصد فيه أحد بعينه لأني ما اذكر اسماء عضوات ما علق بمخي إلا عناوين ومواضيع قريتها )) ..​

العموم يبي :
- نزول سريع يصل إلى 3 و 4 كيلو بالاسبوع بــ " أقل مجهود "
- بدون رياضة او مجهود بدني
- بدون ترهلات او علامات
- بدون جوع !!​

وعشان جذي انتشرت انظمة غريييبة عجيبة !!​

- نظام الكورن فلكس " طول اليوم تاكل كورن فلكس !! "
- نظام الوجبة الوحدة
- نظام النوع الواحد " سواء فاكهة بس .. او عصاير بس .. او شوربة بس "
- والنظام الي حدي اكرهه ومحد مستوعب خطورته " نظام اتكنز " او " نظام دشتي " !!​

وأنا متأأأأأأكدة إن أغلب اذا مو كل الي يتبعون هالانظمة الخاطئة .. وحدة من الثنتين اما يملووون ويتركون الرجيم ويتكيسلووون .. او انهم يضعفووون وبعد فتتترة بسيطة او طويلة .. يردون وزنهم الدببببل !!​

محد سأل ليش ؟!!​

الجواب بسهولة لأنج ما اخترتي النظام الصح من البداية ..​

لازم تعرفين ان الجسم محتاج كل أنواع الغذاء وعلى راسها الكربوهيدرات إلى وايد انظمة تبي تنفيها وأبرزها دشتي ..​

أدري انكم ما تحبون كثرة الكلام ..
وهم أدري تبون شي عملي ..
وهم أدري مالكم خلق كلام معقد ..
بموضوعي هذا راح اذكرلكم ان شاء الله النظام الصحيح الي تقدرين تستمرين عليه ..​

وعشان احفزكم أكثر ..​

قولوا ما شاء الله أول ..
أنا نزلت عليه 10 كيلو .. وبالنسبة لي مو هذا الانجاز ..​

الانجاز الاكبر .. اني تبارك الرحمن كملت سنة كاملة .. وأنا محافظة على هالنزول ..​

وبكل معنى الكلمة آآكل كللللللللللل شي .. كل شي !
عيش ومرق ومجابيس وماك وككاو كل يوم ..​

بشوف تفاعلكم معاي .. وبكملكم ان شاء الله :*​

 

[أحلى عيون]

عساج على القوه حبوبه


يالله ننتظر التكمله

 

[توفى الحلى دوبى]

وووووووووووووووووووووييييييينننننننننننننننننننننننننننجججججججججججججججججججج

 

[ام نيوفي]

كملي حبوبه
ناطرينج​

 

[فواصل]

انطر التكملة

 

[last-moon]

كملي شوقتيني انا مسافرة ومابقي شي ماكليتة
وابي اضعف

 

[زهره الجلنار]

كملي ناطرينج

 

[سكارلت]

عاد انا قبل عصله ومو مبين فيني الا عظيماتي والكل يقولي لازم تاكلين
ومع الأسف كنت خبلة وسمعت كلامهم وصرت استخدم حبوب وادوية وفاتح للشهية
عشان امتن.وطبعاً زاد وزني 10 كيلو بس جسمي صار يلوع الجبد واغلب سمنتي بالفخوذ
وطلع لي كرش لأني كنت اشرب سوائل مع الأكل عشان اقدر اخذ ادوية زيادة الوزن بنص الأكل

بصراحة شي يجيب المرض ويلهد الجبد خخخخخخخخخخ
ياليتني ماسمعت كلامهم نصيحة يابنات مافي ازين من الرشاقة
ولا تسمعون كلام احد وماعليكم من اللي يقولكم امتنوا.والله ان ماعندهم
ماعند جدتي الله يرحمها:eh_s(16):

قررت اني ارجع لوزني السابق وماعلي من كلام الناس

 

[كيكه توفي]

كملي

 

[احلى من القمر]

ويييييييييييييييييييييييييييييييينج

 

[طـفولية]

فديتكم كل الي ردوا ..
كا التتمة يايتكم ان شاء الله :*

 

[فتاة حالمة]

هلا وغلا فينك منتظرين بفارغ الصبر

 

[طـفولية]

عُدنا والعودُ أحمدُ.. (( السموحة تأخرت انشغلت مع الوالد والوالدة :eh_s(22)) ..​

بقولكم قصتي باختصار الي بنستنتج منها نظامنا ان شاء الله ..​

مثلي مثل وآآآآآيد ناس اشتركوا أو خاطرهم يشتركون بشركات التغذية ( دايت كير , دايت سنتر , هيلث كومباني , لوفات ) وغيرها ..​

سؤال .. ليش اقبال الناس عليها رغم سعرها المرتفع ؟!​

- لأن ما نعرف شنو ناكل
- لأن مالنا خلق نفكر شنو ناكل
- لأن مالنا خلق نسوي لنا أكل ​

والسبب الرئيسي : أكلهم لذيييييييذ قليل السعرات الحرارية .. ومتنوع .. وصحي ..​

انا من الناس إلى دفعوا وايد فلوس على دايت كير .. بس كنت ما انتظم .. لأن مو معقوله بعيش طول عمري على الصناديق ..( ترى كنت أشتري من فروعهم للعلم مو مشتركة )​

دايت كير واخوانه يعتمد على شنو ؟!​

أولا : يعتمد على السعرات الحرارية المناسبة لكل فرد ​

عشان جذي من الغلط ان بنت وزنها 60 تشوف رجيم متروس أكل بقسم الاغذية على اساس ان وحدة رايحة دكتور معروف .. ويمكن هلَي منزلة النظام وزنها 100 وتقول ضعفت عليه 5 او 10 كيلو .. وانتي يا أم الـ (60) كيلو ما راح ينزل وزنج ويمكن يزيد !!​

وكل وحدة تقدر تحسب السعرات الي تحتاجها وعمنا قوقل ما يقصر ..​

ثانيا : تعدد الوجبات ​

النظام الكامل يكون عبارة عن سعرات حرارية تقسمت على 5 وجبات ..
3 وجبات رئيسية + وجبتين سناك ..​

وهذا رد واضح على إلي تقول انا راح ألغي وجبه .. أو وجبة وحدة باليوم .. , 5 وجبات أفيد طريقة لأن:
- معدل الحرق يزيد و معدتج على طول شغالة عكس إلي تاكل وجبة وحدة باليوم او وجبتين والجسم يخزن لان صارت عنده حالة استنفار عباله مجاعه !!​

- في احساس بالشبع رغم إن الكميات قليلة عكس إلي ياكل 3 وجبات او اقل .. ينطر الوجبة يفش فيها غله ويكثر او ما يشبع !!​

ثالثا : تنوع الوجبات ​

وهذا الشي مردودة حيييييل حلو .. والناس تدفع عشان هالشي !!​

- فواكه , باستات , عيش , سلطة , سويتات وهذا يفيد في كسر الروتين والملل إلي يصير دائما بالرجيم ..​

- السلطة والشوربة تشبع .. وعلى ما تدخلين على الوجبة الرئيسية إلا بطنج فللل ..​

- السويتات وتنوعها .. وعلى فكرة سويت كل يوم وما يزيد عن " 200 " سعرة .. ​

من هني يت فكرة نظامي !!​

- قمت أعد السعرات الحرارية , بالبداية كان شي غريب علي بس مع الوقت تعووودت وصار شي بديهي وحفظت كل شي شنو فيه وشنو ما فيه ..​

- وجباتي صاروا 5 وجبات خفاااف ..​

- وجباتي متنوعة " اكل عيش 6 قفشات وقطعة ايدام " مثل ما اهما يحطون بوجباتهم , أسوي سلطة والصوص أنا اسويه , يوميا كنت آكل قطعة إلى قطعتين ككاو وأختار إلي ما يتعدى 200 كالوري ..​

- الرياضة مهمممممممة .. تعودت على تمارين كروز .. ومشي نص ساعة .. إلى ساعة يوميااا ..​

لا تقولون مالي خلق ما عندي وقت ..
اذا أنا كنت فاضية أدخل المطبخ وأسوي الأكل بنفسي .. وسهلللل ما ياخذ ربع ساعة !!​

المسألة مو صعبة .. اختيار لا أكثر ..
واذا مشتهية أغير عادي آخذ وجبة من دايت كير حق الغدا كنوع من التغير مو اعتماداً عليهم​

شديت حييييلي .. وقطيت 10 كيلوات .. والله بنات ولا مرة حسيت بحرمان ..​

ويوم الجمعة غدا ببيت يدتي مفتووووح آكل إلي أبيه ..​

ونسيت أقوكم من أهم النقاط إني كنت أوقف أكل مبجررر .. عالسبع خلاااص .. واذا مثقلة ومخربطة .. أخليها على ال5 عقاب لي ..​

بنآت فكروا عدل هالنظام اهوا شفرة الجسم ..
الأكل عبارة عن سعرات حرارية ..
والجسم عبارة عن أجهزة تحتاج عدد معين من هالسعرات ..
ان زدتي هالسعرات زاد وزنج ..
وان نقصتي هالسعرات نزل وزنج ..
وان كليتي الي يحتاجه جسمج ثبت وزنج ..​

اذا عرفتي تتعاملين مع جسمج .. وثقفتي نفسج .. ووازنتي حياتج .. واخترتي ان يكون اسلوب حياتج ..​

صدقيني راح ترتاااااااحين ..​

آسفة اذا كثرت عليكم بالحجي بس أبيلكم الفايدة .. وأي سؤال حول نظام السعرات من عيوني هذي قبل هذي ..
وأي استفسار أنا حاضرة .. :**​

 

[el7ob Klah]

ماشاءالله عليج صح السانج عدل كل الي قلتيه
حتى الدكاتره كلهم يعطونا 5 وجبات خفيفه
لان الجسم اذا ما حصل 1200 سعره يوميه
الجهاز الهضمي ماراح يشتغل عشان يحرق
واذا عندج سناك خفيفه مثل تفاحه او خستين
راح يخفف يوعج على ما يوصل وقت الغدا او العشا
كل الي قلتيه صحيح والحرمان عمره ما كان رجيم لانه يخرب الجهاز الهضمي
على سبيل المثال عندج سياره كله سافطه عند البيت ما تشغلينها الا مره بالاسبوع
تعتقدين ماراح تخترب من كثر الوقفه ؟ امبلا راح تخترب << هذا حال الجهاز الهضمي وقت حرمان الاكل
مشكوره على الموضوع الرووووعه مثلج حبيبتي

 

[مآيشبهوني]

يسسسلم يمينج



لآ‘هنتي

 

[عاشقهH]

يعيطيج العافيه بس اتوقع ريجيمج بجميع بين ريجيم النقاط والسعرات الحرارية

 

[گـحِـلْ |~]

.

يسلمووؤ

.

 

[طـفولية]

ماشاءالله عليج صح السانج عدل كل الي قلتيه
حتى الدكاتره كلهم يعطونا 5 وجبات خفيفه
لان الجسم اذا ما حصل 1200 سعره يوميه
الجهاز الهضمي ماراح يشتغل عشان يحرق
واذا عندج سناك خفيفه مثل تفاحه او خستين
راح يخفف يوعج على ما يوصل وقت الغدا او العشا
كل الي قلتيه صحيح والحرمان عمره ما كان رجيم لانه يخرب الجهاز الهضمي
على سبيل المثال عندج سياره كله سافطه عند البيت ما تشغلينها الا مره بالاسبوع
تعتقدين ماراح تخترب من كثر الوقفه ؟ امبلا راح تخترب << هذا حال الجهاز الهضمي وقت حرمان الاكل
مشكوره على الموضوع الرووووعه مثلج حبيبتي

حبيبة قلبي ..
مرورج الروعة .. والحمد لله ان موضوعي عجبج :**​

 

[طـفولية]

يسسسلم يمينج



لآ‘هنتي

الله يسلمج حبيبتي :**​

 

[طـفولية]

يعيطيج العافيه بس اتوقع ريجيمج بجميع بين ريجيم النقاط والسعرات الحرارية

الله يعافيج وبيت مكة يوديج ومن ماي زمزم يسقيج

انا اتبعت السعرات الحرارية + عادات وأكل صحي ..
اذا كان رجيم النقاط نفس رجيمي حياه الله .. المهم نفس الي قلته :eh_s(15):